سجلت موادي على الطريقة الفرنسية!

[ابو ناصر2]

سجلت مواد المستوى السابع 18 ساعة حسب الخطة في هذا الفصل


على ان اقوم بتسجيل مواد المستوى السادس ونصف الثامن خلال الفصل الثاني


اما مواد المستوى الخامس فسأختم بها إن شاء الله مع ماتبقى من برامجنا خلال فترة الظهيرة ،،،! وش ظهيرته ،،،؟


مع باقي مواد المستوى الثامن في الفصل الاول القادم ،،


هذا إن أمد الله في العمر وسهل الأمر


وش رايكم ،، ؟ لا أستغني ،،






شكلي بنطرد للمستوى 7

[ابو نواف..*]

انت أي مستوى
نصيحتي المهم تمشي على خطة المستويات الا في حالة ترغب بزيادة مواد لايمنع بس الخطة ضرورية

[kaka22]

هذا جدولي عوني رايك وهل فيه اخطاء والا كذا صح اعتمد


http://download.mrkzy.com/u/0413_1d5c5ef223dd1.jpg (http://fun.mrkzy.com/)

[عالم ثاني]

تحيه طيبه للجميع ..
صراحه ترتيب الجدول ارى انه يختلف من شخص إلى اخر كل طالب حسب اللي يحتاجه من مواد او اللي ناقص عليه ما اخذه لأي ظرف او احتمال انه حامل الماده سابقاً .
لكن اللي ماشي صح ولا عنده مواد متأخر فيها هذا انصحه بالخطه ولا يطلع منها نفس ما تفضلوا الاخوان ننصح بالخطه لأنه فيه مواد بالمستويات القادمه يوجد لها متطلب وعلى سبيل المثال لا الحصر مادة علم إجتماع التنظيم والتخطيط بالمستوى الثامن يلزمها متطلب وهي مادة التغير الاجتماعي بالمستوى السادس اوالسابع ما اذكر المهم انتبه من الخطه الفرنسيه على قولتك لا تروح تضيعك .
ما يمنع اللي يبي ياخذ مواد زايده عن الخطه وعلى حسب كلام الفريدان انه في المستوى السابع مسموح للطالب يسجل 22 ساعه هذا وبالتوفيق للجميع ،،،

[ابو ناصر2]

تحياتي للجميع ،،

توضيح للخطة الفرنسية ،،


عندما تنهي مواد المستوى السابع ،، تتخلص من قضية المتطلبات ،، وهذا مهم


بالنسبة لي ،، لدي ١٤ ساعة من خطة الخامس ومسموح لي ب ٢٢ ساعة بالسابع ،، لذلك سأعمل تبديل


حتى أتمكن من اضافة مواد من الثامن على الخامس بدون رفض بسبب المتطلبات


في المستوى السادس لدي ايضاً ١٤ ساعة سأرفعها أكثر بمواد من الثامن




بطريقتي هذه سأنهي البرنامج خلال الفصل الأول ١٤٣٦ بإذن الله

[ابو ناصر2]

انت أي مستوى
نصيحتي المهم تمشي على خطة المستويات الا في حالة ترغب بزيادة مواد لايمنع بس الخطة ضرورية


انا مستوى خامس ،، وماشي على الخطة ،، بس عملت تبديل ،، علشان أخلص من قصة المتطلبات


خصوصاً انه باقيلي ترمين وراح اضطر اسجل مواد المستوى الثامن في هالترمين الباقية

[ابن طي]

ابو ناصر ودي اسووي مثلك بالخطه الفرنسيه بس تهقا تنفع معنا ولا خلنا على الخطه السعوديه الي مايشوت بوز مايفوز

[ابو ناصر2]

إذا كانت ظروفك مثلي ،، خلك معي ،،

انا راح يبقالي 42 ساعة

[ابن طي]

انا خلصت 66 كم يبقالي

[ابن طي]

لالا باقيلي 66 الفرنسيه صعبه قويه

[ابو ناصر2]

اذا نزلت مواد السابع حسب الخطة راح يبقالك ٤٨

[فهـد الشلاحي]

انا خلصت 66 كم يبقالي

توك في نص ( القديه ) طبعا القديه طلعة الرياض :8:

[مانجو بالحليب]

وانا سجلت موادي على الطريقه الدافوريه

http://www.ckfu.org/vb/t483414.html:19:

[هنو’’]

شنو هالخطه اللي ماشين عليها :38:

[كلي مهابـهـ]

والله خطتك الفرنسيه لحست مخي مافهمت شي بس واضح انك تفكر مزبوط ماشاءالله عليك :21:

[ابو ناصر2]

أنا قريت الخطة مره ثانية بس مافهمتها .. عشان كدا نزلت مواد المستوى الخامس :biggrin:

[هدى الرياض]

أنا قريت الخطة مره ثانية بس مافهمتها .. عشان كدا نزلت مواد المستوى الخامس :biggrin:

:5:
بالتوفيق للجميع وتستقرون على خطه مرضيه للجميع

[¸¸مـلآكـ¸¸]

~


الله يسعدكم ضحكتوني

[امي اغلى البشر]

ههههههههههههههه
تهور بالمره تبديل الخامس بالسابع و......الخ

احس صعبه هذي الخطه
بيصير معك لخبطه وحوسه
استخير قبل كل حاجه

بالتوفيق للجميع

[نفحة العود]

ابو ناصر ....لحست مخنا بالتفكير :5:

[ابو ناصر2]

أبشركم هونت من زمان .. بعد ما الغوا المتطلبات .. والحين على خطة الخامس .. :10:

[امي اغلى البشر]

بالتوفيق مع اني ما ادري وش المتطلبات ولا حتى قصتها

[ابو ناصر2]

الله يوفق الجميع وينجحهم :16:

قصة المتطلبات :

يحكى أن المستوى الثامن يتضمن مادتين يرفض النظام تسجيل هاتين المادتين قبل اجتياز مواد معينة بالمستوى السابع ..

يعني يصير الواحد ملزوم بإنهاء بعض مواد المستوى السابع علشان يخلص مواد الثامن بدري ..

ف لازم نخلص مادة التغير الاجتماعي ومادة التنمية الاجتماعية والاقتصادية من المستوى السابع علشان نقدر ننزل مادة علم اجتماع التنظيم والتخطيط من الثامن ..

كذلك لابد من دراسة مادة تصميم وتنفيذ البحوث من السابع ليقبل النظام تسجيل مادة مشروع التخرج من الثامن

هاذي كل القصة

بس الحمد الله ألغوا المتطلبات الأولى .. وأعطوا الفرصة لتسجيل مشروع التخرج بالمستوى السابع

[عطر الخزامى]

أؤيد دايم الشوق

[ريما عادل]

انا سجلت جميع مواد مستوى خامس مع مادتين من مستوى سادس مع مادة حقوق الانسان من مستوى ثامن :7:
هذي الطريقة البلجيكية الله يستر منها.