أفيدوني محتاره مره

[Suhaa]

السلام
تكفون أبي رد مريح
أنا انقلبت في كلية الزراعه والتغذيه
والكل مأزمني يقول مالها مستقبل
وحولي لكلية العلوم بعد السنه الأولى
أنتو شنو تنصحوني فيه
وين الأفضل
كلية الزراعه والتغذيه ولا كلية العلوم

[meed]

-


تبين نصيحتي ؟
انتي شوفي وين تشوفين نفسك فيه
لاتتركين اي احد حطمك انتي شوفي ميولك بالاول

[مروشَ]

المستقبل الوظيفي هو الرزق والرزق عند الله والله يرزق من يشاء
سبحان الله فيه كثير دخلوا تخصصات ياكثر اللي تخصصوها وجلسوا ببيوتهم
لكن هم بتوفيق الله لقوا لهم وظايف وفيه ناس دخلت تخصصات مطلوبه وجلسوا ببيوتهم
بأختصار الرزق من عند الله مايحدده تخصص ..
و المكان اللي تشوفي نفسك فيه ومرتاحه فيه راح تبدعي فيه اكثر من المكان اللي بتنجبرين عليه
شوفي نفسك وين مرتاحه ..

انا نفس كليتك رغم اني ماحطيتها ببالي لكن نصيبي والحمدلله على كل حال
رضيت فيها رغم الكلام اللي جاني لكن بشوف نفسي فيها ان نجحت بكمل وان مانجحت الله المستعان!

[حزينة جدا]

وعليكم السلام

لية تتأزمي هذا المكتوب لك .... وكل الكليات فيهم خير .. وانتي بتدرسي بتتعرفي على الكلية اكثر ..

وان شاء الله بتعجبك ويعجبك مستقبلها .. ولو ماعجبتك السنة الاولى حولي منها ..:16:

[محمد الناصر]

موفقه أختي كل التوفيق وقبل كل شيء التوفيق له أسباب والأسباب بيده سُبْحَانَهُ
كلية الزراعة والتغذية مابنقول أنّها ضعيفة أَو نستنقص منها هي جيدة لكن مقارنة بكلية العلوم
أكيد كليّة العلوم ممتازة بس هذا مايعني أنها كذلك مستقبلها مضمون لكن أعلى نسبةً من الكلية السابقة
أنتي شدي حيلك في الكلية هَذِهِ شفتي نفسك مرتاحه كملي ولو ماعجبك الوضع تقدري تحولي من كلية لأخرى
بس أقولك و أكون صريح معاك عملية التحويل تتطلّب مِنْكَ صبراً جميييييييييل
إلهي تسببت بلطفك الأسباب وجرى بقدرتك القضاء ومضت على إرادتك الأشياء
وفق كل الطلاب والطالبات

[Suhaa]

الله يعطيكم ألف عافيه
وهذا اللي بيصير بشوف
وضعي اول سنه والله يعين

[خواطر انسآن]

كل شخص بيآخذ المكتوب له
انتي درسي اول سنة بعدين فكري بهالموضوع
وربي يوفقك

[إحساٱس الأمل]

اذا تبين نصيحتي فخليك ع ميولك ولا عليك من القيل والقال انت الي بتدرسين مهب هم
الله يوفقك عزيزتي:34: