سجلت مواد الصيفي ولم أسدد ولم أختبر والنتيجة رسوب

[azzah-s]

السلام عليكم ورحمة الله ,,
اللي مثل مشكلتي وحلها يفيدني أو أعطوني اقتراحات لحلها ,, تواصلت مع الشعيبي وماتجاوب وكذلك الفريدان ..
مشكلتي هي :
سجلت مادتين بالصيف ولكن ماسددت ولا حليت لاواجبات ولامناقشات ولا اختبرت,, واكتشفت بالسجل الأكاديمي انهم ضايفين لي هالمادتين وحاطين لي اصفار بدرجة المشاركة ورسوب بالمادتين ومنقصين من معدلي التراكمي ؟؟
لما شفت وقتها تواريخ الانسحاب شفت أن كلها خاصة باللي سددوا لأن فيها استرجاع رسوم سواء كلي او جزئي .. ف استثنيت نفسي عنهم لأني ماسددت أصلا .. كنت أحسب أن حضور الاختبار وانحساب المادتين مرتبط بالتسديد فقط .. فمالحل ؟
هل أقدم إعتذار ف الوقت الحالي أم ماذا ؟

مع العلم أنه في أيقونة الوضع المالي تم احتساب رسوم تلك المادتين اضافة لرسوم مواد المستوى التالي ؟

[FaHoOoDe]

تستاهل

ضيعت ع غيرك يختبر والشعب مقفله من اول يوم

دامك ماتبي تختبر ليه تنزلها !!

ناس كثير يفرق معهم التخرج بسبب هالمادتين ترم زايدة

وانت منزلهم ومخليهم مزهريه


الي صار لك غباء ماله حل بالجامعه

[azzah-s]

قل خيرا والا فاصمت ..

[سلمان اللحيدان]

طيب حاولي أنك تقدمين غذر ما دام الايقونة فاتحة يعني خطوة استباقية ،،،، ما تدرين يمكن هالعذر هو اللي بينفعك وأكيد ما راح يضرك ،،،،،

وحاولي تتواصلين مع العميد الفريدان على التويتر ،،،، قبل ثلاثة أيام راسلته وما رد وأمس بالصدفه لقيته على التويتر وراسلته ورد على طووووول ،،،،،

بالتوفيق

[azzah-s]

^
اقتراح جميل ,, ربي يسعدك ويوفقك ,,

[B A N D R]

رسوب خلاص الله يعيينك تنزلها من جديد وبرسوم جديده

[JJS]

و عليكم السلام .


عذر طبي .... هذا هو المخرج الوحيد من المشكله .



بس بسرعه عشان ما تقفل الأيقونه .


بالتوفيق .

[Dalal da]

الله يعينك نفس حالتي ومعاناتي بس آنا ماده وحده بس ..
توقعت آني أذا ما سددت تلغي الماده بس الله المستعان طلعت علي ..

[كنوزه]

أرسلي للفريدان بإميله الشخصي ورآح يفيدك
وأعتقد الحل إنو تقدمين عذر طبي في المادتين اللي طلعت لك .. وإن قبلو عذرك رآح تنزل تلقائي هالترم وبدون رسوب ورآح يتعدل المعدل بعد ما تمتحنين فيها .. ( يعني رآح تكون لك رسوب لين تمتحن ويتعدل المعدل )
إن ما رفعتي عذر طبي
رآح تكونين رآسبه وبهالحاله رآح تدفع الرسوم من جديد وينقص من معدلك

والأفضل تتوآصلين مع الفريدان قبل لآ تسوي إن ما رد عليك خلال يومين قدم يعذر وإنتظر النتيجه

موفقه

[الركابي]

تستاهل

ضيعت ع غيرك يختبر والشعب مقفله من اول يوم

دامك ماتبي تختبر ليه تنزلها !!

ناس كثير يفرق معهم التخرج بسبب هالمادتين ترم زايدة

وانت منزلهم ومخليهم مزهريه


الي صار لك غباء ماله حل بالجامعه

كلام سليم وفي محله

[كنوزه]

بريد الفريدان الشخصي

afridan@kfu.edu.sa

وحساب الفريدان في تويتر


https://twitter.com/alfraidan

وهذا الرابط للتواصل مع الدعم الفني

http://del.kfu.edu.sa/entisab_app/fa...tal/login.aspx

[كنوزه]

يآ إخوان حتى لو إنه غباء ؟ أو أهملت في حل المشكله هي ما نزلت المشكله لجل تعلمونها ؟؟
هي تبي حل فإن عندكم حل أو إمضوا في سبيلكم ^_^
عادي كل وآحد توآجهه مشاكل أو أمور ما يتوقع إنه بتسبب له أزمة بعدين والوآحد يتعلم :)


.

[عزيز مجد]

الحمد لله على كل حااال

انا من المتضرريين لم اقدر على تسجيل بعض مواد

الصيفي

وسامحك الله ضيعت الفرصه عليناا وعليك

ولاكن معووض خير ان شاء الله

وعااتب نفسك يأخي الجاامعه وضعت فرصه للانسحااب

قبل دفع الرسوووم وبعد دفع الرسووم

(((قانون الجامعه اذا سحبت علينااا نسحب عليك)))