اختيار قدرات الجامعيين وأختبار كفايات المعلمين

[nz_noor]

بسم الله الرحمن الرحيم
السلام عليكم واسأل الله التوفيق للجميع حبيت اسأل عن الفرق بين اختبار قدرات الجامعيين وختبار كفايات المعلمين الا عنده فكره يفيدنا وجزيتم خيرا

[Мαнαвн]

اختبار الجامعيين
نفس اختبار القدرات اذا اختبرتيه قبل
واذا ما اختبرتيه اختبار مدته 3ساعات تقريبا
ينقسم الى فصول كل فصل له وقت معين فيه تنتهين فيه
والاسئلة شاملة الرياضيات والفيزياء واللغه العربيه
والاختبار للي يبي يكمل دراسته العليا مثل الماجستير بعد البكالوريوس
اما كفايات المعلمين
فيكون على حسب تخصص ومطلوب في المفاضلة في برنامج جدارة لتوضيف المعلمين والمعلمات
اما اسئلتة وطريقته للاسف لسى ما اختبرته

[فــوفي]

:21:

[جلنار*]

طيب نقدر نختبر الاختبااارين احتياااط

[أشواق الغرام]

طيب دخلت أنا المركز الوطني للقياس والتقويم في التعليم العالي وطبعاً أول مرة أنا أقدم على الاختبارات وشفت مواعيد الاختبارات اللي أبي أقوله أول شيء أفتح لي ملف واحط معلوماتي ولا كيف ؟ لاني دخلت لقيت ماتهه الله وكيلكم جزاكم الله خير أذا أفدتوني من بداية دخولي للمركز القياس للحد ما أصل للتسجيل

[ام انس]

وعليكم السلام
انا بعدحابه اسال هل نقدر نختبرهم بعدالتخرج عادي والا لازم قبل التخرج
وانا عرفت من بنات الانتظام ان اختبار قدرات الجامعيين هو للمفاضله ياليت احد يشرح لنا لان بصراحه حنا ركزنا على هذا الموضوع ونسينا الاهم اللي هومادةالتطبيق اللي للحين مانزلوا رقمها عشان نسجل

[أشواق الغرام]

أم أنس أنا اللي عرفته عن التطبيق العملي لازم نسجل بالبانر وطبعا لازم برقم السي أر أن وهم مانزلوه لنا وسألت قالوا أنهم يرسلون على الجوالات أنو نزل السي ار أن وبداء التسجيل للتطبيق العملي . بس أنا أقولك لا تعتمدين على الجوال أدخلي باليوم مرتين الصباح وبالليل مشان تشوفين أذا فتحوا التسجيل ولا لسى
وياليت تقولين لي أنتي من وين ببريدة ولا في منطقة ثانية مشان سالفة أماكن التطبيق العملي الله يعين

[ام انس]

هلا اختي اشواق الغرام انا من الخبر
ياليت احد يفيدنا عن موضوع الاختبارات وهل نقدر ناجله لبعد التخرج احس تراكم علينا الوضع هذا من غير المواد اللي اخذناهامع التطبيق وعذرا من صاحبة الموضوع

[L-A]

على كيفكم قبل او بعد التخرج القرار لكم
اما بالنسبة لطريقة التسجيل بقيااس
بالمرفقات
موفقين:21:

[L-A]

طيب نقدر نختبر الاختبااارين احتياااط

ممكن:21:

[أشواق الغرام]

ول عليهم وش ذا كل هذا الملف علشان أسجل بالاختبار ولا وتسجيل الاختبار يويلي حالي بس وش ذا والله اللي يشوف يقول بسجل دراسة أبتدائي الين البرفسور نهبلت وش ذا متاهه :4::4::4::4::4:

[L-A]

:42::42: بعد وش نسوي

[حمودلي]

يا جماعة الخير لا تتوهقون وتخافون من اختبار الكفايات حق المعلمين انا اختبرت والحمدالله جبت فيه درجه عالية بتوفيق من الله ثم ان معظم الاختبار كان من نفس الدراسة حقتنا خاصة المواد التربوية والتخصص الحمدلله اسلته كانت بسيطه يبغاك تكون فاهم ما درست مو حفظ بس

اختبارات الجامعيين الحمدلله اجتزته بتوفيق من الله نفس اختبار القدرات العامة كمي ولفظي بس يحتاج ممارسة على الأسئلة قبل الاختبار علشان تتعود على التفكير ومعرفة القواعد والطرق في حل بعض الاسئلة والله بعض الاسئلة ما تحتاج ثواني اذا انت فاهم ما هو المقصود في السؤال ابعدة القلق وقت الامتحان وخلو الصعب اخر شي

بالتوفيييق محبكم محمد هتان

[جلنار*]

لين متي التسجيل