جميع التخصصات الجداول الزمنيه للفصل الدراسي الاول .. تم إضافة المواد العامه ومواد التحضيري (1434-1335 هـ) [الأرشيف] - ملتقى طلاب وطالبات جامعة الملك فيصل,جامعة الدمام

عائشة البارقي

2013- 7- 14, 11:44 PM

. السلام عليكم و رحمة الله و بركاته
الرابط التالي يحتوي على الجداول الزمنية للفصل الدراسي الاول للعام (1434-1335 هـ) كما وردتنا من الأقسام و التى تتضمن ارقام الفصول لترتيب و تنسبق جدولك الزمني قبل بدء فترة التسجيل

ملاحظة :
الجداول غير المدرجة لم تصلنا بعد وفي حال وصولها سوف يتم ادراجها
يجب مراعاة التغير الجديد في العطلة الاسبوعيه وعلية ينتقل جدول يوم السبت الى الأحد وهكذا بقية ايام الأسبوع الى يوم الخميس
[تمنياتي للجميع بالتوفيق[/]

https://app.box.com/s/1216ab7qijbdyzl2dp5e

منقول من المنتدى الرسمي لكلية العلوم جامعة الدمام

جداول التحضيري والمواد العامة هنا

https://app.box.com/s/1216ab7qijbdyzl2dp5e/1/1008991865

اسلامي سر نجاتي

2013- 7- 15, 02:43 AM

و عليكم السلام و رحمة الله و بركااته

الله يجزآآآكِ خير يَ السمية :16:

sherah

2013- 7- 15, 03:39 AM

تسلمين :16:
ربي يعطيك العافية

بس متى يبدا تسجيل المواد؟؟ :38:

99amoon99

2013- 7- 15, 04:10 AM

مشككوووره:11:
التسجيل بداية شوال

زهرة الصباح

2013- 7- 15, 04:15 AM

بنات شفتوا جدول المواد العامة اللغة العربية؟

مخلين الجدول من السبت إلى الأربعاء، والحلو أنو السبت مافي محاضرات
بس ما أدري نخلي محاضرات الأحد تروح للاثنين ولا كيف؟
إذا تقدرون تسألون في الموقع الرسمي لا تقصرون

silnce

2013- 7- 15, 06:26 AM

^
مكتوب اصلا خطة 2010 يعني اتوقع م يصلح نحطها ضمن جدولنا احنا ؟!!

رفيف الروح

2013- 7- 15, 06:37 AM

الخطه الجديده للكل 2010 مافي خطه بعدها

زهرة الصباح

2013- 7- 15, 07:05 AM

طيب تتوقعون جدولهم مضبوط ولا بينقلون محاضرات الأربعاء للخميس؟

رفيف الروح

2013- 7- 15, 07:23 AM

حسب ما شفت الجدول اللي فيه سبت اخري كل يوم للي بعده

توتة القحطاني

2013- 7- 15, 03:12 PM

بنات السبت يصير احد والاحد يصير اثنين وهكذا وطبعا الاربعاء يصير خميس:21:

زهرة الصباح

2013- 7- 15, 03:40 PM

يالله !:7:
مايضبط جدولي كذا :12:

الحـب

2013- 7- 15, 05:40 PM

وين جداول المواد العامه ؟

Amel Mohammad

2013- 7- 15, 05:42 PM

لسى في مواد ما نزلت وكمان سنة تحضيري ما نزلت

ابغا اسال متى تنزل الباقي في احد عندو خبر ؟؟

H a R o H i <3

2013- 7- 16, 01:24 AM

يعطيكك العآفية أخي عائشة
من زمآان وأنا أنتظر الجداآول
فآل الكل جدآاول نفس اللي بيرتبونهآا:42:

FDWAT ANFASK

2013- 7- 16, 01:56 AM

بنات جدول الاختبارات يتغير سنه عن سنه ولا لا
لاني محمله جدول الاختبارات للسنه اللي راحت
يحتاج احمله مره ثانيه ولا لا؟؟

♡ Miss Apple

2013- 7- 16, 02:52 AM

بنات جدول الاختبارات يتغير سنه عن سنه ولا لا
لاني محمله جدول الاختبارات للسنه اللي راحت
يحتاج احمله مره ثانيه ولا لا؟؟

اي حبيبتي يتغير كل ترم :17:

Amel Mohammad

2013- 7- 16, 03:02 AM

في جداول مكتوب بدايتها السبت وفي جداول بدايتها الاحد بس اللي بدايتها سبت يسير السبت احد والاحد اثنين وكذا يعني ينزاح الجدول

HOA

2013- 7- 16, 03:21 AM

بنات الله يعافيكم ابي الخطه الدراسيه لقسم الاحياء

فجر اللقاء

2013- 7- 16, 03:39 AM

بنات متأكدين ان كل يوم ينزل للي بعده ولا السبت يروح للخميس .؟؟

:30:

nice and smart

2013- 7- 16, 05:11 AM

أنا احياء والجدول لما فتحته مكتوب من الأحد للخميس

بس جدول الامتحانات الي مكتوب من السبت للأربعاء

فجر اللقاء

2013- 7- 16, 05:47 AM

ايييه حتى انا كيذا ..:42:

@الفراشه@

2013- 7- 16, 06:52 AM

حبايبي الجدول يصير له ازاحه لكل الاقسام يعني السبت ينتقل احد والاحد اثنين والاثنين ثلاثاء والثلاثاء اربعاء والاربعاء خميس .. وبالنسبه لجدول الاختبارات نفس الشي بس ماغيرتو الجامعه لان مسوينه قبل الجدول كذا تشوفون الجدول مغيرينه وجدول الاختبارات نفسه ..

بالتوفيق للكل :16:

FDWAT ANFASK

2013- 7- 16, 07:17 AM

اي حبيبتي يتغير كل ترم :17:

يعطيك العافيه :16:
شيكت عليهم طلعت مختلفه اختلاف بسيط :42:

FDWAT ANFASK

2013- 7- 16, 07:21 AM

فاطمه خالد

2013- 7- 16, 05:25 PM

بنات الجدوول مو مظبوط انا مستوى خامس ومالقيت كيمياء حيويه وجدول المواد العامه ناقص !!!1

سولي الحلوه

2013- 7- 16, 06:49 PM

موجود كيمياء حيويه تبع مستوى خامس بالجدول
تاكدي زين

فاطمه خالد

2013- 7- 16, 08:59 PM

موجود كيمياء حيويه تبع مستوى خامس بالجدول
تاكدي زين

انا احياء شفت و موموجود :22:

H a R o H i <3

2013- 7- 16, 10:09 PM

بنات الجدوول مو مظبوط انا مستوى خامس ومالقيت كيمياء حيويه وجدول المواد العامه ناقص !!!1

مواد الكيمياء لقسم الأحياء تلآقينهآا بجدول لحآلها
تلاقينها مع بآقي جداول القسم بنفس المجلد
تأكدي ي خيّتي:42:

HOA

2013- 7- 16, 11:14 PM

بنات ابي الخطه الدراسيه لقسم الاحياء

فيزيائية**

2013- 7- 16, 11:55 PM

srronah

2013- 7- 17, 12:02 AM

بنات الاحيااااااااااء
بسألكم .. الحين اذا اخترت ماده نظري في شعبه 1(أ) لازم العملي يكون 1(أ),(ب) ؟
والا اهم شئ تكون 1 مع 1 اممممم مثلا اخترت النظري 2(أ) والعملي 1(أ) عااادي ؟؟

اححححد يفهممممني تكفووون :12: انلحسسست :40:

al7an

2013- 7- 17, 12:42 AM

قصدك النظري شعبة 1

لازم العملي يا 1أ او 1ب

راقية بإسلوبي

2013- 7- 17, 12:48 AM

مبروك عليكم الشهر بناات:14:
المواد العامة مانزلت كلها صح؟؟:33:

REEM,

2013- 7- 17, 01:44 AM

مواد التحضيري مو موجوده صح ؟؟؟؟؟

ابي فيزيا عامه 1 :(

♡ Miss Apple

2013- 7- 17, 02:35 AM

مواد التحضيري مو موجوده صح ؟؟؟؟؟

ابي فيزيا عامه 1 :(

نزل الاحياء والصحه بس ..

فيز وكيم وريض بعد :29:

♡ Miss Apple

2013- 7- 17, 02:36 AM

مبروك عليكم الشهر بناات:14:
المواد العامة مانزلت كلها صح؟؟:33:

ايوه .. لسا مواد الدين

التذوق والكتابه اللي نزلوا فقط :29:

وردة علاوي

2013- 7- 17, 02:42 AM

جدول الكيمياء
طالع الصفحة 2 فاضيه لييييش؟

♡ Miss Apple

2013- 7- 17, 02:48 AM

جدول الكيمياء
طالع الصفحة 2 فاضيه لييييش؟

ايوه شفت الجدول زياده بالغلط :8:

لان كل الايام موجوده :21:

سوي جدولك وانتي مرتاحه :29:

فجر اللقاء

2013- 7- 17, 09:52 PM

بنات مادة تطبيقات الحاسب في الكيمياء وين الاقيها ؟

مو وجوده في جداو اختبارات قسم الكيميا ولا في قسم الحاسب ولا المواد العامه ؟؟

مَرَآسِيْلْ

2013- 7- 17, 10:00 PM

ايوه .. لسا مواد الدين

التذوق والكتابه اللي نزلوا فقط :29:

نزل الحاسب والاحصاء بعد

فيزيائية**

2013- 7- 18, 12:38 AM

مبروك عليكم الشهر بناات:14:
المواد العامة مانزلت كلها صح؟؟:33:
مواد الدين مانزلت

جوج الهاجري

2013- 7- 18, 03:59 AM

زينن والآداب ؤين ألقى حقهمم

جرآح

2013- 7- 18, 04:21 AM

يا بنات:

كيف اعرف مواد المستوى الواحد كلها سواء عربي انجليزي دين تخصص

حتى نعرف نرتب الجدول على اساسها

♡ Miss Apple

2013- 7- 18, 04:44 AM

يا بنات:

كيف اعرف مواد المستوى الواحد كلها سواء عربي انجليزي دين تخصص

حتى نعرف نرتب الجدول على اساسها

حبيبتي حسب الخطه الدراسيه لتخصصك:34:

Alosh

2013- 7- 18, 03:51 PM

بنات لو المادة شعبة وحدة بس يصير بعدين يفتحون شعبة ثانية ؟
لأن عندي تعارض لمادتين و كل مادة شعبة وحدة بس :9:
و هل إقدر آخذ وحدة من هالمواد مع خطة 2008 و أتا خطتي 2010 ؟

صمتت

2013- 7- 18, 03:54 PM

راجعي الكلية قسم الجداول

واذا تعارض

خذية معتذرات :16:

بالتوفيق

سبرادو

2013- 7- 18, 04:50 PM

The.Hajri

2013- 7- 18, 11:43 PM

فيزيا 2 ومنطق وطرق اثبات انزلو؟؟؟؟؟؟

G.SHM

2013- 7- 19, 12:12 AM

جدول المواد العامه فيه بس الصحه والاحياء , و انا اقرى الاقي مكتوب فوق ( جدولة مادة أحياء عامه لقسم الأحياء ) ونفس الشيئ للصحه مكتوب لقسم الأحياء
يعني قصدهم للي متخصصين احياء ولا كيف ؟
والمواد العامه وش قصدهم للتحضيري يعني !!

هلا حبيبتي
لا مو للي متخصصين احياء
هذي المادتين يدرسونها كل التحضيري بس قصدهم انه الصحه واللياقه ماده تابعه لقسم الاحياء يعني عن الفيتامينات والجسم والاسعافات والامراض وكذا يعني واللي يدرسون هالماده من قسم الاحياء يعني نفس الليي يدرسون احياء

والمواد العامه قصدهم مواد العربي والدين وكذا غير عن مواد التحضيري :1:

الوردة السمراء

2013- 7- 19, 05:10 AM

طيب ليه ما يكتبون بدل السبت احد وكدا بدل ما يلخبطونا

بنات في تويتر الجامعه حاطين انو التسجيل يبدا 18 شوال

فؤاد الخير

2013- 7- 19, 07:20 AM

بنات بسألكم فيه مواد نازله من مستوى السادس:44:

عشان لو اخذت لي ماده باعادل الساعات واقدر امشي. ع الخطه.. مايكفي حوسه كل ترم��

والفيزيائيه نزلوها بالصيف وبعدين شالوها.. ��.. ليش كذا
ياليت اي ماده تنزل من مستوى سادس تعطوناااا خبرررر..

��

moonaaa

2013- 7- 19, 11:06 AM

بنات الاحياء أبي اسألكم ..
المفصليات الطبيه والاقتصاديه منزلينها بالجدول ..لكن ليه مانزلوهابجدول الاختبارات
يعني جدول الاختبار مو اكيد ورح يتغير ولا كيف
ياليت تفيدوني جزاكم الله خير

blackHope

2013- 7- 19, 02:30 PM

السلام عليكم بنات .. ما عندكم فكرة متى تنزل جداول باقي المواد العامة وا>ا مواد الانجليزي بتنزل الحين او لا؟ لان الحين ما فيه الا مود اللغة العربية !

.،×لسعة شقاوة×،

2013- 7- 19, 04:11 PM

بنات الاحياء
ماده وظائف اعضاء حيوان من مستوى خامس
موجود لها في شعبه 4(ب) بس عملي مالها نظري شلون جايه كذا :6:

*Dhoha

2013- 7- 20, 05:58 AM

احس الجداول للحين ناقصة ..
يعني باقي المواد العامة وين !!
لا تستعجلون :21:

و الله يعطيهاا العافيه اللي نزلت الجداول :1::1:

نوُن.

2013- 7- 20, 09:01 PM

احياء - مستوى خامس
جدول مواد الكيمياء - كيمياء حيوية
كيف اختار المعمل؟ اخترت النظري شعبة 4
والمعامل عندنا 4أ و 3+4ب
اي واحد اختار!

FDWAT ANFASK

2013- 7- 20, 09:27 PM

اتوقع تختارين الشعبه اللي تناسبك

فيزيائية**

2013- 7- 20, 10:54 PM

صحيح الفيزياء ليش ماهم منزلين ولا مادة من مستوى سادس .......... ويش القسم

Hmss_

2013- 7- 22, 04:27 AM

السلام عليكمم ممكن سوال ؟
الحين انا السنه الجايه تحضيري انا اسوي جدولي ولا هو جاهز :10::18:

فاطمه خالد

2013- 7- 22, 04:30 AM

لا يعطونك جاهز

Hmss_

2013- 7- 22, 05:26 AM

زييين الحمدد الله ريحتيني ��

REEM,

2013- 7- 22, 06:27 AM

:12:ياربي متوتره
انتظر الجداول تكتمل عشان نقدر نسوي جداولنا
كأنهم طولو :40:

blackHope

2013- 7- 22, 01:53 PM

بنـــــات اتمنى احد يساعدني .. هذا الترم فيه مواد دين بتنزل ولا بس اللغة العربية ؟وهل اقدر اخذ مادة من مستوى خامس وانا مستوى ثالث وانا مخلصة متطلبها ؟

فيزيائية**

2013- 7- 22, 02:43 PM

ايوة تقدرين بس لازم تاخذين موافقة مرشدة اكاديمية عندما تسجلين

blackHope

2013- 7- 22, 03:17 PM

طيب كيف اخذ هالموافقة ؟

Lama.A

2013- 7- 22, 10:47 PM

عندي استفسار
كلية العلوم فيها تخصص حاسب؟

99amoon99

2013- 7- 22, 10:55 PM

لا مافيها حاسب
بناات كيمياء حيويه مافهمت كل شعبه وين معملها:39:
اذا يقدر احد فيكم يشوف
انا اخذت معمل يوم الاحد بعد الظهر ومحاضره يوم الاثنين نهاية الدوام
لو تشوفون متطابق ولا لا لان اخاف ارتب جدولي ويطلع خطا وقت التسجيل:36::24:

Lama.A

2013- 7- 22, 11:14 PM

^ شكرًا :21:

سولي الحلوه

2013- 7- 23, 05:13 AM

لا مافي

99amoon99

2013- 7- 23, 04:55 PM

AMWAJ.

2013- 7- 24, 02:50 AM

الحين لسا لي مادتين م نزلت الرياضيات من التحضيري والعقيده !!!
م ننزلت ب الخطه يعني ولا لسا بينزلونها ؟

رهوش

2013- 7- 24, 04:50 AM

وين النظام السياسي ما اشوفه ؟؟!!

أمل رغم الالم

2013- 7- 24, 05:19 AM

99amoon99
صح كملي جدولك :21:

فيزيائية**

2013- 7- 24, 07:54 PM

نزلت مواد الدين ؟؟؟؟؟:39:

99amoon99

2013- 7- 24, 10:26 PM

99amoon99
صح كملي جدولك :21:

مشكوره حبيبتي الله يسعدك:11:

جرآح

2013- 7- 25, 02:46 AM

مشكوره ^^

جدول الكتابه والتعبير

أي واحد؟

http://store2.up-00.com/Apr13/eaD09454.png (http://www.up-00.com/) [/url]

/

http://store2.up-00.com/Apr13/KtV09454.png (http://www.up-00.com/) [url=http://www.up-00.com/]

ناوين يدوخونا كالعاده

سبرادو

2013- 7- 25, 03:10 AM

ببنات الحين هذه مواد اي مستوى تسجلونها ؟

سبرادو

2013- 7- 25, 03:11 AM

انا اعرف ان في ماداه تدرسون بكليه علوم اسمه ثقافه اسلاميه و انقليزي هذا باي مستوى اخذه ؟

سبرادو

2013- 7- 25, 03:12 AM

بنات ضروري نزلت مواد التحضيري كلها ؟

نوُن.

2013- 7- 25, 03:21 AM

heessaa

2013- 7- 25, 10:11 PM

بنات وين جدول المواد العامة للاختبارات

اسلامي سر نجاتي

2013- 7- 27, 01:42 AM

استغرب من الادآرة عدم تثبيت هذا الموضوع !!

نفرة مفهية !

2013- 7- 27, 03:11 AM

بناات . مواد الدين مانزلت صح ؟

في عيوني كلام

2013- 7- 27, 04:20 AM

متى بينزلوا مواد الدين بس خلاص ازهقنا نبي انعدل جداولنا:40:

أترك أثر

2013- 7- 27, 09:47 PM

انتو الحين ترتبون جداولكم طيب احنا التحضيري نرتبها ولالاوكيف:16::16:

جرآح

2013- 7- 28, 07:24 AM

99amoon99

2013- 7- 28, 04:40 PM

الثاني خطه2010

فيزيائية طموحة

2013- 7- 28, 05:14 PM

استغرب من الادآرة عدم تثبيت هذا الموضوع !!

إن شاء الله أختي نانا تجي وتثبته أكيد انها مشغولة أو عندها ظروف ومادخلت المنتدى والا هي مابتقصر جزاها الله كل خير :29:

al7an

2013- 7- 29, 04:19 PM

انا اعرف ان في ماداه تدرسون بكليه علوم اسمه ثقافه اسلاميه و انقليزي هذا باي مستوى اخذه ؟

تقدرين تاخذينها باي مستوى من المستوى الثاني وطالع

عبق ,,

2013- 7- 29, 05:17 PM

الكيمياء العضوية تعااااارض مع كل مادة احطها بالجدول
وبعدييييييييين :9:!!

في عيوني كلام

2013- 7- 30, 07:24 AM

مادة تطبيقات حاسب آلي في الكيمياء مافي لها اختبار نهائي لأنها مش موجوده في الجدول:38:

الدوسري ..)

2013- 7- 31, 04:20 AM

اييه مالها اختبار نهائي حاسب الكيمياء ،بيكون الاختبار عملي ونظري قبل الاختبارات النهائيه

amashla

2013- 8- 1, 05:32 AM

السلام بنات
عندي استفسار
انا توي تخصصت كيمياء يعني صرت مستووى ثاني وبالجدول مو موجود غير مواد المستوى الثالث والخامس والسابع
من فين اجيب المواد تبع المستوى حقي

al7an

2013- 8- 1, 05:37 AM

ماتقدرين تاخذين مواد التخصص للمستوى الثاني كيم عامة 2 وعضوية 1

بس تقدرين تاخذين مواد المستوى الثالث بس بدون عضوية 2

والترم الثاني راح تنزل مواد المستوى الثاني وخذيهم

مضيعة اسمي

2013- 8- 1, 06:09 AM

بنات السنه التحضيريه مانزل جدولهم
وكيف الطريقه للدخول على الجدول :7:

زهرة الصباح

2013- 8- 1, 07:10 AM

بنات يا جميلات
ممكن تنزلوا جدول الاختبارات النهائية لقسم الكيمياء؟
ماني عارفة وينه..!

في عيوني كلام

2013- 8- 2, 07:53 AM

اييه مالها اختبار نهائي حاسب الكيمياء ،بيكون الاختبار عملي ونظري قبل الاختبارات النهائيه

مشكورة:16::16::16:

أجمل احساس

2013- 8- 2, 08:02 PM

متى تنزل جداول المواد العامة؟؟

رهوش

2013- 8- 3, 04:34 AM

متى تنزل جداول مواد الدين ؟!!

Moonys

2013- 8- 3, 05:45 AM

أقدر لك مجهودك والله يعطيك العافية..
يعني الجداول السابقة لقسم الكيميا وغيرها نفس مواعيد المحاضرات لكن تنتقل الى اليوم اللي بعده ولا بيكون تغيير كبير؟.

فاطمه خالد

2013- 8- 4, 05:33 AM

متى راح تنزل جداول الموادوالعامه :36:

وردة علاوي

2013- 8- 4, 05:58 AM

بديت اخاف
لمتى بينزلوا مواد الدين
صرت احاتي ماينزلونهم:12:

روكات

2013- 8- 4, 05:04 PM

http://www.ckfu.org/vb/t481107.html

al7an

2013- 8- 4, 07:15 PM

جد جد طولوا

متى بينزلون جدوال المواد الدين:10:

Lolo1

2013- 8- 7, 05:30 PM

بنات ريااضيات عامة احسن دكتورة مين هي :16:

♡joory

2013- 8- 8, 11:04 AM

الدكتورة مريم الدوسري

blackHope

2013- 8- 11, 07:00 AM

بناات لو سمحتوا جاوبوني بيبدا التسجيل ومواد الدي لسا ما نزلت كيف يعني ؟

miss_amoon

2013- 8- 11, 03:13 PM

^^
اذا كنتي مستوى ثاني ماراح تنزل الا السمستر الجاي وتقدرين تضبطين جدولك بمواد المستوى الثالث بس اهم شى مايكون لها متتطلب
والله يوفقك

أفنـان

2013- 8- 11, 03:23 PM

وين مواد مستوى 2 ماهي موجوده .؟؟

miss_amoon

2013- 8- 11, 03:55 PM

ما راح تنزل الا السمستر الجاي

sumaih

2013- 8- 12, 12:01 AM

لين الحين سبت واربعاء !!
ترا تغير الويك إند .. بعدين غيرو جداولنا على آخر وقت واعفسونا اوكي :19:

99amoon99

2013- 8- 12, 01:10 AM

في المنتدى الرسمي قالو الجداول اللبي مبتديه من السبت نسويلها ازاحه للاحد وكذا...تكملي باقي الأيام:37:

blackHope

2013- 8- 12, 01:39 AM

^^
اذا كنتي مستوى ثاني ماراح تنزل الا السمستر الجاي وتقدرين تضبطين جدولك بمواد المستوى الثالث بس اهم شى مايكون لها متتطلب
والله يوفقك

يعني هذا الترم ما فيه لا مواد دين ولا مواد انجليزي صح ؟

reem hamad

2013- 8- 12, 09:36 PM

المواد العامه مو منزلين عقيده وأخلاق ، وتذوق الأدبي !!!
وين احصل جدولهم :39:

Lolo1

2013- 8- 12, 09:55 PM

><
نفس السؤال

miss_amoon

2013- 8- 12, 09:55 PM

المواد العامه مو منزلين عقيده وأخلاق ، وتذوق الأدبي !!!
وين احصل جدولهم :39:

تذوق ادبي موجو في مواد من كلية الاداب والعقيده للحين مانزل يمكن السمستر الجاي

nicole

2013- 8- 13, 07:48 AM

بنات في انقلش علمي بالترم الاول ؟ :31:

nice and smart

2013- 8- 13, 10:28 PM

مواد الدين راح تنزل لأني شفت جدول اختبارات المواد العامة
وفيها مواد الدين ولا مايندرى كليتنا كل يوم لها كلام
الله يعينا

يمان الحرمين

2013- 8- 15, 02:31 PM

بناتتتتتتتتتتتتتتتتتتتتتتت التفاااااااااااضل لقسم الكيميا وينهههههههههههه؟؟؟؟؟؟؟؟؟؟؟؟؟؟؟؟؟؟؟؟:18::40:

الله يسعد ويوفق اللي ترد:22:

ارياف علي

2013- 8- 15, 07:54 PM

اي افضل للأحصاء د/مروة خليل ولا د/رامي قاسم

يمان الحرمين

2013- 8- 15, 09:08 PM

اي افضل للأحصاء د/مروة خليل ولا د/رامي قاسم

مروى خليل ههههجي منها حملت الماده عندها:30: رامي يمدحونه وباخذ معه ان شاء الله

♡joory

2013- 8- 15, 09:23 PM

بنات مشروع التخرج ماشفته بالجدول شالسالفه؟

فجر اللقاء

2013- 8- 16, 02:53 PM

للحين مواد الدين مانزلت ؟؟؟!

FDWAT ANFASK

2013- 8- 16, 05:21 PM

مروى خليل ههههجي منها حملت الماده عندها:30: رامي يمدحونه وباخذ معه ان شاء الله

انا انصحكم بالدكتور رامي مررره طيب وشرحه حلو وهادئ:21:

miss_amoon

2013- 8- 16, 05:32 PM

بنت الحين الاحصاء مثل الرياضيات ساعتين نظري وساعه عملي؟؟ "تمارين:

حنين القدر

2013- 8- 16, 06:13 PM

كيف الحال بنات ؟
الحين أنا بكون سنة تحضيري كيف أسجل موادي ماعرف الطريقة .. :18::33:
وشسمة وسالفة أ وب و1 و2 دار راسي موفاهمة .. :40:
ةالحين نسجل تاريخ 18 ولآنسجل من الحين ع حسب المواد ألي نزلت .. :36::40:

رآجيه التوفيق

2013- 8- 16, 07:53 PM

حنين القدر ... جداول التحضيري تكون جاهزة :21:

وردة علاوي

2013- 8- 17, 12:50 AM

ولسه مانزلت مواد الدين
وياليييييل:40:

أجمل احساس

2013- 8- 17, 02:19 AM

وش سالفتهم ليش تأخروا مانزلوا مواد الدين
نبي نرتب جداولنا مو يحوسونا بأخر لحظة :30:

99amoon99

2013- 8- 17, 02:33 AM

لا التحضيري بسون جدااااولهم

حنين القدر

2013- 8- 17, 02:51 AM

ـأأخت رآجية مشكورة على الرد ..:1::16:
أخت 99amoon99 .. اذا أحنا نسويهم ممكن تقولين لي الطريقة .. لأنه للآن مو متوفر الرقم الجامعي .. وماعرف كيف يسوونه الجدول أحسه لحس مخي ..:6:.. ونسجل من الآن ولآننتظر لتاريخ 18 .. ومشكورة أختي ..:16::1:

_YHan

2013- 8- 17, 08:12 AM

السلام عليكم
عندي سؤال الحين اذا سجلت ماده شعبه 4 النظري ، العملي لازم تكون شبعه 4 ؟ بليز اللي تعرف ترد علي :(

أجمل احساس

2013- 8- 17, 08:39 AM

طبعا لازم تكون نفس الشعبة
والاختلاف في أ .. ب

الدوسري ..)

2013- 8- 17, 10:13 AM

احد عنده علم بموضوع التزامن !
يعني اخذ ماده ومتطلبها بنفس السمستر ؟ الي سمعت فيه او جربته تعطينا خبر :39:

_YHan

2013- 8- 17, 01:04 PM

يعني ماتفرق لو أ او ب صح؟

♡joory

2013- 8- 17, 06:20 PM

بنات اذا ابغى اسجل مواد من مستوى اعلى كيف؟

فجر اللقاء

2013- 8- 17, 07:53 PM

يعني ماتفرق لو أ او ب صح؟

لا مافي فرق بس الإختلاف في الوقت تاخذين اللي يناسبك .

فجر اللقاء

2013- 8- 17, 07:54 PM

بنات اذا ابغى اسجل مواد من مستوى اعلى كيف؟

اذا كنتي ماخذه متطلباتها تقدرين تاخذينها وتسجلينها عادي زي باقي المواد .

الدوسري ..)

2013- 8- 17, 08:00 PM

بنات اذا ابغى اسجل مواد من مستوى اعلى كيف؟

ذا أعلى منك بمستويين مايمدي تاخذينها الا بموافقه مشرف والاغلب مايوافقون :39:

Sara Abdulrhman

2013- 8- 17, 08:00 PM

السلام عليكم .. انا مستوى خامس لو سمحتو ممكن احد يفيدني متى اقدر اسجل موادي توني جيت من السفر ولا ادري وش السالفه ممكن احد يفيدني ؟؟

الدوسري ..)

2013- 8- 17, 08:34 PM

تو مافتح التسجيل ي بعدي
بس رتبي جدولك

الانتظاار

2013- 8- 17, 08:36 PM

السلام عليكم .. انا مستوى خامس لو سمحتو ممكن احد يفيدني متى اقدر اسجل موادي توني جيت من السفر ولا ادري وش السالفه ممكن احد يفيدني ؟؟

وعليكم السلام يا هلا

بداية التسجيل بتكون تاريخ 18 وراح يبدون بالمستويات الاعلى الى الاقل
يعني انتي يكون تسجيلك بما انك مستوى خامس تاريخ 19 وطبعا ممتدة فترة التسجيل لتاريخ 27 من الشهر ذا يعني الحمد لله عندك وقت ترتبي جدولك وكدا والله يوفقك ..

:16::29:

فتووومهـ

2013- 8- 17, 09:23 PM

احد عنده علم بموضوع التزامن !
يعني اخذ ماده ومتطلبها بنفس السمستر ؟ الي سمعت فيه او جربته تعطينا خبر :39:

التزامن كان موجود والسمستر الماضي حذفوا هذا الشي يعني مش موجود تزامن
لازم تاخذين المتطلب اول

♥..ЙAИa

2013- 8- 18, 01:18 AM

يثبت :16:

yaraabra

2013- 8- 18, 04:26 AM

الانتظاار

2013- 8- 18, 06:18 AM

سؤال المواد العامه فيه داخلها ملفين ملف مكتوب مواد عامه من كلية الاداب .. يعني هذي اروح احضر المحاضرات ب كلية الاداب ولا عندنا ب كلية العلوم ؟ .. ومتى بتنزل مواد الدين و الانجليزي و الاحصاء ؟

لا بكلية العلووم تكون بس طبعا انتبهي لا تسجلي المادة بالاداب وقصدهم من كلية الاداب يعني المواد هاذي تدرس عندهم بالاساس بس حنا تكون عندنا كمواد عامة ..
والله مدري متى بتنزل بالظبط تابعي الجداول وان شاء الله تلقينها نازلة قبل فترة التسجيل

:16:

الدوسري ..)

2013- 8- 18, 08:11 AM

يعطيك العافيه حبيبتي

♡joory

2013- 8- 18, 02:14 PM

فجر اللقاء،الدوسري
انا ماخذه متطلباتهم اعلى بمستوى واحد مو ثنين
بس متى اقدر اسوي موافقة المشرف ابغاه بدري لان تسجيلنا
احتمال يكون اول يوم

الدوسري ..)

2013- 8- 18, 07:15 PM

دام اعلى منك بمستوى واحد تسجلينه عادي مثل باقي المواد
اذا كنتي مخلصه متطلبه يعني :42:

♡joory

2013- 8- 18, 09:28 PM

لابس انا مستوى سادس والمواد من مستوى سابع
مااقدر اسجل بيومهم وبكذا بتضيع علي الشعب فهمتي :34:

HOA

2013- 8- 18, 11:04 PM

بنات وين المواد العامه مثل النظام السياسي ؟؟ م شفتها بالجداول؟؟
ولا للحين م نزلت ؟؟

miss_amoon

2013- 8- 19, 02:16 AM

بنات وين المواد العامه مثل النظام السياسي ؟؟ م شفتها بالجداول؟؟
ولا للحين م نزلت ؟؟

للحين مانزلت:41:

blackHope

2013- 8- 19, 04:32 AM

بنات انا ابغى اخذ مادة اعلى مني بمستويين وخلصت متطلبها كيف اقدر اخذ موافقة مشرف ؟

yaraabra

2013- 8- 19, 08:40 PM

لا بكلية العلووم تكون بس طبعا انتبهي لا تسجلي المادة بالاداب وقصدهم من كلية الاداب يعني المواد هاذي تدرس عندهم بالاساس بس حنا تكون عندنا كمواد عامة ..
والله مدري متى بتنزل بالظبط تابعي الجداول وان شاء الله تلقينها نازلة قبل فترة التسجيل

:16:

متأكده ؟ لأن اسماء الدكاتره الي حاطينها موجودين بالاداب زي د.الطعيمي و العنباس و الزهراني و الخياط ...الخ كلهم دكاتره بالاداب !

<دلع الشرقيه>

2013- 8- 19, 10:44 PM

الدكاترة شي طبيعي بيكونون من الاداب بس هما اللي يجون كليتنا :29:

فاطمة ،

2013- 8- 20, 01:22 AM

متى بتنزل المواد العامة والتحضيري؟
ماعاد بقى شيء على التسجيل!

الله ييسر لنا ولكم.

:

miss_amoon

2013- 8- 20, 01:46 AM

متى بتنزل المواد العامة والتحضيري؟
ماعاد بقى شيء على التسجيل!

الله ييسر لنا ولكم.

:

ان شاء الله قريب يعني احتمال الخميس لان اخر دوام لهم قصدي بعده ويكند والتسجيل الاحد يعني هاليومين :27:

<دلع الشرقيه>

2013- 8- 20, 02:45 AM

ان شاء الله :24:

في عيوني كلام

2013- 8- 20, 03:53 AM

:12:

yaraabra

2013- 8- 20, 02:49 PM

انا تخصصت هالترم احياء, اقدر اخذ مواد عامه من مستوى 2,3,4,5,6,7 ولا لاء ؟؟

M00ly

2013- 8- 20, 04:43 PM

بنات الله يسعدكم فين القى الجدول حق تخصص الاحياااء اللي فيه المواد ومتطلباتها اللي عندها لا تبخل علينا وترفعه انا كان عندي وسويت فورمات للجهاز وطاااارو :4::18:

ShrooF

2013- 8- 20, 09:23 PM

من هالرابط http://www.ud.edu.sa/cs/groups/public/documents/document/mdaw/mdiy/~edisp/col_sc_grldmam_prg_pdf_bio.pdf
:37::37:

Noqa

2013- 8- 21, 02:13 AM

السلام عليكم .. بنات :29:

نزل جدول التذوق الادبي ولا ؟

يعطيكم العافيه :16:

blackHope

2013- 8- 21, 02:32 AM

السلام عليكم .. بنات :29:

نزل جدول التذوق الادبي ولا ؟

يعطيكم العافيه :16:

اي نزل تلقينه في جدول المواد العمة >مواد عامة من كلية الاداب > اللغة العربية

أجمل احساس

2013- 8- 21, 05:24 AM

يعطيكم العافية
نزلت مواد الدين ؟؟

.. Lucci

2013- 8- 21, 01:49 PM

بإنتظار مواد الدين .. إن شاء الله مآ تطول أكثر ,

سؤال ..

انجليزي علمي ينزل هالترم أو لا ؟!

نفرة مفهية !

2013- 8- 21, 05:11 PM

نزللت مواد الدين
:21::21::17::17::17:
:42::42:
:13::13:

أترك أثر

2013- 8- 21, 05:41 PM

السلام عليكم بنات عندي سؤال ؟؟؟
الحين في جداول جاهزة حق التحضيري يعني اختار شعبه ولا كيف اسوي:16:

وردة علاوي

2013- 8- 21, 06:09 PM

نفره
وين مواد الدين؟؟؟
بليززز حطي الرابط او اي شي انتظرها على نار

miss_amoon

2013- 8- 21, 06:24 PM

هذا الرابط فيها جدول المواد العامه + ومواد التحضيري للسنه هذي
:12:

blackHope

2013- 8- 21, 06:30 PM

مواد الدين نزلت واخيرا الحمدلله ... بنات بسألكم ليه جدول الاختبارات النهائية حق الكيمياء ما فيه مادة (تطبيقات الحاسب الالي في الكيمياء) ؟

<دلع الشرقيه>

2013- 8- 21, 06:52 PM

عادي مثلنا الاختبار راح يكون قبل الاختبارات النهائيه

أجمل احساس

2013- 8- 21, 08:31 PM

بنات
ســـــــــــــــــؤال
نزلت مواد الدين لكن ليش كاتبين انها من الآداب
يعني نحضرها في الآداب والا عندنا في العلوم؟؟

نفرة مفهية !

2013- 8- 21, 09:25 PM

وردة عﻻوي
ماقدرت ارد مشاركاتي ماتكفي :10:
بس نفسه الرابط الا في الموضوع ادخلي قسم مواد عامة من كية الاداب
بتشوفي المواد موجودة هناك
بالتوفيق يارب

نفرة مفهية !

2013- 8- 21, 09:27 PM

اجمل احساس
ايوه هاذي هي المواد
خديها و انتي متطمنة :21:

koronoma sawako

2013- 8- 21, 10:31 PM

السلام عليكم ورحمه الله وبركاته:16:
بنات أبسألكم أحد يعرف كم عدد الساعات المسموح لي آخذها بالترم؟!
يعني يعتمد عالمعدل بس كيف أحسبها؟!
اللي تعرف تقول لنا اذا سمحت:$

yaraabra

2013- 8- 22, 12:29 AM

بنات مادة انجليزي علمي و احصاء مانزلت بالجدول ؟ بتنزل الترم الجاي ولا بتنزل بالترم الثاني ؟؟

Γ A W A N

2013- 8- 22, 12:32 AM

بناات الحين اللي توهم انقبلو "ترم تحضيري"
يسوون جداولهم زينا ولا يلاقونها جاهزه
ابي جواب اككيد :36: !

*Dhoha

2013- 8- 22, 02:05 AM

بنااااااات مادة الاخلاق الاسلامية هي نفسها الثقافه الاسلامية !
بليييز ردوا علي ضروري
ادري انكم بتطنشون :30:

reemi

2013- 8- 22, 02:33 AM

السلام عليكم

متى اقدر اضيف المواد بالعربة ؟؟ انا مستوى سابع والتسجيل اول يوم

طهر السماء

2013- 8- 22, 03:29 AM

بنات تكفوووووون جاوبوني وين المواد العامه الباقيه الإنجليزي والثقافه؟ متى بتنزل؟ والأخلاق الإسلاميه هي نفسها الثقافه الإسلاميه؟ :7:

رفيف الروح

2013- 8- 22, 04:36 AM

الثقافه والانجلش ينزلوا الترم الثاني هالترم ماينزلوا

♥..ЙAИa

2013- 8- 22, 05:10 AM

مثل ماهو مكتوب بالعنوان بهذا الرابط
https://app.box.com/s/1216ab7qijbdyzl2dp5e/1/1008991865
اخيرااااااااااااااااااااااااااااااااااااااا:12:

الجداول الخاصه بالتحضيري والمواد العامة شكرا ً للاخت :16:

ı sαяαв•

2013- 8- 22, 05:14 AM

بنات الفيزيا :31:
ممكن احد يعطيني المواد المطلوبه فالمستوى الثالث

عَ ـبِيرْ

2013- 8- 22, 07:30 AM

مواد الدين نزلت واخيرا الحمدلله ... بنات بسألكم ليه جدول الاختبارات النهائية حق الكيمياء ما فيه مادة (تطبيقات الحاسب الالي في الكيمياء) ؟

لأنها مادة عملية تختبرينها نهائي مع المعامل قبل الاختبارات النهائية بأسبوعين أو كذا ..

الدوسري ..)

2013- 8- 22, 05:45 PM

بنات لقيت التفاضل عند بحث المواد
تهقون نزلوها لنا كيمياء !!:6:

فيزيائي أنا

2013- 8- 22, 06:14 PM

بنات الفيزيا :31:
ممكن احد يعطيني المواد المطلوبه فالمستوى الثالث

السلام عليكم المواد هي فيزياء عامه3-تفاضل وتكامل 2-بصريات-مقدمه في الأحصاء-مقدمه في الحاسب الآلي-العقيده والاخلاق بس

الحـب

2013- 8- 22, 07:02 PM

بنات فتحو المواد عشان ننزلها ف عربة التسوق

بس العقيده مانزلوها ليييش :/

طهر السماء

2013- 8- 22, 08:48 PM

بناااات صحيح مافي عقييده هالتررم ؟؟ ياليت تجاااوبون :18::18:

*أمل*

2013- 8- 22, 08:55 PM

بنات النظام السياسي اختبارها النهائي الاحد او الاثنين ؟؟
وشغله ثانيه هذي الماده تعتبر ش
بشكل عام سهله او صعبه لاني بخذها بدل العقيده .......

فاطمة ،

2013- 8- 22, 09:08 PM

بنات سؤال
بالنسبة للتحضيري .. لازم العملي والنظري نفس الشعبة؟

الدوسري ..)

2013- 8- 22, 11:31 PM

ايه

nice and smart

2013- 8- 23, 03:18 AM

لو سمحتوا بنات

أنا سجلت مادة حشرات في الجدول مكتوب عندي الثلاثاء

و لما جيت أحطها في العربة طلع العملي يوم الأربعاء نفس الوقت و نفس السي آر أن

بس اليوم متغير ومش على شان تغير الدوام

الجدول موجود عندي من الأحد للخميس

الآن أمشي على الي موجود في الجدول ولا الي موجود في النظام ؟؟

النظام ديمن يخرف فالأفضل أمشي على الجدول صح ؟؟؟

حد يرد عليي في أسرع وقت إذا سمحتوا :10::10:

ı sαяαв•

2013- 8- 23, 03:25 AM

السلام عليكم المواد هي فيزياء عامه3-تفاضل وتكامل 2-بصريات-مقدمه في الأحصاء-مقدمه في الحاسب الآلي-العقيده والاخلاق بس

يعطيج العافيه حبيبتي :16:
بس العقيده والاخلاق للحين م نزلوها بالنظام صح !! :31:

hello there

2013- 8- 23, 09:18 AM

بنات انا انقبلت بالعلوم بس ماعرف متي التسجيل و كيف :( طيب كيف اعرف الرقم الجامعي ،،، افيدوني :18:

دانه الربيع

2013- 8- 24, 03:27 AM

السلام عليكم بنات بغيت أسأل العقيده والأخلاق بتنزل هذا الترم أو لا؟؟ لأن موجود في الجداول وموو موجود في عربة التسوق:44:

سيساتو

2013- 8- 24, 12:00 PM

النظام الاقتصادي بالجدول مكتوب دكتورتين بس ، لكن بالعربة أكثر من دكتورتين ..
عادي اختار من الدكاترة اللي موجودين بالعربة بس مش موجودين بالجدول ! |:
و التذوق الأدبي نفس الشي

سيساتو

2013- 8- 24, 12:04 PM

بنات انا انقبلت بالعلوم بس ماعرف متي التسجيل و كيف :( طيب كيف اعرف الرقم الجامعي ،،، افيدوني :18:

مبروك القبول حبيبتي ..
مايحتاج تسجلين لأنك تحضيري انتِ روحي أول يوم اللي هو اليوم التعريفي
و رح يعلمونكم كل شي تسوونه ، و ياخذون أساميكم عشان الرقم الجامعي و البطاقة الجامعية ..

بالتوفيق :16:

سيساتو

2013- 8- 24, 12:11 PM

السلام عليكم بنات بغيت أسأل العقيده والأخلاق بتنزل هذا الترم أو لا؟؟ لأن موجود في الجداول وموو موجود في عربة التسوق:44:

انتِ حدثي النظام قبل يفتح التسجيل و بتكون نازلة ان شاءالله ..
و أحيان بعد فتح التسجيل ينزلونها ..

بالتوفيق :16:

The.Hajri

2013- 8- 24, 05:08 PM

النظام الاقتصادي بالجدول مكتوب دكتورتين بس ، لكن بالعربة أكثر من دكتورتين ..

عادي اختار من الدكاترة اللي موجودين بالعربة بس مش موجودين بالجدول ! |:

و التذوق الأدبي نفس الشي

هذول دكاتره الاداب والمحاضرات عندهم مو فعلوم
و عادي تقدرين تاخذينها فاداب وتدرسينها بس مشوار:26:

blackHope

2013- 8- 24, 08:53 PM

النظام الاقتصادي بالجدول مكتوب دكتورتين بس ، لكن بالعربة أكثر من دكتورتين ..

عادي اختار من الدكاترة اللي موجودين بالعربة بس مش موجودين بالجدول ! |:

و التذوق الأدبي نفس الشي

حبيبتي اذا كان فوق قبل اسم الدكتور مكتوب d يعني هم بالاداب واذا كان مكتوب f يعني بالتربية واذا كان مكتوب s يعني بعلوم .. طبعا أضمن لك تاخذين اللي في العلوم والدكتور اللي تختارينه تاكدي من الجداول النازلة هل موجود اللي اخترتيه او لا ..
انا العام سجلت مع تربية وسووا لي سالفة اظطريت احذف المادة بكبرها ...

أم زهر

2013- 8- 25, 12:57 AM

وين المواد العامة لمستوى ٣؟!؟ مالقيت جداولها

sandy

2013- 8- 25, 01:47 PM

حبيبتي اذا كان فوق قبل اسم الدكتور مكتوب d يعني هم بالاداب واذا كان مكتوب f يعني بالتربية واذا كان مكتوب s يعني بعلوم .. طبعا أضمن لك تاخذين اللي في العلوم والدكتور اللي تختارينه تاكدي من الجداول النازلة هل موجود اللي اخترتيه او لا ..
انا العام سجلت مع تربية وسووا لي سالفة اظطريت احذف المادة بكبرها ...

كيف اعرف انه بالاداب او بالعلوم افيدينا اكثر جزاك الله خير
لأني ماعرفت وين الاقي الحروف الي تقصدينها !!!؟؟ :9:

أم زهر

2013- 8- 25, 05:47 PM

بنات فيدوني شنوهي مواد عامة لمستوئ ثالث احياء؟!؟

blackHope

2013- 8- 25, 09:33 PM

كيف اعرف انه بالاداب او بالعلوم افيدينا اكثر جزاك الله خير
لأني ماعرفت وين الاقي الحروف الي تقصدينها !!!؟؟ :9:

يعني مو صح كل مادة لها crn معين .. اللي هو مثلا 9154 وكذا المهم انه جنب هالرقم في المواد العامة يكون مكتوب حرف يا اما d او f او s و زي ما قلت في ردي السابق كل حرف لـ ايش ..
اتمنى فهمتي علي .. لانك لو اخترتي مادة في كلية ثانية على حسب الحرف الموجود رح تحضرينها مع الكلية اللي اخترتيها ...

blackHope

2013- 8- 25, 09:35 PM

بنات مادة العقيدة الاسلامية هي نفسها عقيدة واخلاق ؟ لانها الوحيدة الموجودة بعربة التسوق بس ال crn حقها غير عن الموجود في الجداول !!!

sandy

2013- 8- 26, 03:38 AM

يعني مو صح كل مادة لها crn معين .. اللي هو مثلا 9154 وكذا المهم انه جنب هالرقم في المواد العامة يكون مكتوب حرف يا اما d او f او s و زي ما قلت في ردي السابق كل حرف لـ ايش ..
اتمنى فهمتي علي .. لانك لو اخترتي مادة في كلية ثانية على حسب الحرف الموجود رح تحضرينها مع الكلية اللي اخترتيها ...

http://im41.gulfup.com/1jYlM.jpg (http://www.gulfup.com/?ia0JyP)

يعني كذا انا مسجلة في كلية العلوم .!! يعني انا في السليم :31:

معليش تحمليني شوي :42:

blackHope

2013- 8- 26, 03:50 AM

http://im41.gulfup.com/1jylm.jpg (http://www.gulfup.com/?ia0jyp)

يعني كذا انا مسجلة في كلية العلوم .!! يعني انا في السليم :31:

معليش تحمليني شوي :42:

ايوااا بالظببببط صح عليك ان شاءالله كلو تمام يا رب :11: حياك الله حبيبتي ...

blackHope

2013- 8- 26, 03:55 AM

انتي بس لازم تتاكدين انو المادة اللي سجلتيها هي نفسها اللي بالجداول اللي نزلت ونفس الـ crn عشان لا تصير لك مشاكل بعدين ...

sandy

2013- 8- 26, 03:56 AM

ايوااا بالظببببط صح عليك ان شاءالله كلو تمام يا رب :11: حياك الله حبيبتي ...

الله يعطيك العافيه وييسر لك امورك يارب :16: :43:

ابتسامهـ خجل

2013- 8- 26, 07:59 AM

بنات ميين يعرف يوم الاختبار النهائي لمادة الاحصاء
لازم اعرف لا يصير عندي تعارض:44:

blackHope

2013- 8- 26, 10:22 AM

بنات ميين يعرف يوم الاختبار النهائي لمادة الاحصاء
لازم اعرف لا يصير عندي تعارض:44:

يوم الاربعاء الاسبوع الثاني الفترة الاولى ... هذا اللي بالجدول اللي عندي :29:

ShrooF

2013- 8- 27, 03:59 AM

بنات :(
التحضيري اذا جوا يسجلون موادهم لازم يلتزمون ب شششعبة وحده !!!!! و الا مو شششرط :(
ردوا علي لا هنتم ابي اضبط جدولي قبل يفتح التسجيل :(

Broken Dream

2013- 8- 27, 04:55 AM

بنات :(
التحضيري اذا جوا يسجلون موادهم لازم يلتزمون ب شششعبة وحده !!!!! و الا مو شششرط :(
ردوا علي لا هنتم ابي اضبط جدولي قبل يفتح التسجيل :(

لا مو لازم شعبة وحدة
بس العملي لازم يكون نفس شعبة النظري

a7tiaj

2013- 8- 30, 12:36 AM

السلام عليكم ورحمة الله
انا عندي استفسار ..
مادة التفاضل والتكامل 1 أي يوم بالاختبار النهائي !؟
حنا موب ناقصين حوسه نحتاس اكثر :139:

لان بقسم الرياضيات كاتبين يوم السبت الفترة الاولى
وبقسم الحاسب الالي يوم الاحد الفترة الثانية
وش الصحيح ياليت احد يفيدني :106:

nice and smart

2013- 9- 2, 09:17 AM

أتوقع يوم الأحد لأن جدول الرياضيات نزلوه قبل ماتتغير الإجازة الأسبوعية

و الحاسب بعد ماتغيرت الإجازة الأسبوعية

و اتمنى الي بقسم الحاسب والرياضيات يفيدونك أكثر

بالتوفيق:29::29:

لعنبو الحظ

2013- 9- 2, 11:29 AM

احنا بسنة 1335 :42:..

a7tiaj

2013- 9- 2, 07:22 PM

أتوقع يوم الأحد لأن جدول الرياضيات نزلوه قبل ماتتغير الإجازة الأسبوعية

و الحاسب بعد ماتغيرت الإجازة الأسبوعية

و اتمنى الي بقسم الحاسب والرياضيات يفيدونك أكثر

بالتوفيق:29::29:

مشكوره اختي على الرد :004:
لكن المشكلة ان كل الجدولين مو متغيره ومكتوب للحين السبت
لو تغيرت بيصير بقسم الرياضيات التفاضل الاحد وبقسم الحاسب يوم الاثنين
يعني المشكلة انه في احد من القسمين كاتبه خطأ :(177):

الله يوفقنا جميع :106:

طهر السماء

2013- 9- 3, 03:56 AM

بنات كيييفكم ؟ ياليت تعطوني اماكن القاعات بأرقام الفصول ابي اطلع اماكن محاضراتي:9:

ميما موسى

2013- 9- 3, 05:28 PM

بنات مادة وظائف اعضاء حيوان 1
يوم الخميس الساعة 8 مع دكتورة سحر فلاته
رقم الفصل 6519
ما حصلتها بالجدول أحد عنده نفس المادة بنفس الوقت !

طهر السماء

2013- 9- 4, 12:53 PM

بنات كيييفكم ؟ ياليت تعطوني اماكن القاعات بأرقام الفصول ابي اطلع اماكن محاضراتي:9:

ياليييت تجاوبوني..