تم تفعيل الإستعلام عن حالة التظلمات [الأرشيف] - ملتقى طلاب وطالبات جامعة الملك فيصل,جامعة الدمام

A7med_991

2013- 7- 18, 01:40 PM

تم التأكد من درجة المشاركة وهي 27 علما بأن النقص لديك في تحميل المحاضرات

تم التأكد من درجة المشاركة وهي 28 علما بأن النقص لديك في تحميل المحاضرات

وش يعني أحلف لهم اني حملت المحاضرات كلها ؟

حاطين التظلمات عشان يسكتونا بس وفي الأخير كلها مرفوضه .

shog8

2013- 7- 18, 01:45 PM

الله ينتقم منهم لاطعينا هالاسابيع علا أساس بيسوون شي اخرتها يعيدون اللي احنا كتبناه :23:انا متأكده ان مشاركاتي كامله وتأكدت منها قبل ماتقفل الانظمه بثلاث ايام وشيكت ان كل المواد محلوله حسبي الله عليهم :32:

بوحليقة الدمام

2013- 7- 18, 01:54 PM

حسبي الله ونعم الوكيل

FaHoOoDe

2013- 7- 18, 01:54 PM

النظم المتكاملة للمؤسسات درجة المشاركة 13/06/2013 تم التأكد من درجة المشاركة وهي 23 علما بأن النقص لديك في المناقشات مبادىء الإدارة العامة درجة المشاركة 13/06/2013 تم التأكد من درجة المشاركة وهي 23 علما بأن النقص لديك في المناقشات

حسبي الله عليهم قسم بالله المناقشه كامله
ومشيك عليهم

ومن زود الحرص مرتين ثلاث واكتبهم كتابه

حسبي الله عليهم الله لايوفقهم

لو تم منحي الدرجه كامله لرفع من المعدل

كاسب الود

2013- 7- 18, 01:57 PM

مالها داعي هذي الايقونه كان ماسووها
نبغى نعمل شكوى جماعيه لوزاردة التعليم العالى

والله قهروني حسبي الله عليهم

N A N A

2013- 7- 18, 02:12 PM

بلله ياجماعه اللي استفاد من الايقونه يعطينا خبر :42:

بجد مسخرا عاملين ايقونه ولفه ودوره وبالاخير عطونا كلنا نفس الرد ولا استفدنا شيء

حسبي الله ونعم الوكيل فيهم عن كل درجة راحت ظلم من اي طالب او طالبه

صالح05596

2013- 7- 18, 02:22 PM

درجات المشاركة عندي (26) وبعد رفع التظلم , أكدوا أنها (26) لعدم حل الواجب, علماً أني حال الواجب في البلاك بور والإفتراضي (ربما تكون إجاباتهم غير دقيقة)

المنادي

2013- 7- 18, 02:32 PM

حتى خويي مثلكم لم يستفيد من التظلم وكان من :7:المتفائلين :7:

تم النظر في طلبك من قبل لجنة الإختبار و اتضح صحة درجتك وهي21

تم النظر في طلبك من قبل لجنة التصحيح و اتضح صحة درجتك وهي 26

تم النظر في طلبك من قبل مركز الإختبارات بالجامعة واتضح صحة درجتك وهي 24

تم النظر في طلبك من قبل لجنة التظلمات واتضح صحة درجتك وهي 24

تم النظر في طلبك من قبل لجنة مختصه واتضح صحة درجتك و هي 26

المنادي

2013- 7- 18, 02:33 PM

ابي اعرف درجه الاختبار من 70 ولا من 50

صالح05596

2013- 7- 18, 02:34 PM

ابي اعرف درجه الاختبار من 70 ولا من 50

درجة الاختبار من (70)

فواز بالحارث

2013- 7- 18, 02:38 PM

سيتم النظر في تظلمك مع بدء الفصل القادم وذلك بعد عودة عضو هيئة التدريس من الإجازة الصيفية
:20::20::20::20:

Saudi man

2013- 7- 18, 03:04 PM

تم التأكد من درجة المشاركة وهي 26 علما بأن النقص لديك في حل الواجبات

للاسف انا ماني مقتنع بالرد :32:

فضيل

2013- 7- 18, 03:30 PM

انا حاط تظلمات لمواد كثير،

وما شافوا إلا البحث: ( تم التأكد من درجة المشاركة وهي 10 علماً بأن النقص لديك في ) ولا كملوها :42: :23:

لينكس

2013- 7- 18, 03:46 PM

وتستمر الجامعة في الاستخفاف بعقول الطلاب والطالبات وياقلب لا تحزن

صمتت

2013- 7- 18, 03:50 PM

تظلم الانتظام مامنه فايده

بالاخير مانقول الا الله لا يطيحنا فالدكاترة الظالمين :18:

متداوله

2013- 7- 18, 03:53 PM

بموووووت من القهر
حسبي الله عليهم حسبي الله ونعم الوكيل بهذا الشهر الفضيل
كنت متوقعه اننا ماراح نطلع بنتيجه
ليش يخلوننا ننتظر بس تأملنا بالعدل
ولكن هيهات يجي عدل من جامعه ظالمه
تظلمات في ثلاث مواد كلهم كاتبين انهم تأكدوا منهم وان درجتي صحيحه
وحده من المواد ماخذين مني اكثر من 14 درجه زور وبهتان
اصلا شي متوقع بالعقل كيف بيراجعون الاوراق هذا اذا الاوراق عندهم اصلا
.................................................. ..........
اللهم ياحي ياقيوم انك تاخذ لنا حقنا منهم

لينكس

2013- 7- 18, 03:56 PM

مانقول الا حسبي الله على الجامعة والمطبلين لها

Lavender flower

2013- 7- 18, 04:09 PM

المضحك بالموضوع ان جميع المحاضرات محمله عندي
رد عدم تحميل المحاضرات غيررر مقنع وماراح احللهم على هالنقص
صحيح انها ٣ درجات بس شي يغبن ويقهر انكسر ظهري من جلسة اللاب توب

Tmoo7_12

2013- 7- 18, 04:11 PM

وأنا بعد كنت متفائلة بس للأسف

لينكس

2013- 7- 18, 04:14 PM

الردود متشابهه للجميع حطوها بالنظام وبرمجوها وارسلوها

اقهروني حسبي الله عليهم

تباً للغطرسة

خوخ وزهر

2013- 7- 18, 04:20 PM

نفس الردود جتني انا وصاحبتي

قال نقص درجة المشاركة بسبب حل الواجبات وكأني اول مرة احل !
متأكدة انا من حلي انه صح / ما اقفل الصفحة الا بعد ما اشوف نتيجة التصحيح

لكن وش نسوي
مافي امل بعدلون على الدرجات .. مجرد تسكيت

بالله اي احد استاد منها يبشرنا

لينكس

2013- 7- 18, 04:22 PM

يا خوخ وزهر

متأكد مثل ماني متأكد من اسمي

في مادة على الاقل توقعت فيها جيد جداً

حاطين لي مقبول

:23:

JASMENN

2013- 7- 18, 05:32 PM

مثل ماتوقعت درجه التصحيح صح واحنا الغلطانين وكل شي غلط فينا
الله يعين بس

خلف الشمري

2013- 7- 18, 05:34 PM

اصلن لو الجامعه عدلت درجة احد تتوهق وهم يقولون تصحيح 3 مراحل
واخر شي يطلع اخطاء بدرجات لو فيه مارح يعدلونه :23:

...ريهام ...

2013- 7- 18, 05:41 PM

تم التأكد من درجة المشاركة وهي 26 علما بأن النقص لديك في حل الواجبات:32:

خلف الشمري

2013- 7- 18, 05:48 PM

تم التأكد من درجة المشاركة وهي 26 علما بأن النقص لديك في حل الواجبات:32:

ريهام كنك منتي مصدقه رد الجامعه :29:

...ريهام ...

2013- 7- 18, 05:51 PM

لا مو عاجبني درجتي وأبيها بس خلاص صارت مع الريح طارت:44:

خلف الشمري

2013- 7- 18, 05:53 PM

العوض على الله

ادارة المعرفه

2013- 7- 18, 06:32 PM

انا مقدمه تظلم لكن فاضيه الخانات مافيه اي توضيح !!

العضيد1

2013- 7- 18, 07:29 PM

نفس الشيء. عندي تظلم على درجة اختبار الاجتماع. متأكد مليون في المئة. ويقولون صح علينا.
عارف ما وراهم تعديل لكن ليه اللعب هذا يا فريدان؟.

Manal.87

2013- 7- 18, 08:00 PM

انا 29 ويقولون الواجب الواجب عليه 3 درجات او 4 للأخير كيف بنقص درجه !! علماً اني ما اخلي الواجب بدون لا اتأكد انها كامله الاكيد انهم كذابين !

لينكس

2013- 7- 18, 08:02 PM

انا مقدمه تظلم لكن فاضيه الخانات مافيه اي توضيح !!

نظامهم الفاشل ، فشل في ارسال الرد لك الموحد لجميع الطلاب والطالبات

:5:

فرييز

2013- 7- 18, 08:04 PM

الله يعينكم:10:

افضل حل ان درجات المشاركه تكون واضحه للجميع ويعرف الطالب ايش النقص الي عنده ويكمله
قبل تقفيل الانظمه كذا ماراح يقع ظلم ع الطالب،،

رَاء.

2013- 7- 18, 08:05 PM

حححححسسسسبببي الله عليهم حسابن ما يقوونه انا وياهم أمام الله ومسؤولين عن هالنقص ..

القانون التجاري درجة المشاركة 11/06/2013 تم التأكد من درجة المشاركة وهي 24 علما بأن النقص لديك في حل الواجبات
مهارات البحث والتفكير درجة المشاركة 11/06/2013 تم التأكد من درجة المشاركة وهي 24 علما بأن النقص لديك في حل الواجبات

حححسبي الله ونعم الوكيل فيهم والله ما اخليهم من دعائي .

رَاء.

2013- 7- 18, 08:13 PM

أرسلت ايميل لدكتور عبدالله .. وقلت له اني ما احلله وكل شخص تأذى هو في ذمتك ويراجع اللي سواه ..

يمين بالله ما راح اتركه من دعائي .

حمد زيد

2013- 7- 18, 08:35 PM

بنوقف انا و اياكم يا ادارة التعليم عن بعد قدام الله سبحانه يوم القيامة و ما راح اسامحكم عن النقص بدرجاتي :30:

sunflowers

2013- 7- 18, 08:35 PM

انا تظلمت عشان درجه الاختبار و ما طلعت بنتيجة

حلم إدارية

2013- 7- 18, 08:36 PM

حسبي الله ونعم الوكيل

رَاء.

2013- 7- 18, 08:38 PM

ما تصدقون قديش قاعد يقاوح بردوده علي هالدكتور .. اذبح نفسي واروح الحساء والا شلون !!

سعود رويال

2013- 7- 18, 08:44 PM

حسبي الله ونعم الوكيل انا حليت الواجبات ومتائكد 100%

http://www14.0zz0.com/2013/07/18/17/755018795.jpg

رَاء.

2013- 7- 18, 08:52 PM

تدرون وش يقول لي !

يقول ان نسبة المتظلمين 3% وليس كل من نقص يحق له التظلم كانت نسبة من تعدلت درجتهم لا تتجاوز 0.01٪ واغلبها لمادة مشروع التخرج
وذيّل كلامه بـ " لعل فالك التوفيق في الفصول القادمة "

هالموقف من الجامعة كفيل بأن يخليني اتحطم نفسياً من السعودية واهاجر .
اظلم من كذا ما شفت بحياتي ..

ابشركم حللّت كل الناس الا هو والمتسببين بنقص درجاتي .

نعسآنه

2013- 7- 18, 08:57 PM

الله يكون في عونكم ويفرج همكم

رَاء.

2013- 7- 18, 09:15 PM

حسبي الله ونعم الوكيل انا حليت الواجبات ومتائكد 100%

http://www14.0zz0.com/2013/07/18/17/755018795.jpg

بليز دامك متأكد ارسل له ايميل لاتخلوني بروحي ارسل ..

خلوه يشوفنا يد وحدة ارسلوا له تكفون

B A N D R

2013- 7- 18, 09:21 PM

ريحووا انفسكم وصوروا اي شي تحلونه بكذا الجامعه ماتقدر تخصم ولا ربع درجه

sunflowers

2013- 7- 18, 09:24 PM

ريم اكتبي ايميله !!!

وزيرة

2013- 7- 18, 09:27 PM

تيتي تيتي زي مارحتي جيتي

لمسات الأمل

2013- 7- 18, 09:30 PM

ترى كلنا كتبولنا نفس الكلام انو المشكلة في حل الواجب واحنا كلنا متأكدين اننا حلينا

بس حسبي الله عليهم

رَاء.

2013- 7- 18, 09:30 PM

‏afridan@kfu.edu.sa‏

هذا ايميله ارجوكم كل الرجاء خلونا نوقف يد وحدة

بليز قولوا له في ذمتك اللي يصير خلوه يراجع اللي صار

رَاء.

2013- 7- 18, 09:46 PM

اتركوا الشعيبي تراه مدير مكتب مش عمممييد ..

خلوكم بايميل الفريدان تراه يرد أول بأول انا مجربته يجي كل شيء على جواله ويرد عليكم

بليز كل التبلّز ارسلوا له ايميل تكفون تكفون :18:

ابو وسيم مكة

2013- 7- 18, 10:01 PM

السلام عليكم ورحمة الله وبركاته
وكل عام وانتم بخير
وشهركم مبارك

يمكن أنا ما افهم أبغى احد يفهمني لو سمحتو كيف في خمسة مواد يطلع رد الجامعه تم التاكد من درجات المشاركة علما بان النقص لديك في تحميل المحاضرات
طيب اذا ثلاث مواد عندي من 22 درجه خلينا نقول ان المحاضرة الواحده من 4 درجات وانا ما حملتها خلوني أنا مجنون :8:
ومادة أخذت فيها 25 وعشرين ومادة 24 درجه
أبغى واحد فاهم يفسر طريقة الخصم وكم معدل الدرجات المخصومه لكل محاضرة
لأني مقهور قهر الرجال الي هو الظلم بعينه
وحسبنا الله ونعم الوكيل على كل من يتهاون في حقنا وكل من يتلاعب بوقتنا وعقولنا
وان لا يوفقه لا دنيا ولا آخره يارب :32:

sunflowers

2013- 7- 18, 10:02 PM

الشعيبي رد علينا يقول اللي يبي يشوف ورقته يجي العماده

sunflowers

2013- 7- 18, 10:07 PM

تركي العياش

2013- 7- 18, 10:09 PM

حسيبهم الله يوم الدين الله ينتقم لنا من الظالمين

ابو وسيم مكة

2013- 7- 18, 10:20 PM

اشكرك تم إرسال الايميل
بس ان شاء الله يكون في رد

GLitter Sun

2013- 7- 19, 03:17 AM

حتى انا مثلكم نقصوني اربع درجات حسبي الله عليهم والله ما احللهم مع أني كنت متفائلة جداً أنهم يرجعونها بس وش أقول غير حسبي الله وكفى

GLitter Sun

2013- 7- 19, 03:20 AM

الحين يقولون بسبب نقص الواجبات وانا متأكدة منها وتطلع الدرجة قدامي اشلون ابي افهم والله عصبوني

شمس..

2013- 7- 19, 03:44 AM

بصراحه دخلت الجامعة وانا عندي امل كبير في معدل مرتفع اقدر اكمل به ماجستير بس بعد التلاعب الي شفته ما قول غير حسب الله ونعم الوكيل
اجل اطلع من الاختبار وانا واثقه ثقه تامه بدرجه عالية وفي النهاية ..................... لا تعليق :24:

قيمو

2013- 7- 19, 03:48 AM

حسبي الله ونعم الوكيل في كل ظالم وكل متهاون في رصد الدرجات اصلا والله كنت متوقعه هالشي حتى التفوق يقولون لاتنطبق عليك الشروط وهي تنطبق علي على حسب شروطهم ماقول غير حسبي الله عليهم كرهت الجامعه وكرهت الدراسه من الظلم اللي نشوفه ماندري نلاقيها من فين الجامعه ظلم في الدرجات وبعد التخرج مافيه وظايف للانتساب في التعليم حسبي الله ونعم الوكيل :24:

أبو عبدالهادي

2013- 7- 19, 04:47 AM

المادة نوع الإعتراض التاريخ حالة الإعتراض
مبادىء علم الاجتماع درجة المشاركة 15/06/2013 تم التأكد من درجة المشاركة وهي 26 علما بأن النقص لديك في حل الواجبات
التذوق الأدبي درجة المشاركة 15/06/2013 تم التأكد من درجة المشاركة وهي 26 علما بأن النقص لديك في حل الواجبات
مبادىء الإحصاء درجة المشاركة 15/06/2013 تم التأكد من درجة المشاركة وهي 26 علما بأن النقص لديك في حل الواجبات

ياعالم انا متاكد من كل شي ولكن هم مسحوا كل شي من البلاك بورد والا مفروض اذا هم صادقين خلوا كل شي على ماهو علية من اجل يتاكد الواحد من كلامة والا على الاقل قاموا بتصوير النقص واوضعة في الرد على التظلم علشان يتم تصديقهم

حسبي الله على من ظلم احد من الاخوان او الاخوات

لكن من اليوم ورايح يااخوان واخوات كل خطوة تعملها اعملها برنت سكرين (تصوير للشاشة ) واحفظها في مجلد علشان لو حصل معك نقص في الدرجات تقدر تحاجهم هذولا ما ينفع معهم الا نظام فيش وتشبيه

ورده..

2013- 7- 19, 05:02 AM

صدق ما نقص مني ولا درجه بس انقهرت من قهركم والله :32:
من بعد ما شفت اللي سوته الجامعه فيكم صرت اصور المناقشات اذا حليتها والواجبات علشان لو لا سمح الله شفط مني ردجه من هنا ولا من هنا
اجيب له التصوير واحطه بين عيونه :17: :31:
اصلا واضح انهم ناسخين الكلام وموزعينه على الجميع
لا واللي يضحك اني لاحظت ان البعض عندكم اذا رفع تظلم على ثلاث مواد او مادتين تكون الثلاث مواد نفس الدرجه
يعني احس تصحيحهم كله خرابيط للامانه
ما اقول الا الله يعوض عليكم وياخذ حقكم منهم

Rabbit

2013- 7- 19, 05:36 AM

ريحووا انفسكم وصوروا اي شي تحلونه بكذا الجامعه ماتقدر تخصم ولا ربع درجه
انا خصمو مني وعندي تسجيل وصور وفيديو لدخولي وكل شيء ^_^
حاليا راسلت العميد ولو عدلها لي الدرجة بقول لكم انه عدلها لاني وريته الصور واول مره اطلعها تعمدت اني ما اطلعها الا بعد ردهم عشان نشوف هل فعلا في تظلم ولا فقط ايقونة .
( ردهم وضح لي ان الرسالة مرسله كوبي باست مافيه اي مراجعة حقيقية )
خلال ايام لو ماجاء رد من العميد على رسالتي بشتكي العمادة بشكل رسمي .

العضيد1

2013- 7- 19, 06:38 AM

العمادة والشعيبي وين مكتبهم بالضبط؟ في أي بوابة؟ وهل هم موجودون اليوم بعد العشاء؟.

GLitter Sun

2013- 7- 19, 06:45 AM

علمهم يا العضيد أنهم ظلموا الطلبة وان درجات المشاركة من ابسط حقوقنا وانهم لازم يسوون آلية جديدة كل طالب يعرف درجاته قبل

گبرياء أنثے

2013- 7- 19, 07:03 AM

مالها داعي هذي الايقونه كان ماسووها
نبغى نعمل شكوى جماعيه لوزاردة التعليم العالى

والله قهروني حسبي الله عليهم

السبب يوم عرفنا انهم يسحبون ع الشكاوى ومركز الاختبارات وبدينا نفظحهم بتويتر

صلحو هذي تخدير لنا بعد

هذي السنه الجامعه اخيس مراحلها:23::23:

رَاء.

2013- 7- 19, 09:03 AM

تككككفى يا العضيد وانا اختك تكفى تكفى لو انت رايح تكلم بأسمي معك ولو تبي رقمي الجامعي بعطيك بس أنقذنا وقول لهم ان الكل متضرر متضرررررر .

ѕυℓтαη

2013- 7- 19, 09:10 AM

:22:

زبرجد

2013- 7- 19, 09:47 AM

حسسسسبي الله ونعم الوكيييييل

نظام فااااااشل

الشكووة لله الشكوة لغير الله مذلة

:12::32::12:

ام نانا

2013- 7- 19, 11:26 AM

انتم ردو عليكم انا ماتنزلو يردون واذا ردهم زي كذا لايردون احسن
كنك يابو زيد ماغزيت:32:

العضيد1

2013- 7- 19, 09:13 PM

أبروح الساعة 9 ونصف آخذ جولة حول الجامعة، وأشوف إذا فيها أحد.

محمد الشمريـ

2013- 7- 21, 11:21 AM

اجل اطلع من الاختبار وانا واثقه ثقه تامه بدرجه عالية وفي النهاية ..................... لا تعليق :24:

نفس الشعور ...خاصه ادارة التسويق 98 متأكد من الدرجه مثل اسمي ’’’’
يعطيني 85 ,,,ارسلوا لي رساله مالها معنى ,,,:18:

ابو غااازي

2013- 7- 21, 11:36 AM

إدارة التسويق درجة المشاركة 15/06/2013 تم التأكد من درجة المشاركة وهي 27 علما بأن النقص لديك في الواجبات

Abdulaziz Gh

2013- 7- 21, 11:44 AM

مصخرة للأسف ..

تخيلوا من اول ما فتحت ايقونة التظلمات بعد الاختبارات وانا رافع تظلم على مادتين

جلست منتظر طوووووووووووووووووول هالفترة وفي الأخير جاء الرد اللي كنت متوقعه

لا أحد يجي ويقول تأكد من تحميلك ولا من واجباتك ...إلخ لأني متأكد تماماً ..

انا خلاص الزبدة طابت نفسي من هالوضع اذا سحب الدرجات وتنقيصها بيكون من ثاني سمستر لي اجل وش بسوي اذا وصلت المستويات المتقدمة السابع والثامن .. مابتجي الا ومعدلي 0.001 من 5.0

الله المستعان والله مغبووووووووووون خلوها على ربكم بس

Abdulaziz Gh

2013- 7- 21, 11:47 AM

العمادة والشعيبي وين مكتبهم بالضبط؟ في أي بوابة؟ وهل هم موجودون اليوم بعد العشاء؟.

تعوذ من ابليس يبن الحلال هههههههههههههههههههههههههههههه

اابو يوسف

2013- 7- 21, 12:21 PM

حسبي الله ونعم الوكيل

مبادىء المحاسبة (2) الإختبار الموضوعي 11/06/2013 تم النظر في طلبك من قبل لجنة الإختبار و اتضح صحة درجتك وهي27

اابو يوسف

2013- 7- 21, 12:24 PM

طيبوا نفسي من الجامعه وهذا باول المستويات شلون بالمستويات القادمه الله لايوفقهم

أبوالحسن الشريف

2013- 7- 21, 01:03 PM

الحمد لله على كل حال
كل هالانتظار وفي النهايه هذا ردهم

تم النظر في طلبك من قبل لجنة التصحيح و اتضح صحة درجتك وهي 45

حمود بن عثمان

2013- 7- 21, 01:37 PM

وانا كذالك ما استفد :16:

تشرين

2013- 7- 23, 08:14 AM

كل الجامعات فيها اعادة تصحيح برسوم

في احد راح لمقرهم ؟
هالترم اسوء ترم في تاريخ الجامعة
ياخسارة اسم الملك فيصل فيكم

تاج راسي امي

2013- 7- 23, 08:40 AM

مصيبة لو راحت ثقة الطالب او طالبة بالجامعة مين يرجعها

باذان الله هالدرجات ضاعت بالدنياء بس ان شاء الله ماضيع بالاخرة

تجي وتكون سبب هالظلم دخول الجنة