رياض اطفال المستوى الثالث رياض أطفال .. هنا تجمعنا . [الأرشيف] - ملتقى طلاب وطالبات جامعة الملك فيصل,جامعة الدمام

آإحسآإس

2013- 7- 17, 02:55 AM

السلام عليكم
الموضوع هذا لبنات المستوى الثالث رياض اطفال
طبعاً زي ما أنتوا عارفين تو تخصصنا وما نعرف شي عن الدكاترة ولا عن المواد
اللي أبي أعرفه وكل بنات مستوى الثالث :
كم عدد المواد في هالمستوى ؟
كم عدد مواد التخصص ؟
كم عدد المواد العامة ؟
ومين دكاترة وأساتذة هالمستوى ؟
وياليت تقولون لنا كل مادة ومين يدرسها ؟
صعبة أو سهلة ؟
العام كنا تحضيري وضغطنا نفسنا لين بغينا نحتضر فهالترم نبي نأخذ مواد أقل منها نرتاح شوي ومنها نرفع معدلاتنا .
بنات المستوى الخامس فيكم الخير والبركة أكيد ماراح تقصرون معنا .
وأي معلومة حابين تضيفونها جزاكم الله كل خير .
وياليت يا بنات تقولون كل شي بالتفصيل .
وأي استفسار حطوه هنا أن شاء الله راح يكون هنا تجمعنا .
وشاكرة لكم مقدماً . [/size]

NDA3

2013- 7- 17, 02:20 PM

شكرا اختي إحساس على هذي المساحة ...
في ميزان حسناتك بإذن الله ...
أنا بعد زيك بدخل التخصص هالسنة إن شاء الله ...
إن شاء الله الباقي يفيدونا ...:42:

Aishah

2013- 7- 17, 05:42 PM

بنات ترى اذا مامشيتوا على الخطة واجلتوا مواد بتتوهقون في الاختبارات لان انتوا عارفين انا اختباراتنا النهائية يومياا فرح يكون عندك مادتين في نفس اليوم

Aishah

2013- 7- 17, 05:53 PM

مواد المستوى الثالث لرياض الاطفال
نظام اقتصادي
علم نفس تربوي >>>>>> د.فاطمة علي
تطبيقات الحاسب في التعليم>>>>>>أ.شذى المالكي
مهارات التفكير >>>>> أ. مشاعل العتيق -د. أماني الغامدي
المدخل الى رياض الأطفال>>>>>>>د.فاطمة علي -د.نجلاء الزهار
علم النفس اللعب >>>>>>أد.فاتن النمر
التربية الفنية لطفل الروضة >>>>> د.نعمة عبد السلام
صحة وتغذية الطفل>>>>>أد.فاتن النمر-أ.غادة عصر
التنشئة الاجتماعية للطفل>>>>>د.نجلاء الزهار
هذا اسماء الدكاترة اللي كانوا يدرسونا مااأدري اذاا نفسهم رح يدرسونكم أو لا

flfl

2013- 7- 17, 10:48 PM

**مساء الخير للجميع**

المستوى الثالث ممتع وسهل بشكل عام

مدخل رياض أطفال :

راح يتكلم عن علماء رياض الأطفال و فلسفاتهم و كيف تنظيم الروضة .

التنشئة الاجتماعية :

سهلة أحس أنها حق تجميع درجات خصوصاً مع د/ نجلاء الزهار و راح تتكلم عن مؤسسات التنشئة مثل المنزل المدرسة التلفاز و أساليب المعاملة الوالدية مثل التدليل - القسوة - التذبذب في المعاملة ...الخ

مهارات التفكير :

المادة جميلة لأبعد الحدود و أذا بتدرسها أ/ مشاعل العتيق أضمني الa+ المادة تلامس واقع الحياة كيف تحلين مشاكلك و استراتيجيات التفكير و محاضرتها فيه أنشطة مرة حلوة .

علم النفس التربوي

نفس الي درستوها في التحضيري تماماً << نفسية :007:

تطبيقات الحاسب في التعليم :

كيف تستخدمين التقنية في التعليم + أخذنا الفوتوشوب رؤوس أقلام وسوينا مشروع + أخذنا عن تطبيقات قوقول + سوينا موقع وما درسنا كيف نسوي موقع .المادة لاتعليق و الأستاذة كريمة في الدرجات آخر السنة

التربية الفنية :

ساعة نظري و ساعتين عملي النظري فلسفة لأبعد الحدود و العملي كثر طلبات و في النهاية نص الأشياء ما استخدمناها -النظري:Looking_anim: راح تتكلم المادة عن نظرة العلماء للرسم هل الأنسان يرسم ما يعرفه أو ما يراه . بعدين بتتكلم عن النقطة محاضرة كاملة أن النقطة بداية الرسم و المحاضرة الي بعدها عن الخطوط وزي كذا وراح تاخذون مراحل تطور الرسم عن الطفل و تحليل رسوم الأطفال << أحلى شيء فالمادة .
العملي أعمال سهلة حق أطفال بتستخدمون قص و لصق صلصال و مزاز تسون فيه هرم و تلونون بأصابعكم و بزل و الباقي خلوها مفاجئة أحلى شي في العملي ترجعين أيام الأبتدائي أستهبل و كل المحاضر ضحك :53:و الي تخلص تطلع من المحاضرة .
نصيحة خذي التربية الفنية فيوم الوحدها و تعاملي مع المادة كمتنفس لك وخلصي شغلك أول بأول .

صحة وتغذية الطفل :

نفس صحة و لياقة بالتمام

علم نفس اللعب :

حلوة مرررة سهلة بتتكلم عن تعريف اللعب شروط اللعبة و العوامل المؤثرة في اللعب و أنواع اللعب .
أحلى شي كنا نطبق الألعاب فلة <<ما لعبت فتحية وردة و ضحكة عليا الدكتورة :37:

شدو حيلكم و نصيحة:sm4: لاتحذفون مواد خصوصاً من التخصص بتتوهقون:sm1: خصوصاً مواد المستوى الثالث ثلاث أربعها متطلب لمواد المستوى الرابع بعدين مواد كثير ماتقدرون تخذونها من المستوى الرابع

وبتلاحظون الواجبات كل مالها تزيد و الأعمال تكثر فخلصو أشغالكم أول بأول

الله يوفقكم لكل خير:16:

AFNAN *

2013- 7- 18, 12:57 AM

طيب بسأل ياحلوين أنا درست هذه المواد في الجبيل ,,

المستوى الاول :
سلم1 (ثقافه اسلاميه )
عرب1(كتابه وتعبير )
مبادى التربيه
مبادى الأحصاء التربوي
لغه انجليزي (101)
مبادئ علم النفس
الصحه والياقه

المستوى الثاني :
سلم 2 (عقيده واخلاق)
عرب2 (تذوق ادبي )

مهارات البحث
علم النفس النمو
بناء وتطوير المناهج
تقنيات التعليم
ونظام اقتضادي ,

ماعدا - اداره تربويه و مقدمه فالتربيه الخاصه -
ألحين اسجل الي مادرستو وأسجل مواد تخصص الي في المستوى الثالث !!!

يعطيكم ألف عافيهة

آإحسآإس

2013- 7- 18, 01:59 AM

شكرا اختي إحساس على هذي المساحة ...
في ميزان حسناتك بإذن الله ...
أنا بعد زيك بدخل التخصص هالسنة إن شاء الله ...
إن شاء الله الباقي يفيدونا ...:42:

ولو ,
إن شاء الله البنات مايقصرون .

آإحسآإس

2013- 7- 18, 02:05 AM

مواد المستوى الثالث لرياض الاطفال
نظام اقتصادي
علم نفس تربوي >>>>>> د.فاطمة علي
تطبيقات الحاسب في التعليم>>>>>>أ.شذى المالكي
مهارات التفكير >>>>> أ. مشاعل العتيق -د. أماني الغامدي
المدخل الى رياض الأطفال>>>>>>>د.فاطمة علي -د.نجلاء الزهار
علم النفس اللعب >>>>>>أد.فاتن النمر
التربية الفنية لطفل الروضة >>>>> د.نعمة عبد السلام
صحة وتغذية الطفل>>>>>أد.فاتن النمر-أ.غادة عصر
التنشئة الاجتماعية للطفل>>>>>د.نجلاء الزهار
هذا اسماء الدكاترة اللي كانوا يدرسونا مااأدري اذاا نفسهم رح يدرسونكم أو لا

مشكورة حبيبتي عايشة ماقصرتي .
مهارات التفكير أخذتي عند اي دكتورة ؟
وكمان مدخل رياض أطفال ؟
صحة و وتغذية الطفل ؟
وكيف اساليبهم وأسألتهم ؟
لأن تعرفين المواد تكون سهلة بس احياناً يجون دكتورات يكرهونك في المادة .

آإحسآإس

2013- 7- 18, 02:14 AM

**مساء الخير للجميع**

المستوى الثالث ممتع وسهل بشكل عام

مدخل رياض أطفال :

راح يتكلم عن علماء رياض الأطفال و فلسفاتهم و كيف تنظيم الروضة .

التنشئة الاجتماعية :

سهلة أحس أنها حق تجميع درجات خصوصاً مع د/ نجلاء الزهار و راح تتكلم عن مؤسسات التنشئة مثل المنزل المدرسة التلفاز و أساليب المعاملة الوالدية مثل التدليل - القسوة - التذبذب في المعاملة ...الخ

مهارات التفكير :

المادة جميلة لأبعد الحدود و أذا بتدرسها أ/ مشاعل العتيق أضمني الa+ المادة تلامس واقع الحياة كيف تحلين مشاكلك و استراتيجيات التفكير و محاضرتها فيه أنشطة مرة حلوة .

علم النفس التربوي

نفس الي درستوها في التحضيري تماماً << نفسية :007:

تطبيقات الحاسب في التعليم :

كيف تستخدمين التقنية في التعليم + أخذنا الفوتوشوب رؤوس أقلام وسوينا مشروع + أخذنا عن تطبيقات قوقول + سوينا موقع وما درسنا كيف نسوي موقع .المادة لاتعليق و الأستاذة كريمة في الدرجات آخر السنة

التربية الفنية :

ساعة نظري و ساعتين عملي النظري فلسفة لأبعد الحدود و العملي كثر طلبات و في النهاية نص الأشياء ما استخدمناها -النظري:looking_anim: راح تتكلم المادة عن نظرة العلماء للرسم هل الأنسان يرسم ما يعرفه أو ما يراه . بعدين بتتكلم عن النقطة محاضرة كاملة أن النقطة بداية الرسم و المحاضرة الي بعدها عن الخطوط وزي كذا وراح تاخذون مراحل تطور الرسم عن الطفل و تحليل رسوم الأطفال << أحلى شيء فالمادة .
العملي أعمال سهلة حق أطفال بتستخدمون قص و لصق صلصال و مزاز تسون فيه هرم و تلونون بأصابعكم و بزل و الباقي خلوها مفاجئة أحلى شي في العملي ترجعين أيام الأبتدائي أستهبل و كل المحاضر ضحك :53:و الي تخلص تطلع من المحاضرة .
نصيحة خذي التربية الفنية فيوم الوحدها و تعاملي مع المادة كمتنفس لك وخلصي شغلك أول بأول .

صحة وتغذية الطفل :

نفس صحة و لياقة بالتمام

علم نفس اللعب :

حلوة مرررة سهلة بتتكلم عن تعريف اللعب شروط اللعبة و العوامل المؤثرة في اللعب و أنواع اللعب .
أحلى شي كنا نطبق الألعاب فلة <<ما لعبت فتحية وردة و ضحكة عليا الدكتورة :37:

شدو حيلكم و نصيحة:sm4: لاتحذفون مواد خصوصاً من التخصص بتتوهقون:sm1: خصوصاً مواد المستوى الثالث ثلاث أربعها متطلب لمواد المستوى الرابع بعدين مواد كثير ماتقدرون تخذونها من المستوى الرابع

وبتلاحظون الواجبات كل مالها تزيد و الأعمال تكثر فخلصو أشغالكم أول بأول

الله يوفقكم لكل خير:16:

الله يسعدك ي شيخة ويوفقك يارب .
كلامك مرة استفدت منه وجبتي زبدة كل مادة .
بس وش المواد اللي بتكون متطلب ؟
وكيف أعرف انها متطلب ؟
ولما قلتي لا تعليق عند مادة شذى المالكي يعني قصدك أنها صعبة ؟
وضحي أكثر لو مافيها أزعاج .
وكمان علم النفس اللعب فيها ألعاب كثير :7: ؟
ما احب كذا أستحي :12:
وهل فيها أشغال زي التربية الفنية ؟
وكمان التربية الفنية من هي الدكتورة وياليت توضحين اسلوبها وكذا .
ومرة شكراً .

آإحسآإس

2013- 7- 18, 02:22 AM

طيب بسأل ياحلوين أنا درست هذه المواد في الجبيل ,,

المستوى الاول :
سلم1 (ثقافه اسلاميه )
عرب1(كتابه وتعبير )
مبادى التربيه
مبادى الأحصاء التربوي
لغه انجليزي (101)
مبادئ علم النفس
الصحه والياقه

المستوى الثاني :
سلم 2 (عقيده واخلاق)
عرب2 (تذوق ادبي )

مهارات البحث
علم النفس النمو
بناء وتطوير المناهج
تقنيات التعليم
ونظام اقتضادي ,

ماعدا - اداره تربويه و مقدمه فالتربيه الخاصه -
ألحين اسجل الي مادرستو وأسجل مواد تخصص الي في المستوى الثالث !!!

يعطيكم ألف عافيهة

نظام اقتصادي مفروض ناخذه هالمستوى بس اخذتيه قبلنا .
السمستر هذا يمديك تسجلين التربية الخاصة لكن ادارة تربوية السمستر الرابع لأنها ماتنزل الا فهالسمستر .
الله يوفقك .

Aishah

2013- 7- 18, 05:06 AM

مشكورة حبيبتي عايشة ماقصرتي .
مهارات التفكير أخذتي عند اي دكتورة ؟
وكمان مدخل رياض أطفال ؟
صحة و وتغذية الطفل ؟
وكيف اساليبهم وأسألتهم ؟
لأن تعرفين المواد تكون سهلة بس احياناً يجون دكتورات يكرهونك في المادة .

العفو حبيتي احسااس
مهارات تفكير مع أ.مشاعل العتيق وكانت مررة تجنن واسالتها رائعة
مدخل رياض أطفال مع د.فاطمة علي كانت كويسة بس في النهاية حفلت في تقييم البنات اناا مانصح اي احد ياخذ عندها الصراااحة اسالتها كانت كوسة بس لما درست عندها مادة ثانية تغيرت الانسانة 180 درجة لدرجة كثير من البنات هسترو في الاختبار من كثر انهم ماايبون يصيحون <<<<<أعرف اني طولت بالكلام عنها بس من قهر فيني

آإحسآإس

2013- 7- 18, 06:12 AM

العفو حبيتي احسااس
مهارات تفكير مع أ.مشاعل العتيق وكانت مررة تجنن واسالتها رائعة
مدخل رياض أطفال مع د.فاطمة علي كانت كويسة بس في النهاية حفلت في تقييم البنات اناا مانصح اي احد ياخذ عندها الصراااحة اسالتها كانت كوسة بس لما درست عندها مادة ثانية تغيرت الانسانة 180 درجة لدرجة كثير من البنات هسترو في الاختبار من كثر انهم ماايبون يصيحون <<<<<أعرف اني طولت بالكلام عنها بس من قهر فيني

اوك مرة شكراً ,
ماقصرتي :1:

tole

2013- 7- 18, 06:36 AM

بنات بسألكم انا مستوى ثالث بس حولت من الاداب للتربيه والحمدلله تم قبولي
بنات حبيت اسألك عن مواد هذيلي وش احسن دكاتره فكرت اخذ تحضيري اول سمستر وبعدين التخصص عارفين خايفه اول ترم بدرس عندكم ومدري عن دكاترتكم شى ممكن تفيدوون وش احسن دكاتره عندكم ابي ارفع معدلي العقيدة والاخلاق - مبادئ التربيه - مقدمة في التربية الخاصة - مبادئ علم النفس - النظام الاجتماعي في السلام - التذوق ادبي - إدارة تربووية
طولت عليكم افيدوني تكفوون :40:

NDA3

2013- 7- 18, 02:54 PM

بنات بسألكم انا مستوى ثالث بس حولت من الاداب للتربيه والحمدلله تم قبولي
بنات حبيت اسألك عن مواد هذيلي وش احسن دكاتره فكرت اخذ تحضيري اول سمستر وبعدين التخصص عارفين خايفه اول ترم بدرس عندكم ومدري عن دكاترتكم شى ممكن تفيدوون وش احسن دكاتره عندكم ابي ارفع معدلي العقيدة والاخلاق - مبادئ التربيه - مقدمة في التربية الخاصة - مبادئ علم النفس - النظام الاجتماعي في السلام - التذوق ادبي - إدارة تربووية
طولت عليكم افيدوني تكفوون :40:

بالنسبة للعقيدة والأخلاق : الدكتورة رقية عبد المقصود مشيت في مقررها بس بصراحة ما تلتزم بالأوقات لأنها تجي من الآداب ويوم جينا نسمع القرآن داومت في الأسبوع الأول قبل الاختبارات :44:
الدكتور السيد عرابي ما أدري عنه بصراحة ...
مبادئ التربية الدكتورة نادية درست كل الشعب ( لازم تنتبهين معها وتشاركين ...(
التربية الخاصة : الأستاذة مريم النعيم :21: بس أسئلتها دقيقة فركزي وانتي تذاكرين ...
مبادئ علم النفس : د/ غادة عصر :21: بس تطول في المحاضرة :40:
التذوق : باسمة العيسى :21:
إدارة تربوية : الأستاذة مشاعل العتيق ... :21: بس انتبهي للتأخير
النظام الاجتماعي : مالي علم بصراحة ...

موفقة

NDA3

2013- 7- 18, 02:57 PM

بنات بغيت أسأل : :31:
ممكن ؟ تتكلمون عن دكتورات ودكاترة هذا المستوى عشان نعرف أسلوبهم من البداية ونقدر نختار اللي نبغاهم ...
أرجو إنكم تفيدونا جزاكم الله خير :16:

flfl

2013- 7- 18, 03:20 PM

آإحسآإس مافي أزعاج أبداً

بالعكس أستمتع و أنا أرد عليكم

وش يعني متطلب و كيف أعرف المواد الي لها متطلب ؟

بختصار
المدخل إلى رياض الأطفال - علم نفس اللعب - التربية الفنية -التنشئة الأجتماعية- صحة و تغذية الطفل .
هذي المواد إذا في و حدة حذفتيها مارح تقدرين تاخذين مواد كثير في المستوى الرابع وهي :
مناهج رياض الأطفال - النمو المعرفي للطفل - تصميم الألعاب التربوية - حقوق الطفل في الإسلام -التربية البيئية - صعوبات تعلم .

المواد الي متطلب دراستها في المستوى الثالث مثل القاعدة و الأساس حق البيت

و الموادفي المستوى الرابع الي لها متطلب سابق مثل الدور الثاني في البيت

ينفع نبني الدور الثاني من غير أساس و قاعدة ؟؟
أكيد لا <<< ما يمديني عل المثال الخطير

و قيسي كذا على جميع المستويات
و تقدرين تاخذين الخطة الدراسية من الجامعة

يتبع
^
^

flfl

2013- 7- 18, 04:28 PM

بخصوص مادة أ/ شذى

المادة ثقيلة دم شوي ما أتذكر منها شي <<تصلح قصيده هع :mh35:
كانت من المواد الي ناقصني فيها درجات كثير على النجاح لكن نجحة الحمد لله + الأختبار كان من العروض و الكتاب

علم النفس في البداية كانت لعبة و حدة بس لكن مع الوقت الألعاب تكثر ألعاب تعليمية - تربوية - شعبية
و لازم تشرحين اللعبة + تختارين بنات يلعبون

بعدين عادي جداً أختري صحباتك أتفقو من أول و ألعب ومع بعض كأنكم الوحدكم في القاعة ترى مرة و ناسة:21:
صراحة كانت الدكتورة بعض الأحيان تقبل ألعاب جاهزة و المادة مافيه شغل كثير.

و بخصوص التربية الفنية

د/ نعمة عبد السلام لا تتأخرين و لا تتكلمين كثير فالمحاضرة و إذا تبغين تعرفين متى وصلت الدكتورة حدها في التعصيب تقول أمنعي الكلام<< الي تتكلم بعد كذا تعرف أنها بتنطرد من المحاضرة

يتبع

flfl

2013- 7- 18, 04:38 PM

أخيراً

ترى مش أكيد كل الدكتورت هم نفسه الي بيدرسون

وبعدين ترى الدكتورات مش كل سمستر نفس الأسلوب
في دكتورات درسون فكذا مستوى كل مستوى أسلوب غيييير .

الله يوفقكم :2:

NDA3

2013- 7- 18, 05:52 PM

أخيراً

ترى مش أكيد كل الدكتورت هم نفسه الي بيدرسون

وبعدين ترى الدكتورات مش كل سمستر نفس الأسلوب
في دكتورات درسون فكذا مستوى كل مستوى أسلوب غيييير .

الله يوفقكم :2:

آها
جزاك الله خير :16:
في ميزان حسناتك بإذن الله :34:

NDA3

2013- 7- 18, 06:00 PM

يا حلوات ادخلوا هذا الرابط وشوفوا خطة جامعة الدمام هالسنة :

http://www.ckfu.org/vb/t477641.html

بالتوفيق ... :2:

flfl

2013- 7- 19, 01:46 AM

آها
جزاك الله خير :16:
في ميزان حسناتك بإذن الله :34:

وياك
الله ييسر أموركم :2:

NDA3

2013- 7- 19, 02:05 AM

آمين أجمعين :16:

آإحسآإس

2013- 7- 19, 06:08 AM

بخصوص مادة أ/ شذى

المادة ثقيلة دم شوي ما أتذكر منها شي <<تصلح قصيده هع :mh35:
كانت من المواد الي ناقصني فيها درجات كثير على النجاح لكن نجحة الحمد لله + الأختبار كان من العروض و الكتاب

علم النفس في البداية كانت لعبة و حدة بس لكن مع الوقت الألعاب تكثر ألعاب تعليمية - تربوية - شعبية
و لازم تشرحين اللعبة + تختارين بنات يلعبون

بعدين عادي جداً أختري صحباتك أتفقو من أول و ألعب ومع بعض كأنكم الوحدكم في القاعة ترى مرة و ناسة:21:
صراحة كانت الدكتورة بعض الأحيان تقبل ألعاب جاهزة و المادة مافيه شغل كثير.

و بخصوص التربية الفنية

د/ نعمة عبد السلام لا تتأخرين و لا تتكلمين كثير فالمحاضرة و إذا تبغين تعرفين متى وصلت الدكتورة حدها في التعصيب تقول أمنعي الكلام<< الي تتكلم بعد كذا تعرف أنها بتنطرد من المحاضرة

يتبع

مرررة شكراً .
ماقصرتي حبيبتي .

آإحسآإس

2013- 7- 19, 06:13 AM

مرة شكراً وكلكم ماقصرتوا .
بس ياليت كمان بنات يتكلمون أكثر عن التربية الفنية وعلم النفس اللعب .
لأن صراحة محتاجة أرفع معدلي وهذول المادتين فيهم شغل كثير وأنا فاشة بالشغل اليدوي ,
وكمان يبي لهم جرأة وأنا مافيني ذيك الجرأة , وأكيد في بنات نفسي محتاجة أعرف عنهم كل شي بالتفصيل .
لو سمحتوا .

Soozy aj

2013- 7- 19, 06:15 AM

السلام عليكم ..
الله يحزاكم خير هالموضوع المناسب في الوقت المناسب :42:
ما عندكم خبر متى تنزل الجداول في المنتدى مثل بنات كلية التربية في الجبيل ؟
الآن هم يرتبون جدولهم و اذا وقت التسجيل يسجلون ...
دورت هنا و بموقع جامعة الدمام الرسمي ما لقيت شي :31:
...
و اذا عن الخطة موجودة في الكلية اسماء المقررات في كل مستوى
تلقونها عند مكتب القبول و التسجيل اطلبوها من الموظفة و يعطونكم ...
هي عندي اصورها لكم بكرة ان شاء الله
تمسون على خير
صوما مقبولا و افطاراً شهيا :42::1::8::19:

Soozy aj

2013- 7- 19, 06:27 AM

مقررات المستوى الثالث للسنة الثانية - رياض اطفال
http://www.m5zn.com/d/?14840376

Soozy aj

2013- 7- 19, 06:32 AM

اذا تقدر وحدة تروح الكلية الأسبوع الجاي و تسألهم عن نزول الجداول و أوقات المقررات و اسماء الدكاترة تبعها ...
او قريبه لها تداوم هناك ...
تعطينا الجواب
جزاكم الله خير جميعا

يوونا

2013- 7- 20, 12:34 AM

بنات البيوبل سوفت مو راضي يفتح معاي من امس:12: يكتب الرقم الجامعي والاالسري خطا وانا متاكده انها صح

Aishah

2013- 7- 20, 03:40 AM

مرة شكراً وكلكم ماقصرتوا .
بس ياليت كمان بنات يتكلمون أكثر عن التربية الفنية وعلم النفس اللعب .
لأن صراحة محتاجة أرفع معدلي وهذول المادتين فيهم شغل كثير وأنا فاشة بالشغل اليدوي ,
وكمان يبي لهم جرأة وأنا مافيني ذيك الجرأة , وأكيد في بنات نفسي محتاجة أعرف عنهم كل شي بالتفصيل .
لو سمحتوا .

مواد رياض الأطفال كلهاا شغل يعني كرف في كرف ولازم تتعودين على هذا الشي في المستوى الرابع ابتجيك ماده اسمهاتصميم ألعاب وتقدرين تستخدمين نفس اللعبة في كذا مادة وتعدلين عليها مااأحد يقولك شي فلاترمين شي من اللي تسوينه

NDA3

2013- 7- 21, 02:42 PM

طيب بغيت أسألكم يا بنات ...

أسلوب الدكتورات هذولا وشو إيجابياتهم وسلبياتهم :

د. أماني الغامدي
د.نجلاء الزهار
أد.فاتن النمر
د.نعمة عبد السلام

وجزاكم الله خير :2::16:

NDA3

2013- 7- 21, 02:52 PM

بنات البيوبل سوفت مو راضي يفتح معاي من امس:12: يكتب الرقم الجامعي والاالسري خطا وانا متاكده انها صح

طيب اختي جربي متصفح ثاني غير اللي تستخدمينه ...

أو شوفي يمكن غلطتي في اللغة عربي / إنجليزي ...

جربي وشوفي :39:

NDA3

2013- 7- 22, 02:20 AM

بغيت أسألكم يا بنات ...

أسلوب الدكتورات هذول وشو إيجابياتهم وسلبياتهم :

د. أماني الغامدي
د.نجلاء الزهار
أد.فاتن النمر
د.نعمة عبد السلام

تكفون جاوبوني
وجزاكم الله خير :2::16:

NDA3

2013- 7- 22, 08:15 PM

يلا يا بنات وينكم ؟؟؟؟:39:

big hart

2013- 7- 22, 09:55 PM

اللي تبي ترفع معدلها تشد حيلها بالتربيه الفنيه

والله كانت صعبه حييييييييل ونعمه الله يهديها صعبتها علينا حيل

طبعا اصدمتنا باسئلتها زين نجحنا وافتكينا منها ..

علم نفس اللعب صراحه احسها تهون عند التربيه الفنيه ..

Aishah

2013- 7- 22, 09:59 PM

بغيت أسألكم يا بنات ...

أسلوب الدكتورات هذول وشو إيجابياتهم وسلبياتهم

د. أماني الغامدي
د.نجلاء الزهار
أد.فاتن النمر
د.نعمة عبد السلام

تكفون جاوبوني وجزاكم الله خير

الدكتورة أماني تحب النظام وواجباتها تحب أنها تكون على مستوى وأسئلتها شوي صعبة بس هذا كلام البنات أنا مادرستني
الدكتورة نجلاء طيوبة وأسألتها حلووة وسهلة ودايماا تكون من العروض بس أحياناا نماذج الاجابة في الاختبار تختلف عن الاجابات الصحيحة يعني يكون مكتوب في الكتاب اجابة وهي الكتورة تحط اختيار ثاني ان هوو الصحيح بس هذي الأسىلة موو كثيرة
أد.فاتن النمر من أكثر الدكاترة اللي حبيتهم مررررة تجنن هالانسانة كوني مجتهدة عندها وثقي أنها رح تعطيك حقك وزيادة بس لاتتكلمين أبداا في محاضرتها ولااتتأخرين على حضور المحاضرة
د.نعمة عبد السلامنظامية كثيير وأسألتها شووي دقيقة هي تطول في الشرح بس شرحها حلوو

الله حيني^ـ^

2013- 7- 22, 10:51 PM

بغيت أسألكم يا بنات ...

أسلوب الدكتورات هذول وشو إيجابياتهم وسلبياتهم :

د. أماني الغامدي
د.نجلاء الزهار
أد.فاتن النمر
د.نعمة عبد السلام

تكفون جاوبوني
وجزاكم الله خير :2::16:

اماني مادرسستني
نجلاء عسسسسسسل ولا تشيلي هم مادتها
فاتن خليك سيدا وامشي مضبوط وسوي اللي تطلبه نظاميه ممره وحبوبه
نعمه تخلي الماده معقده حتى لو هي سهله بس شدي حيلك وقدمي لها اعمال اول باول

وموفقه هصا بكل اختصار:37:

NDA3

2013- 7- 23, 12:10 AM

جزاكم الله خير يا حلوات
في ميزان حسناتكم بإذن الله ... :16:

الله حيني^ـ^

2013- 7- 23, 07:06 AM

وياااااك موفقه حبيبتي:16:

NDA3

2013- 7- 24, 02:40 AM

معليش غثيتكم بالأسئلة :8:
بس انتوا العام عطوكم شي الأسبوع الأول اللي فيه مشاكل التحضيري وكذا ...
لأنوا احنا التحضيري العام الدكتورة غادة عصر عطت نبذة عن مقررها والكتاب المطلوب وكذا ...
طبعا ما حسبت حضور وغياب :42:
فما أدري عن رياض الأطفال ؟؟؟؟:16:

Aishah

2013- 7- 24, 03:26 AM

احناا دواماتنا في 25 شوال فعادي توقعي من أول يوم يبدون

NDA3

2013- 7- 24, 03:42 AM

احناا دواماتنا في 25 شوال فعادي توقعي من أول يوم يبدون

أوه :40: الله يعين بس

جزاك الله خير في ميزان حسناتك يا رب :2::2:

استغفر الله 123

2013- 8- 1, 08:48 AM

جزاكم الله خير يا بنات في ميزان حسناتكم بإذن الله :16:

AFNAN *

2013- 8- 3, 06:28 AM

صباح الخير جميعاً . ..

تقبل الله صالح الأعمال ...

بسألكم متى تنزل المواد والجداول عشان أقدر احطها في العربه قبل تسجيل المواد ؟!

تسجيل المواد 10/18 , بس نزول الجداول متى ؟!

وششكرا :2:

NDA3

2013- 8- 3, 03:43 PM

صباح الخير جميعاً . ..

تقبل الله صالح الأعمال ...

بسألكم متى تنزل المواد والجداول عشان أقدر احطها في العربه قبل تسجيل المواد ؟!

تسجيل المواد 10/18 , بس نزول الجداول متى ؟!

وششكرا :2:

هلا فيك :42:
منا ومنك :16:

جامعة الدمام أعلنت بالتويتر إنو التسجيل بيصير في 18 شوال وعربة التسوق بتفتح قبلها بأيام قليلة يعني انتي حاولي تشيكين بين فترة وفترة :14:
لما تفتح عربة التسوق تقدرين ترتبين المقررات اللي تبينها وتحطينها بعربة التسوق وبعدين في تاريخ 18 شوال أكدي تسجيل المقررات :29:

أتمنى أكون أفتدتك يا أفنان :2:
موفقة :1:

مـسك

2013- 8- 22, 08:27 AM

بنات انا في نظام مكتوب المستوى الثاني وانا مخلصه سنه تحضيري
يععنني ااكد تسجيل المواد مع مستوى الثالث اللي هو يوم الثلاثاء ؟؟

رونق ..

2013- 8- 22, 12:42 PM

https://twitter.com/UoD_NEWS/status/...143936/photo/1 (https://twitter.com/UoD_NEWS/status/370221675583143936/photo/1)

بنات هذا الرابط فيه خطة تسجيل المواد لكل مستوى له يوم معين

:16:

NDA3

2013- 8- 22, 02:07 PM

شكرا جزيلا رونق في ميزان حسناتك يا رب :34:

رونق ..

2013- 8- 22, 03:35 PM

شكرا جزيلا رونق في ميزان حسناتك يا رب :34:

العفو حبيبتي ما سويت شيء , ربي يسعدك :29:

tole

2013- 8- 22, 04:07 PM

بنات بستشيركم انا محولة من كلية الاداب للتربيه وانا الحين مستوى ثالث ايش تنصحووني اخذ مواد مستوى ثالث ولا اكمل مواد التحضيري الي ما اخذناهم وش الافضل ?

رونق ..

2013- 8- 22, 08:27 PM

بنات بستشيركم انا محولة من كلية الاداب للتربيه وانا الحين مستوى ثالث ايش تنصحووني اخذ مواد مستوى ثالث ولا اكمل مواد التحضيري الي ما اخذناهم وش الافضل ?

انا من رأي اذا كان في كثيير مواد من تحضيري ما أخذتيها فخلصي تحضيري أوول علشان بعدين تنتظمين وما تتخربط معك المواد وتخلصين مستوى مستوى احسن لك , ترى مشكلة اذا تخربطت معك المواد مع المستويات , إما اذا كانت المواد قليلة فاذا قدرتي خوذيهم مع مواد مستوى ثالث
الله يوفقك ويسهلك إن شاء الله :16:

Aishah

2013- 8- 23, 05:45 AM

خلصي مواد التحضيري اول بعدين خذي مواد مستوى ثالث عشان ماتنحاسين في الاختبارات

tole

2013- 8- 23, 12:03 PM

خلصي مواد التحضيري اول بعدين خذي مواد مستوى ثالث عشان ماتنحاسين في الاختبارات

والله لاني محتاره بس شكرا ماقصرتي الله يعطيك العافيه 😘

tole

2013- 8- 23, 12:04 PM

انا من رأي اذا كان في كثيير مواد من تحضيري ما أخذتيها فخلصي تحضيري أوول علشان بعدين تنتظمين وما تتخربط معك المواد وتخلصين مستوى مستوى احسن لك , ترى مشكلة اذا تخربطت معك المواد مع المستويات , إما اذا كانت المواد قليلة فاذا قدرتي خوذيهم مع مواد مستوى ثالث
الله يوفقك ويسهلك إن شاء الله :16:

مشكوره ماقصرتي والله كنت بحييره مب عارفه شسوي الله يعطيك العافيه 😘😘😘😘

a.s.o.

2013- 8- 24, 01:16 PM

بنات اللي حطت مواد بعربة التسوق امس ترجع الحين تحطها مرا ثانيه لأن سوو صيانه للموقع و طار كل شي :18:

طالبه موهوبه

2013- 8- 26, 01:52 AM

السلام بنات
ومووفقين أن شاء الله
أي طالبة تبغى كتب مستوى 3
متوفرين عندي -)
وموفقات

tole

2013- 8- 26, 01:08 PM

بنات الحين متى تسجيل موادنا ?

نوووشّ

2013- 8- 26, 02:56 PM

طالبة موهوبة ..
انا احتاج الكتب ولاعليك اممر ..:43:

AFNAN *

2013- 8- 26, 07:26 PM

بنات حبايبي ، صصدق لازم موافقة المشرفه على تسجيل موادي ،

وبعدين اسجل ؟! في بنات قالو كذا مايمديني اسجل الا بموافقة المشرفه !!

a.s.o.

2013- 8- 27, 12:28 PM

بنات حبايبي ، صصدق لازم موافقة المشرفه على تسجيل موادي ،

وبعدين اسجل ؟! في بنات قالو كذا مايمديني اسجل الا بموافقة المشرفه !!

نفففس السؤال ....لازم يطلعون اخبار مفاجئه قبل كل مره نسجل :32:

الامبرطوره

2013- 8- 27, 12:41 PM

المشرفة ما تتطلبين موافقتها الا اذا كان معدلك أقل من 2
أو بتسجلين مادة أقل منك بمستويين

:16:

a.s.o.

2013- 8- 27, 12:48 PM

المشرفة ما تتطلبين موافقتها الا اذا كان معدلك أقل من 2
أو بتسجلين مادة أقل منك بمستويين

:16:

هففففت فكه مابغى احد يرد:10:..شكرا حبيبتي الله ييسر لك امرك و يوفقك

hato

2013- 8- 27, 01:13 PM

بنات عندي كم ماده يطلع جمبها مغلق يعني ايش مقدر اسجلها

آإحسآإس

2013- 8- 27, 01:19 PM

خلاص مغلق مايمديك تسجلينها

a.s.o.

2013- 8- 27, 01:27 PM

بنات عندي كم ماده يطلع جمبها مغلق يعني ايش مقدر اسجلها

اذا مرا ماتبين تغيرين الشعب اللي انتي مختارتها سوي تحديث كل شوي ترى تفتح الشعب المغلقه مرات لأن فيه بنات يكونون ماخذين مكان بالشعبه بعدين تغير شعبتها فتنفتح لك.

sokarh

2013- 8- 27, 01:36 PM

بنات ابغى ادخل ماقدرت الموقع يفتح عندكم ولا لا ؟؟

a.s.o.

2013- 8- 27, 01:41 PM

بنات ابغى ادخل ماقدرت الموقع يفتح عندكم ولا لا ؟؟

الساعه 1 كان يشتغل و من ربع ساعه علللق تماما و انا اسجل صاحبتي :30: موقعهم مخيس

tole

2013- 8- 27, 04:00 PM

بنات وش تنصحوني اخذ عند مين بمادة العقيدة والاخلاق. ( حنان المنيدي - كمال محمد علي - هدى مرعي - سمية ابراهيم- فتحية القحطاني - ابتهاج الطيب ) مين احسن وحده فيهم

big hart

2013- 8- 27, 06:55 PM

نصيحه ابعدي عن هدى مرعي

اخذي فتحيه القحطاني .. شرح بذمه وضمير وماتظلم بالدرجات وشديده بالتاخير يعني حاولي تكونين نظاميه بتحبك ..

ترا هالشعب فالاداب تاكدي ان مكتوب فوق f1 والا f2 بكذا تكون بالتربيه

tole

2013- 8- 27, 07:19 PM

نصيحه ابعدي عن هدى مرعي

اخذي فتحيه القحطاني .. شرح بذمه وضمير وماتظلم بالدرجات وشديده بالتاخير يعني حاولي تكونين نظاميه بتحبك ..

ترا هالشعب فالاداب تاكدي ان مكتوب فوق f1 والا f2 بكذا تكون بالتربيه

تقصدين يعني كل المواد مب كل الشعب للتربيه بس f1 و :36:f2

سُكر مالح

2013- 8- 27, 07:27 PM

تقصدين يعني كل المواد مب كل الشعب للتربيه بس f1 و :36:f2

لا يعني مواد التخصص بكليتنا بس في مواد اسمها مواد عامة مثل :( العقيدة و الاخلاق و النظام السياسي و الثقافة, وكتابة وتعبير و تذوق ادبي ) هي مشتركة بين الكليات فالما تطلع لك بالموقع تطلع لك كل المحاضرات حقت هالمادة اللي بالاداب و اللي بالعلوم واللي بالتربية وتقدرين تدرسينها بالاداب بس بيصير مشوار عليك كل شوي رايح الاداب فدرسيها بالتربية آحسن لك . وكيف تعرفين أن المحاضرة بالتربية ؟؟؟ اذا جالك جنب الفصل اللي انتي اخترتية f01 -f02-f03-f04-f05-f06-f07 هذولاء المحاضرات بالتربية اي محاضرة يجيك جنبها أف بعده رقم هذا تربية وغيره يعني بالاداب أو العلوم

tole

2013- 8- 27, 07:44 PM

لا يعني مواد التخصص بكليتنا بس في مواد اسمها مواد عامة مثل :( العقيدة و الاخلاق و النظام السياسي و الثقافة, وكتابة وتعبير و تذوق ادبي ) هي مشتركة بين الكليات فالما تطلع لك بالموقع تطلع لك كل المحاضرات حقت هالمادة اللي بالاداب و اللي بالعلوم واللي بالتربية وتقدرين تدرسينها بالاداب بس بيصير مشوار عليك كل شوي رايح الاداب فدرسيها بالتربية آحسن لك . وكيف تعرفين أن المحاضرة بالتربية ؟؟؟ اذا جالك جنب الفصل اللي انتي اخترتية f01 -f02-f03-f04-f05-f06-f07 هذولاء المحاضرات بالتربية اي محاضرة يجيك جنبها أف بعده رقم هذا تربية وغيره يعني بالاداب أو العلوم

الله يعطيك العافيه زين نبهتيني كنت بعفس الدنيا :8:

سُكر مالح

2013- 8- 27, 07:56 PM

الله يعطيك العافيه زين نبهتيني كنت بعفس الدنيا :8:

الله يعافيك حبيبتي , كوييس علشان يمديك تعدلين ..:1::16:

Rooda

2013- 8- 30, 02:13 PM

السلام ,
بنات حبيت أسألكم كم سؤال ..

أنا سجلت موادي في أكثر من كلاس !! لأن في وحدة قالت لي إنه
كل الكلاسات في دور واحد ! طبعا انا ما عمري شفت الجامعه !
فحبيت تفيدوني بهالشيء الله يسعدكم ..

و كمان لما ادخل الموقع الرسمي ما احصل تفرع لرياض الأطفال بالموقع !
يعني ما فيه خطة دراسه ولا شيء !

الامبرطوره

2013- 8- 30, 04:32 PM

السلام ,
بنات حبيت أسألكم كم سؤال ..

أنا سجلت موادي في أكثر من كلاس !! لأن في وحدة قالت لي إنه
كل الكلاسات في دور واحد ! طبعا انا ما عمري شفت الجامعه !
فحبيت تفيدوني بهالشيء الله يسعدكم ..

و كمان لما ادخل الموقع الرسمي ما احصل تفرع لرياض الأطفال بالموقع !
يعني ما فيه خطة دراسه ولا شيء !

الدفعتين اللي راحت كانو ياخذون المواد في مبنى وهالمبنى من دورين

بس السنه ذي ما ندري لان التحضيري معنا

بالنسبة للخطة هذا هي

http://www.ud.edu.sa/DU/ar/colleges/col_artandhuman/col_edu_dammam/QURAN_S_DMAM_COURS_VDS_AR

فروع الكلية تقريبا هذا هي

http://www.ud.edu.sa/DU/ar/colleges/col_artandhuman/col_edu_dammam/VICE_RECTOR_COLL_EDU_AR

موفقـه :16::16:

tole

2013- 8- 31, 01:17 PM

بنات بسألكم دوامنا متى بكون مع الطلاب ولا الاسبوع الي بعده ?
احد يجاوبني تكفون ابي رد

Rooda

2013- 8- 31, 03:16 PM

الدفعتين اللي راحت كانو ياخذون المواد في مبنى وهالمبنى من دورين

بس السنه ذي ما ندري لان التحضيري معنا

بالنسبة للخطة هذا هي

http://www.ud.edu.sa/du/ar/colleges/...m_cours_vds_ar

فروع الكلية تقريبا هذا هي

http://www.ud.edu.sa/du/ar/colleges/...or_coll_edu_ar

موفقـه

يعطيك ألف عافية :1::1:
الله يسعدك و ييسر لك أمورك كلها

Rooda

2013- 8- 31, 03:17 PM

بنات بسألكم دوامنا متى بكون مع الطلاب ولا الاسبوع الي بعده ?
احد يجاوبني تكفون ابي رد

و الله علمي علمك :22::18:
اللي تعرف تفيدنا

LOOSH

2013- 9- 2, 04:11 AM

بنات انا مستوى ثالث .. يصير أسجل مواد عامة من مستوى خامس ؟

hato

2013- 9- 2, 05:08 AM

بنات مستوى ثالث بتداومون هذا الاسبوع ؟

رونق ..

2013- 9- 2, 05:12 AM

بنات بسألكم دوامنا متى بكون مع الطلاب ولا الاسبوع الي بعده ?
احد يجاوبني تكفون ابي رد

الدوام يبدأ مع طلاب المدارس بس دايم أول اسبوع بالنسبة لبنات مستوى ثالث و خامس ما يداومون لان ما في شيء , بس اللي عندها مششكلة في التسجيل تداوم , اما بنات تحضيري لازم يداومون ..

Rooda

2013- 9- 3, 01:16 PM

بنات مستوى 3 :42:
أخذتو شيء أو لا ؟

نوووشّ

2013- 9- 3, 04:49 PM

اهلن ي جميلة لا مافيهه شيء
محاضراتنا تبدأ من يوم الاحد ..
بس داومت اليوم شفت جداول الشعب والدكتورات ..
:16::1:

Rooda

2013- 9- 3, 05:49 PM

اهلن ي جميلة لا مافيهه شيء
محاضراتنا تبدأ من يوم الاحد ..
بس داومت اليوم شفت جداول الشعب والدكتورات ..

حبيبتي :43::1: الله يطمن و يريح قلبك مثل ما ريحتيني :1:
و يسعدك ، و يجعل السعادة ما تفارقك :1::1:

نوووشّ

2013- 9- 3, 05:52 PM

اامممين ي قلبي واياااككك ...

جعلهه دوم هالراحة

يسعدكك ربي ...:1:

Jksub

2013- 9- 3, 11:29 PM

اقول بنات وين نلقى مكان القاعات وكذا هذي الاوراق اللي يعلقونها:42:؟
خبركم جديده ع التربيه توني محوله من الاداب و معرف وين المكان اللي يعلقون فيه:31::18:
وشكراً والله يجعلها سنه دراسيه سعيييده سهله ع الجميع :16:

Aishah

2013- 9- 3, 11:40 PM

هم حالياا معلقينها اول ماترقين مبنى الادارة بس اتوقع على الاحد يحطونها بعد في مبنى اللي فيه القاعات هم كل مررة يحطونة فأتوقع حتى هالمرة يحطونه

الامبرطوره

2013- 9- 4, 02:32 AM

بنات مادة تطبيقات الحاسب بالنظام حاطين معمل بدون وقت وبالجامعة نزلو الجدول بدون معمل ... اللحين ابي اعرف المعمل من ضمن الساعتين او له ساعه ثالثه?!

الآنسة

2013- 9- 6, 07:02 PM

اذا قصدك مادة الفوتوشوب اللي بالمستوى الثالث فإنها ساعتين
اما البرمجية حقت الأطفال وكذا 3 ساعات

الامبرطوره

2013- 9- 7, 10:17 AM

اذا قصدك مادة الفوتوشوب اللي بالمستوى الثالث فإنها ساعتين
اما البرمجية حقت الأطفال وكذا 3 ساعات

لا كنت اقصد اللي بالمستوى الثالث
يعطيك العافيـه :37:
:16:

Aishah

2013- 9- 8, 04:07 AM

لا كنت اقصد اللي بالمستوى الثالث
يعطيك العافيـه :37:
:16:

ايي الي بالمستوى الثالث حاسب بس محاضرة بدون معمل يعني شرح وبنفس الوقت ممكن تستخدمين اللاب يعني بس ساعتين في الاسبوع

نوووشّ

2013- 9- 8, 08:00 PM

طالبتنا الجمميلات ..

بما انهه هالموضوع يخصنا وكذا خلينا نتكلم شوي عن المحاضرات

واللي اخذت مادة تكتب عند مين

وعن الدكتورة وكذا ..

يعني نظام الدكتورة ..

لان تعرفون مو الكل يداوم ونص البنات تروح عليهم المحاضرات من كثر ما يحووسون ويدورون على
القاعات :36:

نوووشّ

2013- 9- 8, 08:19 PM

بسم الله .. رح ابدأ بمادة... أ.د : فاتن النمر .. صحة وتغذية الطفل ..

اول شيء صراحة الدكتورة باين انهاا مرة عسل واسلوبها جدا جميل ..

طبعا المحاضرة كان فيها تقسيم الاعمال

وتكلمت عن الاختبار والعمل الفردي والجماعي وخلاص وزعت الاعمال على معظم البنات

رح يتوزع توصيف وفيهه التقسيم وكل شيء اول ما يوصلني بنزله لكمم ..

نجي عند قوانين الدكتورة ..

* العلك يمنع منعا باتا ..

* تدخلين بعد الدكتورة اكثر من 5 دقاايق لا والف لا ..

*الاكل والشرب بالقاعة ممنوع الا الموية عادي ..

*لما يصدر منك موقف شوفي عاد وش بيكون ردها بهالحالة

لما تقولك اطلعي برا .. بهالحالة تقدرين تناقشينها وكذا وتعتذرين ..

بس لما تقولك آووووت .. out خلاص تطلعين حتى بدون مناقشة يعني ماله داعي دكتورة ااءء وااءء خلاص حبيبتي برا ..
* العبايات طبعا ممنوع بالمحاضرة ورح تمر الامن وتشوف القاعات ..

* الاعمال غالبا كل 3 مع بعض وخلاص تقعدون بمكان واحد مب تغيرون المقاعد وكذا ..

* اييهه تذكرت وقبل ما تشاركين ي ليت تقولين اسمك ..

ااممم تقريبا هاذي كانت القوانين .. يارب ما نسيت شيء عاد اللي عندها اضافة تضيف ..

نجي للكتاب ..
طبعا الكتب ضعيفة وكذا ورح يكون كتابين ..

التربية الغذائية والصحية ..2004 .. عفاف حسين صبحي ..

التغذية والصحة .. 2004.. عبدالمجيد الشاعر و رشدي قطاش ..

** الكتب رح تكون موجودة بمكتبة المتنبي ..
عذرا على الاطالة بس للاستفادة ..

موفقاات جميلاتي ..:16::16:

Sarah Aseeri

2013- 9- 8, 09:57 PM

مممم اليوم أخذتوا مادة [علم نفس تربوي] .. شعبة 2 / من 12-2 ؟

إذا إيه مين اللي تعطي المادة ؟ بليز لا تقولون نعمة :40::18:

الامبرطوره

2013- 9- 10, 02:06 PM

علم نفس تربوي قلتي لي فاطمة علي ان هي اللي راح تدرس

بنات بسألكم نظام اقتصادي يوم الثلاثاء من الساعه 12 لساعة 2 من دكتورتها?

Sarah Aseeri

2013- 9- 10, 09:41 PM

علم نفس تربوي قلتي لي فاطمة علي ان هي اللي راح تدرس

بنات بسألكم نظام اقتصادي يوم الثلاثاء من الساعه 12 لساعة 2 من دكتورتها?

وحدة جديدة .. اسمها غالية ميرزا ,

الامبرطوره

2013- 9- 14, 03:13 PM

اللي حضرو التربية الفنية وش اسم الكتاب المقرر
وش الاغراض اللي اطلبتها بالمادة بما أن المادة فيها معمل :24_asmilies-com:

Jksub

2013- 10- 25, 11:28 AM

بنات متى اختبار مدخل الى رياض الاطفال ؟

LOOSH

2013- 12- 15, 03:27 PM

النظام الاقتصادي من وين نذاكر جزئية الشركات مو موجودة بالكتاب !

الامبرطوره

2013- 12- 16, 07:13 PM

ايه عزيزتي في كذا شي مو موجود بالكتاب
ان شاءالله انزل لكم محاضرات النظام الاقتصادي في موضوع مستقل
علشان الكل يحملها

بالتوفيق ♥

Jksub

2014- 1- 19, 10:53 PM

بنات متى تنزل المواد عشان نسوي جدول!!!!!

tole

2014- 1- 21, 06:21 AM

بنات مين تعرف تهاني سلمان الراجح لمادة استراتجيات التدريس كوويسه ولا ؟

الامبرطوره

2014- 1- 21, 08:06 AM

جميع ما يخص تسجيل المستوى الرابع والثاني هنا
خليك معنا وان شاءالله تلقين رد على سؤالك :)

http://www.ckfu.org/vb/t544321.html