مشاهدة النسخة كاملة : نبي جواب اللحين وبسرعه لمتى بنتم كذا ؟؟؟؟؟
بيسوو
2009- 10- 14, 04:18 AM
يعطيكـ العافيه ام خمااس
لأن انا البريد ارسل ملفي لجامعة الخفجي بالغلط
ويوصل للكليه السبت ولا الاحد وانا خاايقه يسكر التسجيل ولسه ماااوصل الملف
مع اني مسجلة اكااديمياا بس قال مانقدر نعطيك جدول حتى يوووصل ملفك
وانا ايدي على قلبي..
ربي يسهل بس .....
holsten
2009- 10- 14, 04:26 AM
حسبي الله عليهم وعلى البريد الأحول
شوفي حتى حنا كلنا ملفاتنا في القطيف..
وماسكتنا اللي اشتكى في قسم الرجال واللي رسل لمديرهم ومسؤولهم
واللي واللي واللي
وبعدين قالوا لنا طبعو الورقه اللي فيها الرقم ألآكاديمي
وعطونا الجدول ..
حاولي انك تضغطين عليهم لاتخلينهم مثل ماسوو شلة ام خماس :hahahahahah:
بيسوو
2009- 10- 14, 04:28 AM
طبعت ووريتهم الرقم الاكااديمي
قالووا مانقدر حتى يوصل ملفك ...
وانا مسالمه ....
holsten
2009- 10- 14, 04:38 AM
لاحولا ولاقوة الا بالله
الله يعينك بس اكيد بيعطونك مجال الغلط منهم ومن بريدهم ألأحول :hahahahahah:
مو منك وأنا اختك عليك بالدعاء
بيسوو
2009- 10- 14, 04:41 AM
حسبي الله عليهم .....
والله اني بحاله نفسيه مايعلمها غير الله ..
بيسوو
2009- 10- 14, 04:42 AM
ام خمااس انتوا وين رحتوا اي استااذه شرحتولها الوضع
يمكن احااول اروح بعد شووي
holsten
2009- 10- 14, 04:53 AM
رحنا للغرفة التدقيق
وكلمنــا قسم الرجــال .. 8573960
وغرفة شؤون الطالبات اذا مقفله روحي اللي جنبها غرفة العميده
ورسلنا رساله للمدير
ورسلنا بعد للجريدة اليوم :hahahahahah:
بيسوو
2009- 10- 14, 04:56 AM
الله كل هذاااا
ماشاالله عليكم
يعطيكـ العااافيه ماقصرتي ..
holsten
2009- 10- 14, 05:02 AM
اي يالغلا ذا مستقبلنــا .. مانبيه يضيع عشان ملف ولا ورقه
الله يعينتس حنا خواتك شوفي وانا اختك رسلي ابوك والقبيله للقسم الرجال
لعلى وعسى يطلعون بفايده
holsten
2009- 10- 14, 01:41 PM
بناااات انا اليوم رحت الكليه وفعلا رتبوا ألأسامي :mh001:
وحنا شالونا من قسم جغرافيا وحطونا في الدراسات ..:mh001:
وخذنا الجدول .. :mh001:
وقالت البنر بيفتح الساعه 10 الجمعه صباحا ..:mh001:
ورحنا الكفتيريا اللي في كلية العلوم ..
كيف انا اقول لكم
تعطبن الأمن حق كلية العلوم اللي لبسهم بني ورقة البريد أو اللي عندها بطاقة دخول
ويعطونك ورقه يكتبون فيها اسمك وقسمك
ويكتبون الوقت اللي جيتي تاخذين منهم الورقه عشان يحسبون لك نص ساعه :hahahahahah:
بس شنو كلية العلوم تقولين مهجوره يبيلها ترميم من أول وجديد
وقسم رسمتها في بالي مثل البر اللي فيه اعشاب وفي الوسط كوخ :hahahahahah:
آلجـــوري
2009- 10- 14, 01:47 PM
ام خماس انتي شنو حرفك ؟؟
طيب وحرف ز بأي قسم صار ؟؟؟؟
واخذتي الجدول انتي ؟؟؟؟
holsten
2009- 10- 14, 01:51 PM
حرف ز بقسم الدراسات .. أي عندي الجدول اللي فيه 6 مجموعات اللي تسجلينه بالبنر
وجدول المحاضرات .. :119:
آلجـــوري
2009- 10- 14, 02:01 PM
صج يعني بصير معاك بقسم الدراسات
طيب انتي ماسجلتي بالبنر نهائيا ؟؟؟؟مثلي يعني
بنت حلوهـ
2009- 10- 14, 02:11 PM
بنات يمكن يصير فية توسيع شعب للي قالو لهم ان الشعبة مغلقة
holsten
2009- 10- 14, 02:12 PM
يب
خليييييييييك لازقه خشتك بالشاشه يوم الجمعه الساعه 10 الصباح
عشان تسجليييين بسرعه قبل لايقول شعب مغلقه
انا حاطه عيني على المجموعه الثانيه ..
holsten
2009- 10- 14, 02:15 PM
يابنت ياحلوه
يعني معقوله بيخلونكم كذا بدون حل .؟؟؟
والمشكله مشكلتهم نظامهم هم اللي أخترعوه بس مو معناته انهم يخترعون وحنا نروح فيها
لا طبعا
تطمني اكيد بيشوفون لكم حل ..
واذا ماسجل معك .. يوم السبت خليك اول وحده عنده غرفة الدكتوره عليا
عشان تنزل معك تحت وتشوف سالفته
بنت حلوهـ
2009- 10- 14, 02:24 PM
شوفي ام خماس
اهي اليوم قالت لي يا تتوسع الشعب او انك تحذفين جدولك وتسجلين في اي مجموعة ثانية
يعني ممكن ما اكون بالمجموعة الاولى
تقولي يبيلك تلعبين بالجدول عشان يضبط معاك
فهمتي قلبووو
holsten
2009- 10- 14, 02:35 PM
طيب حلو حلو ....
عندك أكثر من فرصه .. لزقي خشتك بالشاشه يوم الجمعه ماوصيك وانا اختك ..
آلجـــوري
2009- 10- 14, 02:36 PM
بنات فهموني الحين انا اسجل موادي بورقة الي عطوني وياها لقسم التاريخ
وانا يمكن تحولت لقسم دراسات ع حسب حرفي
يعني اذا سجلت بورقة قسم التاريخ حتكون محاضراتي معهم كيف كدا ؟؟؟
هااااااااا بنات فهموني
ندااااااااااااااااااااء ام خماس روحي لملفك الشخصي بسرعه
بنت حلوهـ
2009- 10- 14, 02:54 PM
الجوري حبيبتي
ماصار تغير بالاقسام انا اليوم مداومة وماقالت انة صار تغير
holsten
2009- 10- 14, 03:06 PM
بنت حلوه :017:
أنا اليوم داومت وصار ترتيب في الأسامي ...
وحولونا من جغرافيا الى دراسات
وعطونا الجدول وجدول المحاضرات بعد ..
جووووري أذا أنتي حرف ز يعني دراسات ,,, ووووينك اليوم انتظرتك تدقين بس مادقيتي :017:
وحذفي الرساله .. عشان رقمي فيها ..
ولا أنتظري يوم السبت وروحي تأكدي بنفسك:119:
آلجـــوري
2009- 10- 14, 03:16 PM
ام خماااس ماجلست من النوم الا 12 وربع
وشفت الرساله هالوقت عاد قلت استحي اكلمك :cheese: اي وحذفتها بعد تطمني
طيب رسلي لي ايميك وخلنا نتفاهم ونحل المشاكل الي فوق راسنا اووووف
طبعا اذا ممكن
holsten
2009- 10- 14, 03:49 PM
آآآآآآخخخخخخخخخخخ
طيب طيب أبشري وأنا أختك ...
فديتــHــــــك
2009- 10- 14, 04:56 PM
يالله سجلوا المجموعه الثانيه
عشان تصروا معاي
بحرف ( ز )
انتظركم >>>> قطة وجه
holsten
2009- 10- 14, 05:01 PM
آآآآخخخخخخخخخ
أنا اصلا من زمان نفسي في المجموعه الثانيه ...
اذا في مجال بسجل فيها
بنت حلوهـ
2009- 10- 14, 07:57 PM
ام خماس
يمكن عشان انا ترتيب اسمي أوكي مايبلة ترتيب جديد انا س والسين اصلاً في انجليزي عشان كذا ماصار عندي تعديل
والقسم كان هادي عندنا
غـداً يوم آخر
2009- 10- 16, 09:39 PM
بالتوفيق بنووووتات ..
:119:
holsten
2009- 10- 17, 04:33 AM
الله يوفقتس خيووو تسلمين
هااا بناااااااااااااااات وش صار معكم بشروا
أنا سجلت قسم دراسات المجموعه السادسه وجوري معي
وطبعناه واليوم بنودي التأكيد :mh001:
بنت حلوهـ
2009- 10- 17, 04:42 PM
مساء الخير
هاه بنات بشروا وش صار معاك اليوووووم بالكلية وكيف يومكم؟؟
طالبهـ مستجدهـ
2009- 10- 17, 09:48 PM
يوووووم طوويل وطفش وتعب
و3 محاضرات واول محاضرة والثانيه الصوت مو واضح والا تطلع لنا صوره بدون صوت والا العكس :000:
يعني حوووسهـ .. الله يعينا ..
ايمان 22
2009- 10- 18, 01:22 AM
يوووووم متعب للغايه من جد تعبت كثيييييير اليوم وبكرا نفس الشي 3 محاضرات :011:
دخلت علينا دكتوره اسمها ايمان عطتنا مادة تقنية المعلومات :150: شكلها حبوبه وطيوبه بس مدري عشان اول يوم يمكن
ان شاء الله مايتغير اسلوبها معانا هي مصريه والباقي دكاتره وكل الصوت مو واضح
كان يوم حافل من جد
الله يوفق الجميع يارب:119:
holsten
2009- 10- 18, 06:41 AM
بناااات سمعتوا اخر خبر هذا الكلام انا سمعته ومادري اذا صحيح ولا لا
بس اللي خلاني اقوله اني سمعته من ناس كثير ولا من ناس يشتغلون في الجامعه بعد
يقولون انه السنه التحضيريه مافيها مكافات .. .. :cheese:
وسمعت بنات يقولون انه حاطين اعلان في الكليه
انه بعد اسبوعين من الدراسه .. :t1:
بنات اللحين من اللي كلامه صحيح :hahahahahah:
holsten
2009- 10- 23, 10:09 AM
لا بناااات :hahahahahah: طلع فيه مكافأت
قالت لنا الدكتوره حنا سنه تمهيديه مو تحضيريه ندرس بس 4 سنوات
سنه عام و3 سنوات تخصص
وخلاص بنات انا خذت ورقة البنك .. وانتوا بشروا وش صار معكم
صـمـت الـمـشاعر
2009- 10- 23, 10:13 AM
ام خماس من وين اخذتيهااا؟؟
holsten
2009- 10- 23, 10:21 AM
أخذيها لبى قلبك من الأستقبـــال
اللي تحت قولي لهم انا طالبه مستجده وابي ورقة البنك
وبس :119:
صـمـت الـمـشاعر
2009- 10- 23, 10:38 AM
فديييييييتك اي استقبااااااال...؟
holsten
2009- 10- 23, 10:49 AM
الأستقبال اللي تحت
اللي فيه طاوله وجنبه الة البيبسي والكوفي
حتى مكتوب عليه الأستقبال :hahahahahah:
بنت حلوهـ
2009- 10- 23, 01:36 PM
شلون مو اهم كاتبين انها بتتوزع على الاقسام؟؟
holsten
2009- 10- 23, 05:53 PM
يالبى قلبك انتي
لاتاخذين على كلامهم روحي اخذيها من الاستقبال بس
لاشي يذكر
2009- 10- 23, 07:47 PM
يناس بموت قهررررررررررررر
كل يوم ثلاثاء ابقى لحالي
تكفون في احد بالمجموعه الرابعة
قسم انجليزي
احس اطفش كثيرررررررر
لحالي بالكلاس
ابي احد معاي احس اني بنهار قريب :Cry111:
آلجـــوري
2009- 10- 23, 07:54 PM
حبيبتي شلون تبقي لحالك ؟؟؟
يعني ماكو الا انتي تجلسين بالمدرج وينشرح لك لوحدك ؟؟؟؟
:000::000:
لاشي يذكر
2009- 10- 23, 08:37 PM
ههههههههه لا ياقلبي بس ماعندي حد اعرفه
واللي بالمدرج كل وحده مع صديقتها:Cry111:
وانا لحالي:011:
holsten
2009- 10- 23, 08:45 PM
هههههههههههه لاشي نفس حالتي لبى قلبك
كل صديقاتي حطوهم بقسم
مع اني مع جوري الدبه بنفس المجموعه .. بس تروح وتخليني :Cry111:
يوم الأثنين هم عندهم اوووف وانا اووفي يوم الاحد
:017:
ويوم الثلاثاء هم يطلعون 10 وانا 2 :017: مو حلو كذا
آلجـــوري
2009- 10- 23, 10:34 PM
ههههههههههههههه ضحكتيني وربي حزنانه وتبكين فكرت لحالك يشرحو لك كان بقولك احضري مع مجموعه ثانيه
هههههههههههههههههههههه
اذا على لحالك ناس واجد كدا لاتفكرين بهالشي حبيبتي انتي بس ادخلي استمعي للمحاضره وبتطلعين ماكو وقت للسوالف اصلا وبعدها بتطلعي بتتقابلي مع صديقاتك
وبسسسسسسسس :)
لاشي يذكر
2009- 10- 23, 11:56 PM
وين .. اقولك صديقاتي اوفهم يوم الثلاثاء
ابقى لحالي بهاليوم
ام جاسم
2009- 10- 27, 01:32 PM
ام خماااس
بعد ما اختي الورقة ويش سويتي ووين وديتيها
اقصد ورقة البنك
ضرووووري وبسرعــهـ :119:
holsten
2009- 10- 28, 04:16 PM
اي هلا هلا
شوفي لبى قلبك اذا عندك حساب من قبل اوكي
اذا ماعندك روحي البنك وفتحي لك حساب
وعطيهم الورقه وبس ورجعيها الأستقبال
الأسبوع الجاي أخر أسبوع للتسلييييم
طالبهـ مستجدهـ
2009- 10- 28, 05:52 PM
الاسبوع الجاي أخر شي :000:
آلجـــوري
2009- 10- 30, 08:51 AM
بنااااااااااات جد الاسبوع الجاي اخر موعد للتسليم ؟؟؟؟؟؟؟؟؟؟؟
انا رحت البنك يقولون لي لازم بطاقة احوال
يعني لين اسوي البطاقه واروح افتح لحساب مايمدي :000:
holsten
2009- 10- 30, 09:50 PM
جووووري انا نفس حالتك ..
ورحت كلمتهم قلت مايمديني على الاسبوع الجاي اجيبها .. قالوا ليه
قلت لأن البنك بطاقة احوال وتدرن يبيلها وقت .. قالو طيب مافي مشكله ..
وبطاقة الأحوال طالبيين ورقة افاده من الكليه
فطومةبنت ابوها
2009- 10- 31, 02:23 AM
تقدورن تطلعون بطاقة بنك اذا ماكان عندك بطاقة احوال بطاقة العائلة وجواز السفر
holsten
2009- 11- 1, 03:40 AM
اي صحيح كلامك بس بطاقة العايله مخرمه
عشان كذا قالو لازم بطاقة احوااال ..
holsten
2009- 11- 10, 02:55 AM
رحت اليوم حق مسؤلة القبول والتسجيل
سألتها اذا فيه تسجيل الترم الثاني للي ماحالفهم الحظ
قالت لا مافيه لو فيه دخلت بنت اخوي
النظام هالسنه التسجيل سنوي وليس فصلي
الا في بعض الأقسام في الجامعه اللي هي التطبيقيه ..الخ
وقلت لها طيب فيه انتساب غير المطور
قالت لا ذا في الأحساء مو هنا
vBulletin® v3.8.7, Copyright ©2000-2025, Ahmed Alfaifi