قررت اروح اختبر بالاحساء ..وما اعرف شي بالاحساء

[قصيمي 1982]

السلام عليكم
قدر الله علي وسجلت بفقة السيرة <عجزت اسجل بالمواد الثانية لامتلاء القاعات !

وبما اني فاضي قررت اروح من القصيم للاحساء عشان اختبر هالمادة يوم الثلاثاء 15 رمضان
1700كيلو رايح جاي عشان مادة ام القهر :39::42:

ما علينا


السؤال
الحين انا ما اعرف شي بالاحساء ولكن اعرف ان الاحساء زي القصيم منطقة ولا يوجد مدينة اسمها الاحساء
وفيها المبرز والهفوف ..الجامعة باي مدينة من هالمدن؟
السؤال الثاني ابي اقرب فندق (بشرط النظافة ويفضل5نجوم او اربع ع اقل تقدير) للجامعة ..وابي رابط الفندق ببوكنق عشان احجز


ولو احد عنده وصف لموقع الجامعة اكون ممنون له

[وايليه]

ليش ماخذت طيارة ياخي
انا اخذت طياره
انا مثلك ماعرف بروح والخريطه بتدلنا ان شاء الله :41:

[دارين محمد]

وعليكم السلام


اسئله مهمه
اتمنى احد يساعد لان حتى انا ما عرف شي فيها واكيد فيه كثير غيري

:16:

[قصيمي 1982]

ليش ماخذت طيارة ياخي
انا اخذت طياره
انا مثلك ماعرف بروح والخريطه بتدلنا ان شاء الله :41:
ههههههه
من القصيم ما فيه طيران للاحساء فقط للدمام :42:
ولو رحت للدمام بستاجر سيارة وقروشة وحوسه ثم خط ..وقلت خلها خط واحد من القصيم
والخريطة مو مشكلة نفقيشن السيارة يكفي لكن عشان احجز فندق قلت الجامعة باي مدينة

القهر كان ودي اسجل بكل الثلاث مواد لكن ما قدرت ..وتوسطت لي احد الاخوات هنا ووعدتني خير لكن ما قدرت للاسف

[DaNa_F]

حتى انا مدري وين اروح ؟؟ ووين قسم الطالبات ؟؟؟

[قصيمي 1982]

وعليكم السلام


اسئله مهمه
اتمنى احد يساعد لان حتى انا ما عرف شي فيها واكيد فيه كثير غيري

:16:
الله يعينكم يا البنات ..حنا نشيل ارواحنا لكن انتم بهذله ههههه ولازم ولي امر وقروشه هالبلد ..حتى المصتصحه من البنات تصير كنها معاقه وتحتاج من يقودها بالبلد للاسف :16:

[قصيمي 1982]

حتى انا مدري وين اروح ؟؟ ووين قسم الطالبات ؟؟؟
ننتظر الاجابات من الاخوان ..ومايقصرون بعادتهم :21:

[وايليه]

انا من القصيم واخذت طيران للدمام ولا امشي طريق برمضان
انا اخذت مادتين الحمدالله فقه واخلاق يعني الثلاثاء والإربعاء ..

[JASMENN]

حتى انا مدري وين اروح ؟؟ ووين قسم الطالبات ؟؟؟

قسم الطالبات تلاقينه ببوابة 4

[قصيمي 1982]

انا من القصيم واخذت طيران للدمام ولا امشي طريق برمضان
انا اخذت مادتين الحمدالله فقه واخلاق يعني الثلاثاء والإربعاء ..
حلو مرررة
انا بفطر دامني مسافر واعادي اتمشى واتفرج على الكثبان الرملية :42::5:
انا حاولت بشتى الطرق وفتح مواضيع عشان اي احد يسجلني وما قدرت وفيه اللي فزعوا معي ولكن ما قدروا ..وكنت بحذف هالمادة ثم قلت مابدهاش نغير جو ونشوف الحساء وعيونها وتمرها

المهم كان معك ولي امر وتبون تخاووني امشوا معي انا من الرس :29: <فلم خيال علمي ههههه

[قصيمي 1982]

قسم الطالبات تلاقينه ببوابة 4
والشباب وين يروحون ووين الجامعة باي مدينة واي حي ..ولو عندك الاحداثيات يكون حلو :21:

[Brlent]

حسب علمي بالهفوف :34:

[قصيمي 1982]

حسب علمي بالهفوف :34:
نبي تأكيد طال عمرك

[Brlent]

الهفوف تم التاكيد :34:

[ابو منار]

ب قطر


أقصد على طريق قطر ... ديرة الشيخ تميم

[قصيمي 1982]

الهفوف تم التاكيد :34:
براااافوا عليييييييك
تسلمين والله

[Brlent]

العفو واجبي وخصوصا انه طريقي وطريقك واحد:34:

الله يسهلها لنا ان شاء الله ولايضيع لنا تعب

[قصيمي 1982]

ب قطر


أقصد على طريق قطر ... ديرة الشيخ تميم

حسيت ان قطر بيت شعر ومراح بل على هالوصف
احداثيه الجامعة

°50 '11 "16.01 e °50.18778

°26 '23 "18.56 n °26.38849

[قصيمي 1982]

العفو واجبي وخصوصا انه طريقي وطريقك واحد:34:

الله يسهلها لنا ان شاء الله ولايضيع لنا تعب
آمين آمين :21:

إذا مسجله كل ال3مواد فبرافو عليك ..وإذا انتي مثلي مادة وحده فعزاي لك :10:

[Brlent]

لا بالوسط:34: مادتين فقه واخلاق ههههههه

[قصيمي 1982]

العفو واجبي وخصوصا انه طريقي وطريقك واحد:34:

الله يسهلها لنا ان شاء الله ولايضيع لنا تعب
فيه فندقين او شقتين جنب الجامعة بالضبط
ستار سماء الأحساء (http://www.booking.com/hotel/sa/samaa-star.ar.html?aid=356990;label=gog235jc-hotel-ar-sa-lilyNsuiteNhofuf-unspec-sa-com;sid=047405788645860fe786b4b9924d90dd;dcid=1)



لي لي للأجنحة الفندقية الهفوف (http://www.booking.com/hotel/sa/lily-suite-hofuf.ar.html?aid=356990;label=gog235jc-hotel-ar-sa-lilyNsuiteNhofuf-unspec-sa-com;sid=047405788645860fe786b4b9924d90dd;dcid=1)





اضغطي على اسم الشقق وتفتح لك معلوماته

[نور البلاد]

في الهفوف طريق الخليج او طريق قطر نفس الشي بالنسبة للفندق الخمس نجوم بعيد عن الجامعة

[aseel.w]

شف قوقل ماب يطلع لك الشوارع الرئيسيه
.
.
راح يفيدك كثير

http://www.ckfu.org/vb/t472749.html

[قصيمي 1982]

ستار سماء الاحساء محجوزة بالكامل :9:

[قصيمي 1982]

لا بالوسط:34: مادتين فقه واخلاق ههههههه
هههههههههههههههه
اقل شي احسن مني
انا مادة وحده وساعتين من 128 ساعة للدراسة كلها ..شي محبط بس اقل شي نشوف الحساء ونشرب من ماها <على اساس بالقرون الوسطى :13:

[Brlent]

ستار سماء للاسف فل من قبل يومين كلمتهم :24:

[Brlent]

ولي لي بعد طلعت فل ههههههههههههههههه

[قصيمي 1982]

في الهفوف طريق الخليج او طريق قطر نفس الشي بالنسبة للفندق الخمس نجوم بعيد عن الجامعة
بوكنق ماعطاني إلا 5 اماكن بالاحساء كلها اثنين نظيفات والباقي مدري
بروح بعد شوي موقع اجودا يمكن يعطيني اكثر

[وايليه]

حلو مرررة
انا بفطر دامني مسافر واعادي اتمشى واتفرج على الكثبان الرملية :42::5:
انا حاولت بشتى الطرق وفتح مواضيع عشان اي احد يسجلني وما قدرت وفيه اللي فزعوا معي ولكن ما قدروا ..وكنت بحذف هالمادة ثم قلت مابدهاش نغير جو ونشوف الحساء وعيونها وتمرها

المهم كان معك ولي امر وتبون تخاووني امشوا معي انا من الرس :29: <فلم خيال علمي ههههه

شكراً لك ماتقصر انا ماشيه الاثنين طياره بإذن الله :29:

[قصيمي 1982]

شف قوقل ماب يطلع لك الشوارع الرئيسيه
.
.
راح يفيدك كثير

http://www.ckfu.org/vb/t472749.html
شكراً شكراً

لقيت العنوان سهل جدا بخرايط قوقل العادية
هي بالمربع بين الدائري الجنوبي وطريق الخليج

[وايليه]

ستار سماء للاسف فل من قبل يومين كلمتهم :24:
افا كيف اجل نسكن :13:

[قصيمي 1982]

ولي لي بعد طلعت فل ههههههههههههههههه
هههههههههههههه لا انا عطاني والحين بحجز فيها وش اسوي
900ريال يومين
ولي لي هههههه اسمها خطير ههههههههه

[قصيمي 1982]

شكراً لك ماتقصر انا ماشيه الاثنين طياره بإذن الله :29:
تروحون وترجعون بالسلامة
.. حجزتي فندق او لا ..لا تروحين على عماك ترا بهذله حاولي تحجزين من الحين اريح لك لو معك بطاقة ائتمانية

[وايليه]

تروحون وترجعون بالسلامة
.. حجزتي فندق او لا ..لا تروحين على عماك ترا بهذله حاولي تحجزين من الحين اريح لك لو معك بطاقة ائتمانية

والله اخوي مسوي كل شي يعرف للشغلات بسأله تأكد
طيب تعرف فنادق زينه شي قريب علشان اعطيه خبر

[قصيمي 1982]

والله اخوي مسوي كل شي يعرف للشغلات بسأله تأكد
طيب تعرف فنادق زينه شي قريب علشان اعطيه خبر
فيه الفندقين اللي فوق لكن شكلهم كلهم مليانين وهم قراب جدااااا جدا للجامعة
لكن الهفوف مو كبيرة يعني لو بعيد شوي ما يضر دام المشوار ربع ساعة

عندي لك فكرة
ادخلي الرابط ذا

http://www.qatarshares.com/vb/showthread.php?t=279195

وفيه ارقام كل الشقق تقريباً واتصلي عليهم واحجزي ..واللي تعجبك ابحثي عنها بقوقل وتلقين الناس ياتمدحها ياتسبها وتعرفين وضعك :21:

ولو تبين احجز لك ماعندي اي مشكلة اختي ..انتي اختاري اللي تبين ببوكنق وابشري بالخير بنت ديرتي :16:

[كلي مهابـهـ]

اذا بين القصيم والاحساء 1700 كيلو ليه فيه اعضاء يقولون بين الرياض والاحساء ساعتين ونص ياناس فهموني :6:

[قصيمي 1982]

الوايليه مفتاح مدينة الهفوف 03
يعني قبل كل رقم حطي هالمفاتح

[قصيمي 1982]

اذا بين القصيم والاحساء 1700 كيلو ليه فيه اعضاء يقولون بين الرياض والاحساء ساعتين ونص ياناس فهموني :6:
ههههههههههههه

1700تو وي يعني رايح جاي
الروحه نص هالمسافة
هي بحدود 800كيلو من الرس بالقصيم

[Ronin]

إقتراح

بما أن الإختبار يبدأ يوم الأحد
1- يوم الجمعة أو السبت بالليل تلتقون كلكم بنقطة تجمّع وحدة بالحسا وتتفقون عليها مع أحد شقرديّة طلاب الحسا المعروفين بالملتقى .
2- يقوم هذا الشقردي بتوجيهكم إلى شقق مفروشه أو فندق وتختارون المناسب لكم وبيطلع عليكم برخيص لأنكم مجموعة .
3- بعد ماتأمنون السكن وترتاحون وتعينون خير ياخذكم نفس الشقردي ويعلمكم مكان الجامعة .
4- بالنسبة للمطاعم ماراح تتعبون الحمدلله بين كل مطعم ومطعم بتشوفون مطعمين
5- كل منطقة ( الرياض - القصيم - الدمام ) يشكلون قروبات ويكون مسؤول عنهم واحد ويكون متواصل مع خوينا الشقردي وكل مسؤول يمرر المعلومة للقروب اللي معاه .
6- كل واحد فلوسه بجيبه وتجنبو القطّة .

* التنسيق إذا بديتو فيه الليلة أو بكرة الأربعاء بيكون الخميس جاهز وخالص وماعليكم إلا التنفيذ يوم الجمعة أو السبت
* الشقردي بيكون فاعل خير وماراح يتعب واجد لأن كل اللي عليه يوريكم السكن المناسب ومكان الجامعة
* بالنسبة للطالبات نفس الفكرة بس نسقو مع شقردية تعرفونها .

مع تحيات إدارة العمليات الخاصة بالمنطقة الشرقية :8:

أتمنى لكم التوفيق :2:

[قصيمي 1982]

إقتراح

بما أن الإختبار يبدأ يوم الأحد
1- يوم الجمعة أو السبت بالليل تلتقون كلكم بنقطة تجمّع وحدة بالحسا وتتفقون عليها مع أحد شقرديّة طلاب الحسا المعروفين بالملتقى .
2- يقوم هذا الشقردي بتوجيهكم إلى شقق مفروشه أو فندق وتختارون المناسب لكم وبيطلع عليكم برخيص لأنكم مجموعة .
3- بعد ماتأمنون السكن وترتاحون وتعينون خير ياخذكم نفس الشقردي ويعلمكم مكان الجامعة .
4- بالنسبة للمطاعم ماراح تتعبون الحمدلله بين كل مطعم ومطعم بتشوفون مطعمين
5- كل منطقة ( الرياض - القصيم - الدمام ) يشكلون قروبات ويكون مسؤول عنهم واحد ويكون متواصل مع خوينا الشقردي وكل مسؤول يمرر المعلومة للقروب اللي معاه .
6- كل واحد فلوسه بجيبه وتجنبو القطّة .

* التنسيق إذا بديتو فيه الليلة أو بكرة الأربعاء بيكون الخميس جاهز وخالص وماعليكم إلا التنفيذ يوم الجمعة أو السبت
* الشقردي بيكون فاعل خير وماراح يتعب واجد لأن كل اللي عليه يوريكم السكن المناسب ومكان الجامعة
* بالنسبة للطالبات نفس الفكرة بس نسقو مع شقردية تعرفونها .

مع تحيات إدارة العمليات الخاصة بالمنطقة الشرقية :8:

أتمنى لكم التوفيق :2:
ههههههههههههههه
برافوا عليك والله ما قصرتي
واحب الانسان الاجتماعي واللي يحب خدمة الناس والمجتمع :21:

رايك حلو خاصة للي خبرته قليلة وكذا ..لكن ما تصلح لي ابداً
لان نصف حياتي ترحال وباماكن ماوطاها العربي مو السعودي وامشي اموري ولا احسنها قدع :42:
اقصد انا من الناس اللي احب اخذ معلومة ثم ابني عليها وامشي ..ولاني من محبي التجمعات الشبابية اللي زي كذا لان توجهي غير شوي اقصد توجهي واسلوب حياتي ومزاجتيتي ..والتجمعات هي تحتاج لسعر مناسب للجميع وكذا ما اقصد اني شي وااو لا حشى بس طريقتي تختلف انا اعرف نفسي
والامر بسيط جدا ولا يحتاج اي شي ..اللهم معلومات بسيطة للمساعدة والتسهيل اكثر

شكراً يا اميرة :16:

[ورده..]

صادق اخوي Ronin
رتبوا انفسكم مضبوط مو كل واحد لحاله كذا بتضيعون وتخربطون عمركم
بالنسبه للطالبات من البوابه رقم 4 وتكون وراء الجامعه يعني مو من المدخل الرئيسي واسالوا ويدلونكم اهل الخير
واذا على الشقق اخذوا حتى لو بعيده شوي ما فيها شي اهم شي تكون نظيفه
واذا على المشوار للجامعه ما تجي ربع ساعه يعني اطلعوا قبل الاختبار بنص ساعه واسالوا اي احد عن الجامعه الكل بيعرفها وبيدلونكم
موفقين يارب

[قصيمي 1982]

صادق اخوي ronin
رتبوا انفسكم مضبوط مو كل واحد لحاله كذا بتضيعون وتخربطون عمركم
بالنسبه للطالبات من البوابه رقم 4 وتكون وراء الجامعه يعني مو من المدخل الرئيسي واسالوا ويدلونكم اهل الخير
واذا على الشقق اخذوا حتى لو بعيده شوي ما فيها شي اهم شي تكون نظيفه
واذا على المشوار للجامعه ما تجي ربع ساعه يعني اطلعوا قبل الاختبار بنص ساعه واسالوا اي احد عن الجامعه الكل بيعرفها وبيدلونكم
موفقين يارب

بالضبط
واتمنى من الشباب يجتمعون إذا هالامر بيساعدهم ..مع اني ما اشوف له داعي واشوف الامر سهل وعادي :16:

[كلي مهابـهـ]

ياليت احد يساعدني الله يجزاكم خير اتصلت على لي لي وسما كلهم فوول وش الحل

شفت باقي الشقق مبانيها من برا كنها شقق عمال احس فيها انواع القذاره ياليت احد يدلني على اماكن نظيفه

مو شرط قريبه من الجامعه :12:

[ريميه سلطان]

اذا فيه بنات ماخذين شقه يقبلوني معهم :42:
تراني ضيفه خفيفه :5:
وبجي طيران يوم السبت :40:
وبنزل بالسياره للحساء :27:

[صــدى الـأمـل]

هلا وغلا

كيف حالكم ؟؟
ربي يسهل عليكم حضوركم للاحساء

بتنورونا يالغوالي

بالنسبه للشقق
عندك شقق العييري فيه قريبه من الجامعه وفيه قريبه عندي بمحاسن ( شارع بومية )
او في شقق الاستقبال

وأي مساعده تبونها أنا حاضره يالغوالي

[~Mr-Dunhill]

سلامات 1700 كلم , مضيع ياقلبي

تقريبا 450 كلم

[JASMENN]

أخ قصيميالجامعه بالهفوف بحي الخالدية
أصلا ما تضيع اول ماتوصل الهفوف اسأل عنها أما البوابه أظن رقم 2 ان مخاب ظني مؤ متأكدا

[يارب تحقق أملي]

انا اخوي رافض اسكن الاحساء يقول بنسكن الدمام او الخبر ونروح بدري للاحساء وش رايييكم يمديني ان شاءلله اوصل من الخبر للاحساء قبل موعد الاختبار يمكن نفطر بطريق
خاااااااايفه يطوفني :12:

[قصيمي 1982]

سلامات 1700 كلم , مضيع ياقلبي

تقريبا 450 كلم
الرياض عني 450 وش عاد الحساء
وانا قلت انا حاسب الروحه والرجعه

[حمود بن عثمان]

طياره اريحلك بكثير:16:

[الراقي222]

انا رحت قبل كم يوم من الرياض 800 كيلو رايح جاي.. انعدم وجه موتري كله انوار وصدامات وقزاز كله رممممل عموما حبيت انبه على هالنقطه الطريق دمار وعج .. الله الله بالفيري والابرقع المهم لاحد يقع بنفس غلطتي..

[أنت تحلم]

انا اخوي رافض اسكن الاحساء يقول بنسكن الدمام او الخبر ونروح بدري للاحساء وش رايييكم يمديني ان شاءلله اوصل من الخبر للاحساء قبل موعد الاختبار يمكن نفطر بطريق
خاااااااايفه يطوفني :12:



الشمس حاره حطي احتمال انك توصلين وراسك مصدع :31:



والاحساء احلى وافضل واجمل من الدمام والخبر :26:

[وايليه]

فيه الفندقين اللي فوق لكن شكلهم كلهم مليانين وهم قراب جدااااا جدا للجامعة
لكن الهفوف مو كبيرة يعني لو بعيد شوي ما يضر دام المشوار ربع ساعة

عندي لك فكرة
ادخلي الرابط ذا

http://www.qatarshares.com/vb/showthread.php?t=279195

وفيه ارقام كل الشقق تقريباً واتصلي عليهم واحجزي ..واللي تعجبك ابحثي عنها بقوقل وتلقين الناس ياتمدحها ياتسبها وتعرفين وضعك :21:

ولو تبين احجز لك ماعندي اي مشكلة اختي ..انتي اختاري اللي تبين ببوكنق وابشري بالخير بنت ديرتي :16:
شكرا اخوي جعلك بالجنه ماقصرت :16:
تسلم وفيت وكفيت :16:
ماعليش ردي متأخر بس مادخلت الملتقى وانشغلت ذاك اليوم .. :29:

[جونـــآن]

شايلين هم..انكم ماتعرفون الطرق انتو دخلو للآحسآء
صدقوني آهل ـآلحسآء بيدلونگم لو تسآئلون آلمآرهـ
مآبيقصرون .. وبتلآقونهآ سسهلآت ..!

ربي يسهل عليگم وتجون وترحون بسلآمه ..!!
آلله يوفق ـآلجميع .. آمين ..
:106::smile::004:

[عبدالله الحربي0]

اللي مايدل الاحساء يراسلني خاص اوصف له:21:

[oiioiiio]

الله يخلي قوقل ماب قاعد يدلنا بالاحساء

بس الي يقول ٨٠٠ رايح جاي شكل طريقك غير طريقنا حنا طريقنا ما اخذ معنا ٣ ساعات والطريق ماعليه : /

[بوبديـــــْع]

تقع الجامعة في مدينة الهفوف ... على فكره .. يوجد مطار الهفوف الاقليمي ... يعني ماهو دولي زي الدمام .. ويمديك تحجز على مااعتقد على مطار داخلي القصيم الهفوف القصيم ... وفالكم التوفيق ...

[السلام عليكم :)]

https://www.google.com/maps/preview?authuser=0#!q=King+Faisal+University%2C+Al +Hofuf%2C+Eastern+Province%2C+Saudi+Arabia&data=!1m4!1m3!1d3130!2d49.5948005!3d25.3463548!2m1 !1e3!4m10!1m9!4m8!1m3!1d2286!2d49.7074982!3d25.266 4519!3m2!1i1366!2i667!4f35&fid=7

هذا رابط لموقع الجامعة على قوقل مابز
بالتوفيق