كل القصايد بقلم / رياض بن عبدالكريم (مسكـ السحابـ)

[د.مسك السحاب]

جيــش المشـــــــــاريهـ



منهـــو يبيـــع القلب والقلب شـــاريه
خله يـــروح وضيقـــة الصدر تنزاح

من يتبـــع المقفيـــن زاد الـــكدر فيـه
يمشي على عكس اتجـــاهات الأرياح

يا صاح ما ينفعك جيـــش المشـــاريه
باللي خذلك وحط في ظهرك رمــاح

لا ترتجـــي لو طعتنـــي مـــد أيـاديه
واصحى تقول انه يجي عقب ما راح

صدر اللئيـــم.. الغش والحقـــد ماليه
وصدر الكريـــم بصـــادق الود فواح

هـــذا على درب الـــردى لاتخـــاويه
وهـــذا على درب النقـــى فيك نصّاح

ياما تشـــوف من البشر في ممـــاشيه
مظهـــر ولا تلقى المخـــابـر اذا لاح

أحـــدٍ على جرحـــك طبيـب يداويـــه
واحـــدٍ على جرحـــك يغني ومرتاح

أحدٍ عـــلاج الـــروح يومك تـــلاقيه
وأحد يغث الروح ويزيــدك جـــراح

احرص على خـوة هل الطيب يا هيه
اللي مجـــالسهم بها العـــز ملـــواح

ان جيتهـــم في وقــت عسره لـــياليه
تضوي بطيب أفعـــالهم كل الأرواح

واحذر تمـــر النذل دام المشـــــاريه
من معجم الأنذال مفهومها طاااااااااح


رياض بن عبدالكريم العقيل



http://www.alriyadh.com/2006/05/04/article151490.html (http://www.alriyadh.com/2006/05/04/article151490.html)


على وين القمر سافر


على بـالي على قلبـي على عمـري على بابـي
يجول الطيف وتشب الحنين أجراس همسـاتك

وتشعــل ذاكـــرة عيني من الجفنيـن لأهــدابي
إذا مريــت بحـدود النظـر من بعــد غيبــــاتك

أمد الشـوف بكــفوف الوله والشــوق وعتابي
واحط الروح في روح المســا لعناق نظراتك

ابسأل حتى ما يذبل شعـــــور يبعثر اعصابي
على وين القمر سافر وسافر ضي بسمــاتك؟

سألـت الليل وعيـون السهــر والكل نـادى بي
وتلعثم كل حرف من الشعـر.. نادى مسـافاتك

سألت الصبح وطيـور الفجـر والعطـر بثيابي
وتمتـم كل ما بي يشتكي لي.. بُعـد خطـــواتك

سألت الريح واشجار الشـوارع هي تسـلا بي
على لحن الجروح تعيش..ما تعرف محطاتك

تعااااال وشـوف شباك الخفوق مشمـع ولابي
سـوى ليل وسهـر وآمـال تشعلها بومــضاتك

حبيبي كـان تسمعنـي تعال وضمــد صــوابي
ولف الجرح بكفوفك.. عليك.. وخل نبضاتك

تدق اجـــراس بيباني وتحضن بوح ترحــابي
إذا فاح الوله واشعلت جمر الشـوق في ذاتك

وابيك تبوح لي وتهمـس يا أول وآخر احبابي
على وين القمر سافر وسافر ضي بســماتك؟



رياض بن عبدالكريم العقيل
http://www.alriyadh.com/2006/05/29/article158400.html



بلاد العـــــــــــــــــز

يثور الشعر في قلب الشعــور ومن وراهـ تثــــور
شرايين الغلا بأصدق مشاعر قلتهــا فيهـــــــــــا

غرام بلاد من صغري نمى فيني وانا معــــــذور
أحب ترابها وأعشق بحرها مع شواطيهـــــــــــا

على جيد الشموخ إسم لها فووق السحــاب يــدور
سطـع بيــن البـــلاد بــعـز حاضــرها وماضيهــا

بلاد العز في وجه الأراضي خيرها منثــــــــــــور
كرمها غنى للدنيا وهي غنت لياليهـــــــــــــــــــا

تصب الحب بقلوب البلاد وطيبها مذكــــــــــــــور
تمد جسورها تصافح كفوف اللي يناديهـــــــــــــا

عظيمه في عيون الناس ممساها شذى وزهــــــور
وأشوف الكون بحدوده يفوح بجود أياديهـــــــــــا

لها بين الأمم قـــدر ولها وسط الصدور حظـــــور
كثيـر أحبابهـــــا والله من الحســاد يحميهــــــــا


ملكها فارس التاريـخ ابوهـــا الحــاكم المشهــــور
زعيم الشعــب أبو متعب حبيب قلوب أهاليهـــــــا


ربيت بحفظها شــامخ شموخ جبالها والســـــــور
قسم بالله لو تطلب عيوني قلت أنا أفديهـــــــــــــا

بكـــون أقرب لها مني وأعيش بقلبها مســــــرور
لأن الروح ما تهنى سوى بنسمة روابيهــــــــــــا

هي الأصل وهي الفصل وغلاها بالصدر محفـــــور
عشقت جبالها الشـــم وعشقت ورود كاديهــــــــا

غياب أيام هو عنها ترى حسبة غياب شهــــــــور
أجي ملهوف من شوقي لها ماني بناسيهـــــــــــــا

وأقول الشوق يا بلادي غدى وسط العروق يفــــور
وجيتك يالغلا شايل مشـــــــاعر قمت أغنيهـــــــا

صباحك مسك يا عمري وليلك بالفرح ممطــــــــور
مسائك مسك يادوله أموووت بكل ما فيهـــــــــــا

************


ناديــــــــــــــت لك



ناديـــت لك وانـت بصــدودك تمـــــاديـت
جـــافيتــــني وأختـــــرت درب التمـــادي


يـامـا رفعت الصــوت باسمــك ولا جيـت
والحيــن أشوفـكـ صــرت باسمــي تنـادي


شفــت الزمـان شلــون باعـــكـ ورديـــت
تــوكـ تحــــس بلهفتــــــي واتقـــــــــادي


واللـه عـرفت تقـــول أنــا اسف أخطيــت
يــاكثـــر مـاتخطــي وأنـا أقـــول عـــادي


فـــــات الأوان ولا تـــــزيد التنــاهيــــت
مــاعــاد لك نبـــض اشتيـاـق بفــــــؤادي


رح لاتجــي مــاتنفـــــع اليــــوم يـاليـــت
ودي تعيـــــش بجــــــوف نـار ابتعـــــادي



دامـــــكـ عنيــــــد وبعنــــــادكـ تبــاهيــت
واجــب علـي أعطيــــكـ درس (http://forum.c3c2.com/t18838.html)بعنـــــادي


خــذ مــن صــدودي مــايكفيــكـ تـشـتـيــت
وارحــل مــع النسيـــــان وانســـى ودادي


وانســى بأنـي في حيــاتي تمنيـــــــــــت
منـــكـ الوصـل عقــب اختــلاف المبــادي


هـــذا قـــراري واذكـــره وين مـا امسيــت
قلبـــي بــوادي وأنــــت قلبـــــكـ بــوادي


*** *** ***

وسلامتكم

للمزيد قوقلني / في قوقل

[فنوُ *]

يعطيك العافية بس ياليت تنزل كل قصيدة بموضوع حتى نستمتع بقراءة كل قصيدة وندخل بجوها :3::21:

قصائد رائعة ..
...........صح لسانك و تسلم يمناك على ما خطت لنا :2::16:

[jennifer]

مشاء الله :27:
كم راائع ماتسطره أناملك
الف شكر لكاتب القصيده :29:

[د.مسك السحاب]

يعطيك العافية بس ياليت تنزل كل قصيدة بموضوع حتى نستمتع بقراءة كل قصيدة وندخل بجوها :3::21:

قصائد رائعة ..
...........صح لسانك و تسلم يمناك على ما خطت لنا :2::16:

صح بدنك / تشرفت بمرورك

:16:

[د.مسك السحاب]

مشاء الله :27:
كم راائع ماتسطره أناملك
الف شكر لكاتب القصيده :29:

اشكرك على المرور الكريم

القصائد كلها بقلمي يا استاده

تشرفت بـ / اطرائك *********

[تاج راسي امي]

ماشاء الله تبارك الله بقلمك يعني انت كاتبها
الله لايضرك
مبدع اخوي و جزاك الله خير على التنبية

[د.مسك السحاب]

ماشاء الله تبارك الله بقلمك يعني انت كاتبها

الله لايضرك
مبدع اخوي و جزاك الله خير على التنبية

مشكوره يا تاج ع المرور والحضور الكريم

//


//


قلت لكم ساحة الفنون ما تحمس ابدا ابد ابد

[التميمية]

من يتبـــع المقفيـــن زاد الـــكدر فيـه
يمشي على عكس اتجـــاهات الأرياح

يا صاح ما ينفعك جيـــش المشـــاريه
باللي خذلك وحط في ظهرك رمــاح



عز الله انك قصاد :27: وفالك البيييرق ي شيخ


** عندي لك بس ملاحظه صغيرونه كان تسمعه خذه وان كان ما عجبتك قطه ببحر

الابداع والصعود القمم يمشي سلم سلم يعني حبه حبه الواحد ماهو من أول محاوله يستسلم خلاص لا بد له من المتابعه ووالاجتهاد
يعني انت الله يهديك سويت غلط بأنك نزلت كل قصايدك بموضوع واحد وهذا من رأيي انه اكبر غلط
المفروض تنزل كل وحده بموضوع وتعطي الناس مجال بأنها تعطي كل قصيده حقها لكن اللحين نزلتهن كلهن بموضوع واحد فشي طبيعي الناس اللحين بتشوف كثرة القصايد ولا راح تعبر لك مثل لو انك نزلته لحالها فعلشان كذ1 ردرودهم ماهي معجبتك ولو اني انا شخصيا اشوفها تشجيع وحماس مادري وش اللي تبيه بالضبط
ترى مو شرط كثره الردود اهم شي المعنى والمضمون :27:

ومثل ما قلت لك كان ما اعجبك كلامي قطه ببحر ولا كأنك سمعته


تمنياتي لك بالتوفيق عزيزي :16:

[التميمية]

تم التقييم :21:
:15::15::15::15::15:

[د.مسك السحاب]

التميميه

كلامك ع العين والراس وبالعكس استفيد من اي ملاحظه توجه لي

واستقبلها بصدر رحب

اشكرك من اعماق القلب

[سادن كنان]

التميمية شكرا على التنبيه و لي الشرف بتنبيهك


د.مسك السحاب الف مبروك نجاح القسم لوجودك في هذا القسم اسمك ماركه لنجاح

[التميمية]

د.مسك السحاب

شف هالرابط علشان ما تقول الساحه ما تحمس :27:



http://www.ckfu.org/vb/9239141-post17.html

[د.مسك السحاب]

اتشرف بمرور الجميع

لا عدمناكم

[د.مسك السحاب]

سادن وكنان

الله يعلي شانك و يوفقك

لا عدمتك :16::16::16:

[قلبي مجنوونك]

/




صح لسانك ...تسلم يمينك
كتبت ف ابدعت استاذي
ينقل بعد اذنك لقسمه المناسب