راحت عليك يصابر

[أبومالك]

السلام عليكم ورحمة الله وبركاته
كل عام وانتم بخير
وفصل مشرق ان شاء الله
لكن نسيت تسديد الرسوم والمفروض امس اسددها لكن راحت عليك ياصابر
الحل شباب وشابات
افيدوني مشكورين

[أبومالك]

بعدين رحت لتسديد الفاتورة يقول رقم المشترك للفاتورة غير صحيح الحل يعني:32:

[هـمـس التميمي]

عندك فرصه الى نهايه ذي الحجه

رقم المشترك هو نفسه رقمك الاكاديمي

[أبومالك]

مشكور اختي همس لكن في اي تاريخ من ذي الحجة والمتداول في المنتدى بتاريخ ١٥/١٠ يشمل اللي ماسدد

[" الـعـذب "]

::::::::::

بدري بدري.


اما راحت عليك ..!!!


تووو الناس ع الدراهم ..

[هتآآن]

يبن الحلال انت مصدق مواعديهم

لو تسدد في شهر 12 ماعندك مشكله

ولا خلها حتى يقفلون النظام وتسدد ويفتحونه

الامور سهالات

[أبومالك]

هلا بالعذب وهتان والله اني خابرهم هم ومواعيدهم لكن اول مره تصير معي والحرص الواجد
الفلوس ابي اسجدهن ليطرن باي باي تونا طالعين من رمضان والعيد

[هتآآن]

هلا بالعذب وهتان والله اني خابرهم هم ومواعيدهم لكن اول مره تصير معي والحرص الواجد
الفلوس ابي اسجدهن ليطرن باي باي تونا طالعين من رمضان والعيد


دام معك فلوس وتخاف عليها تطير ..

اشتر لك في وقاية للتكافل سعرها الحين 33.30 وبتوصل 40 ان شاءلله واذا جاا وقت التسديد بعها وخذ الفلوس وسدد :42:

[فصل اعلاني]

دام معك فلوس وتخاف عليها تطير ..

اشتر لك في وقاية للتكافل سعرها الحين 33.30 وبتوصل 40 ان شاءلله واذا جاا وقت التسديد بعها وخذ الفلوس وسدد :42:

تكفى هتان اخوي لاتنكبه بالاسهم الاسهم مثل البلنتي يجي ولا مايجي تلقاه بكره يبيع جح عشان يعوض
ههههههههههههه:8:

[هتآآن]

تكفى هتان اخوي لاتنكبه بالاسهم الاسهم مثل البلنتي يجي ولا مايجي تلقاه بكره يبيع جح عشان يعوض
ههههههههههههه:8:

لا ابشرك اليوم 34.30

[أبومالك]

هتان الظاهر انك تبي توهقنا ادخل على الله الاسهم ومورها مالي بها ووجع الرآس

[سلمان اللحيدان]

الأسهم مثل درج السياره مره يفتح معاك وتلقى النظاره ومره مايفتح معاك وتبدأ توسوس وتكلم نفسك هل نسيتها بالاستراحة يمكن يسرقها العامل أو يمكن نسيتها على دولاب الغرفة وتبدأ حيرتك تكبر الى أن تقرر الذهاب للاستراحة فتسأل الشباب محد شاف نظارتي فيبدأ استهبال الشباب وفجأة تقرر لعب داس هند وما تحس الا وراحت 3 ساعات لعب ورقة وأنت في قمة حماسك تبي تركب الجوكر والا المدام متصلة عليك وتقولك وش فيك تأخرت العشاء قرب يخلص وأنت ما جبت الخبز عندها لازم تكوش الورق وتدق سلف وعلى طووووووول للبيت ( مالك خلق على قرقت المدام ) ومن كثر الصرقعه تجيب حق خمس طعش ريال خبز وأنت داخل للبيت تنزل ثوبك وفجأة تطيح النظارة من مخباك ،،،، عندها ستحرم أن تستعمل درج سيارتك المهرقل لحفظ أغراضك !!!!!!!

حاولت أقرب الصوره لكم ،،، بس طلع التشبيه رايح فيها أبي أحاول أضرب مثل ثاني بس بعد الغداء :31::20:

[أبومالك]

وانت الصادق مثل الحبحب اذا كان عليها تخفيض بدون سكين مره احمر ومجرش ومره احمر باهت ومره تفقشها براس اللي بجنبك هههههههه ادري ان التشبيه ماله دخل بموضوعي لكن بموضوع الغداء له دخل

[سلمان اللحيدان]

صح عليك تصدق هالحين على الغداء مقلطين ( جح ) أي حبحب وفي رواية أخرى بطيخ وفي رواية قديمة شارفت على الاندثار ( رقي ) وفي رواية شبه منقرضة ( دبشي ) !!!!!!

طلعت مي حلوه وعند الخضار عل كيف كيفك ،،، حاولت أعرف السبب فتبين لي والله العالم بأني بعد ماشريت الدبشية خذيت لي فرة بهالقوايل على السوبر ماركت وفعلت الحرارة فعايلها بالدبشي أو الرقي أو البطيخ قلت كل المسميات عشان كلن وثقافته

[هـمـس التميمي]

فعايلها بالدبشي أو الرقي أو البطيخ قلت كل المسميات عشان كلن وثقافته

قصدك ديرته:42:

بو زبر :27:

[هاااارب من شهار]

كل عام والجميع بخير:16:

الله يرحم والديك خل عنك الأسهم وأبو بطيخ وتعال يمي خذ رقم حسابي وحول دراهمك ومتى مابغيتها دق علي وصدقني ما راح أغير رقمي وراح ارد عليك من أول رنه :34:

نصيحه ببلاش:42:

[أبومالك]

هارب من شهار وتبيني احولك فلوسي لوالله الفلسنا خير

[ناديه العمري]

اخر موعد لسداد الرسوم 26/12

[وجود الخالدي]

قصدك ديرته:42:

بو زبر :27:

رهيبه انتي ياهموس :43:

[كلي غموض]

خل يتاكد لنا تسجيل المواد

وهمن سدد :31:

[أبومالك]

الجامعه غريبه عجيبه في الخدمات يقول سدد الرسوم وفي البانر واليلاك يقول لم تسجل وانا مسجل ومتاكدوالله المستعان بس