جميع الأقسام تجمعْ بنآتّ كلية الـأدآب ~ حيآكم ~ [الأرشيف] - الصفحة 2 - ملتقى طلاب وطالبات جامعة الملك فيصل,جامعة الدمام

حُلمْ !

2013- 9- 14, 12:46 PM

^ روحي للقبول والتسجيل المكتب الثاني

اذا كان عدد ساعاتك اعلى من ١٢ بيسحبونها بسهوله اما اذا اقل لا

سلطـآنه

2013- 9- 14, 12:47 PM

ساعاتك فوق ١٢ اوكي تنسحب اقل مستحيل
لما يبدأ سحب المواد تقدرين تسحبينها

طيوبه بطبعي

2013- 9- 14, 05:05 PM

بنااات حبايبي بسالكم مكتبه الابرار الي بالكليه كم الساعه تفتح وكم الساعه تسكر ؟؟؟ :sdfgdsf:

m.m3

2013- 9- 14, 09:25 PM

^ روحي للقبول والتسجيل المكتب الثاني

اذا كان عدد ساعاتك اعلى من 12 بيسحبونها بسهوله اما اذا اقل لا
كم رقمه ؟؟ ووين بأي مبنى!

m.m3

2013- 9- 14, 09:26 PM

ساعاتك فوق 12 اوكي تنسحب اقل مستحيل
لما يبدأ سحب المواد تقدرين تسحبينها. متى يبدأ وقت السحب!!

حكآية

2013- 9- 14, 09:56 PM

مبنى 103 بس رقم قاعته مدري
انا رحت يوم الخميس وقالت لي بعد اسبوعين الانسحاب قالت تعالي وشوفي الاعلانات ..,.,

الألماسة؟

2013- 9- 15, 12:01 AM

بنآآآآآآآت ضرووووري الله يعآآآفيكم :icon9:
متى أقدر أرفع تظلم
هل له وقت معين
أو أقدر أرفعه ب أي وقت ؟؟؟

السندوس

2013- 9- 15, 05:33 AM

بنات حبيباتي بسألكم جربتوا مره تغيبون قبل ماتنحذف المادة من البنر
اذا مقدمة على الانسحاب من المقرر .

سمعت بنت تقول عادي مايحسبونك حرمان الي مجربة تنفعنا

مشتااقه

2013- 9- 15, 08:15 AM

بنات حبيباتي بسألكم جربتوا مره تغيبون قبل ماتنحذف المادة من البنر
اذا مقدمة على الانسحاب من المقرر .

سمعت بنت تقول عادي مايحسبونك حرمان الي مجربة تنفعنا

اييي عادي اناا الفصل اللي راح سحبت ماده وولا حضرتها ووهم مابعد يحذفوها من بنر
لانهم متى يحذفوها يطولوا ع حذفها من بنر وومايعطونك حرمان لانها في الاخير بتنسحب من عند دكتوره

حفصه الدوسري

2013- 9- 15, 09:13 AM

السلام عليكم
بنات
لو سمحتوا
بسالكم عن الدكتوره الهام فاروق
وسهير معوض

متى محاضراتهم

السندوس

2013- 9- 15, 09:33 AM

اييي عادي اناا الفصل اللي راح سحبت ماده وولا حضرتها ووهم مابعد يحذفوها من بنر
لانهم متى يحذفوها يطولوا ع حذفها من بنر وومايعطونك حرمان لانها في الاخير بتنسحب من عند دكتوره

يسلمووو مشتاقه :106:

سلطـآنه

2013- 9- 15, 12:23 PM

سيهير رهيب حيل والأسئلة سهله بس موضوعي ومقالي

رهف12

2013- 9- 15, 01:21 PM

بنآت مآفيه حذف وإضافه..؟ :bawling:

ايام السراب 990

2013- 9- 15, 06:28 PM

بنااات من عندها كتاب انجلش كتابه ( ستب باي ستب )

ابي استعيره منها وراح أعطيها حق الكتاب :love080:

دنيا خذت فرحي

2013- 9- 15, 08:40 PM

بنات الله يجزاكم خير أنا مكتوب في جدولي قاعه2031 لمادة مهارات التعلم لما رحت القاعه طلعت المحاضره غير كيف اعرف رقم القاعه لما غيروا

ايام السراب 990

2013- 9- 15, 08:48 PM

بنات الله يجزاكم خير أنا مكتوب في جدولي قاعه2031 لمادة مهارات التعلم لما رحت القاعه طلعت المحاضره غير كيف اعرف رقم القاعه لما غيروا

حبيبتي روحي 103 مكتب 2040 واساليهم وبيعلمونك :agolakser:

صمتي لغتي!

2013- 9- 15, 09:12 PM

السلام عليكم
بنات
لو سمحتوا
بسالكم عن الدكتوره الهام فاروق
وسهير معوض

متى محاضراتهم

الدكتورة سهير روعة وأسئلتها موضوعية وشوي دقيقة

دنيا خذت فرحي

2013- 9- 16, 01:58 AM

الله يجزاكم خير عندي مادة جغرافيا اقتصاديه بس مو مكتوب بالجدول القاعه ولا المبنى كيف اعرف

سلطـآنه

2013- 9- 16, 10:14 AM

روحي سألي اللي بقسمك المنسقه

مشتااقه

2013- 9- 16, 10:28 AM

يسلمووو مشتاقه :106:

العفوا

وَتـــدّ

2013- 9- 16, 12:29 PM

،

بنات مادة قواعد البيانات الساعه ١١ وربع قاعه ٢٠٠٥ ، جات اليوم !!
ومن هي الدكتوره

m.m3

2013- 9- 16, 02:32 PM

بنات يقولون مفتوح الحذف والاضافه ؟؟ صحيح هالكلام ولا!

نـآز ♥

2013- 9- 16, 03:43 PM

هل فيه جدول عند منسقة التاريخ موضح فيه مكان قاعات مادة الحضارة الاسلاميه ؟؟

m.m3

2013- 9- 16, 07:08 PM

بناات في احد شرى كتاب الاخلاق الاسلاميه من مكتبةة ابن حزم ؟؟ احد يعرف وين هالمكتبه؟!!

الألماسة؟

2013- 9- 16, 08:18 PM

بنآت حآضر العاآلم الإسلآمي يووم الأحد شعبة 32 وييييين القآآعة

Feelings

2013- 9- 16, 10:25 PM

الله يعافيكم بنات ... مادة الحضاره الاسلاميه ليوم الاثنين شعبة 34
خصصوا قاعه وجابوا دكتور او دكتوره ، ؟

حفصه الدوسري

2013- 9- 16, 11:32 PM

لااعلم ان شاء الله البنات يفيدونك
يارب:106::106::106:

حفصه الدوسري

2013- 9- 16, 11:34 PM

بنات لو سمحتوا :rose:
كيف طريقه الدكتوره عذاري الشعيبي في الشرح
واسلوبها
وتوزيعها للدرجات :106::106:

أشجـ الدموع ـان

2013- 9- 17, 05:23 AM

بناات في احد شرى كتاب الاخلاق الاسلاميه من مكتبةة ابن حزم ؟؟ احد يعرف وين هالمكتبه؟!!

اللي اعرفه أن ألمكتبه في شارع الجامعه بس مكانها بالضبط ما اعرف

عزوفة

2013- 9- 18, 06:27 AM

بنات بسألكم عن الدكتورة فاطمة الزهراء كيف طريقة شرحها واسئلتها موضوعية والا مقالية وتأشر لكم،في الكتاب والا لا

شرشرة العيد

2013- 9- 18, 08:27 AM

بناات في احد شرى كتاب الاخلاق الاسلاميه من مكتبةة ابن حزم ؟؟ احد يعرف وين هالمكتبه؟!!

امس جاتنا الدكتوره وستلناها انو ابن حزم ماشفناها بعدين قالت . تووه انا قلت لكم ابن حزم . اما أسفه كتير

كان قصدي ابن الجوزي .

يعتي الدكتوره كانت غلطاه

غصون الازهار

2013- 9- 18, 09:42 AM

إعلان لطالبات مادة حاضر العالم الإسلامي شعبة(٣٤)..
السلام عليكم ورحمة الله وبركاتة..

لقد أنتقلت مادة (حاضر العالم الإسلامي) شعبة (٣٤) من الأستاذة نورة العتيبي
إلى الأستاذة نورة العريفي
وذلك للإحاطة والعلم

وفقكن الله ..

m.m3

2013- 9- 18, 02:49 PM

امس جاتنا الدكتوره وستلناها انو ابن حزم ماشفناها بعدين قالت . تووه انا قلت لكم ابن حزم . اما أسفه كتير

كان قصدي ابن الجوزي .

يعتي الدكتوره كانت غلطاه
ايواا جاتنا امس ، يعطيك ربي العافيه

بنت ضاري

2013- 9- 19, 01:47 AM

بنات هالحين تشملنا الاجاره ؟؟؟؟؟؟؟؟؟؟؟

حُلمْ !

2013- 9- 19, 01:52 AM

ايه تشملنا

loole_abdullah

2013- 9- 20, 08:54 AM

صباح الخير
اللي تخصصت علم اجتماع
كيف الاختبار ؟ ونموذج الاسئله كيف ؟ ومتى نختار التخصص ؟

ومشكورين مقدما ..

a7la zoz

2013- 9- 20, 10:21 AM

متى اقدر اخذ وقف قيد

حكآية

2013- 9- 20, 11:05 PM

السسلام عليكم ..
حبيت اسال عن الانسحاب للمقرر -وش الشي الي اخذه معي يعني بس سي ار ان الماده واعبي نموذج يعطوني اياه ولا وش بالضبط !؟! ا<افيدوني لو سمحتوا >ـ<
واذا بدأ الانسحاب او لا !؟!

m.m3

2013- 9- 21, 03:16 AM

الانسحاب رحت سالتها ذاك الاسبوع قالت الثلاثاء بيبتدي ان شاء الله بس مدري ويش تاخذين معك ، بسالكم الانسحاب زي الحذف يعني م يأثر ع المعدل ؟؟؟!

لحن الفراق

2013- 9- 21, 03:25 AM

صباح الخير
اللي تخصصت علم اجتماع
كيف الاختبار ؟ ونموذج الاسئله كيف ؟ ومتى نختار التخصص ؟

ومشكورين مقدما ..

الاختبار وتحديد التخصص يكون الترم الثاني رح تشوفين يحطون اعلان
وتاخدين نموذج التخصصات وتحطين علم اجتماع الرغبة الاولى عشان تدخلين الاختبار

وبالنسبة للاختبار 50فقرة كلهت اختيار من متعدد والاسئلة من كتاب علم الاجتماع سهلة وفي بعض الفقرات خارجية بس تكون بسيطة جدا
لاتشيلين هم الاختبار

ربي يوفقك وينولك الاتتمنينة حبيبتي:verycute:

لحن الفراق

2013- 9- 21, 03:27 AM

الانسحاب رحت سالتها ذاك الاسبوع قالت الثلاثاء بيبتدي ان شاء الله بس مدري ويش تاخذين معك ، بسالكم الانسحاب زي الحذف يعني م يأثر ع المعدل ؟؟؟!

لاعادي مايأثر ع المعدل ابدا

لحن الفراق

2013- 9- 21, 03:31 AM

السسلام عليكم ..
حبيت اسال عن الانسحاب للمقرر -وش الشي الي اخذه معي يعني بس سي ار ان الماده واعبي نموذج يعطوني اياه ولا وش بالضبط !؟! ا<افيدوني لو سمحتوا >ـ<
واذا بدأ الانسحاب او لا !؟!

اخذي نسخة من الجدول معاك فقط
واهم شي مع الانسحاب ماتكون الساعات اقل من 12ساعة
لان اذا بصير جدولك اقل من 12 مايقبلون تنسحبين من المادة:(177):

عزوفة

2013- 9- 23, 07:46 AM

متى راح يبدا الانسحاب من مادة

عزوفة

2013- 9- 23, 07:50 AM

بنات بسألكم عن الدكتورة فاطمة الزهراء كيف طريقة شرحها واسئلتها موضوعية والا مقالية وتأشر لكم،في الكتاب والا لا

بليييييييييز جاوبوني

Rwary ~

2013- 9- 23, 11:04 AM

شهادة الآداب تربوية ولا ؟؟

وفيه تطبيق بالمدارس عالسنه الثالثه والرابعه ولا ؟

غصون الازهار

2013- 9- 23, 02:06 PM

شهادة الآداب تربوية ولا ؟؟

وفيه تطبيق بالمدارس عالسنه الثالثه والرابعه ولا ؟

شهاده الاداب غير تربويه لازم تاخذي دبلوم تربوي في جامعه الملك فيصل حتى تصير شهادتك تربويه
وطبعا الدبلوم التربوي الدراسه تكون مسائي

مافي تطبيق في المدارس حق الاداب

حفصه الدوسري

2013- 9- 23, 02:11 PM

افتراضي بعض التعليمات والتوجيهات للوصول إلى مبنى كلية العلوم الجديد بالمدينة الجامعية
بسم ا لله الرحمن الرحيم :119:

إخواني الطلاب وأخواتي الطالبات :119:

السلام عليكم ورحمة الله وبركاته :004:

مع غروب الشمس وبزوغ القمر بنوره الجميل وتراقص نجوم السماء فرحاً :mh001::mh001::mh001::mh001:

للعودة إلى مناهل العلم والتعليم بجميع مستوياته بعد انقضاء

إجازة منتصف العام الدراسي للعام 1433هـ :tongue::tongue:

فكل عام وانتم بألف خير وعودة سعيدة وموفقة إن شاء الله تعالى

كما يطيب لي أن أزف اجمل التهاني والتبريكات إلى جميع الطلاب بمناسبة

انتهاء مبنى كلية العلوم الخاص لإدارة الكلية والطلاب وانتقالهم اعتباراً

من يوم السبت 5/3/1433هـ مع تمنياتنا لهم بالتوفيق :mh318:

وأود ان اوضح لهم بعض التعليمات والتوجيهات للوصول إلى المبنى الجديد :rose:

أولاً سوف تكون هناك حافلة نقل من مبنى الكلية القديم وسيكون موقف التجمع

عند المعامل المركزية بالقرب من المبنى القديم والمركز الصحي :004:

وسوف يتم نقلهم من الساعة السابعة صباحاً حتى الساعة الثالثة عصراً بمعدل

كل نصف ساعة ذهاباً و إياباً من المبنى القديم إلى الجديد بالمدينة الجامعية والعكس

ثانياً من يرغب الذهاب إلى المبنى الجديد بسيارته الخاصة عليه اتباع الارشادات الموجودة

في الطريق وهي كالتالي :oao:

الدخول من بوابة كلية العلوم الزراعية والأغذية ثم يأخذ الدوار بجهة اليسار ومن ثم يسير

في الطريق ويقابله نفقين يسير من تحتهما ثم يواجهه دوار صغير يأخذه بجهة اليمين وسوف

تكون على يمينه كلية الطب البيطري ومن بعدها كلية الهندسة وهي في بداية الانشاء ومن

ثم تأتي كلية العلوم :106:

ثالثاً اذا دخل الطالب المبنى يتبع التعليمات الموجودة في بداية المدخل وعليه أن يأخذ

مخطط المبنى لمعرفة القاعات الدراسية والمعامل ومكاتب الإدارة والمرافق العامة الأخرى :004:

وكذلك مخطط للطريق من بوابة الدخول إلى مبنى الكلية :sm5:

أتمنى انني وفقت في هذا التوضيح البسيط و إذا احتاج الطالب اي مساعدة لا يتردد بالسؤال :agolakser:

سوف يجدنا في خدمته في أي وقت :(269):

دوماً نحن في خدمة الطالب والطالبة وتذليل كل الصعوبات التي تعوق مسيرتهم العلمية

لكم مني اجمل تحياتي وكل عام وانتم بخير .:71:.

حفصه الدوسري

2013- 9- 23, 02:12 PM

ياليت حنا ينقلونا :agolakser:
طيب الكليه العلميه شنو بيسون فيها :53::53::53::53:

Smile *

2013- 9- 23, 02:27 PM

حبايبي إذا ابي أأجر لوكر
أي مبنى ..؟
وأي مكتب ..؟

وألي آجرت هالسنة , هل يأجرون لترم واحد ولا كالعادة لازم سنة كاملة ..؟

رهف12

2013- 9- 26, 09:00 AM

بنات

افتحوا الانسحاب ولا لأ
أبي خبر أكيد مو تقول وحده سمعت ووأروح على الفآضي ابي مجربه وومتى يسكر
وايش يطلبون حق الانسحاب من مقرر

وإيه كيف اتأكد من أنهم سحبو المآده
السنه المآضيه نزلت درجة بنت f مع أنهآ مقدمه طلب سحب للمقرر :000:

أذكر ربك

2013- 9- 26, 04:47 PM

سبحان الله وبحمده
سبحان الله العظيم

حُلمْ !

