هل جامعة فيصل تعادل شهادة كلية التقنية ؟ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : هل جامعة فيصل تعادل شهادة كلية التقنية ؟

ahmedinho

2013- 7- 27, 12:57 AM

السلام عليكم ورحمه الله وبركاته

بغيت اسئل هل جامعه فيصل تعادل شهادة دبلوم من كليه التقنية
وخاصه ان تخصصي من كلية التقنية محاسبه واريد اكمال الدراسه في جامعه فيصل
هل هناك معادله في ساعات الدراسه لاصحاب الشهادات او لا

لاني سمعت من البعض يقولون جامعه فيصل تعادل في الشهادات كليات التقنية

bntsweet

2013- 7- 27, 03:48 AM

والله انا من الكليه التقنيه وتخصص محاسبه وماعادلو لي ولا مقرر لانهم يقولون انها مقررات تقنيه وليست تربويه

ودرست ادارة من جديد بس بدى موضوع التجسير في جامعات كثير اذا ماتبي تدرس بكالوريس كامله

غير كذا اسال في فيصل يمكن نزلو نظام جديد يعادلون المقررات بما انه بدى التجسير وبالتوفيق

سلطان الصقر

2013- 7- 27, 03:52 AM

عادلو لواحد من الشباب (كلية تقنية ـ محاسبة) مادة الـe فقط:33:

bntsweet

2013- 7- 27, 03:57 AM

المفروض اذا بيعادلون يعادلون مواد المحاسبه بما ان احنا درسناها بس لو بعادل انقلش مايحتاج بدرس 4 سنين

هاوي الشمال

2013- 7- 27, 04:00 AM

كلية التقنية تمنح دبلوم
جامعة فيصل تمنح بكاليوريوس

كيف تعادلها ..؟؟؟؟؟؟؟؟؟؟؟؟؟

bntsweet

2013- 7- 27, 04:15 AM

اللي يدرسون ادارة اعمال يدرسون محاسبه وانقلش واقتصاد واحصاء وكلها درسناها بالدبلوم

يعادلون لنا المواد اللي درسناها بالدبلوم ونكمل سنتين وناخذ بدل شهادة الدبلوم بكالوريس

عسى وصلت الفكره يا هاوي الشمال

بالنسبه لي انا اصلا ابي شهادتين دبلوم وبكالوريس والله يوفق الجميع

uu0uu

2013- 7- 27, 04:32 AM

هل تقارن جامعه وان كانت انتساب بكليه ايها السائل؟

سؤال غير لائق ويدل على جهل وعدم معرفه

خالد2003

2013- 7- 27, 04:42 AM

هل تقارن جامعه وان كانت انتساب بكليه ايها السائل؟

سؤال غير لائق ويدل على جهل وعدم معرفه

وجواب غير لائق منك حينما تصف الاخرين بالجهل !!!!!!! فماذ تصبح انت بهذا الرد ؟

الأخ يسأل لأنه لا يعرف الأجابة الصحيحة....

عزيزي الفاضل السائل... أنا درست كلية التقنية ثلاثة أترام وخاطبت أحمد الموظف في مكتب عميد الأنتساب عند بعد وقالي أحتمال كبير يعادلونها لك بس مو أكثر من ترم يعني 15 ساعه...

بس أنا ما سويت معادلة مواد لأن درجاتي كانت مقبول في الكلية فحبيت أدرسها من جديد

وفعلاً أخذت المواد من جديد وحصلت على تقدير ممتاز.

فأنت حاول تعادل المواد الي درجاتك فيها عالية علشان تدعم المعدل......

ahmedinho

2013- 7- 27, 06:06 PM

هل تقارن جامعه وان كانت انتساب بكليه ايها السائل؟

سؤال غير لائق ويدل على جهل وعدم معرفه

ياخي وش التعالي وش هالاسلوب وفي رمضان بعد
الله يهديك مابقى الا تجي تسبني بعد
وزين ان السؤال في النت
ولو كنت قدامك وش بتسوي بعد
اعوذ بالله منك ومن اسلوبك
لكن كلن وعلى تربيته اللي تربى فيها

mr.shosho

2013- 7- 27, 06:19 PM

اخي يعادلون لك بحد اقصى 15 ساعة (مواد المستوى الاول لا تعادل)
يعادلون لطلاب و يتركون بعض الطلاب حسب المزاج
انت قدم و انتظر نتيجة المعادلة

mr.shosho

2013- 7- 27, 06:21 PM

alhrby1

2013- 7- 27, 06:36 PM

اانا تخصصي برمجه وش المواد اللي يعادلونها لاني سمعت لازم وصف المقررات اجيبها من الكليه التقنيه ؟؟؟

امريكي

2013- 7- 27, 07:40 PM

مساء الخير

انا عادلوا لي مادتين اللغه الإنجليزيه و مهارات إتصال

وأحد الشباب لغه و ثقافه اسلاميه

انا كلية تقنيه تخصص برمجه

بالتوفيق :21:

لذا

2013- 7- 27, 08:41 PM

نعم يعادلون
بس كم ساعه ... الله العالم ..

شروط المعادله
ما تتجاوز عدد 15 ساعه اقصى شيء
مطابقة المقرر اللي درسته بالتقنية مع المقرر بتخصصك بالجامعه
عدد ساعات المقرر المطابق لازم يكون المقرر اللي درسته بالكليه نفس عدد الساعات بمقرر الجامعه او اكثر.
لازم يكون المقرر اللي بتعادله تكون انجزته بالكليه بمعدل ما يقل عن "جيد"

انا قبل ما اسجل بالجامعه كان معي دبلوم انشاءات مدنيه يعتبر من التخصصات الفنية

وعادلوا لي 4 ساعات بتخصص ادارة الاعمال
اللغة الانجليزية
مهارات الاتصال
العقيدة الاسلامية والمذاهب المعاصره

اتوقع انت بيعادلون لك ساعات اكثر لو بتدرس تخصص ادارة اعمال لان انت دبلومك اداري عكس دبلومي الفني

بالتوفيق...

abwwaeel

2013- 7- 27, 08:50 PM

هلا فيك
ايه يعادلوا لك تقريبا 15 ساعه بما فيها الانجليزي
:21:
والي يقول لا .. ممكن غلطان أو معتمد على مصادر مجهوله