التسديد عطلان

[hardboss]

أخواني ارجو المساعدة كل صرافات الرياض ابي اسدد ويتم إدخال الرقم الجامعي المعطى لي في نموذج البريد وتظهر لي رسالة ان الرقم خاطئ

[TO0OMY.]

طريقه السداد سوف تكون بالشكل التالي:
1-اختر لغه التعامل<<اكيد العربيه
2-ادخل الرقم السري الخاص بك
3-اختر عمليات اخرى من القائمه
4-اختر مدفوعات خدمه موارد من القائمه>>>ثم تدخل المبلغ المطلوب
5-ادخل رمز الجهه(118)<<هذه رقم المفوتر لجامعتنا
6-ادخل رقم الهويه (السجل المدني)الاقامه الخاصه بالطالب
7-ادخل الرقم الجامعي
8-قم بتاكيد العمليه (يرجى الاحتفاظ بايصال السداد)

ملاحظه مهمه:
سوف يصل السداد مباشره للجامعه بدون الحاجه الى ارسال الايصال
حتى تصلك رساله تاكيد من الجامعه باستلام المبلغ
او ظهور تم السداد في ايقونه الاستعلام عن الوضع المالي


بالتوفيق

[hardboss]

كلام منطقي وجميل ولكن مازال الامر يعطي ان الرقم الجامعي المدخل خطأ

[TO0OMY.]

كلام منطقي وجميل ولكن مازال الامر يعطي ان الرقم الجامعي المدخل خطأ

قريبه ..انت متأكد من رقمك الجامعي
وهل أنت طالب مستجد ام من الطلبه القدامى؟

[hardboss]

مستجد والرقم اللي موجود في نموذج البريد

[TO0OMY.]

مستجد والرقم اللي موجود في نموذج البريد
والله قريبه بما انك طالب مستجد وهاذي فتره السداد كيف يقول غلط
تواصل مع الجامعه وقول لهم مشكلتك وان شاء الله يساعدونك

[بحر العلم]

نعم نظام السداد عطلان
أنا طالب مستوى سابع طلب مني أحد الأصدقاء مساعدة في تسديد رسوم الجامعة حيث أنه من الطلاب المقبولين في الدفعة الثانية
وأخذت منه نسخة إرسال الشهادة بالبريد الممتاز وموضح فيها رقم الطالب الجامعي

وقمت بإدخالة عدة مرات وكل مره يعطني بنك البلاد رسالة خطاء في الرقم الجامعي
قمت وحاولت من بنك الراجحي ونفس الرسالة خطاء في الرقم الجامعي

أستفسرت من مدير البنك قال هذا الخطاء ليس في نظام سداد
هذا الخطاء من الجامعة

للطلاب المقبولين حديثاً أرجو الأتصال على الجامعة وإبلاغهم بالخطاء الموجود في نظام سداد

حاولت الإتصال على الجامعة وخط الهاتف مشغول أكثر من ساعتين

[princess rwan]

خليكم وراه انا امس صرلي كذا وما رحمت الصراف:9: جلست وراه كل ما كتبلي خطا اعمل اعاده عمليه وارجع الين ما ضبط معايا :19::42::42: قولو بسم الله ويمشي الموضوع ان شاء الله

[TO0OMY.]

ان شاء الله تمشي آموركم تمام:21:

[AL3SKR]

بالنسبة للبنك الاهلي لغاية الان نفس الخطأ يطلعلي

الفاتورة غير مسجلة

[lady moon]

للحين الفاتوره غير مسجله للدفعه الثانيه ؟؟
.فيه احد سدد
؟؟؟؟؟

[**قمرين**]

و الله انا الترم اللي فات سددت عن طريق الانترنت بلا صراف بلا وجع راس اذا عندك حساب في بنك سامبا فيه ايقونه اسمها سداد بتطلع لك دايركت جامعة الملك فيصل و القيمة المطلوبة بس مو الحين انا كنت قلقانه وجلست ممكن شهر انتظر ومن نفسهم لا تخاف عليهم بيلاحقونك :27:

[**قمرين**]

للحين الفاتوره غير مسجله للدفعه الثانيه ؟؟
.فيه احد سدد
؟؟؟؟؟


لا الى الان على كلامهم نهاية شوال

[hardboss]

الراجحي والأهلي وسامبا والرياض كلهم لايقبلون السداد

[lady moon]

اجل وش الي يقبل ؟؟
بعدين اقصد الي انقبلوا ب الدفعه الثانبه .. فيه احد سدد وتسددت معه والا جاكم خطا ؟

[Yasir Alzahrani]

اجل وش الي يقبل ؟؟
بعدين اقصد الي انقبلوا ب الدفعه الثانبه .. فيه احد سدد وتسددت معه والا جاكم خطا ؟

نفس المشكلــه عن طريق ( ساب ) و ( الإنماء ) يجيني خطأ ؟!!

مدري أرسل الشهادات عن طريق البريد ولا أنتظر إلى أن يتفعل الحساب واسدد ثم أرسل الشهادات ..!!

إذا عندكم إجابه لآتبخلوا علينـآ ! :)

[bilsan]

أرسلوا اوراقكم حتى ما ينلغي القبول

و السداد ان شاء الله تنحل المشكله

[هشام بن محمد]

نفس المشكلــه عن طريق ( ساب ) و ( الإنماء ) يجيني خطأ ؟!!

مدري أرسل الشهادات عن طريق البريد ولا أنتظر إلى أن يتفعل الحساب واسدد ثم أرسل الشهادات ..!!

إذا عندكم إجابه لآتبخلوا علينـآ ! :)

راح يتفعل السداد بعد ارسال الشهادات .. ارسلها :21:

[Om Jory]

حتى أني بالنسبة إلى بنك ساميا نفس المشكلة وما باقي شئ على يوم الخميس :44::32:

[shaden1]

ارسلوا اوراقكم عشان لاينلغي قبولكم
والتسديد بعدين

[al7ammrani]

انا اليوم مسدد الرسوم من صراف الراجحي وتم قبول السداد

مافيه اي مشكلة :36::36::36:


يرجى المحاولة الأن

2485 ريال

[yasmina]

حاولت وحاولت و لاضبطت معاي رقم المشترك خاطي او غير مسجل في نظام السداد
استسفرت عن طريق البنك قالي مو مضافه جامعة الملك فيصل بالسداد لازم مراجعة البنك
وتعبئة نموذج .. ويتم تحويل المبلغ وان شاء الله بكره راح اراجع البنك ..
اللي يعلق عنده ولايسدد لا ينتظر يراجع اقرب فرع للبنك التابع له ,, اخر سداد يوم الخميس

والله يوفق الجميع ان شاء الله .. :16:

[AbdulMalik213]

الله يهديهم بس

[AL3SKR]

نفس المشكله

هذا بداية الخييررررر

[TO0OMY.]

طيب كلمو الجامعه قبل انتهاء فتره السداد عالمشكله

[*الماسه*]

الظاهر كل الدفعه الثانيه لسى عندهم وقت
واتوقع ان اللي سددو من الدفعه الاولى

[موني الجهني]

سآمبا و الراجحي و الريآض وحتى ع نظآم سدآد
كلهم يقولون خطآ الرقم الجآمعي مع إني متاآكده

فيه مشكله ف الدفعه الثآنيه بشكل عآم إن شاء الله يحلونهآ
ارسلو الاورآق علشآن مآيلتغى القبول

بآلتوفيق للجميع :21: