نداء لكل من دخل دورة لغة الاشارة

[جوري السعودية]

من فيكم دخل دورة لغة الاشاره الي تكلمتوا عنها في الصيفية وانها دوره عن بعد والمدرب بندر العمري ابي انطباعكم عنها لان فيه دوره هالايام مشابهه بس انا ماقتنعت ادفع 1500 والدوره كلها اربع ايام وعن بعد احس اني ماراح اكتسب شي المده قصيره
واعتذر مقدما للمشرفين احس موضوعي مخالف والمفروض مااطرحه هنا :42:

[HnOsh_A]

انا اخذت دوره لغه اشاره بس مو عن بعد اخذتها شهرين كانت مره حلوه
بس ٤ ايام احس انها ماتكفي خصوصا اذا ماعندك خلفيه عن لغه الاشاره
فيه موقع يعلم لغه الاشاره سواء الابجديه او الاساسيات تقدرين تستفيدين منه هو نفس الشي احس اذا بتدرسينها عن بعد
لغه الاشاره حلوه اذا بتمارسينها وتتواصلين مع ناس صم وضعاف سمع بس دراسه دون تطبيق ماراح تستفيدين

اسفه طولت عليك :16:

[الا ياوقت]

حمستوووووووووووووووووووووووووووووووووووووووني
الفكره تحت الدراسه وفي خاطري اتعلمها لاكن بنتضر لين اخلص واخذ الشهاده لتخصص حقي وابداء اتعلم لغة الاشاره والانقلش بعد:19:
حمااااااااااس الله يكفي شره :5:

[علآاوي]

حمااااااااااس الله يكفي شره :5:

:5::5::5:

[طفر]

عن نفسي أخذته العام ، لكن جاب لي الضغط من الموقع ، كل يوم خلل وتحت الصيانة ، مره يفتح لك الموقع ، ومره يغلق لك الموقع ، وإذا أغلق لك الموقع ، ما يفتح لك الا اليوم الثاني ، والمدرب ما راح يشرح لك حق الدرس السابق .

[شيخة الغد]

:16:

[متفائله بقوة]

قوه انا اخذتها مفيده يعني اربع ايام ولاكن شهاده مختومه من الوزاره وكمان مضغوطه كانت الدوره تبدا من 9 بليل تخلص 12 واستاذ بندر انا شفت انه مممتاز وشرحه سهل وكان معي عدد كبير من البنات
ومدري عن انطباعهم

[شظايا حلم]

طيب بنات وين تنصحوني اخذ دوره لغه اشاره واستفيد منها ؟؟!:39:

[HnOsh_A]

شظايا حلم تقدرين تاخذين دورات انتي وين ساكنه وانا اقول لك ع الاماكن اللي تعطي دورات لغه اشاره
وتستفيدين منه في حال مارستيها مثل الانجليزي هي تكتسبينها بالممارسه بس دراسه بدون ممارسه ماتستفيدين :2:

[جوري السعودية]

جزاكم الله خير
ومن عنده زياده يزيد
بس ياأخواني انا مااقدر اادور صم واتعامل معهم انا ربة منزل ومااقدر اروح لمراكز او مدارس يعني لو باخذها باخذها وخلاص وش رايكم

[HnOsh_A]

جوري اذا بتاخذينها وخلاص ماراح تستفيدين يالغاليه

لازم لها ممارسه لانك لو اخذتيها بدون تواصل مع الصم مع الايام راح تنسينها ومايكون استفدتي اي شي منها

:2:

[طفر]

كلامك صحيح ، واصلا لو بدون شهاده مستقبلك لعائلتك وأسرتكم

[مابي احد يزعجني]

:


لو سمحتي НήΌ̲​sh
ممكن تعطيني اسم مراكز بالشرقيه إذا تعرفين

[نرجس..]

انا افتح اليوتيوب واتدرب يعني لازم اشترك بدوره وشهاده ؟لاني انتضر العملي

[HnOsh_A]

ما بي احد يزعجني

عندك الجمعيه السعوديه للاعاقه السمعيه تعطي دورات لغه اشاره وبنفس الوقت فيه تواصل مع الصم

عندك برنامج الامير محمد بن فهد اوقات يعطون دورات بعد

[HnOsh_A]

نرجس

حلو انك تتابعين اليوتيوب وتتعلمين لا مو ضروري شهاده اهم شي تعرفين ميف تتواصلين معهم يالغاليه

عندك غير اليوتيوب موقع اسمه مينسي هذا روووعه فيه دروس عديده واساسيات حلوه ىاختبارات تختبرين نفسك بعد

:16:

[جوري السعودية]

حاولت باليوتيوب وعرفت الاساسيات بس احسها صعبة
طيب انتوا ياتخصص اعاقه سمعيه هل دراستكم لهذا التخصص تضمن لكم انكم اذا تخرجتوا راح تكونون متقنين للغة الاشاره
بصراحه الي حمسني اتعلمها قابلت وحده بالجامعه من فئة الصم ايام الامتحانات وتبي تتواصل معي وانا ماعندي اي خلفيه أنبني ضميري يوم تخيلت مكاني مكانها صراحه احنا مقصرين
طيب أفكر أشتري كتاب القاموس الاشاري العربي الموحد وش رايكم فيه من عنده خلفيه عنه
اعذروني غثيتكم

