هل هذه سرقه ام لا ؟! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : هل هذه سرقه ام لا ؟!

المستر معلم

2013- 8- 23, 01:53 PM

السلام عليكم ورحمة الله وبركاته ..

الموضوع الحين انا نزلت 18 ساعه وعلى حد علمي بأن الساعه بـ 165 ريال صح ؟!!

حسبه بسيطه يطلع المطلوب مني 2970 ريال ..

ولكن المطلوب مني في الموقع 2980 ريال المسأله مو مسألة 10 ريال تخيل معي اذا كان جميع الطلاب اخذو منهم 10 ريال هذا نوع من انواع السرقه والاستخفاف وانا ما اسمح فيه ..

وش رايكم يا شباب قبل ما اتخذ أي اجراء ابي اسأل هل انا على صواب او غلط هل الجميع مسحوب منهم هذا المبلغ ؟!!

ام ان هذا المبلغ رسوم شي معي ما نعرف عنه !!!!!!:32:

ومشكورين

SMART.BOoOY

2013- 8- 23, 01:56 PM

عشره ريال للرسائل لجوالك من الجامعه

اتمني وصلت الفكره

ابو نواف..*

2013- 8- 23, 01:58 PM

الله يهديك 10 ريال لرسائل الجوال .

وكذلك الان الامور المالية يوجد فيها بعض الاخطاء سيتم تلافيها أكيد لان الكثير
لديهم مشكلة في الرقم الصحيح للمبالغ . عليكم فقط التأكد من تسجيل المواد والتسديد باقي وقت
يتم فيه تصحيح الامور .

عالم ثاني

2013- 8- 23, 02:18 PM

هذي خدمه علشان رسايل الجوال ..

مع انه المفروض والواجب عليهم انهم ما يأخذون ولا ريال لأنك اساساً دافع حق الترم كامل بجميع خدماته

وبعدين من المستفيد من خدمه الجوال انا ارى انها ما لها داعي لعدة اسباب .

اولاً : الاشعارات ما توصل اول باول سواء عن موعد الاختبارات او موعد التسجيل او اي شي يهمك كطالب .

ثانياً : نتيجة الترم ما توصل على جوالك وهذي هي اهم شي يعني ما فيه فايده .

ثالثاً : حنا كلنا مقتنعين انها خدمه ضرورية لكن اذا تم تفعيلها بالشكل الصحيح وفي الوقت المناسب .

يعني وش يهمني سجلوا المقررات والتسجيل منتهي ادخل على موقع الجامعه للإطلاع على الجدول والجدول حق خمس سنوات ورا ..

لحد ينقد يا اخوان لكن واقع والله انا ما اقول انها سرقه لكن اقول فعلوا الخدمه بالشكل الصحيح سواء كان تسجيل مواد او نتيجة طالب او شكوى او ملاحظه نبي يجينا رد على الجوال وذيك الساعه خذ مية اقولك حلالك لأني مستفيد وشكواي وملاحظاتي واصله لهم بايسر الامور والرد بالوقت المناسب والتنبيهات بعد بوقتها شي طيب .

alhrby1

2013- 8- 23, 02:27 PM

من جد باي حق ياخذون عشره ريال عشان خدمه للجوال مو كافي ياخذون 165 ع الساعه

وبعدين عندنا كل جامعه لها رسوم جامعة طيبه كل ترم 3000 ريال وجامعة الملك عبدالعزيز كذلك وجامعة الامام 2400 كل ترم وجامعة نجران وجيزان 2000 ريال !!! < وش هالتناقض بالجامعات وين وزارة التعليم العالي عنها المشكله اللي لهم مراكز اختبارات جامعة الملك فيصل وجامعة الامام فقط !!

amal901

2013- 8- 23, 02:31 PM

( قبل ما اتخذ أي اجراء ) !! :5::5::5:

عزيز مجد

2013- 8- 23, 02:32 PM

١٠ ريااال رسوووم اداريه

لرسائل

ابو سليماااان

2013- 8- 23, 02:33 PM

مساء الخير

المستر معلم

2013- 8- 23, 02:55 PM

كويس اجل بغيت ارفع عليهم قضية .. يعطيكم العافيه ..

Al-3nzi

2013- 8- 23, 04:25 PM

ههههههههههههه
بصراحة الموضوع شيق :21:

Sms:31:

ريم 2012

2013- 8- 23, 04:33 PM

ههههههههه ترفع عليهم قضيه؟ :13:

استهدي بالله يااخوي خلها عشرتهم حق الرسائل لاترفع لاقضايا ولاحاجه

موفق

naif_alharthi

2013- 8- 23, 06:05 PM

:42:ترى عرف انها 10 ريال رسائل لجواله الله يخرجنا

هدوء جدة

2013- 8- 23, 06:18 PM

أعجبني في الموضوع المحاولة لمعرفت 10 ريال وين رايحه وهذا المفترض من كل المجتمع في جميع المجالات

انو ما نسكت عن أي شئ يأخذ منا بدون ما نعرف أسبابه وهذا حق لنا

وإذا حسب ما فهمت من الردود انو الرسائل غير مفعله بشكل الصحيح

لازم الجامعة تهتم بهذا الموضوع وتفعلها بما أنها على حسابنا الخاص

وليس خدمه مجانية

وتحياتي للجميع

جامعية2013

2013- 8- 23, 06:20 PM

اشوى نبهوك الاخوان قبل رفع القضية :41:

7amood

2013- 8- 23, 07:05 PM

اعجبتني كلمة ( قبل أتخذ آي إجراء ) ممكن تتكرم وتتقبل كلامي وتعلمني الإجراء اللي كنت ستتخذه هههههههههههههه

درب الزلق

2013- 8- 23, 07:40 PM

طبعا نمزح معك وشو الاجراء اللي تبي تتخذه ناخذها خطوة خطوة

اولا / لو أنت من سكان الاحساء وبتروح للجامعة راح تخسر أكثر من 10 ريال حق بانزين وأنت راجع أكيد بتمر البقالة جريدة و2 لبن ومويه ويمكن تجيب معاك غداء .

ثانيا لو أنت خارج مدينة الأحساء أحسب عندك زيت وبانزين وساهر والذي منه مبالغ طائلة .

لو بتوكل محامي بياخذ منك الشئ الفلاني .

ثالثا لو بتكلمهم بالهاتف بتخسر أكثر من 10 ريال هذا ان ردوا عليك .

يعني الخسارة فيك فيك فاحتسبها صدقة علم جارية أنفع لك

MMAM

2013- 8- 23, 07:41 PM

الرسايل مامنها فايده قاعدين يرسلون لي تم فتح التسجيل في الترم الصيفي حق الترم الماضي!!!!!

تخيلوا طلاب التعليم عن بعد ٥٠٠٠٠ من كل واحد ١٠ ريال كل ترم كم يطلع

مفروض يخيرونك تبي تشترك معهم اولا

طموح فتاه

2013- 8- 23, 07:50 PM

الله والرسايل :42: نصها ماتوصلني ومامنها فايدهـ

alhrby1

2013- 8- 23, 07:53 PM

فعلا لابد انهم يخيرون الطالب يبي الخدمه والا لا !!

ترانيم الوفـا

2013- 8- 23, 07:54 PM

صراحه العشره مانستفيد منها بشي توصل المسجات متأخر بعد فوات الاوان

:40:

هتآآن

2013- 8- 23, 08:17 PM

عشر ريال لرسائل الجوال

ويرسلون لك بريالين ويبقى لهم 8 ريال :42:

GuY

2013- 8- 23, 08:31 PM

يا جماعة الخير .. خلونا نحمد ربي على كل حال وسالفة 10 ريال وغيرها من هالرسوم البسيطه افضل بكثير من باقي الجامعات لأن فيه جامعات كثيرة تطلب منك مبلغ محدد سواء سجلت مقرر او عشر مقررات فالمبلغ اللي تطلبه محدد لا ينقص منه ريال اذكر لكم جامعة الملك عبدالعزيز تطلب 3000 ريال حتى لو تسجل مقرر واحد بس .. وسألت واحد من اصحابي ليه ما تسجل بالصيفي في عبدالعزيز قال ليه ادفع 3000 وادرس بس ثلاث مقررات .. جامعتنا صراحه ما قصرت بأنها حددت مبلغ بسيط لكل ساعه وعلى حسب ضروف الشخص بدون ابتخاس لحقه .. ما بيكون في صالحنا لو دققنا في اشياء بسيطه ممكن تفتح علينا ابواب احنا في غنى عنها ... وشكرآ :16:

درب الزلق

2013- 8- 23, 08:37 PM

يا جماعة الخير .. خلونا نحمد ربي على كل حال وسالفة 10 ريال وغيرعا من هالرسوم البسيطه افضل بكثير من باقي الجامعات لأن فيه جامعات كثيرة تطلب منك مبلغ محدد سواء سجلت مقرر او عشر مقررات فالمبلغ اللي تطلبه محدد لا ينقص منه ريال اذكر لكم جامعة الملك عبدالعزيز تطلب 3000 ريال حتى لو تسجل مقرر واحد بس .. وسألت واحد من اصحابي ليه ما تسجل بالصيفي في عبدالعزيز قال ليه ادفع 3000 وادرس بس ثلاث مقررات .. جامعتنا صراحه ما قصرت بأنها حددت مبلغ بسيط لكل ساعه وعلى حسب ضروف الشخص بدون ابتخاس لحقه .. ما بيكون في صالحنا لو دققنا في اشياء بسيطه ممكن تفتح علينا ابواب احنا في غنى عنها ... وشكرآ :16:

كلامك على العين والرأس لكن كون أن فيه جامعات أسوأ من جامعتنا هذا ما يبرر لهم أخذ رسوم دون تقديم خدمة ،،، تصدق في المستوى الخامس لم تصلني ولا رسالة ،،، على بالي فصلوني ،،،،،

أنا أدفع 10 ريال كرسوم خدمة رسائل يعني المفروض تصلني رسائل ( حتى لو كانت مالها علاقة بالدراسة ،،، تهنئة مثلا بأسبوع الشجرة ،، المهم يحسسوني أني للحين طالب عندهم )

المستر معلم

2013- 8- 23, 08:38 PM

انا استغرب من بعض الردود يا جماعه المسأله مو مسألة ١٠ ريال مسألة مبداء خوذ ١٠٠ ريال ما فيه مشكله ولكن انا اعرف مو من وراي

ولد الشيخ

2013- 8- 23, 10:42 PM

درب الزلق حلوه اسبوع الشجره
:5::5::5::5::5::5::5::5::5::5::5::5::5::5::5::5::5 ::5::5::5:
من ابسط حقوقك بس تكفى لا تخربها يوم جئت عاد بتخرج معاد لك الا ترم
ري لااكس

درب الزلق

2013- 8- 23, 10:58 PM

درب الزلق حلوه اسبوع الشجره
:5::5::5::5::5::5::5::5::5::5::5::5::5::5::5::5::5 ::5::5::5:
من ابسط حقوقك بس تكفى لا تخربها يوم جئت عاد بتخرج معاد لك الا ترم
ري لااكس

أبشر ياولد الشيخ ،،،، ونلتقي على رصيف البطالة بعد أشهر معدودات

عاد عاطل وجامعي أنا وأنا ثانوي شين وقوي عين :31:

أبــو ريــتــال

2013- 8- 23, 11:09 PM

طيب يا اخوي اذا 10 ريال عورتك و حزت بخاطرك

بجامعة الملك عبدالعزيز تدفع 3000 ريال علشان مادة واحدة

فقارن بين 10 ريال و 3000 ريال

و فوق هذا كله الاختبار بس في جدة و اذا حبيت تختبر خارج جدة تدفع 1500 ريال

احمد ربك بس