جميع الكليات استفسار عن طريقة الدراسه في المسار الصحي [الأرشيف] - ملتقى طلاب وطالبات جامعة الملك فيصل,جامعة الدمام

harbi-f15

2013- 7- 30, 11:35 AM

سلام عليكم اخواني انا ولله الحمد انقبلت في مسار صحي
وياليت تفيدونا عن كيفية الدراسه يعني كم تنصحوني اذاكر ساعه في اليوم؟
وش هي المواد اللي تحتاج تركيز ؟
وكيف الدراسه يبيلها جهد وما اطلع من البيت واحشر نفسي؟
وفي اي سنه اختار الكليه اللي ابي ؟
اذا نجحنا بإذن الله في التحضيرية متى نروح للمستشفى ونداوم هناك من اي سنه؟
وبالله مطعم الجامعه كيف يعني ابو كلب ولا كويس((هذي اهم حاجه😜))
ومصافط السيارات زحمه ولا عادي ؟
ودوامي في السنه التحضيريه كم ساعه يومياً؟ ومن الساعه كم يبدأ الدوام ومتى ينتهي ؟وهل فيه بريكات؟
وانشاء الله راح ندعيله انا واخواني اللي في السنه التحضيريه؟

المنادي

2013- 7- 30, 11:40 AM

وعليكم السلام

بخصوص المطعم حلو ماعليه كلام :29:

المواقف مرتبه واكيد بالدراسه بيكون زحمه بس تحصل موقف

بخصوص المواد انت وشطارتك اذا انت جيد بدسمها واذا انت تعبان لا خليك براحه لين توصل للقمه :19:

والباقي ان شاء الله يجاوبونك اللي نفس تخصصك

وبالتوفيق لك يارب

harbi-f15

2013- 7- 30, 11:51 AM

شكراً اخوي ماقصرت يعطيك الف عافيه
ريحتني بخصوص المطعم😜 مالي خلق اروح مطعم ثاني برا الجامعه

ali555

2013- 7- 31, 05:26 AM

شكراً اخوي ماقصرت يعطيك الف عافيه
ريحتني بخصوص المطعم😜 مالي خلق اروح مطعم ثاني برا الجامعه

هههه اهم شىء الدراسه وانا اخوك حتى لو ماناكل شىء:8:

abu alawi

2013- 8- 1, 06:09 AM

سلام عليكم اخواني انا ولله الحمد انقبلت في مسار صحي
وياليت تفيدونا عن كيفية الدراسه يعني كم تنصحوني اذاكر ساعه في اليوم؟
وش هي المواد اللي تحتاج تركيز ؟
وكيف الدراسه يبيلها جهد وما اطلع من البيت واحشر نفسي؟
وفي اي سنه اختار الكليه اللي ابي ؟
اذا نجحنا بإذن الله في التحضيرية متى نروح للمستشفى ونداوم هناك من اي سنه؟
وبالله مطعم الجامعه كيف يعني ابو كلب ولا كويس((هذي اهم حاجه))
ومصافط السيارات زحمه ولا عادي ؟
ودوامي في السنه التحضيريه كم ساعه يومياً؟ ومن الساعه كم يبدأ الدوام ومتى ينتهي ؟وهل فيه بريكات؟
وانشاء الله راح ندعيله انا واخواني اللي في السنه التحضيريه؟

وعليكم السلام ورحمه الله وبركاته
عدد ساعات المذاكره راح يعتمد على الجدول اليومي وان شاء الله راح تعرف من بدايه الدراسه مثل هذي الأمور ولكن أنصحك بالمتابعه من البدايه للحصول على معدل قوي يؤهلك لاجتياز السنه التحضيريه والدخول في التخصص الذي ترغب إليه بعد المنافسه وتقديم الرغبات نهايه السنة تحصل المفاضله
بالنسبه الى المستشفى هناك تطبيقات عمليه بسيطه تبدأ من السنه الثانيه بالتدرج
اما بالنسبه للتطبيق بعد الانتهاء من سنوات الدراسه تداوم في المستشفى دوام يؤهلك للتخرج واستلام الوثيقه الدراسيه
المواقف او المصافط يوجد مواقف قريبه للكليه تمتلأ قبل الدوام بساعه حسب الزحمه في حال ذلك المواقف تكون بعيده مسافه خمس دقائق مشي لاتحمل همها بسيطه
الدوام في السنه التحضيريه سيكون دسم فانصحك بالفطور الجيد حتى تكون مرتاح لتحمل المحاضرات من الساعه الثامنه قد تكون المحاضره ساعة أي خمسين دقيقه وبريك عشر دقائق أو تكون ساعتان وبريك عشرين دقيقة .. كما يوجد بريك ساعة للصلاة ابتداءا من الثانيه عشر حتى الواحدة ظهرا يمكن فيها تناول وجبه الغداء وبعدها تبدأ محاضره من جديد

أسف على الإطاله هذا مالدي والله ولي التوفيق :21:

harbi-f15

2013- 8- 1, 10:23 AM

شكراً على الافاده اخوي ماقصرت ويعطيك الف عافيه

اكتروس

2013- 8- 9, 04:45 AM

يعني باختصار الدوام بيكون زي باقي الجامعات من 8 الصباح وحتى 5 مساء ؟

لا تحاتي

2013- 8- 9, 11:39 PM

اذا الدوام يبدا 8 كويس
بس عندي استفسار بعد اذن صاحب الموضوع
الدوام بخصوص السنه التحضيريه وين يكون ؟
وش اسم المبنى

harbi-f15

2013- 8- 15, 05:24 PM

ماشاء الله بيصير ٤٠٠ واحد شاف الموضوع وما ردوا الا ٥

Kholoud24

2013- 8- 15, 07:23 PM

http://bayanhali.wordpress.com/2013/07/05/تجربة-السنة-التحضيرية-في-جامعة-الدمام/#more-1260

اكثر تدوينه فادتني عن المسار الصحي ، ان شاء الله تفيدكم