التحويل من قسم إلى قسم آخر

[عبدالله راضي]

السلآم عليكم و رحمة الله و بركاته ..:1:

اخواني انا قبلت في كلية ادارة الاعمال و انا مالي رغبة فيها و رغبتي في كلية الصيدلة مع العلم ان مركبتي هي 80.33 و النسبة اللي توقفت عندها كلية الصيدلة هي 80.51 ,

هل هناكك أي احتمال تحويلي إلى الصيدلة قبل الدراسة !

و اذا ما تم تحويلي قبل الدراسة اقدر احول ف السنة التحضيرية ! و شنو شروط التحويل اذا كان ممكن !


اتمنى افادتي في الموضوع

و آسف على الهذره الزايده :36:

[جرحني بسكآت]

وعليكم السلام .. مبروك القبول


اذا رحت راجعتهم اي نعم يمكن يرقونك لـ صيدله وخصوصا ان الفرق

جدا بسييط , اما تطلب تحويل من بداية السنه ماتجي

\

لا ماتقدر تحول في السنه التحضيريه لان من شروط التحويل
ان يمر ع دراستك فصلين دراسيين يعني سنه كامل في الكليه اللي انت فيها

\

وهذي شروط التحويل بصفه عامه بين كليات جامعة الملك فيصل


يجوز لمجلس الكلية الموافقة على طلبات التحويل من كليات أخرى
داخل الجامعة وفقاً للضوابط التالية:

أ) أن يكون قد أمضى فصلين دراسيين على الأقل في الكلية التي يرغب التحويل منها
على ألا يقل عدد الوحدات الدراسية المسجلة في سجله الدراسي عن (24) وحدة.
ب) أن لا يكون منقطعاً عن الدراسة من الكلية التي يرغب التحويل منها.
جـ) أن لا يقل معدله التراكمي عن الحد الذي يقرره مجلس الكلية ولا يقل عند التحويل عن (2 من 5).
د) أن يقدم طلب التحويل قبل بدء الفصل الدراسي
الذي يرغب التحويل إليه بخمسة أسابيع على الأقل.
هـ) أي شروط أخرى يحددها مجلس الكلية.

\

وتقريبا صعب او مايصلح تحول من كلية غير صحيه الى احد الكليات الصحيه

موفق يآرب

[عبدالله راضي]

شكرا اختي على الافادة ..

طيب الجامعة راح تسكر ولا فاتحه لين بداية الدراسة ؟

[راعية الكيف]

افضل حل لمشكلتك
ترفع خطاب عشان يرقونك
لان التحويل صعب من كليه غير صحيه إلى صحيه

بالنسبه للدوام
اتوقع لسسا مداومين
فالافضل تروح لهم قبل ابتداء الدراسه

[عبدالله راضي]

طيب اقدر اخلي اي احد يروح للجامعة عني لاني بعيد ولا اقدر :36: !

[جرحني بسكآت]

ماادري اذا عادي احد يروح عنك او لا

بس انت جرب وخل احد يروح عنك واذا مانفع مافي الا

اذا جيت للحسا تراجعهم بنفسك حتى لو قريب الدراسه

وبعدين تابع بعد طلبك كل اسبوع يمكن يرقونك ع الشواغر

او اذا تبي ترسل خطاب نفس ماقالت لك راعية الكيف لعميد القبول او كلمه

شوف احسن حل لك واختاره ، وبخصوص دوامهم

هم موجودين من الاحد الى الخميس تقريبا من 10 الى 3

وان شآء الله يرقونك يآرب

[عبدالله راضي]

اجل و بالنسبة لكلية الهندسه نفس صعوبة التحويل للكليات الصحية ؟ :36:

[جرحني بسكآت]

لا عادي مو صعب تحويل الطلاب لكلية الهندسه

بس نسبتك قريبه من الصيدله يعني حرام ماتدرسها اذا خاطرك فيها

وبعدين نفس ماقلت لك راجعهم حتى لو بدآية الدراسه

ولا تخاف قسم الرجال فيه تعاون واغلب الامور تمشي عندهم