ابيات تنطق حكمة في الشعر النبطي .

[joolya2009]

السلام عليكم..
وكما في الشعر العربي الذي أبدع الشعراء في ابيات شعرية تنم عن حكمة وبعد نظر ورؤية فاقت الوصف كما في شعر المتنبي او طرفة بن العبد أو زهير بن سلمى ..
هناك شعراء في الشعر النبطي أبدعو في هذا المجال ..
فأصبحت أبياتهم موروثا ينقله الأباء للإبناء .
نجد فيها حكمة بليغة ..سداد في الرأي .بعد نظر .. فمن منا لايعرف هذا البيت . للصقري (( مو انا )) في قصيدته المعروفه بالشيخه


ورجل ٍ بلا ربعه على الغبـن صبـار
................ يمنى بـلا يسـرى تراهـا ضعيفـه

ومن منا لايتغنى بهذين البيتن للشاعر عبدالله السبيل .

لا تأخذ الدنيا خراصٍ وهقوات
............... يقطعك من شيل الصميل البرادي

لك شوفةٍ وحده وللناس شوفات
..................ولا وادي(ن) سيله يحدر لوادي

بل ان كثير منهم أورد قصيدة كاملة تنطوي على حكم . ومنهم الشريف بركات في وصيته لإبنه (( مالك ))

ومنها

واوصيك زلات الصديق إن عثا فيـك
............. ما زال يغطاهـا الشعـر فاحتمـل ذاك

راعه ولـو مـا شفـت إنـه يراعيـك
............. عسـاك تكسـر نيتـه عـن معـاداك

واحذر عدوك لو ظهر بـي يصافيـك
................. خلك نبيـه وراقبـه ويـن مـا جـاك

لا تأمنـه واطلـب مـن الله ينجـيّـك
................ ويكفيـك ربـك شــر ذولا وذولاك

شفني أنـا يابـوك بآمـرك وانهيـك
............. عن التعـرض بيـن الاثنيـن حـذراك

إذا حضـرت طلابـة ٍ مـع شرابيـك
............. إسـع لهـم بالصلـح والـلاش يفـداك

إبـذل لهـم بالطيـب ربـك ينجّيـك
............... ولا تجضـع الميـزان مـع ذا ولا ذاك

أمـا الشهـادة فادّهـا إن دعـوا فيـك
.............. بيّن عمـود الديـن لا عميـت اريـاك

بالـك تماشـي واحـد ٍ لـك يردّيـك
........... طالع بنـي جنسـك وفكّـر بممشـاك


ونأملوا الحكمة في قصيدة محمد الأحمد السديري .

قصر يذلك لا تقابل مبانيه
............... خله عسى شامخ طويله هدامي

خله عسى ما صاب اغادير يفنيه
....................... يودع منازله الطويله رجامي

لو زان مدخاله وطالت حواميه
................... شيد على الخيبه قليل الرحامي

وحي يوريك المذله وتغليه
...................... انا اشهد انك ميت القلب عامي

من لا يودك لا توده وترجيه
..................... ارفع مقامك يا عزيز المقامي

ارفع مقامك عن عدوك وتوذيه
................. ويلحقك من تركة رفيقك ملامي

حق الرفيق وواجبه لا تخليه
............... يلزمك مثل الوالدين الحشامي

اختر عزيز الجار والحق يعطيه
................ شبل على هرج يقوله يحامي

ومن قارب الاجرب بالامراض يعديه
............... عدواه تسطي باللحم والعظامي

درب السلامه بينات مماشيه
.......... ودرب العطب يرث عليك اللكامي

وـملوا إبداعه في هذه الأبيات .

لا خاب ظني بالرفيق الموالي
.............. مالي مشاريه على نايد الناس

لعل قصرٍ ما يجيله اظلالي
................ ينهد من عالي مبانيه للساس

لا صار ماهو مدهل للرجالي
............... وملجا لمن هو يشتكي الضيم والباس

الشواهد كثيرة . والإبداع متعدد فقد ابدعوا منهم من مضى وترك بصمة ومنهم من مازال حيا . ولن يتوقف الإبداع مادام هناك مواهب . وقدرات .. .

أحبتي الفكرة ليست جديدة . انما الجديد ذوقكم. ابداعكم في الإختيار . اثق بأن ذائقتكم غنية بحسن اختياركم مميزة بسعة إ طلاعكم .رائعة بعلو أذواقكم .
فشاركوا بأبيات من موروثنا الأدبي في الشعر النبطي تراها تنطق حكمة ..

تحياتي ,,,.

[tMiM АŀqЋtАПi]

اعجبني موضوعك حييييل وكلامك جميل عن هذا الموروث المتجرد من قيود النحو واهله مع انه محتفظ بمعانيه والفاظه واوزانه عكس الفصحى وعشان كذا اطلق عليه الشعر العامي والمقصود انه ماهوب فصيح ولكنه عربي
واختلفوا الكثير على سبب تسميته بالنبطي وكثرة المقولات فيها واهم مافي الموضوع لغة البدويه القريبه من الفصحى وميزته طال عمرك العفويه والمباشره في المدح والفخر والغزل ووصف الكرم والشجاعه .
والشعراء واجد كما ذكرتي في موضوعك وازيد عليهم بن لعبون ومحسن الهزاني اللي احبه كثير ومن اشهر قصايد الآستغاثه
دع لذيذ الكرى وانتبه ثم صل ...واستقم في الدجى وابتهل ثم قل
يا مجيب الدعاء ياعظيم الجلال...يا لطيف بنا دايمآ لم يزل
واحد(ن) ماجد(ن) قابض(ن)باسط(ن).... حاكم(ن)عادل(ن)كل ماشاء فعل

وقصيدة (مبسم هيا) المشهوره
قالوا كذا مبسم هيا قلت لا لا .... بين البروق وبين مبسم هيا فرق

الله يبيض وجهك على الطرح المميز والاختيار الراقي
تقبلي مروري
تحياتي (واسف على الاطاله)

[joolya2009]

حياكـ اخوي الغالي وتسلم ع لمداخله اللطيفه والاضافه المميزه



راكان بن حثلين العجمي يقول
ما قل دل وزبدة الهرج نيشان
.............. والهرج يكفي صامله عن كثيره

الذم ما يهفي للاجواد ميزان
........... والمدح ما طول ايدينن قصيره

[joolya2009]

تركي بن حميد
اخير منها ركعتينن بالاسحار* لا طاب نوم اللي حياته خساره

[joolya2009]

اللي يضيع الليل يتنا النهارا* واللي يضيع القايله من (http://women.bo7.net/girls76601) يقديه
, مويضي البرازيه
*************
أحفظ دبشك اللي عن الناس يغنيك* اللي ليا بان الخلل فيك يرفاك
, بركات الشريف
**************
ولد النبيته لو تمرجل ولو جاد* يدك به من (http://women.bo7.net/girls76601) ساس جده وداعه
, فجحان الفراوي
**************
دنيا" نبي تقزيرها ضحك حجان* ولا ترا سيورها مستقيله
, بندر بن سرور
**************
اليا روى القصه بجد بطنها بجد * لو كان لعتيبه نسبها لقحطان
, عبدالله بن عون
*************
الادمي لولا المكارم والاخلاق * كالحنظله من (http://women.bo7.net/girls76601) عرقها لا ورقها
, سعد جدلان الاكلبي
*************
ما كل رجال لو طالن اشانيبه* يقضي لزوم الرياجيل وتعناله
, سعد بن سلطان الرخيمي
*************
وش خانة الدنيا وجمع الدنانير * وحنا علينا نازع الروح ناوي
, عبدالله مدعث الدوسري
************
كرامتي ما هي مثل عملة الين * بالعز مثل اختي وأنا مثل اخوها
, عيد بن سمير الحربي

[joolya2009]

يقول الامير: خالد الفيصل دايم السيف .


الناس تفنى والمباني والاملاك
والقول يبقى والخبر للتوالي

الشعر معنى حكمته بعد الادراك
وما كل يلمع على النور غالي

والشعر صور شاعر فيه تلقاك
اما لبس لك جوخ ولا سمالي


* ويقول: بركات الشريف:

احفظ رثك اللي عن الناس يغنيك
اللي الى بان الخلل فيك يرفاك

اجعل دروب المرجله من (http://women.bo7.net/girls76601) معانيك
واحذر تمايل عن درجها بمرقاك

أدب ولدك كان تبغيه يشفيك
واستسفعه من (http://women.bo7.net/girls76601) بعد مرباه يالاك

[joolya2009]

* وهذا الشاعر: سليمان بن شريم من بني زيد يقول:


وربعك الى بان الخلل فيك عافوك
اقرب قريب لك من الناس يشناك

ان كثر مالك اصدقولك وطاعوك
وان قل ما بيدك شانت حلاياك

لو تطلب الماء عندهم كان ما اسقوك
ابعد مزارك عن وطنهم ومرباك

وان طاب حظك اصدقولك وحبوك
وان بار كل ما يبي غير فرقاك

وهراجة المجلس الى جيت وروك
منازل تطرب نظريك بدنياك

والى قضوا منك اللوازم وخلوك
تفرقوا وانت احتمل لحل ما جاك

كنك سراج البيت للنور شبوك
واللي انقضى اللازام حد الربع طفاك

الى ان قال:

واصحى لخلان الرخا لو تغالوك
اعرف ترى اطيبهم الى احتجت يجفاك

كنك خوي مقيط دهووك واغووك
وحقك عطاك رشاك واقفى وخلاك

واحذر عن العيلة ترى الحق مدروك
مثل العمل يدركك ما منه فكاك

وان كان عدوانك على الضيق حدوك
فاخصم طلابتهم بعجفاك وقداك

وان كان هم لمشرف الحق ما شوك
ناظر مطاليع الفرج قبل مبداك

واحلم على الجاهل ترى الحلم مبروك
وقم للضعيف اللي من الضيم ينخاك

وادمح خطا جيران بيتك الى اوذوك
ترى القصير وحرمة الجار بحماك

وقم للضيوف اللي لفولك وضافوك
اغلا كرامتهم حجاجك وبشراك

[joolya2009]

* يقول الشاعر: عبدالله بن صقيه التميمي:
ساس الردي لابد مبناه ينهال
ولد الردي صاحبي تحطه بطانه
تلقاه وقت الضيق لاضحكك الجال
الصفر لا يغريك زين لمعانه
ترى الذهب من صافي جنيه واريال
ما يختلف يا ذيب طيلة زمانه
بستان غيرك لوبه الوان واشكال
ما تنتفع من خوخه وبردقانه
ما ينفعك ما فيه لو بالثمر مال
لاصار بالغدراء جداره مخانه

[joolya2009]

* يقول الشاعر: عبدالله بن صقيه التميمي:
ساس الردي لابد مبناه ينهال
ولد الردي صاحبي تحطه بطانه
تلقاه وقت الضيق لاضحكك الجال
الصفر لا يغريك زين لمعانه
ترى الذهب من صافي جنيه واريال
ما يختلف يا ذيب طيلة زمانه
بستان غيرك لوبه الوان واشكال
ما تنتفع من خوخه وبردقانه
ما ينفعك ما فيه لو بالثمر مال
لاصار بالغدراء جداره مخانه

[joolya2009]

ويقول ابو التميمي ايضا:

احرص عن الزلات في كل الاحوال
لا تنخدع باللي يعلج اللبانه
ما يفتري ويشين الناس رجال
راع الحكي بالناس خله وشانه
عليك باللي بالمهمات سردال
ليث مثل من حط قوسه رهانه
انت وانا نبعد عن القيل والقال
كم واحدٍ يا ذيب ضره لسانه

[joolya2009]

* ويقول غازي بن دخيل الله بن عون العتيبي
الرفقه اللي مالها ساس ووصول
اتلى تلياها تروح بسهوله
مثل الذرور اللي على راس غرمول
اول مهب يعترض له يزوله
والفعل ما يطلع على مستوى القول
يقول قول ما يطبق فعوله
والفرق في الافعال,, ماهوب في الزول
والا ترى اطيب ما من الثور زوله
لو غرّهم زوله,, وحطوه مسئول
صاروا مثل راع الغنم ومخيوله
ثوب على جسم على شبه مخيول
ودايعه يفرسهن الذيب حوله

[أخوو نورة]

موضوعك جميل الله يسعدك وياليت الاستمرار
وجميع القصائد غنيه بالنصائح والحكم
واسمحيلي اضيف هالابيات للسديري ودايم ارددها كثير.... مع انك وفيتي وكفيتي




لولا الهرم والفقر والثالث الموت يالا دمي بالكون ياعظم شانك سخرت ذرات الهوى تنقل الصوت وخليتها اطوع من تحرك بنانك جماد تكلمها وهي وسط تابوت تاخذ وتعطي ماصدر من بيانك وعزمت من فوق القمر تبني بيوت من يقهرك لو هو طويل زمانك لولا الثلاث وشان من قدر القوت نفذت كل اللي يقوله لسانك

مشششكوره

[أخوو نورة]

من حكم بن سبيل رحمه الله:

لا تأخذ الدنيا خراصٍ وهقوات
يقطعك من نقل الصميل البرادي

لك شوفةٍ وحده وللناس شوفات
ولا واديآ سيله يحدر لوادي

[joolya2009]

حياك اخوي الاجمل اطلالتك
تسلم ع الاضافه الرئعه
وابشر انشاء لله انه موضوع متجدد ورح يستمر بهمتك انت وبقية الاعضاء

* يقول: عبدالعزيز الحسن:

بعض البشر مثل النجوم المراهيش
انوارهم تزهي بالافراح بشه
افكارهم ري العقول المعاطيش
في الدين والدنيا للاخيار هشه
وبعض البشر عقله من التبن والخيش
لوزان شكله داخل الراس عشه

[joolya2009]

* وقال تركي بن حميد العتيبي

ترك عشير عشرته يوم او دون
ثم يبدل بك عشير وينساك
شف لك قطامي على السد مامون
درع القفا ما ينهض الراس لحذاك
اللي الى اوحى الناس فيكم يهرجون
حامي على عرضك ويدمح خطياك

[joolya2009]

ويقول: عبدالله اللويحان التميمي:

الشور ما ينفع قلوب المهابيل
كالزند وان حرك تطاير شراره
لو تأمره بالعدل يعرض على الميل
يبتل على رايه بربح وخساره
والطبع ما ينزال غيره بتبديل
مثل الجدي مرساه ليله نهاره
والحنظله لوهي على شاطي النيل
زادت مرارتها القديمه مرارة

[✶ جُمان ✶]

Joolya2009

صح لسانك وبيض الله وجهك باختيار أسمى القصائد

لك وودي وتقييمي :16:

[joolya2009]

جوميه تسلمين يابعدي ع المرور الذوق مانحرم طلتك

[joolya2009]

يقول راشد الخلاوي الهاجري:

لا تستشير الا صديق يودك
في الله صافي السر مامون عاقبه
وترى شور ما لا يستشيرونه الملا
شمعه نهار في ضيا الشمس دايبه
وأرى النصايح في البرايا فضايح
وكم ناصح اضحى له الناس عايبه

[joolya2009]

* ويقول محمد عبدالله القاضي التميمي:

تكلفك بامر ما يخصك جهالة
وتبعدك عما كان يلزمك له قافي
ولا تصافي كود حيد صميدع
غيور على الصاحب نصوح وميلافي
ولا تلوم النفس في جاري القضا
مالك عن المقسوم يالعبد مكافي
يا شرهل المعروف منك بتواضع
وهل الشر باشرهم بشر وتستافي

[joolya2009]

* ويقول غازي بن مهنا الشيباني:
ما طار وقع من مطيره ولو حام
والزود مثل النقص ينقص ولو زاد
دنيا تغر الناس في طول الاحلام
ولابد تاصل شرها بين الاجواد
ياماشي بالدرب مسرى ومجهام
لابد من عقب المراويح معواد
احد قضى زامه واحد يمسك الزام
واللي صدر منها يجي غيره اوراد

[joolya2009]

* كذلك يقول: محمد بن عايض بن هادي الحباني:
من رابع الخايب سكن دوم واياه
لبس الدناسه عقب لبس الجدادي
ومن طاوع الشيطان في دينه اغواه
يصبح غريق بين الامواج غادي
ومن عاشر الطيب ترى الطيب شرواه
وبالطيب يرقى نايفات المبادي
خلك مع الطيب وممشاك ممشاه
ورافق على الربع القروم العوادي
عز الفتى دينه وسلمه ومرباه
وربعه عضوده عند قدح الزنادي
تاقف معه وبقدر الامكان تحماه
لا صار باطراف الحبال انعقادي

[joolya2009]

* ويقول محمد بن عقيل السويلمي:

اضرب طريق الخير واسلك مسيره
ولا تلتفت للناس عوجاه واقداه
ولو طال عمرك عارف وش مصيره
ازبن ولي العرش واتعب على رضاه
وأد الفروض الاوله والاخيرة
واضف لهن مخافة الله ورجواه

[الــغـــدراء]

،،،

سلمت يمينك على هذة الابيات الجزله . و التي قل من يتذكرها ،،،
موضوع :15::15::15::15::15:


... :16:

[joolya2009]

الغدراء منوره يابعدي

[joolya2009]

* ويقول حمد بن هادي المسردي القحطاني:


من كثر ماله ساروا الناس برضاه
ولو كان ناقص قالوا الناس وافي

ومن قل ما بيده ترى الناس تشناه
ولو كان يسقيهم عسل قنط صافي

فالمال كم ساس طمان وعلاه
والفقر كم حطم روابع سنافي

لاشك ما للعبد عن حكم مولاه
من خير ولا شر ولا عوافي

[joolya2009]

* يقول محسن بن ناصر المري:

قوموا بدين الله ورزوا شعاره
واخشوا نهار فيه تخطيف الابصار

دنياك مرجعها الفنا والقشاره
لا تامن الدنيا ترى الوقت غدار

لابد من قبر وحيش جداره
من مات ياالمسكين خلي على الدار

[joolya2009]

* وهذا الشاعر مرشد بن سعد البذال:

لولا الردي ما صار للطيب سمعه
لاشك لهذا ضد ذاك يصير

والناس مثل الماء غدير ومالح
هذا ملاح وذا زلال غدير

والاجواد قربتهم تبيض وجودهم
تنفع ولا من قربهم تأثير

والاشرار نفعتهم مكافاة شرهم
والا ترى قرب اللئيم خطير

الرجل عقل ومرجله وديانه
بلاشك راعي ها الثلاث ظهير