عاجل ضروري ابغى فزعه بنات الخفجي

[خاني التعبير]

الســــلام عليكم ورحمة الله وبركاته


تكفوووووون بنات ابغى منكم الفزعه انا طالبه دراسات اسلاميه فرقه رابعه والحمد لله خلصت دراستي رحت بعد ما فتحت الكليه يوم السبت اخذ وثيقتي قالو حامله مادة حقت فرقة ثانيه حضاره حقت سمر والله ضاق صدري ما اقول حسبي الله ونعم الوكيل والحين انا ما عندي ملزمه تكفووووون اللي عندها ملزمه حضاره الفصل الاول فرقه ثانيه ابيها علشان اذاكر اختباري تاريخ 29\10 يعني ما في وقت ابغى اتخرج انا ما ني من اهل الخفجي انا من الرياض ولا عندي احد يجيبني انا والله يتيمه روحتي للكليه كلها حسره علي بس اللي عندها وتقدر تفيدني تعلمني او تقول وين تنزل الملزمه في مكان بس تكون كامله والكامل وجه الله تعالي بناااااااات حاولو تقروون موضوعي واقرب وقت .. انتظركم

والله راح ادعيلها كل ما صليت اللي تفرج همي ويسر لها همها ..

[همس النسيم]

الله يعينك
ان شاء الله بنات قسمك يفيدونك

[...حور...]

أبشري والله باحاول قد ماأقدر بس هاذي الماده أنتي عارفه انك حاملتها ولا توهم قالولك انتي حاملتها
والله ذي الكليه منتهيه مافيها رقابه أبداً حسبي الله عليهم ونعم الوكيل...

[мαнαααωαу]

يااااااااااااليتي قريبه اساااااااااااااااااااعدك

اسال الله العظيم الرحمن الرحيم يعينك ويساعدك ويوفقك

سامحيني ليتي اقدر اساعدك

[خاني التعبير]

اشـــكركم أخواتي العزيزات مهاوي وحور وهمس النسيم على مرووكم ونورتو صفحتي ما قصرتو حبايبي

ايووووه اختى حور اقولك انا مبسوطه رايحه اخذ وثيقتي قالولي الخبر الشين ما كان عندي اي مادة الحمد لله بس ما اقول حسبي الله عليهم يارب

انتظر ردودكم اخواتي العزيزات

[حنين الذكرى]

:Cry111:ياقلبي عليك حسبي الله عليهم ان شاء الله مايخافون الله

الله يساعدك ويشرح صدرك وتلقين لك ملزمه يارب


يارب وفقهااااااااااااا ويسر لها امرهاااااااااا ياواحد يااحد


ودعواااااااااااااتك علي اختبارات

[انتعاش الفراوله]

يالله يارب تفرج همك ان شاءالله وتتخرجين وتلقن ملازم الله يعينك يارب ويقويك وتنجحين يارب من جد هالكليه نظام خايس بقوه خصوصا سمر الكل يشكتي منها ادعي عليها انتي مظلومه معقوله ماقالولك وقتها انك ول لو حامله الماده وش هالظلم اقول لو يسكرونها ابرك << معصبه :017:

[ترآنيمـ الروح..}]

عليــكم الســلام ورحمــة اللهـ...

:s12:
ياللــهـ وش هالظـــلم..
حسبــي اللهـ ونعم الوكيـــل فيهم..
اللهـ يصبرك ويكــون في عونكـ ياااارب..
انـا عندي كتـاب حضارهـ كانت تدرسنا سمر مادهـ عامهـ التـرم الأول
بس مدري هو نفسكم يالدراسات او لا بس اذا تبيهـ
بحطهـ لكـ في مكتبـهـ او اعطيـكـ ايــاهـ بالكليــهـ..
شـوفي اللي يناسبكـ وقولي لي..

