انتبهو .... والله الجامعة مالها امان !!!!

[X_5]

السلام عليكم دار قومً مؤمنين :biggrin:

كيفكم شخباركم شعلومكم شمسوين

مين الي ختم ام الجامعة :biggrin:

المهم خويي في قسم التربية وهذا اخر ترم له ويتخرج

صار معاه مشكله تعارض بسبب ان الجامعه غيرت الجدول ( التحديث الجديد)

الحين باقي له 18 ساعه ويتخرج وعنده تعارض ماده

وسجل 16 ساعه وراح للجامعه وحاول فيهم يحلون مشكلته

وقالو له سجل موادك واترك الماده الي فيها تعارض للترام الجاي ونشوف لك حل

قال لهم الحين علموني عشان اكون على بينه

الززززبده ما طلع معهم بنتيجة

معقولة يتاخر ترم كااااااااامل عشان ماده ساعتين ؟؟؟؟

وربي قههههههههههر :mad::mad::mad::017::017::017:


انا اناشد اوباما والمجتمع الدولي ومجلس الامن بتوجيه ضربه عسكريه عاجله لجامعة فيصل عقاب لهم على تلاعبهم بالطلبة :007:


انتبهو حاولو تمشون على الخطه قد ما تقدرون بالذات الي قريبين من التخرج .. والله الجامعه مالها اماااااااااااان

[l a v e n d e r]

:42::18:

[بو شـوق]

أنصحك بتغيير الكلام

[cocktail]

^
^
ليش هههههههههههههههههههههه
لا يكون صدقت ان اوباما بيرسل سرب طائرات تايفون خخخخ


ي رجال الجامعه ذي نحتسب الاجر معهم

[شموخ & انسان]

كوجهة نظر
اولاً كان الله في عون صاحبنا وإن شاء يكون قد وجد حلاً

ثانياً نصيحة للجميع حاولو أن تكون اختياراتكم بالمقررات إن امكن طبقاً للخطة الدراسية حتى يتفادى الوقوع في أخطاء الغير

وفقنا الله لكل خير

[نُـوْوتْ]

الله يستر ماأخذ سمستر كامل على مهارات الإتصال .. ناويتها الترم الجاي :9:

[ǺĽ ẕeeห]

طيب اين المشكله في ذلك ؟؟

تبقى له ماده و ياخذها بترم كامل عادي جدآآ جات على ماده وحده يعني ؟

مدري ؟ لكن م اشوف ان في مشكله بالسالفه للحين

هم نزلو الجدول و فتحو باب تسجيل المواد و سجلنا و تغير الجدول و عطونا خبر و فتحو التسجيل مره اخرى "
و اتاحو لنا فرصه للحذف و التعديل "

يمكن خويك ماكان يمشي على الخطه الدراسيه بقسم التربيه عشان هيك طلعت له ماده " فيها تعارض
مايخالف ياخذها بعدين مافيها شي "

:42:

[X_5]

طيب اين المشكله في ذلك ؟؟

تبقى له ماده و ياخذها بترم كامل عادي جدآآ جات على ماده وحده يعني ؟

مدري ؟ لكن م اشوف ان في مشكله بالسالفه للحين

هم نزلو الجدول و فتحو باب تسجيل المواد و سجلنا و تغير الجدول و عطونا خبر و فتحو التسجيل مره اخرى "
و اتاحو لنا فرصه للحذف و التعديل "

يمكن خويك ماكان يمشي على الخطه الدراسيه بقسم التربيه عشان هيك طلعت له ماده " فيها تعارض
مايخالف ياخذها بعدين مافيها شي "

:42:

المشكله ان قهر اتأخر 6 شهور عشان ساعتين

والخطأ من الجامعه

كان جدول التربيه وخطتهم موجوده من زمان مو مثلنا توهم نزلوها لنا الترم اللي راح

فالناس كان يمشون على حسب الجدول الي راسمينه حتى التخرج

لان كل شي موجود جداول الاختبارات والخطه الدراسية

ويمكن لان انتي 24 ساعه بالبيت وتبين شي يلهيك وعادي حتى لو درستي 6 سنوات

انا وغيري ما اقدر اتحمل اتاخر شهر واحد

انا لو بداله تحصليني بخبر عاجل بالعربية :4:

[X_5]

أنصحك بتغيير الكلام

جالس ارجف ما قدرت اغير كلامي

خلي الرجفه تروح وابشر

[ابن الشام]

خل أوباما ينفعك . ياأخي المزح مقبول إلا في سيادة الوطن 0

[زامل الشهراني]

الله يوفق الجميع

يرسل المشكلة للفريدان على التويتر

وإن شاء الله تنحل المشكلة


...

[ابو عشوان]

الله يجزاك كل خير


هذا حنا حسنا الترم هذا على شان ناخذ المتاخر علينا
وربك يستر

[noufa_london]

اشووا حسبت فيه شي كذا ولا كذا بالجامعه :42:


الله يسهل له ان شاءالله وتعدي 6 شهور على خير :1:

[فيصل الصالح]

اوباما متمشكل مع بشار الاسد الحين

يقول بس افضى من بشار راح يجيك يشوف مشكلت خويييك :42::42::42::42:

[kaadii]

ههههههه x
الله يسعدك ياشيخ مضحكني الا ردك جالس ارجف
اما موضوع الجامعه الله يعينه خوييك من جد شي يقهر
المفروض الجامعه منزله الخطه الدراسي ومعها الجدول
مو.بعد كم سنه تجي تنظم وترتب والطلاب اللي ينظلمون فيها

[SSuper CClever]

طيب اين المشكله في ذلك ؟؟
مايخالف ياخذها بعدين مافيها شي "

:42:


وش اللي ما يخالف ما يخالف !!! ؟

والله انا يمكن انجلط لو اجلس 6 شهور عشان مادة

لاااا و ام ساعتين بعد


برايفت صاحب الماااضوووع :
قل لصويحبك ذا يشكي عليهم إلين يعرفون ان الله حق ...... إلى الأمام :20:

[arij]

مرحبا بكم..

الله يعين خويك ..

انا عن نفسي لم امشي على الخطة تماماً
وان حصل لي مثله لن ابالي بالامر ابداً رغم اني مو فاضية لهم بصراحة

بس كم يقال كل تأخيره فيها خيرة..

واحنا لو تأخرنا بالتخرج راح تفوتنا الوظيفة مثلاً..:42:

عادي جداً جداً ولا داعي للقلق..:29:

[X_5]

الله يوفق الجميع

يرسل المشكلة للفريدان على التويتر

وإن شاء الله تنحل المشكلة


...

راح لعنده ما حل المشكله تبيه يحلها بتويتر :biggrin::biggrin:

[X_5]

خويي فصل واشتغل في كشك في البطحاء يبيع سيديات مسروقه :biggrin:

[the_nawwaf]

خل أوباما ينفعك . ياأخي المزح مقبول إلا في سيادة الوطن 0
ههههههههههه
اللحين تعتب ع الرجال يوم قال أوباما (وهو واضح انه يمزح) وانت اسمك ابن الشام؟!

[فريالووو]

الله يستر،،
يخوفي تصير معي هالحركة والله جد قهر :cheese:

[мάђяά ♥]

والله انه شي يدبل الكبد ترا انا بمر بنفس حالته :icon9:
المفروض اتخرج نهاية هالسنه بس عندي مادتين تتعارض مع المواد
فبضطر اني ازيد ترم على مادتين لاني كل ماجيت اسجل هالماده
تصير تتعارض مع ماده ثانيه يعني كذا ولا كذا ماراح نتخرج بهالسنه

الشكوى لله انا غاسله ايدي منهم مابيحلون لك شي يعني
لاتتعب نفسك لانك مهما تكلمت واشتكيت ماراح يسون شي :(177):

[wa7at]

عشان كذا الاترام الصيفيه تحل مشكله التعارض