تجمع المستجدين لكلية التربيه 1434/1435 هـ + كل مايجب ان تعرفيه عن الكلية بشكل مفصل [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : تجمع المستجدين لكلية التربيه 1434/1435 هـ + كل مايجب ان تعرفيه عن الكلية بشكل مفصل

راعية الكيف

2013- 7- 9, 03:53 AM

السلام عليكم ورحمة الله وبركاته

صباح / مسساء الخير :16:

ابارك لجميع الطلاب والطالبات القبول في كليتنا الجميلة :17::8:

هُنا بيكون تجمعنا للتعارف وتبادل المعلومات :19:

طبعا اللي لازم تعرفونه واهم شيء
ان نظام الجامعه يختلف بتاتا البته عن الثانويه :10:
بشكل ادق ( بتفقدون ايام الدلع ) :8:
ما اخوفكم ولا اقصد بالصعوبه
اقصد بان كل واحد بيصير مسؤول عن نفسه
ومسؤؤل عن نفسه حطوا تحتها 20 خط باللون الاحمر
مسؤوله عن وقت المحاضره
مافي احد بيقولك الساعه كذا يلا ع المحاضره
يعني انتي انتبهي للوقت وبالساعه والدقيقه :31:

ذلحين نبدأ خطوه خطوه
( انصح بالجلوس مع كوب كوفي منعاً لصداع الرأس
من كثر البربره اللي بتقرأونها ) :5:

الجدول

كثير بيقولون وين اشوف الجدول ؟
وكيف ارتب جدولي ؟
وكيف اعرف مكان محاضرتي ؟
وكيف اعرف المبنى ؟
ورقم القاعه ؟
وكيف اعرف المواد ؟
وأسئلة كثيره ......

الجواب :

الجداول في السمستر الاول بتجيكم جاهزه مجهزه :17:
وبينزلونها لكم قبل الدوام باسبوع
وبتلاقونها على هذا الرابط
http://apps.kfu.edu.sa/weeklyschedual/index.asp

الرقم الاكاديمي : هو نفسه الرقم الموجود على ورقة البريد الممتاز
بالنسبه لدفعتكم يبدأ بالرقم 214 (مكون من 9 ارقام)
الرقم السري : هو رقم من الجامعه وليس الرقم اللي سجلته وقت التسجيل

الرقم السري ممكن تسعيدونه على هذا الرابط
http://www.kfu.edu.sa/ar/pages/newupdate.aspx (http://www.kfu.edu.sa/ar/pages/newupdate.aspx)

* بالنسبه لمعرفة أماكن القاعات والمباني
بتكلم عنها بشكل مفصل اذا نزلت جداولكم :35:

تغيير الجدول

إذا انقبلتي انتي مع احد من صديقاتك
وكان جدولكم غير
طبعا من المستحيل ان انتي تغيرينه وتقولين
للمسؤولين ابي مثل جدول صديقتي
او انك تبدلين مع وحده ثانيه
على كل وحده تلتزم بالجدول اللي اعطوها :3:
على السمستر الثاني رتبوا جدولكم مع بعض لو
كنتوا حابيين :16:

الأنظمة

أثناء ترشيحكم بالجامعه طبعتم ورقة تعهد وتعليمات
كبر قريح :41:
وافقتمم على اللي موجود فيها ووقتعوا
لذلك يجب الالتزام بما فيها
وإذا خالفتوا احد الانظمه بتكتبون تعهد :6:

اللبس : تنوره طويله بالألوان الغامقة و ما يمنع انك تلبسين
ميدي بعقل < مو نص الساق وتقولين هذا ميدي :26:
البلوزه يسمح بجميع الالوان بشرط كم طويل او ثلاث ارباع
وابتعدي عن الشفافة :20:
الجوالات : حال الجامعة مثل حال العرس يمنع اصطحابها :5:
طبعا بيني وبينكم وبعيدا عن الامن والسلامه
كل البنات يجيبون جوالات كام واخر موديل :5:
بس خلكم مؤدبين وكذا و جيبوا جوالين عادي وكام :27:
ولحد يقول راعية الكيف صرحت بحضور الجوالات :41:
اللابتوب والايباد : يسمح بحضورهم
طبعا الامن والسلامه حطوا إعلان انو الطالبه لازم تاخذ تصريح
بس البنات ما ياخذون تصاريح ولاشيء :3:

الامن والسلامه تطلع قوانين والطالبات يضربون بها عرض الحائط :18::24: << حسيته موضوع في جريدة :42:

المحاضرات

من المتعارف عليه في الجامعة ان اول اسبوع مافيه محاضرات
والمحاضرات تبدأ من الاسبوع الثاني
وفي المحاضرات الاول دائما ما فيها دراسه
تكون تعريف عن المقرر ودكتور الماده وتوزيع الدرجات
من الاسبوع الثالث يبدأ الجد :19:

الغيابات

بعد الغياب الثالث ينزلون لك في المادة حرمان
حرمان يعني يمنع من دخولك في الاختبار النهائي
طبعا الا اذا كان عندك اعذار مقنعه ورسميه
فمعنى كذا لا يحسب لك من عدد الغيابات
ولكن ما يمنع انهم يخصمون من درجاتك حتى لو بأعذار :10:
وغالبا ما يتجاوزن عن الغياب الواحد ( إذا غبتي مره واحده خلال
السمستر ) :42:

البحوث

تمتاز كلية التربيه بكثرة البحوث فيها
ايه نعم كثرة البحوث فيها :28:
والبحوث اللي يطلبونها تكون من مراجع وكتب علميه
مو من النت وخرابيط و أي كلام :35:
وتكتبونها بالطريقه العلميه الصحيحه
طبعاً هم بيعلمونكم كيف الطريقه
وسهله ان شاء الله
صحيح انها متعبه ومهلكه وممله
لكن الشكوى لله :10:

الاختبارات وطريقتها
اغلب اختبارات كلية التربيه موضوعيه
يعني صح وخطا + اختاري + صلي
فيه 3 انواع من الاختبار
كويزات قصيره من 5 درجات
اختبارات قصيره تكون من 25 درجه او 30 درجه
الاختبار نهائي ويكون من 50
طبعا ممكن تختلف توزيع الدرجات بس هذا الدارج عندنا :31:

المعدل
المعدل المعدل المعدل :19:
السمستر الاول هو اللي بيحدد مكانك في المعدل:12:
عيب المعدل انه ينزل بسرعه إذا ما اجتهدتي
ويرتفع بصعوبه جدا جدا :32:
حافظي عليه ترا الدراسه في الكليه مو صعبه :1:

وعشان احمسكم اكثر
اللي تجيب في مستويين متتالين
معدل 4.5 واعلى يعطونها مكافاه 1000 ريال
غير مكافأتها
ويعطونها شهادة تفوق وحفل وتكريم
يلا شدوا حيلكم :19::8:

ماعندي صديقات اعرفهم بالكليه !!

عادي جدا جدا جدا
انك تكونين الوحيده من صديقاتك اللي انقبلت في التربيه :22:
تكوين الصدقات في الجامعه سهل بس يبي لك
تكونين اجتماعيه :19:
واهم شيء ان صحبتك تكون حسنه
وابتعدي عن اللي جايين يتسلّون
لانك اولا واخيرا بتدمين غلى معرفتهم :24:
بتتعرفين على بنات كثير خصوصا اثناء توزيع البحوث
وهذا شيء جميل :17:
يعني عندكم انا اقرب مثال تعرفت على وحده عن باب
القاعه :5: هي كانت ضايعه وانا ضايعه
وتعرفنا على بعض وبالصدفه صار جدولي مثل جدولها
وعشنا احلى ايام
بس التخصصات هي اللي ابعدتنا شوي :10:
لكن الين ذلحين متواصله معها :3:

طريقة الدراسه في الكليه والتخصصات

كلية التربيه لايوجد بها سنه تحضيريه :21:
ومدة الدراسه فيها 4 سنوات

السنه الاولى : مواد عامه
السنه الثانيه : التخصص ( رياض اطفال - تربيه فنيه - تربيه بدنيه للطلاب -
تربيه خاصه )
السنه الثالث : التعمق في التخصص اكثر
السنه الرابعه : سمستر دراسه وسمستر تطبيق عملي

* بالنسبه للتخصصات الافضل والمستقبل الوظيفي
كلية التربيه تعتبر مرغوبه بعد الكليات الصحيه وكلية الحاسب
<< يعني محتلين المركز الثالث :19:
هي هي هي :17::5:
طبعا الكلام مو عندي , الكلام كان مكتوب في موقع الجامعه
قبل فتره :16::34:
وعلى حسب كلام احد المسؤولات ان
التربيه الخاصه مقفله مؤقتا :42:
يتم القبول في التخصص اعتمادا على النسبه التراكميه
للثانويه العامه + نسبة القدرات << القدرات لاحقتنا لاحقتنا :9:

واحذروا من الحسودين واللي يفتون من راسهم
هذا التخصص فاشل وهذا ماله مستقبل
لان الارزاق بيد الله
واللي له رزق بالدنيا بياخده :15:
لو التخصصات مالها مستقبل ماكان فتحوها وقبلوا طلاب
كثر فيها

الأنديه
يوجد على مستوى الجامعه مجموعه من النوادي
ثفافي - اجتماعي - صحي ..... إلخ
إذا كنتي من محبين الانشطه والمعارض
ممكن تسجلين في احد الانديه
منها اكتساب صداقات ويكون صيتك الجامعي في العلالي :8:
ومنها تقضين على وقت الفراغ

المسابقات
المسابقات هذي تقام سنويا في نهاية السمستر الثاني
وتكون مفتوحه طيلة ايام السنه
المسابقات هذي للي عندهم موهبه او فن
تصوير , رسم , بحوث , اختراعات , خط .......الخ
فيه منافسات ومكافات وتكون المسابقات على مستوى الجامعه
وتشمل الطلاب والطالبات والمنافسه تكون بين الكل
اللي حاب يعرف اكثر فيه كتيبات توزعها الجامعه
موجود فيها كل المسابقات والشروط والتواريخ وكيفية المشاركه

السكن الجامعي
يوجد سكن للطالبات والطلاب من الجامعه
وتوفر الجامعه باصات من الجامعه والى السكن والعكس
وتكونين ملتزمه باوقات معينه
وبوضوا فيه رسوم تأمين تدفعينها لهم :31:
اللي من برا الاحساء وحابه تقدم على السكن
تروح لأحد المسؤولات وتقدم الاوراق المطلوبه منها

البطاقه الجامعيه
من اهم الاشياء المهمه اللي لازم تكون عندك
في البدايه بيعطونك ورقه بدل البطاقه
حتى يصدرونها والورقه هذي لازم تكون معك باستمرار
لان هي اللي تثبت انك جامعيه تدرسين في جامعة الملك فيصل

كيف احصل على البطاقه ؟
وايش الإجراءات ؟
وين اقدم عليها ؟
وايش الاوراق المطلوبه ؟

الجواب

تروحين عند الامن والسلامه
معك صوره من بطاقة العائله + صورة من الجدول الدراسي +
صور شخصيه ملونه لك مقاس 4*6
بيعطونك ورقه تعهدات وتوقعين عليها
وبيعطونك وقت إصدار البطاقه
من المهم انك تروحين لهم اول السمستر
لان البطاقه تحتاج الى شهر على الاقل عشان تستلمينها
وكل ما تأخرتي ومارحتي لهم ببتاخر موعد صدور بطاقتك
وهذا بيعرضك للكلام وعدم الاهتمام :10:

بطاقة الصراف الالي
اللي عليك انك تتابعين لوحة الإعلانات
لما يحطون إعلان بصدور البطاقات
تروحين وتسلمنيها وتوقعين غلى استلامها
وبعدها تروحين للبنك وتفعلينها من عندهم
وبعد كذا تستخدمينهم
غالبا ما يتاخرون في إصدارها إلى الشهر الثاني

هذا اهم شيء لازم تعرفونه :10:
إذا فيه أي استفسارات او معلومات ممكن
تكتبونها تحت :16:
وبالتوفيق للجميع وسنه دراسية ممتعه للكل :2:

fatimah ali 2

2013- 7- 9, 09:13 AM

السلام عليكم آختي مشكوره جدا على الطرح افدتيني شخصياً ..
بس حآبه استفسر عن قسم لتربيه الخآصه كيف يعني مقفول مؤقتا! يعني فيه أمل يفتحوه ولآ ؟؟
لاأني حـآبه بقوه ادخل تربيه خآصه وبآقي التخصصات مـآأبيها ..؟
وإذا خلاص بيقفلوه ><هل اقدر احول :10: لآاني مابي رياض اطفال ولآ تربيه فنيه !:40:
أرجو المسآعده
ومشكوره مره ثآنيه :16::21:

خديجه سلمان

2013- 7- 9, 02:08 PM

وعليكم السلام ورحمة الله وبركاته

مساء النور

اشكرك على موضوعك المهم فعلا استفدت منه واجد :16::16:

بس استفسار مهم هل صحيح ان قسم التربيه الخاصه مقفول :6::6:؟؟

لان اني ما سجلت بالجامعه هنا الا لاني ابغا اتخصصه :18::18:

بتمنى لو تجاوبين عليي باسرع وقت ممكن :2::2:

خديجه سلمان

2013- 7- 9, 02:16 PM

واستفسار ثاني اذا ممكن:43::43:

بعد السنه الاولى بالجامعه على اي اساس يتم قبولي في التخصص اللي ابغاه ؟؟

وكم النسبه اللي توقفت عليها تقريبا قسم التربيه الخاصه السنه اللي راحت ؟؟ واي نسبه هي المطلوبه هل النسبه الموزونه او المعدل بالنسبه للسنه الاولى بالجامعه ؟؟

واعذريني اذا كثرت من الاسئله :16::16::16:

وشكرا

طموح أنثـى

2013- 7- 9, 08:10 PM

وعليكم السلآم

يعطيييييييييك العآآآفية ع الموضووع استفدت منه كثيييير :16:
أنآ زي خوآتي اللي الفوق :27: أبغى تربية خآصـة وسمعت أن قفلوه بسبب الأكتفاء
طييب أنآ سمعت أن بيفتحون تخصصات جديدة تعرفين شنو هالتخصصات؟

وشكرا مرة ثآنية ع الموضوع الجميل:29:

راعية الكيف

2013- 7- 10, 03:31 AM

أهلين خديجة وطموح

التربيه الخاصه حاليا مقفلة على كلام الدكتوره :10:
بسبب الاكتفاء فيه

والقبول فيه طلبوا منا الثانويه العامه والقدرات
وما طلبوا المعدل الجامعي
وما حددوا لنا نسبة القبول الدنيا

والتخصصات الجديده هي التربيه الفنيه
وأول دفعه فيه هي دفعة ٢٠١٣ أو ٢٠١٢ ما اذكر

ولا قالوا بيفتحون تخصصات

راعية الكيف

2013- 7- 10, 03:33 AM

خديجه سلمان

2013- 7- 10, 10:37 AM

خديجه سلمان

2013- 7- 10, 04:25 PM

السلام عليكم :14::14:

كيف الاحوال ؟
:37::37:

اني انقبلت بكلية التربيه في جامعة الملك فيصل بالاحساء وابغا احجز لي سكن ومواصلات

فبحثت بالانترنت و طلع ان فيه حملات مكاتب بالقطيف نحجز ان نبي سكن ومواصلات في

الاحساء نروح ويسكنونا ونرجع كل اسبوع يوم الخميس للقطيف ونروح يوم السبت للاحساء

وفيه خدمات ومميزات

فاللي تبي تكون معاي ياليت لو ترد على هذا الموضوع من وقت لان مانبي نتاخر في الحجز

لان ما احب اكون وحدي في السكن

نتفق مع اي مكتب نروح بس افضل مكاتب القطيف : الحمادي والامل

نبي ناخد لنا غرفه رباعيه يعني اني وثلاث بنات ونشوف السعر

فـــــــــــــــ من حابه تكون معاي ؟؟:16::16:

رحب الفضاء

2013- 7- 11, 01:39 AM

اها :24::24:

طيب هل اقدر ادرس السنه الاولى اللي هي مواد عامه وانتظر اذا فتحو قسم التربيه الخاصه استمر بالجامعه واذا مافتحوه احول الى الجبيل لان الجبيل فيها تخصص تربيه خاصه :31::31:؟؟؟؟

القسم مكتفي من مدة ويمكن تواجهين صعوبة في الحصول على وظيفة بعد التخرج وهو التخصص ينقسم إلى مسارين صعوبات التعلم والصم والبكم وهم طبعا يشكلون أقلية في المجتمع لهذا السبب صار الاكتفاء سريع من خريجين التربية الخاصة وياليت لو يسكرون كل الاقسام اللي فيها اكتفاء ويفتحون تخصصات جديدة
بس بقولك إذا انتي حابته كثير تأكدي من إدارة الكلية لأن من زمان كل سنة نسمع بيسكرونه ولا يسكرونه:16:الله يوفقك يارب

طموح أنثـى

2013- 7- 11, 02:51 AM

السلآآم عليكم
مبارك عليكم الشهرر :16:
قريت خبر أنهم بيفتحون تخصصات جديدة في جريدة الحياة

هذا هو الخبر :

جامعة الملك فيصل تفتح تخصصات جديدة في «التربية»
الأحساء – حسن البقشي
الخميس ٣١ يناير ٢٠١٣
كشف عميد كلية التربية في جامعة الملك فيصل الدكتور عبد الحميد النعيم، أن الكلية ستفتح برامج جديدة، «لاستيعاب أكبر عدد ممكن من الطلاب في الأعوام المقبلة». ومنها برنامج بكالوريوس يُسمى «معلم صفوف أولية»، أو «معلم صفوف ابتدائية». وقال: «إنّ الكثير من خريجي الجامعات يدرسون فقط المرحلة المتوسطة والثانوية. وهناك شحٌ في المتخصصين في المرحلة الابتدائية، إذ يحتاج طلاب هذه المرحلة إلى خصائص واحتياجات معينة»، مضيفاً «نحن بصدد إعداد برنامج يخرّج معلم مرحلة ابتدائية مؤهلاً، أو صفوف أولية يكون ملماًَ باحتياجاتهم ومشاكلهم وطلباتهم. وهذا أمر مهم جداً، وهو من أولوياتنا».
وأبان النعيم، أن «خريجي القسم الأدبي في الأحساء كُثر، وينحصر قبولهم في 3 كليات، هي: الآداب، والتربية، وإدارة الأعمال، ما يحتم أن يتناسب أعداد المقبولين مع الأقسام المتوفرة. والحل يكمن في فتح تخصصات جديدة، لقبول أكبر قدر ممكن من الطلاب في الأعوام المقبلة. وهناك دراسة جدية لافتتاح قسم «معلم حاسب آلي»، وهو في قنواته الأخيرة. وانتهى أخيراً من مجلسي القسم والكلية، إضافة إلى قسم «الدراسات القرآنية»، الذي سيفتح المجال لعدد كبير من خريجي تحفيظ القرآن الكريم»، مشيراً إلى افتتاح قسم «علم النفس»، الذي يخرّج اختصاصياً نفسياً، وذلك للحاجة إلى اختصاصيين نفسيين في هذا المجال».
وأشار عميد كلية التربية، إلى توجّه الكلية إلى البرامج «التكاملية»، بالتعاون مع كليتي العلوم والآداب، «لإعداد برنامج يجمع بين التخصصات والمتطلبات. مثلاً يصبح معلم رياضيات، ولكن بطريقة تكاملية، بحيث يجمع بين تخصصه الأساسي الذي يهيئه كمعلم، ثم يأتي إلى كلية التربية ليأخذ المواد التربوية»، لافتاً إلى أن هذه المبادرة «تُعزّز طموح الكلية في هذا الجانب للتنسيق الدائم مع الكليتين، للخروج ببرامج تكاملية للحصول على خريجين بتخصصات علمية تربوية».
وأكد النعيم، أن برنامج الدراسات العليا في الكلية «سيرى النور في تخصصات عدة، ومنها: أصول التربية، والقياس والتقويم التربوي والنفسي. وهناك تصور في قسم التربية البدنية، لعمل دبلوم في التربية البدنية، وماجستير في التربية البدنية»، مشيراً إلى «العمل الدؤوب لاستقطاب كفاءات متميزة من أعضاء هيئة التدريس، وأساتذة مشاركين لإعداد هذه البرامج للنهوض بالكلية ومخرجاتها».
وأوضح أن كلية التربية «تمنح درجة البكالوريوس للذكور، في 3 تخصصات، هي: التربية الخاصة، والتربية البدنية، والتربية الفنية. فيما تمنح درجة البكالوريوس للإناث في تخصصات: رياض الأطفال، والتربية الخاصة، والتربية الفنية.
أما فيما يخص الدراسات العليا لكلية التربية، فهناك 4 برامج ماجستير، هي: برنامج توجيه وإرشاد نفسي، يقدمه قسم التربية وعلم النفس، وبرنامج الإدارة التربوية، الذي يقدمه قسم الإدارة التعليمية، وبرنامج استحدث أخيراً، هو التربية الخاصة. وكذلك برنامج الماجستير «تربية الموهوبين»، ويقدمه المركز الوطني لأبحاث الموهبة والإبداع، بالتعاون مع قسم التربية الخاصة».
وأشار إلى برنامج دبلوم «التوجيه والإرشاد الطلابي»، وهو «دبلوم ما بعد الجامعة لمدة سنة واحدة. ويعتبر دبلوماً عالياً. وهناك دبلوم عام في التربية، ويمنح درجة الدبلوم لغير التربويين. إذ أصبح بإمكان أي طالب وطالبة من كلية غير تربوية الالتحاق بهذا البرنامج، للحصول على شهادة تربوية تؤهله للتقدم إلى وزارة الخدمة المدنية، للحصول على وظيفة «مُعلم»، ما فتح آفاقاً أمام الكثير من الخريجين والخريجات غير التربويين، للدخول في المنافسات على الوظائف التربوية التعليمية، وعلى وجه الخصوص النساء.
وتمنى النعيم أن يعتمد برنامج الدكتوراه. وعبّر عن أمله في «أن تنال كلية التربية الاعتماد الأكاديمي، ما يعطي الخريج ثقلاً وقيمة كبرى»، معلناً عن البدايات «المشجعة» بتطبيق مبدأ «التدرج للوصول لهذا الهدف، الذي يتطلب الكثير من الوقت والجهد والمثابرة».

:21: :3:

راعية الكيف

2013- 7- 11, 03:34 AM

٨٨
نتمنى أنهم يفتحون تخصصات جديده
والاهم ما يصدرون قرارات وينفذونها بعد ثلاث سنوات :10:

لكن حاليا ما أطرحوا هذا القسم بشكل رسمي ومنفذ :31:

طموح أنثـى

2013- 7- 11, 04:50 AM

راعية الكيف:
أن شاء الله
أحاتي والله :24:
بسألك أهم في اليوم التعريفي للمستجدات بيقولون لنا شنو التخصصات ؟!

راعية الكيف

2013- 7- 11, 04:57 AM

٨٨

إذا ما قالوا لكم اسألوهم :19:

خديجه سلمان

2013- 7- 11, 11:56 PM

اي اها طيب تسلمون :16::16::16:

Miss.Haneen

2013- 7- 20, 04:43 AM

يعطيك العافيه على الطرح القيم والمفيد
جزاك الله كل خير...

///
بالنسبه للتربيه الخاصه حالي من حالكم ابي تربيه خاصه:44:
ان شاء الله اذا مسكر يفتحوه يارب:1:

خديجه سلمان

2013- 7- 20, 01:42 PM

ان شاءالله :1::1::16::16:Miss.Haneen

خديجه سلمان

2013- 7- 20, 01:44 PM

استفسار اليوم التعريفي للطالبات بيكون يوم الثلاثاء 20/10 بس متى بالضبط؟ يعني الساعه كم

:37::37:

راعية الكيف

2013- 7- 22, 12:12 AM

المعتاد على الساعه 9

خديجه سلمان

2013- 7- 22, 12:14 AM

طيب تسلمين حبيبتي:16:

"Moe1994r"

2013- 7- 27, 06:02 AM

موفقين : )

حكآيآ قلم

2013- 7- 30, 10:53 PM

يعطيييييك العافيةة :16:
موفققه ي رب

Noura03

2013- 7- 31, 09:23 PM

شكرًا على موضوعك
بس عندي مشكلة ابي مساعده
اختي رمت ورقة البريد الممتاز !
كيف الع الرقم الاكاديمي؟
ونزل جدولهم ولا ؟
ياليت احد يقولي ما فيه طريقه اطلع الاكاديمي؟؟؟

راعية الكيف

2013- 8- 1, 03:31 AM

شكرًا على موضوعك
بس عندي مشكلة ابي مساعده
اختي رمت ورقة البريد الممتاز !
كيف الع الرقم الاكاديمي؟
ونزل جدولهم ولا ؟
ياليت احد يقولي ما فيه طريقه اطلع الاكاديمي؟؟؟

بالنسبه للرقم الاكاديمي
فيه طريقه تطلعينه منه
للكن الرابط حاليا مب مفعل
او عطلان مدري ايش سالفته
لانه قديم :31:

و موقع الجامعه اكيد بيحط بوابه للمقبولين المستجدين
لاستخراج الرقم الاكاديمي والسري للبانر

تابعي الممنتدى والموقع اول باول :42:

حكآيآ قلم

2013- 9- 14, 12:07 AM

السلام عليكم

أبغى أعرف متى نتخصص بالضبــــطط؟؟ اللي يقول سنة واللي يقول سنتين ؟؟
متــــــى؟

Miss-zahra'a

2013- 9- 17, 10:08 PM

بس حبيت اسآل ما هو افضل تخصص.في كلية التربيه من ناحية التوظيف سواء كان بالحسا او بالدمام

فنوُ *

2013- 9- 18, 06:44 PM

يعطيك العافيةة يارب ^^

نصييص

2014- 2- 22, 02:47 PM

طيب اذا كان القبول بس من نسبه الثانويه والقدرات
وش له نختبر تحصيلي ؟؟

راعية الكيف

2014- 6- 14, 10:13 PM

طيب اذا كان القبول بس من نسبه الثانويه والقدرات
وش له نختبر تحصيلي ؟؟

القبول ثانوي وتحصيلي وقدرات:Looking_anim:

بعض كليات الطلاب ما تأخذ الا القدرات والثانوية
بس البنات جميع الكليات تأخذ كل شيئ :sm1:

امونة1408

2014- 6- 29, 08:08 PM

هل مبنى التربيه تغير؟؟

Rwary ~

2014- 6- 29, 09:11 PM

هو نفسه المبنى اللي بالمدينة الجامعية

مُتمرده

2014- 8- 22, 04:39 PM

هل شهادة كلية التربيه تربويه او غير تربويه :) ؟

ĸяɪαzмα .♥ ,

2014- 8- 24, 04:34 PM

تربؤيةة

hwian

2014- 8- 28, 01:51 AM

moon 2014

2014- 8- 28, 02:57 AM

شوفي يا أختي أنا اللي أعرفه أول رقمين من اليسار هو رقم المبنى

و بقية الأرقام هو رقم القاعة

moon 2014

2014- 8- 28, 06:02 AM

عفوًا من السرعة

رقم الشعبة هو رقم القاعة

علمتني الحيآة

2014- 8- 28, 08:48 PM

ياربي تردون :bawling:
كيف اعرف مكان القاعه من الارقام اللي فوق و تكلموا عن الدكاتره اللي بالجدول:139::16.jpg: .

http://www12.0zz0.com/2014/08/27/22/393177385.jpg (http://www.0zz0.com)
0512090
من اليسار
51 رقم المبنى
والارقام اللي بعد 51 هي رقم القاعه
القاعه 2090
واذا كان رقم القاعه يبدأ ب 2 معناها ان القاعه بالدور الثاني
واذا يبدأ ب 1 معناها القاعه تحت

Sho_

2015- 1- 25, 11:58 PM

kholud7

2015- 2- 10, 08:54 PM

بالتوفيق ..

فارس بلا جواد1

2015- 2- 21, 04:05 PM

الله يكون في عونكم

Mahdi

2015- 3- 15, 08:25 PM

ربي يوفقكم جميعاً

Amnah ali

2015- 7- 26, 05:30 AM

السلام عليكم

بس حبيت استفسر عن قسم التربية الفنية وش طبيعة اختبار القبول في القسم ؟ ووش نوع الرسمات اللي ممكن يختبرون قدراتي فيها يعني طبيعة صامتة او رسم ثلاثي الابعاد .....الخ؟ ووش هي الاسئلة اللي ممكن يسالوني اياها في المقابلة الشخصية ؟
وكيف هي معاملة الدكاترة بالقسم؟

بلييييييييز ساعدوني انا حابه ادخل القسم بس الكل مخوفني منه :Cry111:

حسناوي

2015- 8- 14, 05:04 PM

Jony

2015- 8- 14, 05:17 PM

الاختبار للكيات الي فيها سنة تحضيرية والتربية لايوجد بها الا مقابلة ضرورية... اذا كان لك رغبة أعلى بها سنة تحضيرية اكيد بيرقونك لها ف حال اجتيازك للاختبار....

Jony

2015- 8- 14, 05:20 PM

وحط استفسارك ف اول قسم الي اهو ماقبل االجامعة والاستفسارات الأكاديمية....

باسيل

2015- 8- 16, 12:29 AM

السﻻم عليكم انا نزل جدول صديقتي كيف أعرف مبنى قاعة وشعبة

باسيل

2015- 8- 16, 12:32 AM

وكلية التربية بيدمونه بالمدينة الجامعية اللي فيها كلية العلوم واﻻغذية

AFNAN TURKI

2015- 8- 16, 01:54 AM

المشكلة ما اعرف ارفق صور من الجوال بشرح لك وان شاءالله تفهمين علي
لما يفتح لك جدولك تحت كل مادة مكتوب لك معلومات عنها ساعاتها ومدرسها وكذا تلقين مكتوب " المكان " موجود فيها مثلاً ( كلية التربية طالبات جديد 0511034 ) هذا يعني من اليسار مبنى 51 قاعة 1034 في الدور الاول اما اذا كانت تبداء ب2 يعني الدور الثاني
ايوه مكان الكلية بالمدينة الجامعية

AFNAN TURKI

2015- 8- 16, 01:57 AM

استفسار

جاءتني رسالة مفادها عليك الحضور لتحديد المستوى في اللغة الانجليزية

وانا مقبول في كلية التريبة

الموعد يوم الاحد القادم 1/11/1436

نرجو الافادة

خاصة ان الكلية لا يوجد بها تخصص لغة انجليزي

يمكن ترقية لرغبة فيها سنة تحضيرية شيك ع سجلك في البانر اذا تغيرت الكلية او لا
والافضل تروح وتشوف ليش هالرسالة

firass al-lami

2015- 8- 16, 03:10 AM

أصالة عن نفسي و نيابة عن منسوبي الكلية أرحب بكم في الكلية و أرجو الله سبحانه أن تكون تجربة مميزة و إيجابية خلال 4 سنوات قادمة

باسيل

2015- 8- 16, 04:18 AM

كيف أعرف رقم شعبه من جدول

firass al-lami

2015- 8- 16, 06:26 AM

حسب علمي أن رقم الشعبة موجود في الجدول

سحآبه

2017- 8- 2, 06:19 AM

ماهو تخصص تعليم الحاسب الآلي ؟ هل هذا التخصص جديد بكلية التربية -طالبات ؟!

وما الخطة الدراسية له ؟!