متى موعد تسجيل المواد جننونا!!

[غربـة روح]

السلام،، عليكم ورحمة الله وبركاتهـ،،
كيفكمـ،، ياحريمــ،، مايحتاج أكييد شفتوا الحوسة حقت يوم السبت شي بصراحه يقرف ولا حوستنا اللي مالها داعي محد معطينا وجه ـ،، يعني وربي حرامـ،، عليهم مو كأننا أوادم محد محترمنا يسكتونا بكلمتين الظاهر حسبي الله عليهمـ،،
المهم موضوعي هو عن الجدول عطوني الجدول ورقم المجموعه وقالوا لي سجلي وجيبي التاكيد بوم الاثنين يوم جيت اسجل على الموقع كتب لي لايسمح بالتسجيل؟؟؟؟لان موعدنا احنا بنات كلية الاداب دفعه 2010 بتاريخ 17 يعني يوم الثلاثاء فقلت عشان أتاكد أكثر بداوم اليوم وهو الاحد وليتني مادااومت لاني يوم رحت أتفاهم مع اللي عطتني الجدول تقول لي الموقع زجمة قلت لها ادري بس اخوي على الزحمة سجل موادهـ، وأنا يكتب لي لايسمح بالتسجيل وكاتب لي تاريخ وهي بكل برودتقول لا ادخلي اخر الليل ولا الفجر وسجلي وترى آخر يوم للتأكيد يوم الاربعاء
اللي ابي افهمهـ،، تسجيل المواد لكليتنا المحترمه متى؟؟ الادارة مايحتاج عليهم فهاوة وكل الليداوموا شافوا هالشئ بس اللي ابي اعرفه من صح موقع الجامعه ولا إدارتنا
ادري اني طولت بس ياليت احد يرد علي وياليت لو يحطون لنامكان للشكاوي وربي هالمكان هو نفسه بيشتكي منهمـ،،:011:

[آلجـــوري]

هلااااااا خيتو

احنا صبايا مو حريم :cheese:

المهم انا رحت يوم السبت وربي مادريت عن هالحاله ماتوقعت بهالصوره لانظام ولا اي شي عدل

والله ماني عارفه حتى وش اقول انذهلت صراحه

والاعظم اني ماشفت اسمي وكلما اسأل وحده تدلني على وحده ثانيه وهذي شغلتي بس

صار لي اكثر من ساعه وانا بس راكبه ونازله متابعتهم ولااستفدت شي منهم كلهم موعارفين شيقولون اصلا

وحده جيت بسألها عصبت فيني:000: الاهي تقول اطلعو براااا خلاص شفتو اسماءكم اجلسو ماشفتوهم

روحو نامو ببيتكم من جد يعني هذا كلام :017:

وبالنسبه للجدول والتسجيل خيه انا كمان مثل حالتك كلما ادخل مايرضى يسجل يقلو بعض البنات انه

مابيفتحو الموقع الايوم الاربعاء والله اعلم

وداني خايفه يروح علي شي مااسويه:bawling:

الله يوفقنا يارب

[طالبه تاريخيه]

طيب بنات احنا دفعه2009 متى تسجيلنا ؟؟؟

[صـمـت الـمـشاعر]

بنااااااااات الاداب وانابعد مستجده زيكم ولقيت اسمي بقسم الجغرافيا المشرفه عطتني الورقه اللي فيها تعليمات البانر وقالت الجدول تلقونه بالموقع طبعا لقيته ولقيت كل قسم موزعينه على 6 مجموعات ماني عارفه وش اختار اي مجموعه؟؟ وقالت لي بعد سوي جدولك ولا عاد تجين الكليه الا يوم السبت الجاي وربي ضااااااااااااايعه مدري وش السالفه والجدول مكتوب عندي مايفتح الا تاريخ 17 شوال.. وش نسووووووووي بنااااات

[آلجـــوري]

بناااااااات انا بيشيب راسيييييي

ياليتني بالثانويه :Cry111:

وش هالكليه الي مافيها نظام

وحنا سنه اولى المفروض يفهمونا كل شي

مي حاله دي

[صدمتني]

ماعليكم الكل بيسجل حتى احنا سنه ثاني قالو سجلو وبعد نفسكم مايرضى يسجل
هم كذا ماعندهم سالفه :hahahahahah:
بس عليكم الصبر هي الكليه وهي مصايبها:000:

[super]

هلا فيكم

التسجيل راح يبدأ يوم الاربعاء 18/10 ان شاء الله الى يوم السبت

وكل تقريباً 22 طالبة وضعت لهم الكلية مشرفة اكاديمية تحل مشاكلهم

يعني كل وحده تعرف المشرفة وتمتحنها بالاسئلة وتراجع معها الجدول

وان شاء الله كل الامور بتزين .. وتذكروا (ان الصبر مفتاح الفرج)

في كل الامور ماهو في الكلية بسسس

وبالتوفيق يارب

[رحلة عمر]

:cheese:
تعودوا عادي هذا اسلوب الكلية:hahahahahah: مافي شي جديد

[caramel]

انا سنه ثانيه انتساب مارحت الكليه ولااخذت الجدول لان مكتوب بالبانر بيفتح تاريخ 22 الى 24 وانتوا مكتوب عندكم مثلي؟؟؟؟؟؟؟

[ma t32dwny]

قسم بالله قهر ماندري وش نسوي بهالكليه اسلوب زفت ومعامله بزارين هذي كليه ؟؟

[ZoOom]

كليه فاشله بقوه
لا نظام 8ولا اداريات سنعات
الحمدلله والشكر
الله يعيننا على مصخرتهمـ

الحين بنات انا سنه ثانيه متى اسجل جدولي
تاريخ 18و ولا 23

[طالبه العلم]

بناات انا سمعتهم يقولوون المستجداات بتااريخ 18 حتى باالخطه مكتووب

[حلم طفلهـ]

لا يسمح لك بالتسجيل في هذا الوقت التسجيل.

:017:
الى متى ؟؟؟؟؟

[سويت [ أيودي ]]

هذي الحوسة صارت لي ..

اخاف لو ما وديته يوم الأربعاء يكون راح علي الوقت وفاتني كل شي ..

وش السواة ألحين !!

[دلع_الروح]

بنات والله العظيم كل شوي لهم كلمه


شوفو بالخطه مكتوب كذا


البداية: يوم الأربعاء 18/10/1430 هـ الموافق 7/10/2009 ( 6 مساء)


كيف بداية التسجيل كذا؟؟؟؟؟:mh19:

وهم يقولون ان حنا لازم نجيب لهم التأكيد في هاليوم

يعني هم اغبياء ولا يستغبون مثلا:017:

والله انواع الأستهبال عندهم


اللهم لك الحمد بس :hahahahahah:

[طالبة آداب]

ماعليكم منهم ورقة
التسجيل متى ماحبيتوا تودوها ودوها

عاادي
وإذا ماوديتوه بيجوكم بعدين في المحاضرات وبيطلبوه منكم << ذي حالتي السنه إلي فاتت

[غربـة روح]

يعني كلكم؟؟ـ،، مثلي طيب الي فهمته انو هذا نظامهمـ،، حشا والله وكل قسم له كلامـ،، إدارة بمعنى الفشل وبالنسبة للي تقول حطو لنا مشرفة نسألهم وهيك ابلغك حبيبتي هذولا ماشفناهمـ،، واللي شفناهم ماعندهمـ، كلامـ،، ثابت لايودي ولا يجيب وبالنسبة لي بعد ماقريت ردودكمـ، بالطقاق اللي يطقهم يقول لي آخر يوم الاربعا وانا مافتح معي التسجيل يعني متى مافتح وديته امحق ادارة وربي<<<:017:
انا ماادري هم ليش داوموا اول اسبوع بدون فايدخـ، لان المفروض يوم السبت يكون كل شي جاهز بس لللاسف مافي ولا اي تنظيمـ،، وماعندهمــ، الا كلمة ماندري :o3:

[سويت [ أيودي ]]

توني حاولت اسجل كتب لي ان التسجيل يبدا تاريخ 17/10 ..

الساعة 6 مساء ..

اصلا هم المسؤولات و السكرتيرات ما يدرون وش الطبخة ..

لاني يوم رحت اخذ الاوراق قالت لي المسؤولة سجلي اليوم و جيبيها بكره ..

قلت لها التسجيل على البانر يبدا تاريخ 17 ..

قالت : معقوووول !! و متىآ يخلص !!

شفتوا شلون ما يدرون وين الله قاطهم ؟؟

[آلجـــوري]

بنات التسجيل يبدأ يوم الاربعاء

وينتهي يوم السبت

توي سامعه

واذا بتابعوهم ماينعرف لهم الحق من الباطل

الله يعينا بس

[حـنـيـن]

لا تسألون عن شي اصلا هم مايدرون ولا يدرون وين ربي حاطهم ,, ولا يسون انفسهم مايدرون مدري صراحه
حنا نعرف اكثر منهم

انا اللي عطتني اللي الأوراق سألتها متى اسجل ؟ قالت لي مدري شوفي مكتوب عندك بالورقه اقريها كلها

[الفجر البعيد]

وشوله مخلين الموظفات الى الان؟؟

اسلوبهم كانهم ****** تعوف نفسك وانتي تطلبين او تسالين

كانك تطلبينهم 7ملايين ريال

خلاص اللي نفسها شينه وماتبي احد يسالها***** بكرامتها ناس غيرهم اولى بالمكان وبامسؤوليه

انا قديمه بهالكليه بس تعودت

الله يعيييييين احنا زمن بسميه((( ازمة اخـــــــــــلاآق))

[4ooo8_4ever]

حبيبتي لاترفعييين ضغطك هذاا هي الكليه من عرفتهآ
طنششي ,,, كلنآ طلع لنآ نفسس شيّ
وحتى لو قفلووهـ الربوووع راح يفتحوونهـ السسبت
كل سسنه يسون نفسس السالفهـ
ماعليك :119:
بردي على قلبك

[تـوتي فروتي]

آنا قالووا لي التسجيل ما يبدأ الا الاربعاء؟؟؟:s12:

[كـيان]

يابنـــات


التسجيل ..لدفعهـ 2010...يبدا الاربعاء ..تاريخ 18..الساعهـ 6 المغرب...

اذا ضبط التسجيل معك ...ولا طلع لك ان الشعب ممتلئهـ او حتى اي غلط بالتسجيل...

خــلاص تسجيلك كذا تمام...

وانتي اطبعي الجدول اللي بيطلع لك بعد ماكتبتي ارقام الـ crn

وعطيهم يوم السبت عند المرشدهـ الخاصهـ فيك..


....

موفقات جميعاً..

....

كـيان

:119:

[أملي كبييير]

بلييييييييييييييز الطالبات المستجدات متى يكون تثبيت جدولهم لاني استلمت الجدول وما عرفت
ا:o3:يش اسوي

[CHERRY BOMB]

من جد حوسه!!!!!
انا يوم سألت قالوا السبت وبعضهم قالوا الاثنين
وعلى كلام د.فائقه فهو يوم الاثنين تاريخ 23
وعلى فكره...............
هاذي السنه كل بنت تتحمل أخطائها :017:

[بنوته غير]

اخواتي

انا طالبه مستجده >>>2010

رحت يوم السبت وخذت الجدول من المرشده تبع قسم الانجليزي

وقالت لي اخرموعدلاحضاربطاقه تأكيد التسجيليوم الاربعاء يعني بكره

بصراحه انا راسي عورني وماني عارفه شسوي

بلييييز اللي تعرف تفيدني جزاها الله الف خييير

بأي طريقه كانت:Cry111::s12::praying:

ولكم كل الشكررررر:119:

[حكاية عطر]

5"]وانا مثلك قالوا لي نفس الكلام بس وحده من صديقاتي تقول الي اخذت منها الجدول تقول التسجيل يفتح الاربعاء يعني اذا داومتي السبت لازم تكون ورقة تاكيد التسجيل معك واصلا النظام مش راضي يفتح
(انتي جربتي ؟؟؟[:mh19:/SIZE]

[كـيان]

بنات ..

بالعقل ...شلون تسجيلك يبدا الساعه 6 المغرب من يوم الاربعاء...والتسليم لازم الاربعاء..؟؟؟؟!!!


هذي وين تدخل بالمخ..؟؟؟؟


علشان كذا ماعليكم منهم ... هم كذا احيانا عليهم حركات ماادري من وين جايهـ..:000:


واذا قالت لك شي ..

قولي بكل بساطهـ التسجيل فتح المغرب من يوم الربعاء..مافي وقت اجيبهـ اللا السبت..

<<قمه الادب واللطافهـ..

وهي حتى لو رديت عليك قولي ان شاء اللهـ..

اهم شي تاخذ منك الجدول وبس...

....

موفقات..

....

كـيان

:119: