جامعة اخرى اسئلة تحتاج اجوبة الله يعافيكم [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : جامعة اخرى اسئلة تحتاج اجوبة الله يعافيكم

عبد العزيز خالد

2013- 7- 11, 12:30 AM

السلام عليكم ورحمة الله وبركاته مبارك عليكم الشهر
عندي اسئلة :
1-انا انقبلت في الدمام وجامعة الملك فيصل و رسلت اوراقي للثنتين قلت خل يثبت تخصصي (عشان النزول بالنسب ) بعدين اختار اي جامعه واسحب اوراقي هل الي سويته صح ولا في عقبة بتواجهني ؟!

2 - انا انقبلت في الدمام دراسات تطبيقية ولا اعرف فيها شي ابي احد يعلمني ؟!

3- هل الدراسات التطبيقية فيها تخصص مرغوب في ارامكو وسابك والشركات الاخرى ؟!

4- انقبلت بالملك فيصل ادارة اعمال وش مميزات التخصص وعيوبه + الدراسات التطبيقية وش عيوبها ومميزاتها ؟!

وشكرا لكم واسف على ازعاجكم

حزينة جدا

2013- 7- 11, 12:47 AM

فيه عقبات مو عقبه وحده ..

ارسلت شهادتك مصوره او الاصليه للجامعتين؟

ريمنقو

2013- 7- 11, 01:10 AM

1-انا انقبلت في الدمام وجامعة الملك فيصل و رسلت اوراقي للثنتين قلت خل يثبت تخصصي (عشان النزول بالنسب ) بعدين اختار اي جامعه واسحب اوراقي هل الي سويته صح ولا في عقبة بتواجهني ؟!

اتوقع راح تكون مشكله , كيف ارسلت اورآقك الاصليه للجامعتين ؟
يمكن راح يطلع عندهم بالسستم انك مسجل بفيصل

2 - انا انقبلت في الدمام دراسات تطبيقية ولا اعرف فيها شي ابي احد يعلمني ؟!

سنتين ع حساب الطالب , اذا جبت معدل تكمل سنتين بدون فلوس + تمشي لك مكآفأه
التخصصات
- تخصص المحاسبة
- تخصص نظم المعلومات الإدارية
- تخصص التسويق
- تخصص إدارة الأعمال
- تخصص العلوم المالية

3- هل الدراسات التطبيقية فيها تخصص مرغوب في ارامكو وسابك والشركات الاخرى ؟!

ماتوقع , ممكن ادارة اعمال

4- انقبلت بالملك فيصل ادارة اعمال وش مميزات التخصص وعيوبه + الدراسات التطبيقية وش عيوبها ومميزاتها ؟!

ماعرف عن جامعة فيصل كثير ,

جرحني بسكآت

2013- 7- 11, 01:45 AM

ماقصرت معك ريمنقو

اما بخصوص الفرق بين ادارة الاعمال والدراسات بجامعة الملك فيصل

ماعندي فكره كثيره عن الكليتين

بس اللي اعرفه انا ادارة الاعمال درجة الدراسه فيها بكالوريوس

وكلية الدراسات التطبيقيه تقريبا دبلوم

واكيد الافضل البكالوريوس واحس ان كلية الادارة افضل من الدراسات

وإن شآء الله احد الاعضاء يفيدك بسلبياتهم ومميزاتهم

عبد العزيز خالد

2013- 7- 11, 03:22 AM

ارسلت للدمام بالبريد ورجعوها ثم ارسلتها بالبريد لجامعة الملك فيصل

جرحني بسكآت

2013- 7- 11, 03:26 AM

اخوي رجعوها بس مختوم ع الشهاده

يعني اذا انت بتظل بجامعة الملك فيصل كان لازم ترسل

مع الوثائق المطلوبه ورقة اخلاء طرف من جامعة الدمام

عبد العزيز خالد

2013- 7- 11, 03:43 AM

انا فكرت اني اقدر اسحب الملف طيب وش الحل ؟!

جرحني بسكآت

2013- 7- 11, 03:58 AM

طيب أنت تبي تدرس

بـ جامعة الملك فيصل او جامعة الدمام ؟!

ريمنقو

2013- 7- 11, 04:01 AM

كلية الدرآسآت وخدمة المجتمعَ , دراسة سنتين ( تأهيلي ) دبلوم وتقدر تكمل بكآلوريوسَ في نفس الكلية ..

:

اذا تبي تسحب ملفك من فيصل روح لهم شخصياً واخذه مع ورقة اخلاء طرف ..
و ورقة اخلا الطرف عطهها العماده علشان مايلغون قبولك ..

/

عبد العزيز خالد

2013- 7- 11, 09:36 AM

انا ابي الدمام لان فيصل بالحسا ... يعني اروح ل جامعة الملك فيصل بالحسا واخذ اوراقي مع ورقة الاخلاء

مقدر اخلي البريد يسوي الشغله ذي ؟! ويعطيكم الف عافية

جرحني بسكآت

2013- 7- 11, 09:50 AM

اذا انت مقبول بجامعة الملك فيصل ع الدفعه الثانيه مااتوقع انهم

ختموا ع شهادتك بعدين ورقة اخلاء طرف تاخذها في حال

تم الختم ع الشهاده .. واصلا هم راح يرجعون لك اوراقك

لان اكيد راح يطلع معهم انك انت مقبول بجامعة الدمام

لان جامعة الدمام ختمت ع شهادتك يعني اكتملت اجراءات

قبولك بـ جامعة الدمام

يعني اتوقع اللي عليك ترجع اوراقك من جامعة فيصل بس

جرحني بسكآت

2013- 7- 11, 11:03 AM

وإذا صبرت كم يوم أتوقع راح يرسلون

لك الوثائق عن طريق البريد ومكتوب مرفوض

بالتوفيق