احتاج مساعدتكم محتاااار [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : احتاج مساعدتكم محتاااار

ABDULRAHMAN95

2013- 7- 10, 01:21 PM

السلام عليكم ورحمة الله وبركاته ومبارك عليكم الشهر الفضيل

نختصر المقدمات

انا قبلت في كلية هندسة في جامعة الملك فيصل ولله الحمد

وقبلت كذلك في جامعة الملك فهد للبرول ولله الحمد

ومحتار بين الثنين نبغاكم تفيدونا برأيكم الله يجزاكم كل خير :1:

Minatsuki saya

2013- 7- 11, 12:33 PM

جامعة الملك فهد أفضل

hemii

2013- 7- 11, 01:07 PM

جامعه البترول والمعادن أفضلل بكثيرر
.
وبالتوفيق لك وللجميع يا رب. .:)).
.
بس شنو بتختار؟

ABDULRAHMAN95

2013- 7- 11, 07:23 PM

والله ياخوان انا متخوف من الصعوبة حقيقة وثاني شغلة انا من سكان الاحساء

hemii

2013- 7- 12, 01:41 AM

اكيد بيكون صعب..بس بالنهايه جامعه قويه وشهاده اقوى.
ومع الوقت بتتعود وترتب وضعك وتنظم وقتك بالدراسه وبيسهل عليك كثير..
انصحك تتكلم مع الي داخلين هالكليتين وتشوف الوضع بالثنتين وتشوف ايش انسب لك ..مع ان جامعه البترول احسن شي...
اتمنى افدتك:/!!
بالتوفيق للجميع

ABDULRAHMAN95

2013- 7- 12, 05:14 AM

الله يجزاك خير اختي hemii لكن انا متخوف اني ماقدر اكمل مثل اغلبية اللي يدخلونها واذا طلعت راحت علي لا

هندسه بفيصل ولا البترول وانا سمعت ولا اعلم صحة هالكلام انو اللي يتخرج من فيصل بمعدل 4 من 5 احسن من

اللي يتخرج من بترول بمعدل 2.5 من 4 في تخصص هندسه

Engineer Ali

2013- 7- 12, 05:57 AM

توكل على الله

أرشح لك جامعة الملك فهد للبترول و المعادن

و مسألة السكن بسيطه الجامعة من السنه إلي راحت أصبحت توفر سكن للطلاب

ABDULRAHMAN95

2013- 7- 12, 12:45 PM

الله يجزاك خير اخوي Engineer Ali واشكرك علي نصيحتك لكن هل احد عنده معلومات لو بسيطه عن البترول لاني اعرف ناس

قريبين من مستواي يدرسون في هندسة جامعة الملك فيصل ويواجهون صعوبه كيف بي انا لما اروح البترول خصوصا انهم مثل

ماسمعت يصفون في الطلاب في السنة التحضيرية

عموما انا عندي لين يوم الاثنين اكون ممتن لكم بمساعدتكم شكرا ...

Engineer Ali

2013- 7- 12, 04:10 PM

السنة التحضيرية بجامعة البترول أصعب منها فــي جامعة الملك فيصل
و مع ذلك نصيحة مني كخريج كلية الهندسة بجامعة الملك فيصل تقدم أوراقك بجامعة البترول
وخصوصا إنك مٍْْـٍْْ♡̷̴̬̩̃̊ـٍْْنٍْْ الأحساء لذلك ستجد الوقت الكافي للمذاكرة

و بالتوفيق

ABDULRAHMAN95

2013- 7- 12, 05:38 PM

طيب استفسار اخوي علي بما انك خريج هل يستوى خريج بترول هندسه ميكانيكيه مثلا بمعدل 2.5 مع خريج جامعة الملك فيصل هندسة ميكانيكية 3.5
انا خايف انو اروح البترول واجه صعوبة شديدة تخليني ماقدر اكمل فا انسحب وتروح علي البترول و هندسة فيصل

الله يجزاك كل خير اخوي علي علي تجاوبك معي...

Minatsuki saya

2013- 7- 12, 09:52 PM

ليش خايف كل هالخوف ؟:36:
ما تقدر تحكم قبل ما تجرب تدرس في الجامعة ، إذا رحت جامعة الملك فهد مابتروح عليك جامعة الملك فيصل لأن مادرست فيها

ABDULRAHMAN95

2013- 7- 13, 01:01 AM

لا اقصد بتروح علي كلية الهندسة في جامعة الملك فيصل

hemii

2013- 7- 13, 02:14 PM

متخوف انك ما تكمل!!! معليه بس وش تحس!!..انت بما انك انقبلت بكليتين قوياات...اكيد انك دافور ماشالله من جد حرام يضيع تعبك ودفارتك علا عسكريه وشي عادي:)..انت حط ببالك اذا دخلت وحده من الكليتين تككمل للاخير..الي يجيبون نسب عاليه منت باقل منهم اعتقد:):29:هذا الي عندي...وكلية. فهد للبترول افضل:)..و مووفقين يارب

ABDULRAHMAN95

2013- 7- 13, 07:24 PM

لا لا مافهمتيني انا اقول اني بمشي في كلية هندسه بفيصل بس الخوف من البترول ،، رفعتي معنوياتي:35: ههههه بس

تبين الصراحه يعني انا انقبلت الدفعة الثانية علي الحفه فا اتوقع اللي بيمشون في البترول هم اللي دفر صدق اللي

انقبلو الدفعه الاولى مشاء الله وفي شي ثاني بعد انا مستواي زفت في الانجليزي فا بادخل

