للناس الفاهمه [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : للناس الفاهمه

وشيب عيني

2013- 7- 12, 01:06 AM

عندي دوره فرد اساسي والتعليم عن بعد
يحتاج شخص يتابع المحضارات

اقدر اخلى من واحد من ربع يتابع المحاضرات عني استطيع او في مشكله

JASMENN

2013- 7- 12, 01:10 AM

متابعه المحاضرات مو للدرجه بس هي عشان تفهم الماده يعني المصلحه لك اولا واخيرا
اما عن يصلح او مايصلح هو عادي اهم شي تكون محملها او متابعها اون لاين عشان درجات المشاركه ماتنقصك بس الافضل تتابعها بنفسك عشان تهضم المواد.. صعبه تذاكر بس وقت الاختبار وانت ماعندك خلفيه عن الماده من قبل .. يعني حتى لو تنجح ماراح يكون معدلك بالمستوى المطلوب ..

صَمْتّ مُؤْلِمْ

2013- 7- 12, 01:10 AM

تستطيع

ولكن ستفوت عليك أستمعها وكسب معلومة من هنا وهناك تعينك بوقت الاختبارات

ولكن إذا الأمر ضيق عليك تقدر أكيداً :21:

المهم يكون محافظ على الدخول وتحميل المحاضرات وحل الواجبات وحل النقاشات

لهذا لازم يكون شخص تثق بأنه يريد مصلحتك

بالتوفيق

DaNa_F

2013- 7- 12, 01:12 AM

عادي جدا

ملاحظه جانبيه لاعلاقة لها بشخصك
الحين في ناس بتويتر تدفع لها افلوس عشان يحملون ويحلون الوجبات و المناقشات !!!!!!!!!!!!!!!!!!!!!!!
عالم غريبه

طموح فتاه

2013- 7- 12, 01:44 AM

عادي جدا

ملاحظه جانبيه لاعلاقة لها بشخصك
الحين في ناس بتويتر تدفع لها افلوس عشان يحملون ويحلون الوجبات و المناقشات !!!!!!!!!!!!!!!!!!!!!!!
عالم غريبه
تدرين هذول هم السبب اللي مخلين الكل مستنقص شهاداتنا
وبعد حتى تحديث بيانات حافز متوفر بفلوس للي يحب
من جد قلت عليهم الأشياء كل شي بيتاجرون فيه
حب للفلوس أو فقرانين لهالدرجه

Ronin

2013- 7- 12, 01:56 AM

دورة فرد أساسي إذا ماحضرتها تتخرج ؟
وإذا عندك واسطة وفيه واحد أخذ دورة الفرد الأساسي بدالك بتطلع فاهم بالأوامر والجزاوات زيه ؟

قارن هالشي بالدراسة وشوف من اللي بيستوعب أنت والا خويك ومن اللي بيطلع فاهم فيكم

نصيحة : أتعب على نفسك شوي وخل عنك الإتكاليّه

Adel F

2013- 7- 12, 02:50 AM

طيب مو مشكله لو غيرك تابع المحاضرات ، هل هو بيختبر ؟ هههه
ترى الفكرة في الموضوع عشان الدرجة تحمل المحاضرات مو تشاهدها كامله ..
يعني كل مانزلت محاضرة ادخل النظام حملها ، وخلاص ..

يمكن قصدك تخلي غيرك يحملها عشان تحتسب الدرجة .. بكذا أوكي ، لكن يتابعها ؟ هههه

..*

بوبديـــــْع

2013- 7- 12, 06:22 AM

ياجماعة الخير ... الرجال بيتعسكر ... ودورة الفرد الاساسي يعني تعين متدرب جديد في العسكرية ... وفوق هذا كله 45 يوم مايشوف اهله ... ماهو بفاضي يفتح محاضرات ولا يحل واجبات ..... يعني كااانه يقول اوقف هالفصل ولا استمر ماقدر يوصل لكم السؤال صح ... وانا اجاوبك ياخوي العمل المستجد ...
اقول لك خل احد يفتح لك المحاضرات عشان الدرجات .. ويحل لك الواجبات عشان ايضا الدرجات والمشاركات بعد ... وبعد ماتخلص الفرد الاساسي شوف تعيينك عشان تختار الديره الاقرب لك لأداء الامتحان وبعدين الله يعينك تذاكر وتشوف المحاضرات سواء المباشره والمسجله .. بس ماانصحك تأأجل سمستر وتأخر عمرك .. ترا شغلة احتساب الدرجات سهالات بس شف لك احد ثقة سواء اختك او احد اقاربك ...
وبالتوفيق .. وفالك رتبة لواااء ياخوي ..

وشيب عيني

2013- 7- 12, 12:44 PM

جزاكم الله خير
اشكر الجميع وساخذ برايكم وبو بديع ياعيني عليك

وقتي

2013- 7- 12, 01:03 PM

شف اهم شيء اذا حاب تريح نفسك ولا تحس بمعناة والظاهر انك بسكن وما عندك انترنت ,,نصيحتي كالتالي ,,
1.خل واحد من زملائك يشوف المحتوى والمحاضرات المباشرة وينزلها ويحل الواجبات عنك
2.اطبع محتوى المادة من الموقع خميس وجمعه على ورق.. وأشتر ملخصات تذاكر منها وهي متوفر في المكتبات ,,,وبتوفيق لك ان شاء الله ..
اهم شي تحسبها صح وتشوف متى تنتهي دورتك عشان يمديك تحضر الاختبارات وهي لمده اسبوعين تقريبا ,,
وكلام ابو وديع على متمة انا توي شفت ردة في مكانه

رنو

2013- 7- 12, 01:46 PM

لو أنك أخوي كان قلت رح خذ دورتك وأنت مرتـاح ,وأسويله كل شي من تحميل وغيره ...

بس قبل الاختبارات أحشره وأخليه يتابع كل المحاضرات اللي تحتاج فهم ...

ولو قام يهايط علي وموب مذاكر أطلع للخدمات الطلابيـه وأقرب تأجيل للترم ههههههههه ..

خواتـك خواتـك لاغدت الليالي عوج ..."

بالتوفيق لك ...

روحي بحائل

2013- 7- 12, 02:37 PM

تطمن عندك فرصه الى قبل الاختبارات بثلاث اسابيع تقدر تسوى كل شئ بيومين بالكثير
بالتوفيق لك