هل فيه تقديم على الجامعات للترم الثاني

[غير مقبول]

السلام عليكم ورحمه الله وبركاته
اخواني هذي اول مشاركة لي واتمنى مساعدتكم
انا من الرياض وقدمت على الموحد وطلع لي بالمجمعة طبعا التخصص هندسة بس انا مابي
المجمعة يعني ودي بالرياض اقرب واحسن مع اهلي

المهم انا ارسلت اوراقي للبريد وخلاص بس بصراحة طلعولي ناس وقالو لي انو افضل شي اسحب اوراقي واروح الفصل الثاني لجامعة سعود واقدم لهم اوراقي وعجبني رايه
سؤالي : هل فيه تقديم على الجامعات الفصل الثاني ولا من سنة لسنة

وياليت اذا كان فيه تذكرون التخصصات



يعطيكم الف عافية

[حزينة جدا]

وعليكم السلام ورحمه الله وبركاتة

الي اعرف جامعه الملك فيصل وجامعه الدمام فيه تسجيل الفصل الثاني لكليه وحده

( الدراسات التطبيقة وخدمة المجتمع ) دبلوم

والتسجيل في جامعه الملك فيصل لهي الكليه يدوي

اما باقي الجامعات مادري ..

وبعدين مايحتاج تسحب ملفك الحين اذا قدمت الفصل الثاني لاي جامعه وقبلتك روح اسحب ملفك

جرب تدوام يمكن يعجبك الوضع ..

[عطر الخزامى]

داوم افضلك احسن من تطلع وماتحصل قبول وتخسر من الطرفين ((وجه نظر))

[غير مقبول]

يعطيكم العافية
انا راح اداوم بس اكثر من شخص يجي ويقولي قدم الفصل الثاني ويقولون انو فرص القبول اكبر بعد
بس انا اللي ابي اعرفه في تقديم للفصل الثاني ولا لا

[نسمات روحانيه]

لآ يا أخوي عاده مايفتحون تسجيل بالترم الثاني إلا لكليات تخرج دبلوم لآ أكثر
بعدين أنت منجدك تبغى تسحب؟؟!
وهندسه بعد؟؟:39:
وضعك تمام مافيه شي خذ سنه وجيب معدل بعدين حول لسعود أنصحك أنك تقرأ لشروط قبول التحويل حتى تتجهز وتندفع للدراسه عشان تلبي إلي يبونه للقبول بالتحويل لسعود
والله يوفقك

[ma_15]

الف مبروك اخويانتبه ثم انتبه ثم انتبه تسحب اوراقك
انت ادرس اول سنه وجيب المعدل وانقل للمكان اللي تبيه
وبالنسبه للجامعات عادتاً تفتح التسجيل مره في السنه
واللي تفتح مرتين بالسنه هي لكلية المجتمع فقط

[ريمنقو]

جامعه الملك سعود تسجيلها سنوي ويكون التسجيل ع الترمين ..
هذا حسب اللي اعرفهه , لو تغيرت الانظمه ف الله اعلم !


/

بالنسبة لكلية الدراسات التابعه لجامعه الدمام تعطيك بكالوريوس اذا جبت معدل بأول سنتين ..


/

تقريبا جامعات الرياض مافيها تسجيل للترم الثاني , واتمنى انك تبحث عن هالامر