اقل مستوى وهذا ياخذ

في البترول ثلاث سمسترات ونظامهم الجديد يقول ان لما تخلص الانجليزي في سمسترين يحق لك تدخل اي كلية

تبغى اما اذا خلصته في اكثر من سمسترين نحطك في الشاغر من الكليات وبكذا احط طموحي ورغبتي بيدهم هذا

احد اكبر الاسباب اللي مخليني اختار جامعة المللك فيصل

والله يجزاك كل خير علي نصحك لي والله يوفقنا اجمعين...

hemii

2013- 7- 13, 07:46 PM

اذا السالفه بكلية فهد انجليزي وذا :10:
وانت ماش بالانجليزي بعد:10:
ادخل فيصل بدون نقاش :42::21:
والله يوفقنا...
:42:

Minatsuki saya

2013- 7- 13, 08:33 PM

بصراحة جامعة الملك فهد ماتتفوت
إذا على الإنجلش دي لغة أي أحد يقدر يتعلمها وأكيد بالتدريب تقدر تطور نفسك
أنصحك تسوي خيرة وأكيد إلا بيطلع هو الأفضل لك

Engineer Ali

2013- 7- 13, 11:07 PM

أخي إذا كنت تعتقد اللغة هي العائق فهذا خطأ

على العموم شكلك تبي تجلس فـ♡ـي الأحساء قريب مٍْْـٍْْ♡̷̴̬̩̃̊ـٍْْنٍْْ ديرتك صراحة فـ♡ـي هذي معك حق أما اللغة هنا أو هناك مـَـ♡ــّا راح تعدي إلا باللغة و بالتوفيق

ABDULRAHMAN95

2013- 7- 14, 02:00 AM

لا ياخوي علي اللغة مب عائق لكن ان يحرموني من الكلية او التخصص اللي ابيه هذا العائق لان لغتي سيئه وراح يدخلوني علي اقل مستوى وهذا المستوى اخلصه في ثلاث سمسترات ونظامهم يقول ان اذا خلصت السنه التحضيريه في اكثر من سمسترين يحطونك في الشاغر هذا العائق حقيقه

بالمناسبة اخوي علي بسالك بما انك خريج من هندسة ميكانيكة وش مجالات وظيفتها واعذرني علي هالسوال هل توظفت بعد ولا

والله يجزاك خير علي نصحك لي واهتمامك بموضوعي

Engineer Ali

2013- 7- 14, 04:24 AM

نظام السمسترات موجود أيضا بالأحساء ,,,

مجال المهندس الميكانيكي في الوظيفة واسع و غير محدود غالبا أغلب الشركات بمختلف مجالاتها تحتاج للمهندس الميكانيكي

بالنسبة لي لسه ما توظفت يعني صار على تخرجي تقريبا شهر و نصف و هذا الشي عادي حتى بالنسبة لخريج جامعة البترول , لكن أصدقك القول خريج البترول له الأفضليه بالتوظيف في أغلب الشركات و هذا الشي غير مستغرب الجامعة لها سمعة فوق الممتازة و لديها إعتمادات أكاديمية.

لكن كلية الهندسة بالأحساء لحد الآن غير معروفة بسوق العمل خصوصا كما تعلم نحن الدفعة الأولى من الخريجين
و إن شاء الله نقدم سمعة حسنة عن الكلية في سوق العمل لخدمة الأجيال اللاحقة.

و بالخدمة أي إستفسار أنا حاضر و بالتوفيق ,,,

ABDULRAHMAN95

2013- 7- 14, 07:26 AM

مادري والله في ولا بس اكيد اسهل وان شاء الله اقدر اخلصها في سمسترين مو زي البترول

مشاء الله اول دفعة الله يطرح فيكم البركة ان شاء الله وتكون خير ممثل لخرجين الجامعة والله يوفقك وتحصل الوظيفة اللي ترضيك وتسعدك ان شاء الله

بس اخوي علي انا افكر وودي بالهندسة الكهربائيه عطنا معلومات عنها اللي تقدر عليه ادري ان تخصصك مو هذا بس اللي تعرفه ومتي اول دفعة خريجين للكهربائية هل هي معكم ولا

ازهار الجووري

2013- 8- 16, 01:18 PM

اصلا بدوون مقارنات . .
فهد احسسسن بكثر من فيصل من ناحيةة الدراسة وشهادة التخرج :1:

واللغه لاتحطها عائق وسد كبير لطموحكك يعني انت الحين بأمكانك تزيد لغتكك وتكثف التدريب على نفسك وتقدر تجتاز مرحله مهمه

وان كان ع السكن الجامعه فيها سكن طلاب يعني هينه وماهي بعيده :42:

< ردي متأخر وايد :42: انت وش اخترت ! خلاص ع فيصل؟

hemii

2013- 8- 17, 09:45 PM

ا يمن جد وش اخترت؟؟... فهد صدق ما تتفوت..بس هو ادرى بأمكانياته وضروفه. ..واتمنى تتوفق...
المهم وش اخترت*،*؟:42:

ABDULRAHMAN95

2013- 8- 19, 01:42 AM

الحقيقة استشرت واستخرت ولقيت فيصل انسب لي واتكلت علي الله :27:
اشكركم كلكم علي نصحكم وافادتكم لي ماقصرتوا والله :21:

ahmed mounier

2013- 8- 26, 08:05 PM

اخوكم مهندس احمد منير مهندس مصرى بالاحساء لو فيه اى حد من الطلاب محتاج اى استفسار او دعم فى مجال الهندسه ان شاء الله ممكن نفيده بحكم خبراتى العمليه والاكاديميه وجزاكم الله خير