2013- 9- 26, 06:22 PM

بنات

افتحوا الانسحاب ولا لأ
أبي خبر أكيد مو تقول وحده سمعت ووأروح على الفآضي ابي مجربه وومتى يسكر
وايش يطلبون حق الانسحاب من مقرر

وإيه كيف اتأكد من أنهم سحبو المآده
السنه المآضيه نزلت درجة بنت f مع أنهآ مقدمه طلب سحب للمقرر :000:

الانسحاب بدا هالاسبوع :smile:

لازم تكون عدد ساعاتك أعلى من 13 وتجيبين معك جدولك

المواد ماتنسحب الا بأخر يوم في الانسحاب بعدها تدخلين جدولك تلقينها محذوفه :biggrin:

ايام السراب 990

2013- 9- 28, 12:30 PM

السلام عليكم

متى موعد التحويل حق التخصصات؟؟؟؟؟؟؟

ومن عندها محاضرة محمد عودات الاسلام وقضايا العلم والتقنيه في يوم الاحد الصباح ؟؟؟؟؟؟؟؟؟؟

butterfly♡

2013- 9- 28, 03:40 PM

السلام عليكم

متى موعد التحويل حق التخصصات؟؟؟؟؟؟؟

ومن عندها محاضرة محمد عودات الاسلام وقضايا العلم والتقنيه في يوم الاحد الصباح ؟؟؟؟؟؟؟؟؟؟

للحين ما أعلنو رحت مع صديقتي لهم قالو بتشوفون الإعلانات إذا بدأ

ايام السراب 990

2013- 9- 28, 03:45 PM

للحين ما أعلنو رحت مع صديقتي لهم قالو بتشوفون الإعلانات إذا بدأ

🌹❤️

مشكورة

السندوس

2013- 9- 29, 08:05 PM

بنات انجليزي كتابة عند الدكتورة شرين الهاجنه يوم الأربعاء محاضرة سبع ونص
شنو اخذتوا الأسبوع الماضي

كمان بنات إلى كانت تدرسهم الدكتورة آمال البدري جابوا لها بديل في النحو التطبيقي 2 أو لا ؟

بتمون

2013- 9- 30, 02:15 PM

الحذف مفتوح ولا لا
اذا مفتوح كم باقي ويقفل

m.m3

2013- 9- 30, 06:19 PM

الانسحاب مفتوح يقفل بعد العيد اتوقع

ثآنويه متخرجه

2013- 9- 30, 06:26 PM

بنات ابي اتأكد
قالوا ان كلية الاداب بينقلونها المدينه الجامعيه
صحيح ولا
ابي خبر موثوق بلييز.

مشتااقه

2013- 9- 30, 06:34 PM

الخبر انه فيه بس ماا خلصو بنيانه والله العالم متى يخلصووه

ثآنويه متخرجه

2013- 9- 30, 06:42 PM

وين شفتي الخبر ؟

سما!

2013- 10- 1, 12:01 AM

بنات انجليزي كتابة عند الدكتورة شرين الهاجنه يوم الأربعاء محاضرة سبع ونص
شنو اخذتوا الأسبوع الماضي

كمان بنات إلى كانت تدرسهم الدكتورة آمال البدري جابوا لها بديل في النحو التطبيقي 2 أو لا ؟

هلا الدكتوره امال جاتنا ذاك الاسبوع وحضرت وراحت
وقالت الاسبوع الجاي اللي يعني هالاسبوع بتعطينا محاضره
والدكتوره زوجها متوفي وماعندها حداد
بس لابسه اسود وجايه:Looking_anim:

حُلمْ !

2013- 10- 1, 01:16 AM

بنات ابي اتأكد
قالوا ان كلية الاداب بينقلونها المدينه الجامعيه
صحيح ولا
ابي خبر موثوق بلييز.

يب صحيح بينقلونا :smile:

بس بعدين مو الحين لان مبنانا توهم يبنون الاساس

يعني مافيه الا ع السنة الجايه :smile:

حفصه الدوسري

2013- 10- 1, 03:25 AM

ياليت ينقلونا الفصل الثاني :o

حفصه الدوسري

2013- 10- 1, 03:26 AM

يب صحيح بينقلونا :smile:

بس بعدين مو الحين لان مبنانا توهم يبنون الاساس

يعني مافيه الا ع السنة الجايه :smile:

طيب حلم
:rose:
وكليه الاداب شنو راح يسوون فيها
مين بيدرس فيها :064:من البنات

حفصه الدوسري

2013- 10- 1, 03:28 AM

اتمنى قياس كفايات المعلمات :(:icon9:

يختبرون في الاداب :106:صباحي اذا نقلونا الى المدينه الجامعيه :004::004::004:

بدال مايخلونهم يختبرون في جامعه الملك فيصل في الليل :d
:Cry111:
وكليه المجتمع جميع البنات تخرجوا :106::106::106::106:

المفروض يختبرون قياس كفايات المعلمات فيها صباحي :004:

بدال مايختبرون في جامعه الملك فيصل في الليل :Cry111::Cry111::Cry111:

حُلمْ !

2013- 10- 1, 03:42 AM

طيب حلم
:rose:
وكليه الاداب شنو راح يسوون فيها
مين بيدرس فيها :064:من البنات

مدري والله مين :smile:

مُستوحاة..!

2013- 10- 2, 08:12 AM

-

اهلنَ
بنات علم الاجتماع المتخصصات !
أنا ان شاءالله ابي ادخل هالتخصص
وحلممي هو وداخل براسي وخايفه من الاختبار التخصص
فَ شنو تنصحونيْ آذاكر وآبي احل زين وَعديه ""(

AFNAN TURKI

2013- 10- 2, 01:54 PM

حلم / من وين جايبه الخبر ان اكيد بينقلونا !

افف

2013- 10- 2, 03:38 PM

بنات مين تعرف لو فيه لوكرات فاضيه في مبنى 101
الي شيكت عليهم وراحت مكتبهم ياليت تكتب لي ارقام اللوكرات الفاضيه اختصار للوقت
ومايفرق لو تحت او فوق

مكتب اللوكرات رقم 1032 صح؟

طيوبه بطبعي

2013- 10- 2, 10:54 PM

بنات انا نزلت عندي المكافأه رحت اسحبها شفت منزلين لي ١٧٠٠ شسالفه ؟؟ هل فيه احد مثلي

MISS BOBO

2013- 10- 3, 01:01 AM

متى نستخرج بطاقة البنك للمستجدات ؟
أحسهم طولوا واجد

حُلمْ !

2013- 10- 3, 01:33 AM

بنات انا نزلت عندي المكافأه رحت اسحبها شفت منزلين لي ١٧٠٠ شسالفه ؟؟ هل فيه احد مثلي

فيه كثير مثلك ونزلت بالغلط واحتمال الشهر الجاي ما تنزل لك :smile:

متى نستخرج بطاقة البنك للمستجدات ؟
أحسهم طولوا واجد

بيحطون لكم اعلان لاستخراجها :004:

حلم / من وين جايبه الخبر ان اكيد بينقلونا !

من مصصادري الخاصه :sm5:

والله من دخلت الكليه وانا اسمع انهم بينقلونا :smile:

صديقتي سألت وحده تقرب لها في الجامعه قالت لين يخلص مبناكم وينقلونكم :(269):

butterfly♡

2013- 10- 3, 12:45 PM

^
حلم تستاهلين بوسسة ع هالخبرر :biggrin:

هع ان شاء الله جد ..انا غثيت الناس من كثر ما اقول ليتهم ينقلونا :(269):حتى الجامعة رسلت لهم ايميل اسألهم بس لاحياة لمن تنادي:sm12:

butterfly♡

2013- 10- 3, 12:51 PM

هلا الدكتوره امال جاتنا ذاك الاسبوع وحضرت وراحت
وقالت الاسبوع الجاي اللي يعني هالاسبوع بتعطينا محاضره
والدكتوره زوجها متوفي وماعندها حداد
بس لابسه اسود وجايه:Looking_anim:

اصلا انا ماصدقت رجعت لنا :verycute:

اموت فيها هالدكتورة الحمد لله رجعت وعطتنا محاضرة :004:

السندوس

2013- 10- 3, 06:00 PM

اصلا انا ماصدقت رجعت لنا :verycute:

اموت فيها هالدكتورة الحمد لله رجعت وعطتنا محاضرة :004:

اجد انا احس اسئلتها مصيبه :icon9:

نـآز ♥

2013- 10- 3, 09:37 PM

من عندها أفكار لتقديم " برزنتيشن " غير عرض بوربوينت ؟ بلييز :/

mnoo2013

2013- 10- 5, 04:53 AM

صباحكم نور حبايبي

بنات بسالكم وش رايكم ب دكتور احمد الحليبي تنصحوني اكمل معه ولا احذف الماده احسها صعبه مره هو الله يهديه مصعبها علينا مايسكت ولا يعطي الطالبه فرصه للكلام في المحاضره ولا يخطط وكل الكلام الي بلمزمه معنا ..

اتمنى تفيدوني

حفصه الدوسري

2013- 10- 5, 07:12 AM

http://www.kfu.edu.sa/ar/Lists/kfuMainNews/DispForm.aspx?ID=157

إيقاع الغلا

2013- 10- 6, 07:09 PM

بنات متى التخصص تعبت من كثر ماامشي بالكلية ادور ع اعلان تحويل كليات
هل نهاية السمستر او مع اختبار تحويل التخصص

سلطـآنه

2013- 10- 7, 10:06 AM

يابنات الصحه واللياقه يوم الثلاثا الساعه ١١ قالت شيء مهم خبروني ماحضرت

السندوس

2013- 10- 9, 09:19 AM

بنات الدكتورة امال البدري يوم الاثنين الصباح
مادة النحو للتطبيقي 2
بسألكم حددت موعد الاختبار بعد العيد او لا ؟!

سما!

2013- 10- 9, 11:32 AM

انا نحو الثلاثاء
وقالت الدكتوره بعد العيد بنتكلم عن الاختبار متى وعن البحوث اللي ابيها منكم
وحل التمارين

سلآمـ,

2013- 10- 9, 11:49 AM

بناات من عندهاا فقه السيره عند وفاء الجعفري !
ابغي اسأل شنو نوع النشاط اللي عطتكم !!

butterfly♡

2013- 10- 11, 08:19 PM

بناات من عندهاا فقه السيره عند وفاء الجعفري !
ابغي اسأل شنو نوع النشاط اللي عطتكم !!

الله يعينك تبي بحوث ووزعت علينا الموضوعات وتبيهم على طول بعد العيد وبتناقشنا فيهم واللي ماخذت موضوع صفر :Looking_anim:

حور كلها نور

2013- 10- 11, 09:54 PM

سسلااااااامووو

كيييفكن بنااااااات ؟؟

انا طالبة مستجدة في الاداب ، ابي اعرف اذا تخرجت من الاداب وتخصصت انجلييزي ، ع طووول اتوظف معلمة انجليزي ولا لا ؟؟

غصون الازهار

2013- 10- 12, 12:18 AM

لازم تاخذين دبلوم تربوي في جامعه الملك فيصل مسائي الدبلوم من الساعه 3 الى 7 اذا تخرجني من كليه الاداب
لان شهادتك مو تربويه
والاولويه للتدريس حق اللي شهادتها تربويه
ولازم تجتازي اختبار قياس كفايات المعلمات تجيبي درجه من 50 وفوق وبكذا تعدي الاختبار
واذا لاسمح الله مااجتزتي ماتقدرين تدخلين مفاضله ولاتسجلين في جداره
واذا سجلتي في جداره بتكون حق الوظائف الاداريه فقط
اما التدريس لازم تعدي اختبار كفايات المعلمات

بالتوفيق اذا الله كاتب لك التدريس مااحد بياخذه غيرك

الله يوفقك يارب وتحققين حلمك يارب

السندوس

2013- 10- 12, 12:26 AM

لازم تاخذين دبلوم تربوي في جامعه الملك فيصل مسائي الدبلوم من الساعه 3 الى 7 اذا تخرجني من كليه الاداب
لان شهادتك مو تربويه
والاولويه للتدريس حق اللي شهادتها تربويه
ولازم تجتازي اختبار قياس كفايات المعلمات تجيبي درجه من 50 وفوق وبكذا تعدي الاختبار
واذا لاسمح الله مااجتزتي ماتقدرين تدخلين مفاضله ولاتسجلين في جداره
واذا سجلتي في جداره بتكون حق الوظائف الاداريه فقط
اما التدريس لازم تعدي اختبار كفايات المعلمات

بالتوفيق اذا الله كاتب لك التدريس مااحد بياخذه غيرك

الله يوفقك يارب وتحققين حلمك يارب

ابغئ اسأل كم مدة الدبلوم التربوي وفيها مكافأة للطالبة ام لا ؟!

غصون الازهار

2013- 10- 12, 12:28 AM

تقريبا سنه مده الدبلوم وفي تطبيق في المدرسه
لا مافي مكافاه

السندوس

2013- 10- 12, 02:32 AM

تقريبا سنه مده الدبلوم وفي تطبيق في المدرسه
لا مافي مكافاه

مشكورة خيتو
المفروض بيكون فيها مكافأة يكفي اإنا مانتخرج بالأربع سنوات بسبب النظام الفاشل
بس مثل مايقال لاعين رأت ولا أذن سمعت :icon9:

غصون الازهار

2013- 10- 12, 10:18 AM

العفووووووووووووووووو
الله يوفقك يارب

عَناقيدْ الاشتهاءَ

2013- 10- 12, 05:33 PM

محاضره ماده حاضر شعبه 32 رحاب العتيبي ..ايش اخذتو يوم الثلاثاء .. فيه شي مهم قالت اولا؟♥♡

شيخة القبيله

2013- 10- 12, 09:27 PM

مشكورة خيتو
المفروض بيكون فيها مكافأة يكفي اإنا مانتخرج بالأربع سنوات بسبب النظام الفاشل
بس مثل مايقال لاعين رأت ولا أذن سمعت :icon9:

خيتي هو اصلا الدبلوم التربوي تدخلينه بفلوسك مو ذاكره بكم بس غااااااالي

غصون الازهار

2013- 10- 13, 03:52 AM

خيتي هو اصلا الدبلوم التربوي تدخلينه بفلوسك مو ذاكره بكم بس غااااااالي

الدبلوم اذا في معاهد بفلوس

اما الدبلوم التربوي في جامعه الملك فيصل كان اول بفلوس
اما الان صار بدون فلوس تدرسين
خالتي تدرس الان في جامعه الملك فيصل
من 7 الى 9 مسائي
بدون مكافاه

انا واثقه من كلامي لان خالتي تدرس الان في جامعه الملك فيصل
اللي بالاحساء

اما الدمام مااعرف شي عنها

غصون الازهار

2013- 10- 13, 03:58 AM

والدكاتره اللي يدرسون خالتي دبلوم تربوي
الدكتوره منى العيدان
والدكتوره عزه
والدكتوره زينب عبد الرزاق
والدكتور محمود عبد الحي

هذا اللي اتذكر قالت لي يدرسونها

لحن الفراق

2013- 10- 13, 05:45 AM

والله. شي حلو ان بدون فلوس صار
لان انا سمعت ان دراسة الدبلوم في الجامعة بــ 60 الف ريال

بس اتوقع القبول لة شروط معينة اذا بدون فلوس

بالتوفيق للجميع ^_^

حُلمْ !

2013- 10- 13, 12:51 PM

^ يقبلون عالمعدل

غصون الازهار

2013- 10- 14, 08:37 AM

اي يقبلون عالمعدل لان خالتي معدلها 4.22

شيخة القبيله

2013- 10- 15, 10:37 PM

الله ونااسه

ربي يوفق الجميع

حفصه الدوسري

2013- 10- 16, 05:00 AM

ويوفقك يااااااااارب :)

فيونكا فوشيآ

2013- 10- 18, 04:43 PM

#

كم المعدل اللي يقبلونه في الدبلوم التربوي من كم :(

ذآآبحهم عنآآدي

2013- 10- 18, 09:44 PM

بناات بسألكم متى يبتدي الدوام ؟ و اختبار التخصص متى راح يكون ؟

و اللي معي في محاضرة الصحة واللياقة يوم الاثنين الساعة 11:15 عند الدكتورة اماني البطرواي في مبنى 101 متى حددت الاختبار هذا الاثنين او اللي بعدة ؟؟

MiSs Ashley

2013- 10- 18, 10:17 PM

الدوام يبدا الاثنين هذا
اما الباقي ما اعرف ان شاء الله البنات يفيدونك

jweej

2013- 10- 18, 10:40 PM

في انسان جديد اسمه مؤيد .. بدال الدكتور المتوفي ..
(نـحو)

عساااه كوويسس ..!!!

jweej

2013- 10- 18, 10:41 PM

ومتتتتتتتتتتى المُكافآه للمُستجداات .. ..
مَ صااارت
بندخل الششهر الثااالث ولاعطوونا :"(
..؟

Norah9

2013- 10- 20, 12:57 PM

بنات في احد مغيريين له التخصص او لا

لان انا صارت لي ضروف وماقدرت اداوم والحين دخلت الموقع واشوف التخصص متغير

حفصه الدوسري

2013- 10- 20, 09:49 PM

:love080:انا تخصصي ماتغير ان شاء الله البنات يفيدونك
:rose::rose::rose::rose::rose:

حفصه الدوسري

2013- 10- 20, 09:53 PM

السلام عليكم بنات :o
لو سمحتوا شنو البحث اللي تبيه الدكتوره عذاري الشعيبي :o
من كثر البحوث المطلوبه منا من قبل الدكاتره تلخبطت :rolleyes:
وخاصته لان هي تقول لنا مااحاسب على الغياب :)
فانا اغيب عندها :064::064:

ايام السراب 990

2013- 10- 21, 12:00 PM

السلام عليكم

صدق مافيه تحويل لتغيير التخصصات هالسمستر ؟؟

سلطـآنه

2013- 10- 21, 04:19 PM

الا فيه سمعت اليوم يقولون اعلان بالكليه

m.m3

2013- 10- 21, 04:39 PM

بنات منو عندها اعلام اليوم الساعه ١١ وربع لساميه الغزواني ، تكلمت عن البحث والاختبار ولا ؟؟

محمود جعفر

2013- 10- 21, 04:51 PM

اليوو بدا التحويل عندنا احنا الطلاب .. تخصص لعة انجليزية غير متوفر و الباقي متاح .. النموذج خالي من الاشارة الى وجود اختبار لــ دخول بعض التخصصات ! غريبة !

الخميس القادم اخر موعد

سلطـآنه

2013- 10- 21, 07:42 PM

بنات منو عندها مبادىء اداره دكتوره ثريا

مشتااقه

2013- 10- 21, 07:56 PM

انا ادرسها عندها

سلطـآنه

2013- 10- 21, 08:49 PM

متى انتي اي يوم تدرسين عندها

مشتااقه

2013- 10- 21, 09:31 PM

الاربعاء العصر

سلطـآنه

2013- 10- 21, 10:22 PM

الساعه 3 عطيني وقتها واي مبنى واي قاعه ضروري

مشتااقه

2013- 10- 21, 10:38 PM

مبنى 103 يوم الاربعا ساعه3 قاعه 1001

عزوفة

2013- 10- 21, 10:58 PM

بنات الحضارة الاسلامية شعبة 31 للدكتور فتحي يوم الثلاثاء تسع ونص حدد لكم الاختبار والا لا بليييييييز ضروري

MISS BOBO

2013- 10- 22, 02:21 AM

إحنا البنات !
لنا انجليزي و لا غير متاح !

سلطـآنه

2013- 10- 22, 01:13 PM

مشكوره يعطيك الف الف عافيه

مشتااقه

2013- 10- 22, 01:54 PM

مشكوره يعطيك الف الف عافيه

العفوا

رهف12

2013- 10- 22, 05:43 PM

بنـآت مين عندهـآ النظآم الأجتماعي عند الدكتور حمد المري يوم الأثنين
هو حدد الأختبآر ولا مآبعد ..؟

ندى الكون

2013- 10- 24, 09:53 AM

السلام عليكم
كيف حالكم؟
صباح النور

بنات ودي تخدمون هالبنت في هذا الرابط
http://www.ckfu.org/vb/t508116.html (http://www.ckfu.org/vb/t508116.html)

البنت محتاجه هالبحث واانا مو فاضيه اسوي لها
اذا احد يقدر يسويه

وربي بيجزاه كل مايتمناه

رهف12

2013- 10- 24, 01:37 PM

^
وعليكم السلآم
الكل مضغوط ب البحوث + الأختبآرآت
أتوقع في نآس يسوون بحوث بمبلغ تدور ويسونه لهـآ

جنوني ورد

2013- 10- 25, 12:32 PM

ممكن احد يفيدني شنو شروط الانسحاب من مقرر ؟

Norah9

2013- 10- 25, 04:12 PM

ممكن احد يفيدني شنو شروط الانسحاب من مقرر ؟

انك تكوني مسجله اكثر من ١٢ ساعه

jooart3

2013- 10- 25, 05:32 PM

السسلام علييكم

مادة الصوتيات لدكتورة فاتن محجازي وش نذاكر بالكتاب لانو بتجيب رسومات وكذا ومافهمت الباقي.....!
مادة الادب الاموي شعبة31 يوم الاثنين الساعه 9:30 وش اسم الكتاب وشو الاشياء اللي حددها بالكتاب....!
ومادة اخلاق : عبد الله الديرشوري لحد شو الاختبار

وعذرا للاطالة بسس بلييز ساعدوني عندي اختبارات فيهم الاسبوع هذا

السندوس

2013- 10- 26, 02:23 AM

بنات النظام الاجتماعي في الاسلام عند الاستاذة رقية السماعيل
ابغى اسألكم كم درجة على حفظ السورة وقالت انها بتدخل ويانا في الاختبارات او لا

مشتااقه

2013- 10- 26, 07:35 AM

السلام
ابي اعرف هل دكتوره حددت الاختبار ولا لسى!؟
صحه ولياقه_ عند سمر مصطفى
واذا حددته متى بيكون!؟

MNO22

2013- 10- 26, 08:05 PM

بنات تكفون مين عندها مادة إنترنت يوم الأحد الساعه ١١ وربع شعبة ٤٥
انا اخر محاظرة ماحضرت ابي اعرف بكرا فيه اختبار ولا لا
ومين تدرسها مهارات التعلم والتفكير نجوى المصرية وش قالت عن الكتاب والملزمة ،!

مها إبراهيم .

2013- 10- 27, 02:57 AM

السلام
ابي اعرف هل دكتوره حددت الاختبار ولا لسى!؟
صحه ولياقه_ عند سمر مصطفى
واذا حددته متى بيكون!؟

-

هي حددته الاربعاء والثلاثاء
على حسب شعبتك :biggrin:.

مشتااقه

2013- 10- 27, 04:02 AM

-

هي حددته الاربعاء والثلاثاء
على حسب شعبتك :biggrin:.

مشكوره :106: ع رد اهم شي انه مو بكرا

m.m3

2013- 10- 27, 05:37 PM

بنااااات تكفووون منو عندها مدخل الى الاعلام ساميه فيه بكرهه اختبار ولا !!!!

نـآز ♥

2013- 10- 27, 06:44 PM

رشا الجراح , قواعد بيانات , شعبة 40 , الأحد الساعة 11 وربع
أيش أعطتكم اليوم و إيش قالت ؟ الإختبار الأحد الجآي ؟

daliaa

2013- 10- 27, 09:43 PM

بنات الله يعافيكم مادة اخلاق للدكتور حمد المري يوم الاربعاء
حدد الاختبار ولا ؟

توق !

2013- 10- 27, 11:15 PM

بنات تكفون مدخل للاعلام الدكتوره زكيه (السودانيه) حددت الاختبار ولا ؟
يوم الاربعاء الساعه11 شعبه 43 ..
اذا حددته اي وقت والى وين الاختبار :(

d3oii

2013- 10- 28, 07:03 AM

بنات الي تعرف عن ايش اسئلة اختبار التخصص
لعلم الاجتماع او تقدر تذكر لنا كم سؤال
تفيدنا الله يعافيها ويوفقها

نـــونـــي

2013- 10- 28, 08:43 AM

بنات تكفون مين عندها مادة إنترنت يوم الأحد الساعه ?? وربع شعبة ??
انا اخر محاظرة ماحضرت ابي اعرف بكرا فيه اختبار ولا لا
ومين تدرسها مهارات التعلم والتفكير نجوى المصرية وش قالت عن الكتاب والملزمة ،!

ايه أنا عندي انترنت .. قالت الاختبار الاسبوع الجاي بنفس الوقت ونفس القاعه
والاختبار بخمس محاضرات

مغرورهـ

2013- 10- 28, 10:00 AM

بنات الله يعافيكم مادة اخلاق للدكتور حمد المري يوم الاربعاء
حدد الاختبار ولا ؟
م حضر الدكتور :16.jpg:

مغرورهـ

2013- 10- 28, 10:04 AM

بناات الحين نزلو الاعلان لاختبار التخصص ؟!!

daliaa

2013- 10- 28, 11:59 AM

بناات الحين نزلو الاعلان لاختبار التخصص ؟!!
اليوم سووا اعلان عن اختبارات التخصص بس ماسمعتها للاسف من كثر الازعاج
اللي عنده خبر يخبرنا :icon1:

رحب الفضاء

2013- 10- 28, 12:07 PM

اي نزلوا الأعلان في الموقع اختبار علم اجتماع يوم الاربعاء والاعلام الاثنين اذا ماكنت غلطانة

نـآز ♥

2013- 10- 28, 04:44 PM

رشا الجراح , قواعد بيانات , شعبة 40 , الأحد الساعة 11 وربع
أيش أعطتكم اليوم و إيش قالت ؟ الإختبار الأحد الجآي ؟

و هل اسئلة اختبار قواعد البيانات اختياري ؟

توق !

2013- 10- 28, 05:41 PM

بنات تكفون مدخل للاعلام الدكتوره زكيه (السودانيه) حددت الاختبار ولا ؟
يوم الاربعاء الساعه11 شعبه 43 ..
اذا حددته اي وقت والى وين الاختبار :(

بالله محد يعرف !!

نـآز ♥

2013- 10- 28, 06:12 PM

^
انا عندي هالدكتورة يوم الاحد و حددته الاحد القادم :)
بس مدري عن شعبتك !

B e s h o o

2013- 10- 28, 09:09 PM

حبيت اسأل عن مادة الحضارة
الدكتوره فاطمة الزهراء شعبة بكرا الساعه ١١
ما تكلمت عن اختبار و لا شي لاني ما حضرت آخر محاضره

مشتااقه

2013- 10- 29, 02:55 PM

اللي عندها حاضر العالم الاسلامي عند دكتوره نوره العتيبي
محاضرت اليوم
شنهو خذتوا وو اشرت ولا؟؟ ووحدت الاختبار؟! واذا حددته متى؟!
كان عندي اختبار ف ماحضرت المحاضره

وو برامج حاسب مكتبيه متى الاختبار بيكوو ن
عند نوره النعيم شعبه 52

wala

2013- 10- 29, 07:50 PM

اي نزلوا الأعلان في الموقع اختبار علم اجتماع يوم الاربعاء والاعلام الاثنين اذا ماكنت غلطانة

بنات ترا ف الموقع كانوا غلطانين وعدلوه
اﻻختبار العكس علم اجتماع اﻻثنين الساعه 1 في 1-1
اﻻعﻻم الاربعاء الساعه 10في 25-12
وحطوا اعﻻن بالكليه
بالتوفيييق♥♥

المستلجه

2013- 10- 31, 08:27 AM

السلام عليكم ورحمة الله وبركاته

كيفكم آمورآت ..$

استفسار للي عندها الدكتورة رقيه السماعيل مادة نضام اجتماعي

شعبة 30 يوم الاحد الاختبار الى أي فصل او أي صفحة ..؟

نـــونـــي

2013- 11- 1, 02:19 AM

بنات اختبار قضايا ثقافيه معاصره لوفاء الفايز الى اي محاضره؟

سما!

2013- 11- 1, 04:56 AM

إلى التغريب

طاآآآآآلبه

2013- 11- 1, 06:49 AM

سلاااااااااااااااااااااااااااااااااام
لوسمحتو بغيت ملزمة استخدام حاسب للبحوث الاجتماعيه للدكتور مصطفى حسين اللي عن طريق الموقع مابي اشتريها

daliaa

2013- 11- 1, 08:27 AM

دكتور حمد المري اخلاق اسلاميه
ماحدد الاختبار؟

daliaa

2013- 11- 5, 01:46 AM

^^

MISS BOBO

2013- 11- 5, 03:06 PM

بنات كم تاريخ تسجيل المواد في البنر ؟
أنا سمعت انه في صفر بس ابغي التاريخ

لحن الفراق

2013- 11- 5, 03:40 PM

اول ماتنزل الجداول رح يحطون اعلان

مغرورهـ

2013- 11- 5, 06:03 PM

بناااات بسألكم عن مككتب الأمن للبطاقهه الجامعيةة اللي فيها الصورة مثلا وحدة ضاعت عليها او م استلمتهها من العام وين ترووح
شسممةة المكتبه تبع كليه تكون متواجدةة عندهم الملازم ولا
الاسلام وقضايا العلم والتقنيه
الاخلاق واداب المهنه
مدخل اى الاعلام

Yoki

2013- 11- 5, 06:05 PM

بنات كم تاريخ تسجيل المواد في البنر ؟
أنا سمعت انه في صفر بس ابغي التاريخ

يبدأ الأحد 1435/2/5 هـ
يوافق 2013/12/8 م

توق !

2013- 11- 6, 10:44 AM

يعافيكم متى نتائج تحويل التخصص !

نـآز ♥

2013- 11- 6, 04:55 PM

^ قبل ما يفتح البانر لتسجيل المواد للسمستر الجاي

صدفـﮧ

2013- 11- 6, 06:34 PM

بناااات بسألكم عن مككتب الأمن للبطاقهه الجامعيةة اللي فيها الصورة مثلا وحدة ضاعت عليها او م استلمتهها من العام وين ترووح
شسممةة المكتبه تبع كليه تكون متواجدةة عندهم الملازم ولا
الاسلام وقضايا العلم والتقنيه
الاخلاق واداب المهنه
مدخل اى الاعلام

روحي للأمن

ايوه متواجده عندهم الملازم

صدفـﮧ

2013- 11- 6, 06:39 PM

يعافيكم متى نتائج تحويل التخصص !

أحتمال في شهر صفر

والله أعلم

صدفـﮧ

2013- 11- 6, 06:42 PM

بنات كم تاريخ تسجيل المواد في البنر ؟
أنا سمعت انه في صفر بس ابغي التاريخ

تقريباً بنهاية شهر صفر

fatimah.m

2013- 11- 6, 10:18 PM

بنات الله يرضا عليكم حضاره اسلاميه دكتوره فاطمة الزهراء يوم الاثنين اللي راح الساعه 1 عطتكم محاضره ؟؟

لان كان في القاعات اختبار علم الاجتماع تحويل التخصص ورحت اختبر وطلعت مارحت اسألها

فيه اختبار اسبوع الجاي والا مراجعه او شي والا لا ؟؟

صدفـﮧ

2013- 11- 7, 05:56 AM

بنات الله يرضا عليكم حضاره اسلاميه دكتوره فاطمة الزهراء يوم الاثنين اللي راح الساعه 1 عطتكم محاضره ؟؟

لان كان في القاعات اختبار علم الاجتماع تحويل التخصص ورحت اختبر وطلعت مارحت اسألها

فيه اختبار اسبوع الجاي والا مراجعه او شي والا لا ؟؟

روحي سألي الدكتورة بنفسج أفضل

هالوقت كله اختبارات

اميرة الجوري

2013- 11- 10, 05:40 PM

بنات
اللي عندها النظام الاجتماعي
عند الدكتور حمد المري
شعبة يوم الاثنين
متى الاختبار الشهري ..؟

نـــونـــي

2013- 11- 10, 10:04 PM

بنات مين عندها ايميل الدكتور عبد الله الملحم ؟
واللي عندها اي ماده عنده بكره تقولي متى وأي قاعه ؟
ضروري بنات

طموحها

2013- 11- 11, 12:28 PM

انا عندي الايميل
تفضلي
aimulhim@kfu.edu.sa

نـــونـــي

2013- 11- 11, 05:16 PM

انا عندي الايميل
تفضلي
aimulhim@kfu.edu.sa

مشكوووووره حبيبتي جعلك تتوفقين بحياتك وبدراستك وتاخذين a بكل موادك ويعطيك الصحه والعافيه والله يقويك لكل خير يارب يارب يارب

دنيا خذت فرحي

2013- 11- 12, 08:11 PM

بنات مين عندها اختبار بكره لمادة النظام الاقتصادي للدكتور طارق عثمان

السندوس

2013- 11- 13, 07:39 AM

صباح الخيرات بنوتات
ابغى طريقة الدخول لجدول المواد من موقع الجامعة >> طبعا مواد التسجيل مو الجدول الدراسي

غصون الازهار

2013- 11- 13, 12:23 PM

http://bannerinb.kfu.edu.sa/KFU/ws?p_trm_code=143410&p_col_code=74&p_sex_code=12

m.m3

2013- 11- 13, 04:17 PM

بنات كيف اسئلة عايشه الجندي في قراءه ومحادثه

سهله ولا ؟؟

وكم سؤال تسال تقريبا

وتسال الاشياء الاساسيه بس ولا تجيب من بين السطور ؟؟

وشكرا

دنيا خذت فرحي

2013- 11- 15, 05:17 AM

السلام عليكم
بنات اقدر اغير تخصصي_متى وكيف

ذآآبحهم عنآآدي

2013- 11- 17, 06:26 AM

بنااات اللي عندها يوم الثلاثاء قراءه ومحادثة عند الدكتوره ايمان تقولي في ايش الاختبار بالضبط

و اللي عندها يوم الخميس نظرية المعرفة الساعة 3 العصر ، الاختبار اي يوم ؟

حُلمْ !

2013- 11- 17, 07:17 AM

^
نظريه المعرفه الاختبار تاريخ 24 /1 ، بعد اسبوع :smile:.

والملزمة اليوم بتنزل في مكتبة الابرار

إيقاع الغلا

2013- 11- 17, 07:45 AM

بنات في احد يداوم اليوم ؟؟؟!!

مشتااقه

2013- 11- 17, 08:26 AM

نداوم ولا عندي اختبار!؟

neno..

2013- 11- 17, 02:28 PM

http://www.kfu.edu.sa/ar/Lists/KfuNews/DispForm.aspx?ID=2258

تصريح رسمي

نظراً للظروف الجوية التي تمر بها محافظة الأحساء، ولتحقيق المصلحة العامة، فقد وجهت إدارة جامعة الملك فيصل جميع الكليات اليوم الأحد 14/1/1435هـ بمراعاة الطلبة ممن لم يستطع الحضور بسبب الأمطار، بأن يتم تعويضهم بمحاضرات أخرى، أو من خلال الساعات المكتبية مع عدم احتساب غيابهم، وكذلك يتم التنسيق لإعادة الاختبار لمن لم يتمكن من حضوره. والله ولي التوفيق.

من موقع الجامعه

ذآآبحهم عنآآدي

2013- 11- 18, 12:34 AM

يعطيك العافيه حلم ♥

طموحها

2013- 11- 18, 11:40 AM

بنات مين عندها
إنترنت واتصالات
اليوم الساعه ٧ونص
شعبه ٣٦
مبنى ١٠٣
تحت ناسيه اسم القاعه الدكتوره اسمها اماني او زينب الشربيني
حظرت ولا وايش اخذتوا تحياتي

MISS BOBO

2013- 11- 18, 02:26 PM

بنات حابة اسأل عن افضل الدكاترة لهذه المواد
- فقه السيرة
- التلاوة و التجويد
- قضايا ثقافية معاصرة
- التذوق الأدبي
- النحو التطبيقي (2)
- اللغة الانجليزية قراءة
- اللغة الانجليزية كتابة
- مدخل الى الاعلام
- مبادئ الإحصاء

عزوفة

2013- 11- 18, 05:00 PM

بنات مين تدرس حضارة اسلامية عند الدكتور فتحي
كيف طريقة اسئلته موضوعيه او مقاليه وسهله والا صعبة

بليييز ردو علي بكرة اختباري

باسيل

2013- 11- 18, 06:03 PM

بنات اليوم كيف الدوام وطرق زفت ولالا

مشتااقه

2013- 11- 18, 06:10 PM

[quote=miss bobo;9832382]بنات حابة اسأل عن افضل الدكاترة لهذه المواد
- فقه السيرة خذتها عند رقيه اومباركه بوجبل متذكر شرح واسئله رووعه بمعنى كلمه
- التلاوة و التجويد حطوها لي عند منيره الشودري مب حلوه متشدده في كل شي
- قضايا ثقافية معاصرة جطوها لي عند شيخه الحمادي شرح واسئله وحفظ
:(204):( عطتنا قضايا وعقيده مع بعض)
- التذوق الأدبي عند لطيفة الجعفري متشدده واسئلتها مو موضوعيه وتسئل عن درس
- النحو التطبيقي (2) آمال البدري افضل دكتوره
- اللغة الانجليزية قراءة _
- اللغة الانجليزية كتابة _
- مدخل الى الاعلام خذتها عند عبد الحليم (وابتعدي عنه ميح مانفهم له ) وغيروه لنا
- مبادئ الإحصاء اخذتها عند احلام الملحم :(204): شرح واسئله