[HnOsh_A]

اهلين جوري

دراستنا ياعسل نتعلم فيها اشياء اساسيه وطق تواصل معهم
فيه ٣ طرق للتواصل مع الصم اللي هي "لغه الاشاره " لغه الشفاه " والكتابه "

طبعا ماراح تستفيدين من لغه الاشاره لازم يكون فيه تواصل
انا عندي القاموس الاشاري جزئين مره حلو ومفيد تتعلمين كيف تتواصلين ومع الممارسه تصير شي عادي تتكلمين وتاشرين بنفس الوقت
هذي المهاره تكتسبينها مع الايام

فيه شي حابه انبه الجميع عليه اذا كنتي في مكان وفيه اصم حاولو قد ماتقدرون ما تتكلمون وتتجاهلونه لانه يتضايق ويحس انه غير مرغوب فيه لازم تحاولون انكم تشرحون له وش تتكلمون عنه وتشاركونه في الموضوع بهذي الطريقه يتفاعل معكم وتبدون انتو تستفيدون من اشاراته وتتعلمونها
طولت عليكم بس انا تعودت عليها لان اخواني اثنين من فئه الصم ومجال عملي مع الصم فهذا من باب الخبره :2:

[التوليب]

انا منزله موضوع دروس لثلاث مستويات للغة الاشاره
بعد ماتخلصين تروحين تختبرين في الجمعيه السعوديه وتاخذسن شهاده كمان
شوفي الموضوع بملفي

[جوري السعودية]

جزاك الله خير ماقصرتي بس ممكن سؤال صغنون القاموس بكم سعره
والشي الثاني البنت الي من فئة الصم اهي الي كانت تبي تتواصل معي وانا بطبعي احب أتجاهل ذوي الاحتياجات الخاصه عشان ماأحسسهم بشي أنا مشاعري مرهفه
بس ماعرفت وش اقول لها لين اهي اخذت ورقه وقلم وكتبت لي سبحان الله حبيت ذيك البنت بس للأسف معد قابلتها
واحس ان معلم التربيه الخاصه اي كان تخصصه المفروض انه يكون ملم بأساسيات لغة الاشاره لانه في اغلب الاحوال راح يدرس في مدارس الدمج وهالمدارس موجود فئات التربيه الختصه بما فيهم الصم

[جوري السعودية]

وأختي التوليب شفت موضوعك من زمان وحفظته بالمفضله واستفدت منه كثثثيييير الله يعطيك العافية ويجزاك خير

[HnOsh_A]

القاموس اختي مدري والله كم بس انا جاني مجاني وقت الدوره اللي اخذتها
اكيد لازم يكون ملم بهذي الاشياء لانه بيمو عليه بحياته احد كذا وبيحاول التواصل معه
شفتي كيف البنت لجأت للكتابه هذي احد الطرق اللي طرحتها وممكن يتواصلون فيها وان شاء الله تقابلين هالبنت بالايام الجايه

[جوري السعودية]

جزاك الله خير أختي ماقصرتي بس افرضي انه كان مامعي ورقه وقلم واهي كانت تسأل أذن المغرب اولا فأحس لازم اتعلم شي بسيط لمثل هذي المواقف

[HnOsh_A]

وياك يارب اكيد لازم تتعلمين عشان ماتنحطين بمواقف كذا
:16:

[Charisma]

السلام عليكم ورحمة الله وبركاته :rose:
الله يجزاك الجنة هنوش أفدتيها :004:
أنا أخذت الدورة مع هنوش والحمدلله جبنا ١٠٠٪
تدرون ليش ؟ لأنا احترمنا اللغة واحترمنا فئة اللغة ، وتعلمنا ومارسناها عن حب وقناعة ، جد
كانت أيام جميلة ، استمتعنا بالإشارات ومارسناها بحياتنا بوجود الصم وبدونهم ، ربطنا الاشارات بواقعنا
تذكرين حية وحشرة ههههههههههههه
أوووو صح محد يعلم أحد :biggrin:

الصراحة :rose: فئة الصم راح تظل أهم أسباب سعادتي في الدنيا :004:

[abeer altamimi]

انا اخذت دوره لغة اشاره عن بعد وكان المدرب بندر العمري ممتاز كثيير والشهادات يعطونك 2 وحده تكون معتمده من وزارة التربيه والتعليم والثانيه تكون معتمده دوليا

[ام جووجو]

وين هذي الدوره توني ادري عنها رااااااحت علي

:sm1:

[جوري السعودية]

جزاكم الله خير ومن عنده زياده يزيد

[HnOsh_A]

ام جوجو ماراح عليك شي يالغاليه كل شي ملحوووق فيه دورات عن بعد وفيه دورات في مراكز متى ماحبيتي تقدرين تاخذينها :love080: