ارجو افادتي والله شايل هم هالموضوع ~

[طالب مستجد100]

السلام عليكم انا طالب جديد في كلية الحاسب
وعرفت انه رح ندرس منهج انقليزي مكثف 4 ساعات كل يوم
حاب اعرف هل لو اجيب اختبار ايلتس رح يعفوني من الانقليزي ؟
وكم الدرجه المطلوبه عشان اقدر اتخلص من الانقليزي ؟
اتمنى افادتي باسرع وقت جزاكم الله خير

[ريمنقو]

وعليكم السلام ..

لآبد من دراسة الانقليزي لان التخصص يحتاج هاللغه بكثره حتى لو جبت اختبار ايلتس ..

بس ابي اسألك مافيه اختبار تحديد المستوى ؟ على اساسه راح يكون عدد ساعات ماده الانقلش

[جرحني بسكآت]

وعليكم السلام والرحمه

إلا لهم اختبار تحديد المستوى

واتوقع ي أخوي دراسة 4 ساعات انجليزي باليوم للمستوى الاول

اما اذا كنت مختبر اختبار ايلتس فهذا يعني انك شاطر بالانجليزي

يعني مااتوقع راح تكون بمستوى اقل من المستوى الثالث او الرابع

فراح تكون دراستك للانجليزي بمعدل ساعتين تقريبا باليوم

او اقل شوي , وصعب حيل انهم يعفونك من الانجليزي كله

لان مثل ماقالت لك ريمنقو الدراسه بكلية الحاسب
تعتمد ع الانجليزي بشكل اساسي

يمكن يعفونك من اختبار تحديد المستوى واذا كان اختبار

الايلتس راح يفيدك فاتوقع راح يكون بتقليل الساعات

موفق يآرب

[m.m3]

كل المستويات يدرسون 4 ساعات ب اليوم

[محمد الناصر]

مافيه شي اسْمُهُ إعفاء مِنْ إختبار تحديد المستوى
تعال واختبر وراح تكون بالمستوى اللي أجبت عليه
مع العلم وحسب معلومات سابقة أن التعيين يكون بالمستوى الأول أو الثاني مهما كان مستواك عالي
والسبب يعود إلى توازن الخطة الدراسية وهي مقسمة في السنة على أربعة فصول
ربَّما هُناك استثناءات لَوْ إجاباتك في تحديد المستوى كلّها صحيحة
هذا ولا يُمنع أن تستفسر من الجامعة
وكل التوفيق يارب لك

[طالب مستجد100]

لا يا اخوان انا صديقي كان بجامعة الدمام
وجاب درجات حلوه في التوفل وقدمها لهم
واعفوه عن الانقليزي بشكل نهائي
اتكلم عن طلاب السنوات التحضيريه

[جرحني بسكآت]

يمكن انظمة جامعة الدمام غير عن جامعة الملك فيصل

وحنا كل اللي قلناه لك توقعات يمكن بعد يعفونك

شكل افضل شيء ي أخوي تستفسر من الجامعه اذا رحت تختبر

عشان يفيدونك بالشيء الاكيد