الف مبروك القبول ..... تفضلو هنا رجاءً

[M!ss Kemo]

السلام عليكم

http://www10.0zz0.com/2012/08/29/23/239585823.jpg

الف مبروك لكم اخواتي واخواني القبول بكلية محمد المانع للعلوم الطبية :19:

هذا الموضوع وضعته لكم لطرح استفساراتكم عن الكلية وبالخصوص السنة التحضيرية

واود اخباركم ان اي اجابة على استفساراتكم ستكون حسب ماتم تطبيقه علينا

وإن كان في اعتقادي ان هذه السنة ستكون مختلفة قليلا عن سنواتنا وافضل :26::11:

وهذا هو التقويم للعام الدراسي

طبعا المهم تشوفوه بداية الدراسة واوقات الاجازة والاختبارات النهائية ووقت اعلان النتائج

ومابينهما هذي اوقات وضع المواد وتغييرها وكذا ( انتو اول سنة هم بيعملون لكم الجدول وكل شي)

Academic Calendar Fall 2013-2014


http://www3.0zz0.com/2013/07/26/01/518482263.jpg (http://www.0zz0.com)


Academic Calendar Spring 2013-2014

http://www3.0zz0.com/2013/07/26/01/340438073.jpg (http://www.0zz0.com)

وهذا موضوع متكامل للسنة التحضيرية وضعته لطالبات العام الماضي بإمكانكم الاطلاع عليه

http://www.ckfu.org/vb/t363488.html

وسأضع لكم هنا نبذة بسيطة لان بعض الانظمة تغيرت عن العام الماضي

كونو بالقرب


تحياتي لكم :21:

[H7anon]

يعطيك العافية :16:ماشاء الله وفرتي اجوبة عن كل الأسئلة ..
..
وننتظر الأنظمة الجديد :16::16:

[نور عبدالله]

مس كيمو ماتقصري .بس ايش القوانين الجديدة:16:

[dr zhary]

مبروك بنات ()
مبروك للجميع القبول

[نور عبدالله]

الله يبارك فيك ياااارب .ودراسة سهله وموفقة بادن الله

[نور عبدالله]

طيب بنات السكراب نشتريه من عندهم وﻻ نفصله احنا.وشنو لونه لتخصص الصيدلية

[dr zhary]

^
الصيدله ***
تزعجني كلمه صيدليه ( لآن الصيدليه مكان ) :5:
لسه ماحددو اللون كان وردي والبنات اعترضوا
بنعرف اللون الي بيثبتوا عليه اول لون

[الولاء المحمدي]

شكراًً جزيلاً خييتي ماتقصرررررررين ..

=)

[الولاء المحمدي]

اول ساعه دوام يعني بدايه الدوامم الساعه 8 يبدأ ؟!

ولا 7 ولا شنو ؟!

ابي اكون حاضره من بدري .. يعني ... !

شلون كذا ؟!

[M!ss Kemo]

اول ساعة دوام 8

[ليلو القحطاني]

مبروووكك لكل المقبولات :1:

ماتقصرين مس كيمو موضوع مفيد للكل:1:

[Asya]

طيب معليش بنات ضروري نداوم اول اسبوع و لا عادي نسحب :16::37:

[ليلو القحطاني]

بالنسبه للسنه التحضيريه كل البنات يلبسون نفس لون السكراب ولا كل وحده على اللي بتتخصصه .؟؟

[M!ss Kemo]

اذا لاحظتو في التقويم لاول ترم

كاتبين ان اول اسبوع بيكون تعريفي للطالبات الجدد

والاسبوع اللي بعده تبدأ المحاظرات

يعني اول اسبوع مافي دراسة

:11:

بالنسبة لينا احنا كل سنة مانداوم اول اسبوع :19:

[ملآك ']

ي ليت الي كانت سنه تحضيريه تورينآ جدولهآ ، عشآن نعرف كيف نظآمهم :16:
والاوقآت '

[M!ss Kemo]

1- مباني الكلية :

حسب ماتم الاجابة علي من الكلية انه فقط اول الدراسو يكون الدوام في مبنى الكلية الحالي

وبعد شهر 10 بينتقلون للمبنى في الراكة

حسب ماقالو انه مستأجر ولكن أفضل وأكبر من المبنى الحالي

نأمل ذالك حقيقة :34:

2- الدوام في الكلية (بالنسبة لأول اسبوع وباقي اسابيع الدراسة )


زي ماهو موجو بالتقويم الاكاديمي ان اول اسبوع بيكون تعريفي لكم المستجدين والمستجدات

والاسبوع الثاني بتاريخ 2_11 بتبدا الدراسة :14:

وطبعا بيخبرةكم بيتصلو عليكم اي يوم تداومو اول اسبوع لانه مو شرط يكون السبت

وسيتم الاعلان ايضا في الصفحة الرسمية للكلية على الفيس بوك وهنا بإذن الله

ملاحظة: عند دخولكم المبنى لابد يوميا من توقيع الدخول والخروج والوقت ..

- الدوام يبدأ عادة من الساعة 8 او9 الى 2 او 3 ظهرا كحد اقصى
ويختلف على حسب الكلاس الموجودين فيه :29:

وطبعا سيتم تقسيمكم إلى مجموعات ( كلاسات) والكلاس بتلاحظو مكتوب عليه (....section)

وكل سكشن له رقم بيكون كلاسات مخصصة للصيدلة وكلاسات للمختبرات وكلاسات للتمريض


3- اللباس في الكلية


اللباس في الكلية كان حر سواء ( تنورة - بنطلون _ تي شيرت )

ولكن الترم اللي فات حطو اعلان ان هذه السنة سيكون اللباس رسمي( سكرب _ لابكوت أبيض عليه شعار الكلية )

وكانو محددين ألوان :

التمريض : أبيض
الصيدلة : وردي
المختبرات : أرزق

واحنا طالبات الصيدلة اعترضنا عاللون ورفعنا خئاب بتوقيع من كل طالبة واقترحنا ان يكون السكرب كحلي أو أرق سماوي :19::21::42:

وكل هذه المعلومات لو تغيرت بيعلموكم اياها باليوم التعريفي تطمنو:35:

واللابكوت جدا مهم بالمعامل والاختبارات وماتدخلو بدونه :20:

وتقدرو تاخذو لابكوت من عندهم ... بس السكرب كنا احنا نشتريه

بالنسبة لي مايعجبني قماشهم ولا المقاس
:31: فاخذت لي من محل

4- إدارة الكلية وبعض الانظمة والاستاذات والاساتذة .

الادراة متعاونة وخصوصا في الاونة الاخيرة صارو ياخذو باقتراحاتنا بعين الاعتبار ويحاولو يطبقوها :19::29:
ولكن في نظام متشددين فيه وهو جوالات الكاميرا ..

جولات الكاميرا ممنوعة وبإمكانكم وضعه عند المشرفات في الاستقبال لحين الخروج من الكلية ولكن لايسمح بالدخول به للكلية ويتم مصادرته

- الاستاذات والاساتذة :


: يختلف من دفعة لدفعة يمكن يدرسوكم ويمكن لا

بالنسبة لي اللي درسوني 2 لمواد الماث والفيسيولوجي

وطبعا الاستاذات مو ثابتين عادي اللي درسونا مايدرسوكم واللي يدرسوكم مادرسوني اصلا

4- الدراسة


- الجداول -


الجداول بتكون جاهزة لكم وبيعطوكم وياها
وانتو بتكونو كلاسات وكل كلاس له نفس الجدول ...

وهذي صورة لطريقة الجدول ( هذا كان جدولي الترم الاول )

http://www14.0zz0.com/2012/09/01/18/837675891.jpg

بيكون مكتوب فيه رقم السكشين ( الكلاس )

والمواد مع الوقت والاستاذة في كل محاضرة ..

الخطط الدراسية -

طبعا تغيرت عن خططنا القديمة

بإذن الله بتكون متواجدة عندكم إذا داومتو

- أنظمة الاختبارات ومواعيدها -


ىخر ترم تغيرت خطة المواد والاختبارات

فكانت المواد مثلا مقسمة مثل هذ التقسيم

(class attendance and participation (10%-

الحضور والمشاركة

(Assignment (10 _
عادة تكون هذه النسبة لنشااطات اما يكون بحث او اوراق عمل تحلوها او اختبار ويختلف من استاذه لغيرها .

(20%) Test 1
هذي نسبة لاحد الاختبارات القصيرة او مايسمى ب quiz

(Test 2 20%
هذا ايضا اختبار قصير




(Final Exam (40%
هذه النسبة للأختبار النهائي

وفي بعض المواد اللي يكون فيها جزء عملي تتقسم طبعا الدرجة مابين العملي والنظر ي

وتقسيم الدرجات يختلف من مادة لمادة وكل استاذة راح تعطيكم ورقة مفصل فيها خطة الدراسة للمادة وتقسيم الدرجات

1_ الاختبارات القصيرة (Quiz) وهذي تكون طول فترة الدراسة طبعا تحددها الاستاذة يكون في وحدات معينة من المادة وتقريبا ناخذ 2 الى 3 من الاختبارات القصيرة في الترم الواحد وتكون درجتها من (15 او 20) وتكون الاسئلة فيها متنوعة احيانا تكون كلها اختياري واحيانا فيها اسئلة مقالية او صلي ..



3- الاختبارات النهائية (Final Exams)

وطبعا يكون وقتها اخر 3 اسابيع من الدراسة ...

والمواد العلمية واللغة الانجليزية ايضا مقسمة لاختبارين

اول هذه الاسابيع بيكون فيها اختبارات العملي و اختبارات اللغة الانجليزية مثل (writing)

والاسبوعين الباقيين يكون فيها اختبارات النظري والاختبارات غير متتالية وانما 3 اختبارات فقط في الاسبوع الواحد

والاسئلة تكون متنوعة وعادة اصعب من الشهري ويحتاج مذاكرة قوية وجادة لان الدرجة تقريبا تكون من 40 درجة

_ من الامور المستجدة ان حات مشرفة اجتماعية ( استاذة ميرنا الخليفة)

وهي انسانة خلوقة جدا وتقريبا كل مابين اسبوعين تعمل لنا محاظرات مختلفة وتعاد يوميا

ولقاءات معها ... ةبالعادة احنا نشكي ليها الحال والامور اللي ودنا تتتغير :8::5:

_ أيضا يوجد أندية ( فنية _ اجتماعية وغيرها )

ويتم التجمع لكل ناجي ونشاط طلابي اسبوعيا

وللطالبات المشاركات 5 درجات :42:



وبس هذا الشي المتغير قليلا وحبيت انبهكم ةالاشياء الثانية انشالله تكونو قرأتوها بالموضوع للعام السابق

+ أبغى أعرف الاشياء اللي تتمنو تكونو موجودة ويتم توضيحها لكم في اليوم التعريفي( هذا ضرروري احتاجه ):39::19::26::33:


خالص تحياتي لكم :27::16:

[Ph.D2013]

مشكوووورة مرة ماقصرتي في المعلوماتت ،،
بالنسبة للنظام اني عندي مابيتغير لان دارسة مقررات ىنفس الشي نظامهم جامعي ،،
بالنسبة للتقسيم البنات في الكلاس يكون في اول الايام يعني اول اسبوع ولاا كيف
و بالنسبة للمشرفات الاكاديميات كيف تعاملهم تمام مع البنات متعاونين ،، ؟!
والابكوت وش لونه اللي تبع الصيدلة ،، قالو لي بيج بس حابة اتاكد ����
يعطيش الف عافية غناتي ،،

[M!ss Kemo]

مشكوووورة مرة ماقصرتي في المعلوماتت ،،
بالنسبة للنظام اني عندي مابيتغير لان دارسة مقررات ىنفس الشي نظامهم جامعي ،،
بالنسبة للتقسيم البنات في الكلاس يكون في اول الايام يعني اول اسبوع ولاا كيف
و بالنسبة للمشرفات الاكاديميات كيف تعاملهم تمام مع البنات متعاونين ،، ؟!
والابكوت وش لونه اللي تبع الصيدلة ،، قالو لي بيج بس حابة اتاكد ����
يعطيش الف عافية غناتي ،،

الله يعافيك

اللابكوت لجميع التخصصات بيكون ابيض

اي خلاص لما يعطوك الجدول بيكون مكتوب فيه رقم الكلاس ( السكشن)

وانشالله ناويين يعملو لكم يوم تعريفي شامل :29:

بالتوفيق:16:

[نور عبدالله]

طيب مس كيمو انا سمعت ان الاب كوت لازم نشتريه من عندهم ع اساس ان موجود عليه شعار الكلية صحيح ولا لا؟؟

[Emy77]

فيه كافيتيريا انا احاتي موضوع الاكل صراحة :34:

مانبي سكراب التمريض ابيض :39:

ازرق سماوي او رمادي او كحلي

خلونا نختار او نسوي تصويت :16:

[M!ss Kemo]

طيب مس كيمو انا سمعت ان الاب كوت لازم نشتريه من عندهم ع اساس ان موجود عليه شعار الكلية صحيح ولا لا؟؟

مو شرط ماح يجبرك ... انا بس اول ترم اخذت من عندهم
بعدين صرت اجيب ليي غيرر من برا الكلية لان قماشهم ماعجبني وماحسيته مرتب

فيه كافيتيريا انا احاتي موضوع الاكل صراحة :34:

مانبي سكراب التمريض ابيض :39:

ازرق سماوي او رمادي او كحلي

خلونا نختار او نسوي تصويت :16:

هذي الالوان اقترحوها بنات الصيدلة من الترم اللي فات ورفعو خطاب

فاذا وافقو ..... مابيغيرو ....:44:


انتظرو لاول يوم سمكن غيرو لون سكرابكم او اذا التقيتو بهم خبروهم ان ماتبغو ابيض ...

[mxxz0]

مبروك لنا جميعا:13:

[جمانه سعود]

سلام
ممكن تفيدوني ؟ :$$
التسجيل على الحساب الخاص بس لتاريخ 24
بداية الدراسة ما اقدر اسجل ؟

[Norah9]

الحين فيه تخصص تأمين صحي او لا لطلاب الادبي
مواقع يكتبوب ايه ومواقع لا :44:

[ملآك ']

الحين فيه تخصص تأمين صحي او لا لطلاب الادبي
مواقع يكتبوب ايه ومواقع لا :44:

وقفوه لانه دبلوم :21:

[M!ss Kemo]

سلام
ممكن تفيدوني ؟ :$$
التسجيل على الحساب الخاص بس لتاريخ 24
بداية الدراسة ما اقدر اسجل ؟

التسجيل متاح ليوم الخميس

ما اضمن لك ان في تسجيل بداية الدراسة

[المتمرد]

مبروك للمقبولين والمقبولات واتمنى لكم التوفيق بكلية المانع :17:

[نور عبدالله]

الله يبارك فيك ياارب :29:

[عروقي تحتويك]

اللي بيسجلون ع حساب الصندوق طلعت النتايج ؟؟؟

[نور عبدالله]

هو اساسا كان في دفعتين للصندوق بس الحين الي يحولون من منحه الى الصندوق جالسين يردون عليهم :1:

[عروقي تحتويك]

طيب طلعت نتائج الصندوق رفعوا الاوراق ولا لا

[نور عبدالله]

ماعندي علم اتصلي لهم اسالي

[JoJole]

السلام عليكم حبيت استفسر هل المواد كله بالانجليزي لان اللغة عندي مش ولا بد وشلون اعرف إذا انقلبت أو لاوهل الدرسه سهله أم صعبه في السنه التحضيريه 😓😭

[M!ss Kemo]

السلام عليكم حبيت استفسر هل المواد كله بالانجليزي لان اللغة عندي مش ولا بد وشلون اعرف إذا انقلبت أو لاوهل الدرسه سهله أم صعبه في السنه التحضيريه 😓😭


اي كل المواد بالانجلش ماعدا اللغة العربية والثقافة الاسلامية

واذ عاللغة اكثر الناس يدخلو ولغتهم مي قوية وبيظلو يعطوكم ثلاث مستويات لاتخافو

حاليا مافي تحضيري مثل قبل بس الترم الاول وتختلف المواد من تخصص لتخصص اخر
الترم الثاتي يعطوكم مادة خاصة بالتخصص

[JoJole]

شلون اعرف هل انقلبت أو لا

[M!ss Kemo]

اللي انقبلو اتصلو لهم

اتصلي عليهم واساليهم عن اسمك بكرا اخر دوام في رمضان

[فداء عبدالعزيز]

السلام . .
بغيت اسالكم انا عندي قرايب اولاد مسجلين بالكلية من السنة اللي طافت و قالوا لي انهم وقعوا معهم عقد و يكون منتهي بالتوظيف و هيك
انا اللحين لما انقبلت محد قالي وقعي شي شسالفه !!
بعدين ياخي وش فيها لادخلنا الجوالات !! هذا لما كنت ادرس بجامعة فيصل و فاسخين عبايتنا و مش ممنوعه الجوالات عادي ,!
طيب كيف ع الجداول اذا ابغى انا اخذ (اوف) بيوم معين ولا اغير بوقت المحاضرات !
سمعت انهم ما يقبلون ناخذ ال اوف , الا بوسط الاسبوع !
انا من الاحساء و حابه يكون الاوف مع الويكند مره وحده يعني:42:
و شسمه انا قدمت على السكن , و قالوا لي بيردون علي بعدين اذا فيه مجال
ابغى اعرف متى ذا ال(بعدين) ؟؟
صحيح فيه مواصلات بالكلية ! الاولاد قالوا لي انه في باصات تاخذ البنات من القطيف و ترجعهم
ولما سألت اللي بالكلية قالوا لي لا ما فيه مواصلات , الباصات بس اذا بناخذ الطلاب من الكلية الى المستشفى , بس انه ياخذهم من بيتهم لا !
اللي ابغى اقوله . . مثلا لو انقبلت بالسكن , في باص من الكلية يوديني من السكن الى المبنى الجديد ! ولا انا اوفر لي المواصلات ؟
يلا اخر سؤال و بفككم مني , انا تخصص صيدلة , أي كتاب يطلبونه اشتريه ولا تحسون في كتب ما لها داعي و يكون في ملازم من الدكتور مختصره هذرته و هيك !

*شكرا* للي بيردون .:16:

[M!ss Kemo]

السلام . .
بغيت اسالكم انا عندي قرايب اولاد مسجلين بالكلية من السنة اللي طافت و قالوا لي انهم وقعوا معهم عقد و يكون منتهي بالتوظيف و هيك
انا اللحين لما انقبلت محد قالي وقعي شي شسالفه !!
بعدين ياخي وش فيها لادخلنا الجوالات !! هذا لما كنت ادرس بجامعة فيصل و فاسخين عبايتنا و مش ممنوعه الجوالات عادي ,!
طيب كيف ع الجداول اذا ابغى انا اخذ (اوف) بيوم معين ولا اغير بوقت المحاضرات !
سمعت انهم ما يقبلون ناخذ ال اوف , الا بوسط الاسبوع !
انا من الاحساء و حابه يكون الاوف مع الويكند مره وحده يعني:42:
و شسمه انا قدمت على السكن , و قالوا لي بيردون علي بعدين اذا فيه مجال
ابغى اعرف متى ذا ال(بعدين) ؟؟
صحيح فيه مواصلات بالكلية ! الاولاد قالوا لي انه في باصات تاخذ البنات من القطيف و ترجعهم
ولما سألت اللي بالكلية قالوا لي لا ما فيه مواصلات , الباصات بس اذا بناخذ الطلاب من الكلية الى المستشفى , بس انه ياخذهم من بيتهم لا !
اللي ابغى اقوله . . مثلا لو انقبلت بالسكن , في باص من الكلية يوديني من السكن الى المبنى الجديد ! ولا انا اوفر لي المواصلات ؟
يلا اخر سؤال و بفككم مني , انا تخصص صيدلة , أي كتاب يطلبونه اشتريه ولا تحسون في كتب ما لها داعي و يكون في ملازم من الدكتور مختصره هذرته و هيك !

*شكرا* للي بيردون .:16:
مبروك القبول

بوضح لك ان نظام كليتنا يختلف عن نظام الجامعات الحكومية

يالنسبة لعقد التوظيف فمافي هذا الشي ملغي من سنتين

والسكن يمكن يردون عليك بشوال ... مع انه قالو للبنات خذو لكم سكن بالراكة عشان المبنى الثاني ومواصلا الكلية فقط تاخذ البنات من الكلية للمستشفى


لكن اذا عطوك سكن استفسري يمكن يوفرون لك مواصلات

والجدول اصلا مانتدخل فيه هم يسوونه ويرتبوه ومو شرط يكون فيه اوف على حسب الساعات كل ترم .... وهم يحددو الاوف متى تبع الجدول لان بتكوني في سكشن معين وكل البنات اللي معك بنفس السشكنن لهم نفس الجدول

والكتب عادة يكونو كتب الانجلش ويوفروها الكلية وتشتروها من عندهم او تاخذيها من مكاتب خارجية

واغلب المواد يكون ملازم ملخصة من نفس الاستاذة

وبالنسبة للجوالات ترا لكم هالشي عشان تضمنو لان مرة صارت سالفة يقولو صورو بنات ومانبغى طول يومنا بالحجاب عشان الجوالات

ومن صارت سالفة تصوير بجامعة فيصل زي ماقالو شددو عالجوالات ... اساس مابنتعطل يعني خليها عندهم واخذيه وقت اللي تبغي تكلمي

[فداء عبدالعزيز]

طيب الله يعافيك انتي كاتبه بموضوع اخر انه يسوون اختبار تحديد مستوى للانقلش
وانه ماله داعي لانهم بيدرسونك من اول مستوى

السؤال اللي يسدح نفسه .. ليه يسوونه اجل !!!! :30:
تنصحين نستعد له ولا شي هيك !

طب دام قلتي انهم بطلوا نظام العقود , اللحين انا اذا تخرجت و قدمت عندهم ياخذوني ! ولا لازم اكون جايبه معدل معين ! >> عارفه انه لازم اتجاوز اختبار الهيئه قبل

[فداء عبدالعزيز]

ومانبغى طول يومنا بالحجاب عشان الجوالات


^^ يعني عادي في اماكن بالكلية نفسخ الحجاب و هيك و ناخذ راحتنا ؟؟

[M!ss Kemo]

فداء ... عشان يعرفو المستوى العام للدفعة ... احنا ماكنا ندري عنه وكل وحدة حلت بمستواها

عادي تقدمي عندهم :21:

اي مانلبس الحجاب الا في حالة اذا دخلو صيانه او كذا ... المبنى بس للبنات

[dr zhary]

السلام . .
بغيت اسالكم انا عندي قرايب اولاد مسجلين بالكلية من السنة اللي طافت و قالوا لي انهم وقعوا معهم عقد و يكون منتهي بالتوظيف و هيك
انا اللحين لما انقبلت محد قالي وقعي شي شسالفه !!
بعدين ياخي وش فيها لادخلنا الجوالات !! هذا لما كنت ادرس بجامعة فيصل و فاسخين عبايتنا و مش ممنوعه الجوالات عادي ,!
طيب كيف ع الجداول اذا ابغى انا اخذ (اوف) بيوم معين ولا اغير بوقت المحاضرات !
سمعت انهم ما يقبلون ناخذ ال اوف , الا بوسط الاسبوع !
انا من الاحساء و حابه يكون الاوف مع الويكند مره وحده يعني:42:
و شسمه انا قدمت على السكن , و قالوا لي بيردون علي بعدين اذا فيه مجال
ابغى اعرف متى ذا ال(بعدين) ؟؟
صحيح فيه مواصلات بالكلية ! الاولاد قالوا لي انه في باصات تاخذ البنات من القطيف و ترجعهم
ولما سألت اللي بالكلية قالوا لي لا ما فيه مواصلات , الباصات بس اذا بناخذ الطلاب من الكلية الى المستشفى , بس انه ياخذهم من بيتهم لا !
اللي ابغى اقوله . . مثلا لو انقبلت بالسكن , في باص من الكلية يوديني من السكن الى المبنى الجديد ! ولا انا اوفر لي المواصلات ؟
يلا اخر سؤال و بفككم مني , انا تخصص صيدلة , أي كتاب يطلبونه اشتريه ولا تحسون في كتب ما لها داعي و يكون في ملازم من الدكتور مختصره هذرته و هيك !

*شكرا* للي بيردون .:16:

دامك صيدله احب اخبرك ان " الأوف بيكون شيء نادر"
حسب كلآم جميع طلبه الصيدله بجميع جامعات المملكه
لآن التخصص دسم :11:

[فداء عبدالعزيز]

الله يهدي المخبل اللي عندي كانوا مفهميني ان المبنى واحد بنات و اولاد . . بس الكلاسات اللي نكون مفصولين عنهم . . طب بسألك في شروط معينة بالملابس ؟ يعني م تكون قصيرة ولا شفافه . ولا لازم الوان معينه هيك شي ..~
يعطيك العافيه غناتي و أي سؤال بيجي ع بالي بسدحه هون :11: >> ناشبة لك هع

[فداء عبدالعزيز]

dr zhary

م قصرتي تحطيم من الصبح :5:
اصلا عادي مو مره انا اهتم ب الاوف :34:

[M!ss Kemo]

السنة الثانية لنا اول ترم ... كان عندنا 7 مواد وتقريبار19 ساعة وعطونا اوفف
لانو رتبو الجدول ... تعرفي يعتمد على اللي يدرسو المادة لان يدرسو اكثر من دفعة
يعني انتو وحظكم
طبعا الكل حسدنا ومن بعدها ماشفنا اوفات :44:

[نور عبدالله]

مس كيمو ان شاءالله هالسنة يكون عندك اوف :16:
واحنا بعد ياارب:1:

[نور عبدالله]

فداء اول اسبوع تلبسين الي تبين ...محتشم طبعا
بس اللبس الاساسي سكراب
بالنسبة لبنات الصيدلة للحين ماحددو اللون :16:

[فداء عبدالعزيز]

أي طبعا لازم محتشم بالدوام بس حبيت استعبط حبتين :5:>>برا بدون مطرود

[ملآك ']

مبروك القبول

بوضح لك ان نظام كليتنا يختلف عن نظام الجامعات الحكومية

يالنسبة لعقد التوظيف فمافي هذا الشي ملغي من سنتين

والسكن يمكن يردون عليك بشوال ... مع انه قالو للبنات خذو لكم سكن بالراكة عشان المبنى الثاني ومواصلا الكلية فقط تاخذ البنات من الكلية للمستشفى


لكن اذا عطوك سكن استفسري يمكن يوفرون لك مواصلات

والجدول اصلا مانتدخل فيه هم يسوونه ويرتبوه ومو شرط يكون فيه اوف على حسب الساعات كل ترم .... وهم يحددو الاوف متى تبع الجدول لان بتكوني في سكشن معين وكل البنات اللي معك بنفس السشكنن لهم نفس الجدول

والكتب عادة يكونو كتب الانجلش ويوفروها الكلية وتشتروها من عندهم او تاخذيها من مكاتب خارجية

واغلب المواد يكون ملازم ملخصة من نفس الاستاذة

وبالنسبة للجوالات ترا لكم هالشي عشان تضمنو لان مرة صارت سالفة يقولو صورو بنات ومانبغى طول يومنا بالحجاب عشان الجوالات

ومن صارت سالفة تصوير بجامعة فيصل زي ماقالو شددو عالجوالات ... اساس مابنتعطل يعني خليها عندهم واخذيه وقت اللي تبغي تكلمي

حتى جوال بدون كآميرا ؟!

[M!ss Kemo]

لا طبعا اكيد عادي تدخلو بجوال بدون كاميرا

[Taghreed1]

شكرا مس كيمو ، بسالك كم سؤال

يعني انتظرهم لين يكلموني ويقولون داومي ؟ :39:

وأي مبنى اروح ؟

ممكن تقولين لي وين مبنى السنه التحضيريه ﺑ الظبط. وَ هل أداؤم أول يوم فيه ؟ :16:

[marwa109]

لا طبعا اكيد عادي تدخلو بجوال بدون كاميرا

طيب يعني زي نظام الجامعات نجيب جوال الكاميرا بالخش و الدس 😜

[M!ss Kemo]

شكرا مس كيمو ، بسالك كم سؤال

يعني انتظرهم لين يكلموني ويقولون داومي ؟ :39:

وأي مبنى اروح ؟

ممكن تقولين لي وين مبنى السنه التحضيريه ب الظبط. وَ هل أداؤم أول يوم فيه ؟ :16:

اعلنو بصفحة الكلية بالفيس بوك ان الدوام يبدا بتاريخ 25-11

بس مو اكيد تداومو بمبنى التحضيري ....

هم يبرسلو رسائل لكم او اتصال ... او بيحطو على صفحة الفيس وانا بكتب لكم هنا

[فآتي]

الدوام 25-11-1434 متاكدين :6: ؟؟؟!

[dr zhary]

25 شوال

[فآتي]

يعني 25-10 ؟

[M!ss Kemo]

سوري ترا بالغلط اقصد 25-10

[dr zhary]

ايه

[تستهبل]

السلآلآلآم عليكم

عاد الله يعينكم علي معليش تحملوا:41:

المووهيم اني وحده ماعرف ف الكلية شي ولا نظام ولا ها الاب كوت مادري شسمه حدي مدرسه خبره اي غيرها معرف:5:

المووهي اسالتي
1/شنو الاب كوت؟:5:
2/متى نشتري السكراب؟
3/هل في سكن تبع الجامعه ولا ندور؟
5/كيف اعرف اوقات دوامي؟
6/يبيعون اكل ولا لا ؟:5:
7/وين موقع الكلية حاليا بالضبط ؟ لاتقولون نفس المكان اللي سجلنا فيه:4::18:

واذ جا ع بالي سؤال بجي اسال:42:


يعطيكم الف الف عآآآآآآآآآآآفيه:16:

[dr zhary]

ي هلآ فيك


المووهي اسالتي
1/شنو الاب كوت؟

البالطو الابيض الي يلبسونه الاطباء وباقي التخصصات الصحيه
2/متى نشتري السكراب؟

راح يعطونا خبر اول يوم
3/هل في سكن تبع الجامعه ولا ندور؟

ابحثي عن سكن ياجميله بنات الاحساء كلهم بحثو
لان السكن غالبا بيعطوه ممرضات المستشفى
5/كيف اعرف اوقات دوامي؟

بيعطوك الجدول وتشوفي اوقات محاضراتك
6/يبيعون اكل ولا لا ؟

تتوقعي نقعد بجوعنا , فيه كافتيريا
بس انا بعد افكر اجيب اكل من البيت بما احب
7/وين موقع الكلية حاليا بالضبط ؟ لاتقولون نفس المكان اللي سجلنا فيه

مافي مجال اساسا بالمبنى الي سجلنا فيه
مبنى التحضيري بعيد شوي عن مبنى القبول والتسجيل
اول يوم راح يعطونك " كروكي = خريطه "
تعطيها للي يوصلك عشان يعرف مبنى التحضيري وين
ولاندري اذا بينقلونا للراكه او لآ

[تستهبل]

ههههههههههههههههههههههههههه

اييييييييي وقسم بالله كنت احاتي المطعم حيييييل

طيب هل نقدر نطلع برا الكلية بين المحاضرات ولا :5:

وهل مبنى التحضيريحنبه محلات وكذا ولا؟ <<<<برآآآ ع ذا السؤال

[M!ss Kemo]

ههههههههههههههههههههههههههه

اييييييييي وقسم بالله كنت احاتي المطعم حيييييل

طيب هل نقدر نطلع برا الكلية بين المحاضرات ولا :5:

وهل مبنى التحضيريحنبه محلات وكذا ولا؟ <<<<برآآآ ع ذا السؤال

تقدري تطلبي من مطعم ويجي لك الكلية يس ممنوع تظلعي بين المحاضرات لان احنا مو مثل الاولااد
ا
اساسا ماتدرو اذا بيخلوكم بالتحضيري او نفس مبنانا
بان من قبل قالو بيخلو التحضيري لااولاد

[Taghreed1]

اعلنو بصفحة الكلية بالفيس بوك ان الدوام يبدا بتاريخ 25-11

بس مو اكيد تداومو بمبنى التحضيري ....

هم يبرسلو رسائل لكم او اتصال ... او بيحطو على صفحة الفيس وانا بكتب لكم هنا




شكرا حبيبتي الله يعطيك آلعافيه :16:

[فداء عبدالعزيز]

مس كيمو . . اعطينا رابط صفحة الكلية اللي بالفيس بوك
ولا ايش نكتب بالبحث ؟ و تطلع لنا الصفحه !

[نور عبدالله]

....،.............

[تستهبل]

خساره فكرت نقدر نطلع ونرجع:5:

طيب سؤال الحين اول اسبوع بشنو اللبس نداوم يعني بيبيعونا اللبس من اول اسبوع ولا كيف؟؟

[M!ss Kemo]

البسو ثياب :42::8: اي شي
وهم ماكانو يوفرون لنا ابس الابكوت ... ولا تستعجلو كل شي بتعرفوه بعدين

والحين هدي انظمة جديدة فنا اقدر اعطيكم خبر بشي ماعرف عنه

[تستهبل]

Okay
يعطيكــ الف عآآآفيه ي روحي ماقصرتي:37::16:

[Asya]

خففوا آسئلةة على مس كيمو :41:

[JoJole]

أخواتي جامعة المانع توقف القبول عند 81 مالنسبه التي توقفت بها جامعة المانع بالنسبة للمنح أتمنى الرد

[JoJole]

اقصد جامعة الدمام

[JoJole]

جامعة الدمام توقف القبول عند ٨١ جامعة المانع مالنسبه التي توقفت عندها بالنسبة للمنح.

[نور عبدالله]

الي وقفت عليها ع حسب كلام البنات 85 طبعا الموزونة ودفعة وحدة بس

[فآتي]

بنات اللي سوو فحوصات ايش سوويتوا بااضبط:42:!!؟

[Asya]

تروحين للجنة الطبية او اي مستشفى حكومي او خاص...
تعطينهم الورقةة و هم يضبطونكك ’’
بعد 5 ايام تطلع ويكون الدكتور و مدير المشفى خاتمين عليهآ
وَ كآتبين ان انتي سليمةة :16:
وَ سلآمتكمم :17::13:

[فآتي]

5 ايااااااام:4:
ماكو اسرع من كذا :36:

[رحمه جاسم]

مستشفى خاص ب 300 ريال وتطلع اليوم الا بعدده انا سويت كذا

[Asya]

يب يب الخآص مآ تطول..
آنَآ كنت اقصد الحكومه :16:
عَ العموم ورقة الفحص تقدرين تسلمينها بعد العيد مو ضروري الحين :16:

[فآتي]

اسسيا والله جججد:6:
ريحتيني ربي يريحك :2:
كنت خايفه اخر يوم تسليم اﻻحد وانا للحين ما سويت شي:36:

[Asya]

اهم شيء تسلمين الاصول الشهادآت وَ الصورر..
آمآ الفحص الطبي قالت لي بعد العيد بيداومون قبل يبدآ دوآمنآ
آقدر آخذهآ لهم :2:

[ملآك ']

مستشفى خاص ب 300 ريال وتطلع اليوم الا بعدده انا سويت كذا

باي مستشفى سويتيه ؟

[فآتي]

اهم شيء تسلمين الاصول الشهادآت وَ الصورر..
آمآ الفحص الطبي قالت لي بعد العيد بيداومون قبل يبدآ دوآمنآ
آقدر آخذهآ لهم :2:

اي انا سلمتهم كل شي حتى الاصول
بس باقي الفحوصات و اخلاء الطرف ﻻني كنت ادرس في جامعة الدمام :42::18:

[رحمه جاسم]

بمستشفى الصـادق ب سيهـات

[فآتي]

بكم ؟!
و ايش التحاليل اللي سويتيها !!
سويتي كل اللي بالورقه :40: ؟!

[Taghreed1]

كيد لازم تسوين كل اللي ﺑ الورقه :16:

[white flower2012]

أعزائي الطلبة
كل عام وانتم بخير
اود إعلامكم ان العام الدراسي سيبدأ الاسبوع القادم يوم الاحد بتاريخ ١/٩/٢٠١٣ يتخلله برنامج تهيئة لطالبات السنة التحضيرية تخصص صيدلة ، يوم الإثنين ٢/٩/٢٠١٣ يوم تهيئة طالبات تخصص تمريض، يوم الثلاثاء ٣/٩/٢٠١٣ اختبار تحديد مستوى اللغة الانجليزية في مبنى السنة التحضيرية شارع ٢٦ للبنات، مبنى الإدارة شارع الملك سعود تقاطع ١٧، ويوم الأربعاء ٤/٩/٢٠١٣ يوم تهيئة للطالبات تخصص مختبرات من الساعه٩-١١، وطلاب ذكور من الساعة الثانية حتى الثالثة والنصف
يبدأ الدوام الساعة الثامنة صباحا
الحضور إلزامي
أتمنى لكم بداية مشرقة وناجحة في كلية محمد المانع للعلوم الطبية
منقول من صفحة الكلية في الفيس بوك