جامعة الملك فيصل من جدهم ولا يستهبلون [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : جامعة الملك فيصل من جدهم ولا يستهبلون

saleh.edn

2013- 7- 20, 04:05 PM

من جدهم هاذي الدفعه الرابعه ولا يستهبلون وربي حرام شنو هالنسب اللي ما تحركت الهندسه ما تحركت ليش طيب انا نسبتي 79 و الهندسه 80 من الدفعه الثانيه و هي كذا و هاذي اخر دفعه انا انقبلت حاسب اقدر احول هندسه ولا لا تكفون ابي اعرف اقدر احول هندسه لان قبلوني الحاسب و اذا اقدر و الشي اللي اسويه و يحولوني تكفون تراني اشوف المستقبل يتحطم ،،،

خواطر انسآن

2013- 7- 20, 04:10 PM

الله يكون بعونك
معروفة الدفعة الرابعة داءئما كذا
ان شاء الله تقدر تحول
وربي يوفقك

saleh.edn

2013- 7- 20, 04:14 PM

طيب شنو الاجرائات عشان احول ابي احد يفيدني وربي تعبت شنو اجرائات التحويل

خواطر انسآن

2013- 7- 20, 04:17 PM

تقدم طلب تححويل عند القبول والتسجيل اذا استوفيت الشروط

2- يجوز لمجلس الكلية الموافقة على طلبات التحويل من كليات أخرى داخل الجامعة وفقاً للضوابط التالية:
أ) أن يكون قد أمضى فصلين دراسيين على الأقل في الكلية التي يرغب التحويل منها على ألا يقل عدد الوحدات الدراسية المسجلة في سجله الدراسي عن (24) وحدة.
ب) أن لا يكون منقطعاً عن الدراسة من الكلية التي يرغب التحويل منها.
جـ) أن لا يقل معدله التراكمي عن الحد الذي يقرره مجلس الكلية ولا يقل عند التحويل عن (2 من 5).
د) أن يقدم طلب التحويل قبل بدء الفصل الدراسي الذي يرغب التحويل إليه بخمسة أسابيع على الأقل.
هـ) أي شروط أخرى يحددها مجلس الكلية.
3- يتم تحويل طلاب الكليات الصحية ( كلية الطب البشري، كلية طلب الأسنان، كلية الصيدلة) في نهاية السنة الأولى إلى إحدى كليات الجامعة الأخرى عند حصولهم على معدل تراكمي أقل من (3 من 5) في المقررات المحددة من قبل مجلس الكلية وفق الخطط المعتمدة لكل كلية مع مراعاة ما ورد بالفقرة (2/ج).
4- يسمح بالتحويل بين كليات الجامعة لمرة واحدة طيلة مدة الدراسة الجامعية.

saleh.edn

2013- 7- 20, 04:29 PM

اخوي الغالي خواطر انسان انا بتعبك معي شوي انا قريت هالكلام و ما فهمت منه شي ما ادري من اللحسه اللي جاتني ابيك تفهمني يعني كم لازم اجيب معدل بالسنه التحضيريه عشان احول و يا ليت تعطيني رابط الصفحه اللي نسخت منها هالكلام

خواطر انسآن

2013- 7- 20, 04:34 PM

هذا الرابط
http://www.kfu.edu.sa/ar/Deans/AdmissionRecordsDeanship/RulesAndRegulations/Pages/Transfer.aspx

بالنسبة للمعدل الكلية اهي تحدده
اهم يطلبون دائماً3 وفوق

بطوطة

2013- 7- 20, 04:43 PM

ههههههههه وربي انا اطالع وشاكة
اذا هي الثالثة او الرابعه
الله يعين بس :24:

saleh.edn

2013- 7- 20, 04:54 PM

يا بنت الحلال وربي شي يعور القلب طيب بسألك اخوي خواطر انسان نسبه التحويل كبيره ولا ضئيله

خواطر انسآن

2013- 7- 20, 04:57 PM

شوف نسي ماقلتت لك حاجة
انك تقدم تحول بعد ماتخلص السنة التحضيرية وتدرسة سنة تخصص تقدر تقدم تحويل
الافضل ترضى بالامر الواقع
او راجع الجامعة من احين وانشب لهم يغيرون كليتك

saleh.edn

2013- 7- 20, 05:07 PM

طيب اروح للجامعه من الحين انشب لهم بس اروح لمين و شنو اقوله لان انا بصراحه ما عندي واسطه :44:

Amani Alsinan

2013- 7- 20, 05:35 PM

روح لعمادة القبول والتسجيل بشكل يومي وبيطفشون منك ويوافقون على تحويلك

saleh.edn

2013- 7- 20, 05:39 PM

يعني هاذا رايكك ي ايمان لاني وربي جالس اشوف مستثبلي ضاع بحياتي و تحطمت ولد ولد تنكس سوري ع الفصله بس وربي من وجع بقلبي طيب اروح للعماده و اقول لهم انو ابي هندسه و انا باقيلي بس نسبه و كذا يعني

خواطر انسآن

2013- 7- 20, 05:44 PM

اي وروح انشب لهم
اهم مسوين مكتب لمشاكل التسجيل
اسئل عنه سكرتي البوابة وراح يدليك اياه