ساعدوني في اختيار التخصص ادارة اعمال او انجلش

[ام فراس 2]

السلام عليكم انا متخرجه من الثانويه من ثمان سنوات متزوجه وعندي اطفال وحابه اكمل جامعه انا سجلت واخترت الانجلش للي درسو انجليزي كيف المنهج صعب او لا وكيف المواد انا احب الانجليزي طول عمري ومبدعه فيه بس اخاف يكون شوي صعب وما يمديني الحق بين البيت والمذاكره او ادارة اعمال وايت لها مستقبل اكثر ابغى نصيحتكم من قلب وحطو في الاعتبار انا افكر في الوظيفه ومستبعده شوي ادارة الاعمال لان وظائفها النسائيه اقل ومحصورة في البنوك والشركات وانا صعب شغلي في دي الاماكن
ربي يسعد كل من يرد علي ويوفقه ويحقق له مراده
:16::16::16:

[نون 84]

صباحك حبيبتي اذا انتي مبدعه بالانقلش
كملي وهو التخصص على حبك للشي مو اختياري

لا تقولين شغل و اطفال وبيت
ترى طول عمرك راح توقفين حياتك عشانهم
يعني نصيحه مني الشهاده بيدك الان
وتقدرين توصلين لها

توكلي على الله واختاري التخصص اللي حابته انتي

و بالتوفيق لنا ولك :16::1:

[ام فراس 2]

تسلمي اختي نون لكن بما انك تخصصك ادارة اعمال شو رايك فيه سهل اوصعب وايش اللي خلاكي تدخليه

[نون 84]

اللي خلاني ادخله اني حابه شغل البنوك والشركات
:29:

[ام فراس 2]

ربي يوفقك ويسعدك ويحقق لك ما تتمني
دعواتك بتيسير اموري

[نون 84]

:16:اللهم امين ..

[E7sas ..]

وآضححـة لك آختي آم فـرآس :1:

دآممـك تحبيـن آلآنجليزي وتبغيـن فرص وظيفيـة غير آلبنوك وآلشركـآت :8:

ف توكلي ع الله وآدخخلـي آلآنجليزي :34:

وموفقـة إن شـآء الله :16:

[المنادي]

للمعلوميه

اذا دخلتي تخصص انجليزي وتبين تحولين لقسم إدارة أعمال ماتقدرين أما الاقسام الثانيه تقدرين

[ام فراس 2]

شكرا لكل اللي ردو تم التسجيل في الانجليزي الصراحه بندم لو ما دخلتو وودي زوجي يسجل ادارة اعمال وموراضي جدا رافض الله يهديه

[shhs]

من قال ان ادارة بس بالبنوكو والشركات ؟

من اسمها ادارة اعمال

وفي كل مكان يشغل عمل ( شركة - موسسة - مستشفى - تعليم - شغل خاص - - - - - - الخ )

كلها يلزمها قسم اداري :34: يدير رأس العمل كله :31:

فأعتقد ان هو اللي مجالاتها اوسع :21:

[المنادي]

شكرا لكل اللي ردو تم التسجيل في الانجليزي الصراحه بندم لو ما دخلتو وودي زوجي يسجل ادارة اعمال وموراضي جدا رافض الله يهديه

هو وذنبه أنتي ماعليكي الا النصيحه له

ولا سيندم اذا رأى صعوبتها ولا يستطيع التحويل كما ذكرت الا بالاداب فقط

لايستطيع التحويل الى ادارة اعمال

وبالتوفيق له

يارب

[PANADOOOL666]

خليك انقلش افضل من المسائل والبهذله بما انك متخرجة من 8 سنوات وعيال

[النك قيد الانشا]

توكلي على الله ادارة اكيد:5: ممتع

[asoom1]

دام تحبين الانجليزي ادخلي تخصص انجليزي انا الحين مستوى ثالث وماشفت صعوبة للحين ولله الحمد

[nice garil]

انا اقول اهم شي بالانجلش لغتك تكون كويسه التخصص يعتبر صعب نوعا ما لانه ادب انجليزي مو انجليزي وهنه الفرق والصعوبه بس اذا تحبيه ولغتك جيدة فالله يوفقك .....
ادارة الاعمال اسهل كثييييييير من الانجليزي واعرف ناس داخلينها ومرتاحين عليها وعدد ساعاتها اقل من الانجليزي ايام اختبارتهم اقل ومتباعدة عكس الانجليزي مررررة ظغط وانا مجرباته بس طبعا حابته عشان كذه مرتاحة فيه ....
ان شاء الله افدتك وعطيتك مميزات وعيوب كل تخصص والقرار متروك لك ..:16:

[الدكتور بزنس]

العجيب في موضوعك والغريب انعدام الرؤية الواضحة لما تحبين وتريدين
احب اللغة الانجليزية
نفسي في اللغة الانجليزية
اريد اللغة الانجليزية

كل هذا ولسه متردده بين اللغة وادارة الاعمال

ادارة الاعمال لها طابعها الحسابي عملية اتخاذ القرار مواد تحتاج للتفكير بحلول علمية
عشان اصرف نظرك عنها تماما بقولك راح تدرس رياضيات محاسبة اقتصاد احصاء كله معادلات وحسابات

اتجه لما تحب واترك عنك البحث عن السهل والصعب وحطي في بالك انه الدراسة الجامعية تختلف تماما
وبأنك تحتاج لمتابعة ومذاكرة وجد عشان تطلع بفايدة لنفسك

تحياتي وتقديري الدكتور بزنس

[مسك الخيال]

حبيبيتي. اختي. كلا. التخصصين. حلوين. لكن. علي حسب. تقديري. لهذا. الوقت. نحتاج. لشهادة. ادارة. اعمال. لان. مجالها. كبير. في. مجال. التوضيف. الحكومي. والقطاعات. الاخرئ. نهايك. عن. مايتطلبة. الوقت. حاليا. من. الخبرة. في. مجال. الحاسوب. يعني. تخصص. ادارة ًاعمال. هاذا. مايتطلبة. الوقت. وثانيا. اختي. انتي. دافعة. فلوس. وتعبانة. فدفعي. في. مجال. فية. فايدة. افضل. لك

[بن عاقول]

بصراحه انا عندي قناعة
عن تخصص الانجليزي
في المجال الوظيفي
اللغة الانجليزية مطلوبة للتحدث والكتابة والفهم
وليس مطلوب اكثر من ذلك إلا اذا كان العمل في مجال التدريس
يعني حتى اذا حبيت تشتغل مترجم ماراح يقبلونك
لأنه تخصص لغة إنجليزية وليس تخصص ترجمة

أضرب لكم مثال
عندي ثلاث أخوات كلهم خريجات
أدب إنجليزي وليس لغة إنجليزية
ودرسوا شيكسبير
ووردز ورث
جين آير
ومسرحية
ورواية
والأدب اإنجليزي
والأدب الإغريقي
و إلخ
وفي النهاية صاروا مدرسات
يدرسون a,b,c,d
ومافيه أي مجال يشتغلون في مجال تخصصهم اللي هو أدب إنجليزي
فإذا كان الهدف لإختيار اللغة الإنجليزية مجرد للحصول على شهادة جامعية فقط وليس غيره فمجالات توظيف محدودة
أما تخصص ادارة الاعمال فهو مطلوب
في جميع المجالات مثل ما ذكروا الاخوان قبلي
وله مجالات وظيفية اوسع
وبالتوفيق للجميع

[مسك الخيال]

اختي. ثانيا. الرزق. من. عندالله. في. ناس. عندهم فقط. دورة. واتوضفوا. فيها. لكن. بالمختصر. انا. دافعة. فلوس. وتعبانة. ادفع. في. مجال. قوي. ومايحتاجة. الوقت. مثل. الحاسب. ادارة. اعمال. وهكذا.