اللهـ يوفقكـ ويفرجها عليك ياااااااارب..
:praying:

[رايقه%]

ياقلبي عليك الله يوفقك ان شاء الله ويسخر لك خلقه :s12:
شوفي انا بدور كتاب الحضاره يمكن عندي ويمكن عطيته احد اذا لقيته عطيتك خبر موفقه ياقلبي ,,

[ما تهاب]

اختي لا توافقين على اختبار الماده

الين يوضحولك من وين جت الماده حتى لو اضطريتي انك ترفعي شكوى للجامعه

هذا محمول يعني راح يخسف بنسبتك ويحرمك مرتبة الشرف

[خاني التعبير]

يسلمووووووو على كل من رد على موضوعي ويعطيكم العافيه حبيبتي ما تهاااب انا لو عندي احد يجيبني الخفجي للكليه كان والله سويت شكووو بس خليها على ربك ربي ما يضيع تعب احد



بس لحد الحين ما لقيت ملزمه والله حتى النوم ما انام كل تفكيري بالماده الله يسامحنها يارب ولاا عندي ملزمه مافي وقت على الاختبار تاريخ ....

29\10\1430

مع تحــــيات :خاني التعبير

[...حور...]

خاني التعبير لقيت لك الملزمه يالغاليه آمري وين تبين أحطها ياليت لو تردين مبكر عشان يمديني
ولو اني اتمنى انك ماتسكتين عليهم وماضاع حق وراه مطالب
الله يوفقك وييسر لك أمورك...

[خاني التعبير]

اللــله يوفقك يارب ويسر لك دربك والله فرحتيني الله يفرحك ويفرج همك مثل ما فرجتي همي يا عمري والله يا حووور من كثر ما فرحه بردك والله جالسه ابكي وانا ارد عليك طيب يا قلبي حطيها عند مكتبة شعاع القدس علشان يوم السبت وصيت مندوب يجيبها لي والله طلب علي 120 للتوصيل بس عايدي حور كيف اصورها وارجعها ولا اخذها .....



معليش ياعمررري ما رديت والله كاان عندي ظروف .....


مع تحيات خاااني التعبير

[رايقه%]

خاني التعبير يؤسفني ان اخبرك ان الكتاب تغير والمدرسه تغيرت ( حسب ماسمعت ) انا سالت وحده من خوياتي عن كتاب الحضاره قالت ان الكتاب والمدرسه تغيروا معليش ياقلبي ماكنت بصدمك بس احسن من انك تذاكرين اخر شي يطلع المنهج تغير >> انا اقصد بكلامي منهج أ / سمر تغير يمكن المنهج اللي بيجيك هو الصح ..

[اريام]

اسمعي يا بنت انا عندي كتاب الحضاره بس حق سنه ثانيه النصف الاول والثاني لو تبيني انسخه للك با السكنر وانزله للك با المنتدي بس مدري وحده من الاخوات با المنتدي تقول تغير انتي دقي علي الكليه وسالي او لو تبيني اروح للسمر واسالها عن الماده بس قوليلي ما ادري هي درست ثاني انا والله سمر درستني وماعندي مانع انزللك الكتاب كله بس ردي علي او خذي ايميلي وتعاليلي با المسن نتفاهم طريقه الي تريحك

[اريام]

يا حياتي اصلن سمر عمرها مانزلت ملزمه علي حد علمي واسمعيني هو كتاب مو ملزمه وياقلبي ما يحتاج يا عمري كل هذا انتي تقدرين تشترين الكتاب اذا كان مثل كتابنا راح اعطيك صورت الكتاب بس شووفي هو هذا الكتاب ولالا كل الناس درسته معقوله انتي مادرستيه برفقللك صوره الكتاب والله يعينك ويصبرك يا الغاليه ان شالله من هنا الين تاريخ الامتحان راح تدرسينه وتذاكرينه وتنبسطين بعد بس امري

[اريام]

يا بنت انا الفرقه الثانيه عندي كتابين مدري والله وين الفصل الاول من الثاني وهو مو ملزمه هو كتاب
اثنين الاول اسمه النطم الاسلاميه تاليف تاج السر احمد حران ولونه اصفر والثاني العلوم والفنون في الحضاره الاسلاميه لتاج السر احمد حران ياقلبي لونه اخضر والكتاب مخطط بس طوييييييييييييييل يخرع عجلي علي اذا تبينه يمديني اطبعه اصوره للك

[رايقه%]

مرررحبـــــــــــــا ,,
انا اليوم رحت الكليه وسئلت اذا كان المنهج تغير قالوا لي ان المنهج ماتغير واللي تدرسه سمر , يعني منهج سمر ماتغير ,,

[خاني التعبير]

السلام عليكم ورحمة الله وبركاته

أخواتي العزيزات أريام وحور ورايقه والكل من ساعدني اشكركم والله من كل قلبي على مجهودكم وبحثكم معاي وريحتوني الله يريح بالكم يارب ويفرج همك ويسر لكم دربكم يارب بس كيف على اختي حور اليوم راح المندوب مالقى الملزمه بالمكتبة ولا جتني الحين كيف بالله بنات تكفووووووون ابغى ملزمه والله مرره ضايق صدري واختي اريام ابغى ملزمه السنه هذي فرقة ثانيه الفصل الاول ما ابغى قديمه علشان يقولون اللي سمعت استاذه سمر حذفت لهم بعض الفصول تكفوووووون بنات ابغىالملزمه و الرد بسرعه ما بقى شيئ على الاختبار اللي تلقاها تنزلها مكتبة القرشي والله ما هو على كيفي علشان يجيب لي الملزمه المندوب له ايام محدده يطلع الرياض

مع تحيات :خاني التعبير

[اريام]

يا روحي والله العضيم سمر ما تحذف شي المشكله مافيه احد من سنه ثانيه معنا با الملتقي سمعني انزللك الكتاب وانا ارسلتللك ايميلي علي الخاص انتي بس ذاكري وخلاص بعدين شنو اسم الكتاب او الملزمه حقت الفصل الاول عندي كتابين يا بنت

[خاني التعبير]

هلا وغلا اختي أريام ان شاء اقرب وقت اضيفك عندي على الايميل والله انا ناسيه اسم الكتاب ما ني فاكره شكله تعرفين قبل سنتين يعني نسيته بس تكفون اللي عندها ملزمه تنزلها بكره الله لا يهينكم مكتبة شعاع القدس علشان المندوب بكره المغرب يبغى يطلع الرياض عنده شغل تكفووووووون بنات الخفجي الفزعه بالله عليكم سا عدوني وافرجو همي ....



مع تحيات :خاني التعبير

[...حور...]

أختي خاني التعبير حطيت اليوم الملزمه في مكتبة شعاع القدس بناء على طلبك والله اني حاولت امس بس ماقدرت:c8:
واليوم لما وديتها
قال صاحب المكتبه ان المندوب توه رايح اليوم ولا راح يروح مره ثانيه للرياض الا الأسبوع الجاي ياليت تتصلين عليهم
وتتفاهمين معاهم وتراني ماأبي الملزمه هي لأخت صديقة اختي وماتبيها حلال عليك خليتها بالمكتبه
بس ضرووووووووووووووووري
دقي على المكتبه وتفاهمي معهم مابقى شي عالأمتحان ولا أوصيك شدي حيلك:150::119:

:love080:الله يوفقك وتجيبين العلامه الكامله:love080:

[خاني التعبير]

مرحبا اختي حور والله اني عارفه اقلقتك معاي اتصلت على مكتبة شعاع القدس تقول ما عندي ملزمة حضاره فرقة ثانيه الفصل الاول كيف هي كتاب ولا ملزمه ايش مكتوب بدايتها انتي حاطتها باسم مين تكفيييييين حور بسرعه ردي على انا على انتظارك يارب كل ما فرجتي كربة احد ربي يفرج همك من كل شر والله يسعدك .......


مع تحيات:خاني التعبير

[اريام]

ايميلي هو

انسخللك الكتاب كامل با السكنر بس اختي ر اعيه الملزمه وش اسم الملزمه لانهم ينسخون صوره الكتاب علي الملزمه وهذا قرار ياقلبي

[اريام]

يابنت ذاكري الكتاب وش انتي خسرانه قبل يضيع الوقت مهما حذفت سمر تراه واجد انا والله ابي اخدمك لوجه الله وانا حاسه فيك واتمنا اني اخدمك والكتاب الي عندي تخطيط سمر

[ترآنيمـ الروح..}]

شــوفي أختــي خـاني التعبيـر استـاذةسمــر ماتحذف الا شي بسيط
وهي ماتعطي ملزمـه الكتاب كلهـ بس يمكن بعض بنات مصورين الكتاب

انـا عندي كتاب سنه ثانيه الترم الاول والثاني اذا تبين بحطهم لك في مكتبة لوحتي او القــرشي

بي انتــي قولي تبينهم ولالا؟؟
ترا مابقى الا وقت قليل يعني لازم تذاكري بسرعهـ

نصيحه مني ذاكري من الكتاب وشدي حيلكـ..

اللهـ يوفقكـ

:119:

[اريام]

انا معك اختي فعلان ماتحذف شي والله والله والله هي تخطط وحتا اذا حذفت شي بسيط ماخذينه با الكتب الثانيه الوقت خلص متا بتردين علينا يا بنت

[خاني التعبير]

السلام عليكم ورحمة الله وبركاته


أشـــكركم اخواتي العزيزات والله عارفه تعبتكم معااااي وان شاء الله من ميزان اعمالكم ويوفقكم ربي بكل ما يحب ويرضى انا جاب لي المندوب اليوم ملزمه من مكتبة شعاع القدس بس ما أعرف هو نفس الملزمه ولا لا نفسي اعرف ايش بدايت الدرس الاول ايش يتكلم عندك اختي ويت روس تكفووون ردو علي بسرعه واختي اريام الكتاب اللي عنك ايش يتكلم عنه بداية المحاضره والله فديتكم من كل قلبي ......


مع تحيات:خاني التعبير

[ترآنيمـ الروح..}]

أختــي التــرم الأول أخــذنــا النظـم الأسـلاميـهـ

أول درس كــان
(الحضــارهـ الاسـلاميه)

تعــريف الحضــارهـ لغـة واصطلاحا"

وبعدهـا الحضـارهـ كمصطلح ومفهوم.

وبعدهـا عوامل تساعد على قيام الحضارة وازدهارها :


الحضـارهـ الإسلاميه ماهيتها:

شوفـي اذا كـان نفس الملزمـه اللي معاك تمام اذا ماكان نفسها بحطه لك بأي مكتبه تبيها ان شـاءاللهـ..

[اريام]

انا كمان نفس الشي
النظم الاسلاميه معني الحضاره لغه واصطلاح
الحضاره كمصطلح ومفهوم
الصفحه الثانيه مقومات الحضاره
العوامل التي تساعد علي قيام الحضاره وازدهارها منها
صفحه الي وراها
الحضاره الاسلاميه ماهميتها
مظاهر الحضاره الاسلاميه
بعدين الفصل الثاني
النظم السياسيه الدوله
دوله المدنيه
الخلافه :في اللغه
اصطلاحا
سياسه الرسول صلي الله عليه وسلم تجمع بين سلطتين دينيه ودنيويه
مفهوم الخلافه
خصائص نظام الخلافه
الشروط الواجب توافرها في الخليفه
واجبات الخليفه


التطور التارييخي للخلافه
خلافه عمر ومجلس الشوري
الخلافه في العصر الاموي الي اخر الكتاب

[...حور...]

بشري خاني التعبير ان شاء الله هي الملزمه اللي حطيتها هي من دون غلاف سوري مانبهتك بس مكتوب عليها من ورى بخط عريض اسم عبدالله ابو البنت اللي اخذت منها الملزمه واصلها اذا كذا مكتوب من ورى فهي نفس الملزمه بشرررررررري قوليلي هي نفسها ولا لا طول ذي الايام احاتي وكتبتلك رد من زمان حوالي ثلاث مرات كل مااكتبه يمسح وماقدرت ادخل هالكم يوم بسبب ظروف اعذريني...
الله يوفقك انتظر ردك...:119: