بكالريوس تمريض موعد قبول طالبات التمريض [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : بكالريوس تمريض موعد قبول طالبات التمريض

مريم :)

2013- 7- 25, 06:21 AM

السلام ,

طلعت نتائج قبول تبع الصندوق الخيري واتصلوا للطالبات بس اللي على المنح متى ؟ ولمتى ننتظر ؟ وهل صحيح يبدأوا بالصيدلة والمختبرات واخر شي التمريض !

ملآك '

2013- 7- 25, 06:44 AM

لا م اتوقع بس هي اكيد بتجي ع دفعآت انتظري يومين بعدها اتصلي :16:

مريم :)

2013- 7- 25, 06:55 AM

كيف يعني على دفعات ؟ حاولت اتصل مشغول أو مايرفعوا :7:

ملآك '

2013- 7- 25, 07:01 AM

يعني في دفعه امس والي قبله والي قبله وان شآءء الله اليوم تنظمين لنآ:16:

مريم :)

2013- 7- 25, 07:14 AM

انشالله ") , طيب انتي تمريض ! لأن اللي انقبلوا كلهم صيدلة ومختبرات ابغى اتطمن متى التمريض :40:

ملآك '

2013- 7- 25, 07:22 AM

نو مختبرآت ي لبى ،
بس ان شاءء الله تنقبلين :21:

مريم :)

2013- 7- 25, 07:26 AM

مبروك القبول عقبالنا بس آخر سؤال انتي تبع منحة الوزارة ولا الصندوق الخيري ؟ ابغا اتطمن بدأو فينا ولا :22:

ملآك '

2013- 7- 25, 07:32 AM

الله يبآرك فيك "
انا تبع الصندوق الخيري ':16:

نور عبدالله

2013- 7- 25, 08:38 AM

الوزارة توهم باديين أمس

سمـارة

2013- 7- 25, 01:19 PM

مي تو انا تمريض بعد و على أعصابي :36:

M!ss Kemo

2013- 7- 25, 01:26 PM

انتظرو حتى للاسبوع الجاي ولا تياسة لان هم قالو للي اتصلو ليهم ان الزفعة الثانية اسبوع الجاي

marwa109

2013- 7- 25, 02:23 PM

بصراحة شئ مو معقول انا رحت اليوم للكلية و طلعوا دفعة أولى ٢٢ طالبة فقط و انا مش من ضمنهم يعني عدد جداً قليل لمنح الوزارة و الدفعة الثانية الأسبوع جاي على كلامهم و مدري كم العدد الي راح ياخذوه !!
مرهه ضاق صدري :9::18:
يعني انا لما رحت سجلت شجعوني و قالوا انه العام أخذوا دفعة كبيرة و مادري أيش ....

الولاء المحمدي

2013- 7- 25, 03:24 PM

اممم انا انقبلت من اول دفعه تمريض .. ولله الحمد بس ابي اسال عن المواصلات كل بنت تقول من وين اهي ونتفق على سائق بعيد بقوه الكليةة .. :)

مريم :)

2013- 7- 25, 07:34 PM

يعني مو بس انا اللي قاعدة على ناار والله انهلكنا لمتى:12: اول شي بدأو الصندوق الخيري قلنا اوكي بعد يبدأو المختبرات والصيدلة قبل التمريض ليش ! والله ماننام ! ريحونا يا إي يا لا حرااام !
التمريض تبع المنح ماحد انقبل للحين يعني ؟ و وش نسوي يعني ؟ لأن أنا بسافر ع الاسبوع الجاي !! واتصل مايرفعوا

dr zhary

2013- 7- 25, 07:39 PM

بصراحة شئ مو معقول انا رحت اليوم للكلية و طلعوا دفعة أولى 22 طالبة فقط و انا مش من ضمنهم يعني عدد جداً قليل لمنح الوزارة و الدفعة الثانية الأسبوع جاي على كلامهم و مدري كم العدد الي راح ياخذوه !!
مرهه ضاق صدري :9::18:
يعني انا لما رحت سجلت شجعوني و قالوا انه العام أخذوا دفعة كبيرة و مادري أيش ....

مين قال انك من اول دفعه بالمنح عزيزتي
ترا فيه دفعه قبلكم منحه وماجلين دراستهم ( وضيعوا عليهم سنه بعد )
وعددهم 51 طالبه منحه دراسيه
يعني في 51 مقعد بالمنح محجوز لهالبنات ( حطوا هالعدد بالحسبان )
عشان كذا هم يباخدوا عدد معين
عشان بعد المبنى ماراح يكفيينا
منح صندوق
ومنح وزاره
بنحتاج مبنى آكبر

ولآتخافي اذا لك نصيب لآمنحه ولآ كليه ولآ اييي شيء ثاني
راح يوقف في طريق نصيبك
اذا لك نصيب ورزق بتاخديه

مريم :)

2013- 7- 25, 07:48 PM

ياصبر أيوب..
طيب اللحين على أساس اني بسافر الاربعا اروح الكلية قبل واشوف مقبولة او لا ! وهل الدفعة الثانية مخلصة يعني يعطوني خبر اني موجودة فيها أو لا او لسا !

الولاء المحمدي

2013- 7- 25, 07:52 PM

اوردي ي مريم بينتهي الدوام اسبوع الجاي اخر دوام لهم .. روحي لهم وجربي ساليهم ..

ان شاء الله مقبووولةة .. :)

M!ss Kemo

2013- 7- 25, 09:57 PM

مو مشكلة عندهم العددد بس المتح اكيد محددة اهم عدد معين

وعادي تكون الدفعة كبيرة لان التحضيري مبنى بوحده

والترم الثاني اذا تخصصتو كل نقلونا المبنى في الراكة واكيد اكبر

نور عبدالله

2013- 7- 26, 01:03 AM

بنات معلومة غلط ان عدد الي بيقبلوهم على المنح قليل انا سالتها بنفسي وقالت لي ماله دخل بس لانه اللعام السمستر الاول قبلو بنات قليل ف حبو يكملوا العدد ف هالسنة مالها دخل باللعام .وان شاءالله في اماكن تكفينا كلنا

dr zhary

2013- 7- 26, 01:12 AM

^
مو مغلوطه ولآ شيء
لنا علآقه ببعض يكون في علمكم
ان رجعوا قدموا طلب للمنحه من جديد لبنات السمستر الي راح
يعني بتطلع منحتها وياكم
بمعنى محسوبين من ضمن العدد بهالسنه
وكلآمي آكيد

مو مشكلة عندهم العددد بس المتح اكيد م
حددة اهم عدد معين

هذا الي اقصده مس كيمو
محددين عدد معين

والترم الي راح السمستر الأولى ماكان فيه منح كلهم صندوق
الترم الثاني كان فيه وآجلوا دراستهم
لهالترم ورجعوا قدموا لها طلب منحه
الفرق ان بنات المنحه بالترم الثاني قابلتنهم الكليه ومسلمين اوراقهم من قبل
هذا الفرق بس

namola

2013- 7- 26, 02:19 AM

ياربي هم املي الوحيد الحين ومرا تأزمت :36:

سمـارة

2013- 7- 26, 06:16 AM

أنني بعد خلاص شكلان بنصير طقاقات :30:

نور عبدالله

2013- 7- 26, 06:25 AM

ههههههههههه .ﻻﻻ ان شاءالله مقبولين ﻻ تياسون .:1:

moca

2013- 7- 26, 06:50 AM

اني قدمت تمرييض وعلى المنح وللحييين مادقووو :44::12:

namola

2013- 7- 26, 06:54 AM

أنني بعد خلاص شكلان بنصير طقاقات :30:

اي والله خلاص مشروع زين :39:

namola

2013- 7- 26, 06:56 AM

اني قدمت تمرييض وعلى المنح وللحييين مادقووو :44::12:

انا بعد كم نسبتك ؟

moca

2013- 7- 26, 05:24 PM

انا بعد كم نسبتك ؟
المدرسة (+90)القدرات (71)
التحصيلي(67)

سمـارة

2013- 7- 27, 06:33 AM

اي والله خلاص مشروع زين :39:

هههههههه سريناا

بكره الأحد يعني دوام يارب يبشرونا كلنا

مريم :)

2013- 7- 27, 10:25 AM

أي وحدة تمريض ومنحة ودقوا عليها تطمننا ماعاد فينا صبر "(