اتمنى افدتكـ

باسيل

2013- 11- 18, 06:11 PM

بنات اليوم كيف حضور الطالبات

نـــونـــي

2013- 11- 18, 07:54 PM

اليوم الحضور كويس
يعني تقريبا كل محاضره كان فيها أكثر من نص عدد البنات

جوهره القصر

2013- 11- 18, 09:18 PM

بنات اللي عندها امتحان وماتقدر تحضر

تتوقعون المطر يكون عذر مقبول للاعادة

وبكرة في دوام ؟؟

واليوم الدكتورات حضرو؟؟

فلسفة خفوق

2013- 11- 18, 09:30 PM

ترى فيه دوام اليوم لانو احنا ماكانت لنا اجازة :(269):
وعدد المداومات كثير :sm1:
والوضع طبيعي :sm5:
ف اللي عندها محاضرات مهمة واختبارات لاتفوتها :sm4:
وماندري ع حسب الاوضاع بكرا ايش بتكون :icon9::verycute:
يوم الاحد كان مطر قوي ومحد داوم حتى موقع الجامعة نزلو تصريح بغياب الطالبات وانو اللي عندها اختبار وماتقدر تجي بسبب المطر يحتسب لها عذر :106:
بس ماندري عن بكررة هالكلام كان الاحد :tongue:
وانتو شوفو الاوضاع الصباح كيف اذا كان الجو هادي داومو افضل :sm4::004:

littlestar

2013- 11- 18, 09:46 PM

يوم الثلاثاء اجازة عشان المطر والجو رطب :Cry111:

هيات

2013- 11- 18, 10:33 PM

من قال فيه اجازه بكره ماتوقع يمكن للمدارس بس مع الاسف

طموحها

2013- 11- 18, 11:02 PM

طبعا بنات الكليه والجامعات من كوكب اخر مو بشر
اتمنى مكتوب تعليق دراسه في جامعه فيصل
صحيح عندي اختبار هههههههههههههه بس مو عشانه لان دوامي طوييل من سبع ونص الى ٣ يدبل الكبد
وغير كذا ياخي الطريق طويل غير كذا عادي مافي اشكال تعودنا بس اشفطوا المويا وندوام اهم شي اشفطوا هههههههههه
المهم ترا جد الوضع يقهر واللي يقهر زوود السرعه الجنونية ١٢٠ مع اني ما اخاف وعادي بس البنات اللي في الباص يخافون
غير كذا اكثر من مرا كان راح يحصل حادث
على الاقل دوام الصباح اخلو الشاحنات من الطريق
وخلوها من فتره العصر

طلعت كل اللي بخاطري
وتعوذا من إبليس ونامو
لو يقلون بركان في السعوديه جامعتنا ما تتعلق
تصبحون على خير
ودوام جميييل بصباح نقي

B e s h o o

2013- 11- 18, 11:34 PM

صدق ياخي حنا ايش مو بشر ما نتأثر و تلاقين اغلب الطلاب
مدارسهم عند بيوتهم حنا احق حنا اللي جامعتنا بآخر الدنيا
غير اللي يجون من مناطق بعيده بس الشكوى لله .

B e s h o o

2013- 11- 18, 11:35 PM

صدق ياخي حنا ايش مو بشر ما نتأثر و تلاقين اغلب الطلاب
مدارسهم عند بيوتهم حنا احق حنا اللي جامعتنا بآخر الدنيا
غير اللي يجون من مناطق بعيده بس الشكوى لله .

ريميه الشرقيه

2013- 11- 19, 12:03 AM

من عندها حساب اﻻستاذ عبدالله الملحم بالتويتر

باسيل

2013- 11- 19, 12:46 AM

المشكله الدكاترة مايغبون رغم خطورة المطر والشوارع الغرقانه انا من منطقه بعيده البقيق رفضت باصات تممشي ﻻن شولرع منطقتنا متضرر وﻻ نقدر نروح للجامعه والبنات لو يتفقنا يغيبون كلهم صدقون يتادبون الجامعه ويعطون اجازة

ذآآبحهم عنآآدي

2013- 11- 19, 03:23 AM

كل الجامعات في المملكة تعلق الدراسة بـ مطر او بدون مطر الا جامعة فيصل كلية الاداب

فـ اللي تبي تسحب يكون افضل

طموحها

2013- 11- 19, 06:08 AM

قايله لكم تحلمون
والله لو الجامعه فيها كفرات وهجت مافي تعليق الحقوها بسياره ههههههههههههههههههههه

الجو اليوم جمييل بس الشوارع تبكي
يالله لبسوا وتكشخوا وحفروا ابتسامه في الخشش الجميله وداومو ا
وراح أعطيكم اجازه يوم الجمعه والسبت تبونهم ولا اسحبهم :biggrin:

wala

2013- 11- 19, 07:14 AM

بنات الجامعة رجعوهم ماكو دووام

MiSs Ashley

2013- 11- 19, 08:02 AM

بنات ممكن تقولون لنا اذا في دكاتره معتذرين

باسيل

2013- 11- 19, 08:06 AM

لو كل دكتورة تكتب اعتذارة وترسل لنا كان مادومنا ع فاضي رشا الجراح قواعد البيانات دوامت وﻻﻻﻻ

فجر القحطاني

2013- 11- 19, 08:55 AM

اللي عندهم تلاوه و تجويد عند الأستاذه شيخه الحمادي بتداموا ولا لا

N O R A N

2013- 11- 19, 01:07 PM

بنات حاضر العالم الاسلامي شعبة 37
حضرت استاذة مريم النعيم ؟؟ حددت متى الاختبار ؟؟

هيات

2013- 11- 19, 03:08 PM

اختبار حاظر العالم الاسلامي يوم الاربعاء الساعه 11 وربع دكتور بس ماعرف اسمه
اذا الدكتور اجل الاختبار ياليت حد يقول؟ ؟
صارلي يومين اروح بس عشان الاختبارات وتطلع فالنهايه ماجلينها مشوار ساعه كامله حرااام !!!

باسيل

2013- 11- 19, 05:04 PM

شيخه الحمادي شفته تختبار بنات التجويد يوم اﻻحد

عَناقيدْ الاشتهاءَ

2013- 11- 19, 06:25 PM

الاحصاء شعبه35 فاطمه الصالح.. وش اخذتوا.. فيه شي مهم؟

باسيل

2013- 11- 19, 08:09 PM

بنات صجيح طاح سقف بالكليه

سلطـآنه

2013- 11- 19, 08:49 PM

من قال انه طاح

مشتااقه

2013- 11- 19, 09:46 PM

مو كليتنا اللي طاح السقف فيها يقولو في الدمام _ والله العالم

سما!

2013- 11- 19, 09:54 PM

اي بدمام

سما!

2013- 11- 19, 10:02 PM

التماس بالكهرب اليوم بمنى 102 الله يحفظنا

N_A_

2013- 11- 19, 10:08 PM

بنات حابة اسأل عن افضل الدكاترة لهذه المواد
- فقه السيرة
- التلاوة و التجويد
- قضايا ثقافية معاصرة
- التذوق الأدبي
- النحو التطبيقي (2)
- اللغة الانجليزية قراءة
- اللغة الانجليزية كتابة
- مدخل الى الاعلام
- مبادئ الإحصاء

التلاوة لا تاخذين عند مس رقية السماعيل دقيقه جدًا
النحو عند مس آمال البدري :004:
الكتابة والقراءة خذتهم عند مس ماجدة ولا أسهل :biggrin:
الاحصاء فاطمة العباد شرح وافي الله يوفقها :004:

سلطـآنه

2013- 11- 21, 12:07 AM

بنات ابي محاضرات مبادى ء ااالاداره لدكتوره ثريا الله يخليكم اللي تقدر تنزلهم هنا لاني ماقدر افتحهم بليز

باسيل

2013- 11- 21, 12:51 AM

بنات بدوامنا بكرا

غصون الازهار

2013- 11- 21, 07:21 AM

التماس بالكهرب اليوم بمنى 102 الله يحفظنا

الله يحفظكم يارب :

mnayer

2013- 11- 21, 08:13 AM

بنات تسجيل المواد الفصل الثاني متى

رهف12

2013- 11- 21, 12:58 PM

بنات
الي مقدمه طلب انسحاب من مقرر تشيك على جدولها وتطبعه إذا تم حذف الماده
الى اخر السمستر ولين تنزل كل الدرجات وحافظوا على اوراق الانسحاب بعد

صارت اكثر من مرا بنات مقدمين على طلب الانسحاب
و انحذفت الماده لما جا اخر السمستر نزلت لهم f

حافظو عليهم عشان تقدرون تراجعونهم لو صار شي يرفع الضغط زي كذا

ثآنويه متخرجه

2013- 11- 21, 04:41 PM

الجداول تأخرت ودنا نرتب لنا الجداول

مها إبراهيم .

2013- 11- 21, 04:51 PM

-

احد عنده اختبار علم اجتماع !
الدكتور حبيب كشيده الدرويش ؟

باسيل

2013- 11- 21, 06:05 PM

دكتورة وفاء خضير فقه المواريث دوامت ولالا ودكتور احمد محمود صالح قضايا وفقه النوازل دواموا ولالا

حُلمْ !

2013- 11- 22, 07:39 AM

الجداول تأخرت ودنا نرتب لنا الجداول

التسجيل بعد اسبوعين ف اتوقع الجداول تنزل بعد اسبوع :16.jpg:

جنوني ورد

2013- 11- 22, 09:57 AM

ااذا تسجيل المواد بعد اسبوعين
متى بينزلون نتائج التخصصات :(
تأخروآ اللي عندها علم تفيدناا متى ؟

حُلمْ !

2013- 11- 22, 10:36 AM

اكيد بتكون قبل التسجيل

يمكن هالاسبوع او اللي بعده

ذآآبحهم عنآآدي

2013- 11- 24, 10:27 AM

بنات من عندها نظرية المعرفة يوم الخميس الكتور متى حدد الاختبار اي يوم بالضبط؟

مها إبراهيم .

2013- 11- 24, 02:24 PM

-

استاذه الهام الغنام !
حضرت اليوم محاضره القراءه والمحادثه ؟
+ اختبار العقيده عند استاذه مها السويلم حددته ؟

شكرًا .

محمود جعفر

2013- 11- 24, 10:11 PM

ياجماعة اذا الواحد تخصص في تخصص معين و درس كم مادة من التخصص و غير تخصصه ! هل تحذف المواد مباشرة حتى تاثيرها من المعدل و السجل الاكاديمي و لا لا ؟!

Reem22

2013- 11- 25, 12:02 PM

بنااااات منو عنده اليوم
تلاوه وتجويد منيره الشودري الساعه سبع ونص
حضرت؟!؟!

نـآز ♥

2013- 11- 25, 02:36 PM

بنات !
من عندها إيميل د جميل بني سلامة ؟

سلطـآنه

2013- 11- 25, 07:12 PM

بناات ابي محاضرات ا لدكتوره ثريا البنيان لو سمحتوااا نزلوها هنا يعطيكم الف الف عافيه

نـآز ♥

2013- 11- 25, 07:20 PM

الجدول المقترح
http://www.kfu.edu.sa/ar/Colleges/arts/Lists/kfuAnnouncements/DispForm.aspx?ID=97

جنوني ورد

2013- 11- 25, 08:49 PM

ياجماعة اذا الواحد تخصص في تخصص معين و درس كم مادة من التخصص و غير تخصصه ! هل تحذف المواد مباشرة حتى تاثيرها من المعدل و السجل الاكاديمي و لا لا ؟!

شلون يعني تاثر ف المعدل لو تغير التخصص ؟
وانحذفت مواد التخصص اجل لويش ندرسهها عشان ترفع المعدل واذا حولنا يتغير المعدل
لا ماظن تاثر ع المعدل ياليت احد يفيدنا بجد احتست

jumanh

2013- 11- 26, 12:33 PM

السلام عليكم
لو سمحتوا في احد يعرف متى اختبار الصحه واللياقه للبنات الغايبين ؟

سلطـآنه

2013- 11- 26, 01:00 PM

بنات احد عنده مبادىء الاداره

مشتااقه

2013- 11- 26, 04:53 PM

بنات احد عنده مبادىء الاداره

انا عندي واذا ع العروض حطيتهم لك في موضوع الثاني

صدفـﮧ

2013- 11- 26, 09:22 PM

السلام عليكم
لو سمحتوا في احد يعرف متى اختبار الصحه واللياقه للبنات الغايبين ؟

وعليكم السلام
الاختبار الاسبوع الجاي
بس مو متأكدة من اليوم
اتوقع يوم الثلاثاء

فداك روحي

2013- 11- 26, 10:05 PM

بنات في اختبار لمادة حاضر العالم للدكتور مجدي حشيش بكرا والا ؟؟

يارب وحدة ترد

مُتمرده

2013- 11- 27, 12:02 AM

السلام عليكم
لو سمحتوا في احد يعرف متى اختبار الصحه واللياقه للبنات الغايبين ؟

بعض البنات يقولون ماحددت للحين يعني احتمال الاسبوع الجاي
لأني سألت الدكتوره اماني قالت بسبب الامطار كثير ما داوموا و ماقدرت
تقول لهم متى يكون إن شاء الله على الأسبوع الجاي بتختبر الغايبين بس ياليت
تسألي اللي تدرسك افضل عشان تتأكدين اكثر :004:

Yoki

2013- 11- 27, 06:26 AM

المشاركة الأصلية كتبت بواسطة محمود جعفر http://www.ckfu.org/vb/ckfu.org_2013/buttons/viewpost.gif (http://www.ckfu.org/vb/t490907-post9869699.html#post9869699)
ياجماعة اذا الواحد تخصص في تخصص معين و درس كم مادة من التخصص و غير تخصصه ! هل تحذف المواد مباشرة حتى تاثيرها من المعدل و السجل الاكاديمي و لا لا ؟!

لا ما تحذف المواد و لا يتغير شيء في المعدل .
شلون يعني تاثر ف المعدل لو تغير التخصص ؟
وانحذفت مواد التخصص اجل لويش ندرسهها عشان ترفع المعدل واذا حولنا يتغير المعدل
لا ماظن تاثر ع المعدل ياليت احد يفيدنا بجد احتست
ما في شيء ينحذف أبد
لا مواد تخصصك القديم و لا المعدل
ما يتغير شيء تكملون دراستكم عادي بس بمواد جديدة

مُتمرده

2013- 11- 28, 02:38 AM

بنات اللي عندهم فقة السيرة عند وفاء الجعفري
الساعه 9 ونص يداومون ولا لا

نـآز ♥

2013- 11- 29, 08:33 PM

بنات !
مين عندها رابط الموضوع الي فيه شرح تسجيل المواد لكليتنا ؟

السندوس

2013- 11- 30, 03:44 PM

بنات الدكتورة شيرين انجليزي كتابة يوم الاربعاء محاضرة سبع ونص
اختبرتوا الكوز او اجلته الدكتورة
كمان بسألكم مااشوفها تتكلم عن الاختبار النصفي او ماكو اختبار كله كوزات !

دنيا خذت فرحي

2013- 11- 30, 06:24 PM

بنات فتح طلب زائر وإلا لسى

مُتمرده

2013- 11- 30, 08:30 PM

بنات اللي عندها ريم القحطاني التذوق الادبي جات ولا لا
اختبرت البنات ولا لا ؟
صار لها فتره ماداومت و مدري هل داومت هالاسبوع ولا ماداومت

Eman ALnasser

2013- 11- 30, 08:51 PM

بناتت نزلو نتايجج تغير التخصص ؟؟؟:rolleyes:

MISS BOBO

2013- 12- 1, 03:06 PM

بنات

بعض المواد ما شفتها في الجدول الجديد لتسجيل المواد
مع انها موجودة في الخطة للسنة العامة

انقذوني ، اول مرة أسجل مواد :(
:icon9::icon9:

غ ــــلآ

2013- 12- 1, 03:20 PM

بنات !
مين عندها رابط الموضوع الي فيه شرح تسجيل المواد لكليتنا ؟

http://www.ckfu.org/vb/t447178.html

هذا هو بس غيري روابط لأن الرابط اللي موجود للفصل الأول

يامستجدات ادخلو به بيفيدكم إن شاءالله

دنيا خذت فرحي

2013- 12- 1, 08:11 PM

من وين اخذ الخطة الدراسيه لقسم الجغرافيا

مُتمرده

2013- 12- 1, 08:35 PM

خطة قسم الجغرافيا (http://www.kfu.edu.sa/ar/Colleges/arts/departments/Pages/GEO.aspx)
خطة قسم التاريخ (http://www.kfu.edu.sa/ar/Colleges/arts/departments/Pages/His.aspx)
خطة قسم الدراسات الإجتماعيه (http://www.kfu.edu.sa/ar/Colleges/arts/departments/Pages/SOI.aspx)
قسم الدراسات الإسلاميه (http://www.kfu.edu.sa/ar/Colleges/arts/departments/Pages/StudyPlans1.aspx)
قسم اللغة العربية (http://www.kfu.edu.sa/ar/Colleges/arts/departments/Pages/ARBsup2.aspx)
قسم اللغة الانجليزية (http://www.kfu.edu.sa/ar/Colleges/arts/departments/Pages/ENGsup3.aspx)
قسم الأعلام و الأتصال (http://www.kfu.edu.sa/ar/Colleges/arts/departments/Pages/it-deptPlans.aspx)

موفقات يارب

حفصه الدوسري

2013- 12- 1, 08:41 PM

بنات لو سمحتوا اي من المادتين اسهل
التكتلات الاقتصاديه للدكتوره ساميه الشرقاوي
او تاريخ ال علاقات والمنظمات والدول للدكتور نضال المومني
بناااااات جاوبوني الله يوفقكم