بخصوص الكتب؟؟

[*الماسه*]

السلام عليكم

بما اني جديده ...كل شوي بينط عليكم سؤال مغبر

الحين طلاب الانتساب لازم يشترون كتب ؟؟؟؟والا من وين يدرسون الماده؟؟؟يعني اللي في المحاضرات يكفي؟؟

ولو كان فعلا ملزمين بكتب ....كم يكلفنا شراء الكتب،،،،,<<< :38:

[واثقة بوعد ربي]

عليكم السلام

وانا اختي كمان جديده وحابه اعرف؟؟؟
انشاء احد يفيدنا...
اختي انتي من وين؟؟؟

[ح ــنين..]

وعليكم السلام ورحمة الله ..

هلا ب الجدد..:42:

على حسب دكتور الماده ..
البعض يطلب كتاب والأغلب لا يكتفي بالمحتوى اللي هو ينزله ..

طبعاً المحتوى .. موجود في بعض المكاتب ..
وإذا ماتوفر ..تطبيعينه من المواضيع اللي ينزلونها الطلاب ..

لاتشيلين هم الأمور سهالات إن شاء الله..

[واثقة بوعد ربي]

تسلمي اختي

يعطيع العافيه...

[*الماسه*]

الله يعطيكم العافيه

انا من سكان الخبر:34:

[hloleh]

الله يسهلهااا البدايه داايما تجيب العيد بس بالاخير نفهمها ونكون في القمه :21:

[عزيز مجد]

ألي يبي مايفوصه ولا نصف درجه يشري كتب

انا معتمد على الملخصاات والمحاضرااات والمحتوى

[حزراوي]

إن شاء الله
كل شي يكون تمام

[إبو هلا]

والشباب اللي متوفر عنده لإدارة الاعمال لا يبخل علينا وله جزيل الشكر

اللي في الخبر والظهران والدمام فقط يرسل رقمه ع الخاص واجيه للبيت ويضبط القهوه والشاي والملخصات

ترا الرسميات ما احبها عشاء وغداء

اذا فيه شي خفيف على الطاير لا مانع

اسمحيلي يالماسه على المداخله
موفقين ويعطيكم العافيه

[علاوي السعدون]

الله يعطيكم العافيه

انا من سكان الخبر:34:

داممك بالخبر ي خيه

فيه مكتبة فجر الي بالدمام مقابل كلية الدمام عندها جميع الملخصات والمحتويات ولكن لاتستعجلين توالناس عليهم

احس ان هالمكتبه ارتب شي ,, انا من سكان الحسا ولكن دايم اخذ من مكتبة فجر

[إبو هلا]

داممك بالخبر ي خيه

فيه مكتبة فجر الي بالدمام مقابل كلية الدمام عندها جميع الملخصات والمحتويات ولكن لاتستعجلين توالناس عليهم

احس ان هالمكتبه ارتب شي ,, انا من سكان الحسا ولكن دايم اخذ من مكتبة فجر

علاوي خربت علينا نبي ملخصات بلاش ومعها فنجان قهوه 😁

أشكرك على المعلومه

[دودي107]

أنا بعد من سكان الظهران .... حايسه مو فاهمه شي

[علاوي السعدون]

أنا بعد من سكان الظهران .... حايسه مو فاهمه شي

اختي مكتبة فجر كويسه لاهل الدمام والخبر والظهران والي قريب منهآآ ..

مقابل كلية البنات بالدمام

[دودي107]

تسلم علاوي..طيب يسلموا...طيب حبايبي أنا عندي فكره ... ليه مانسوي قروب بالواتس أب أو البيبي ونتواصل فيه ونعرف كل جديد ...يعني أي أحد عنده معلومه جديده يفيدناااا ....

[دودي107]

يعني أقصد مثلا الواحد يكون مشغول أو مو حول اللاب ...ف يكون في ناس تذكره:7:

[₣A₣ă]

يعني أقصد مثلا الواحد يكون مشغول أو مو حول اللاب ...ف يكون في ناس تذكره:7:
ياليت حلوووه فكرتك :21:

[حمد البريت]

فكرة حلوة جدا التواصل والقروبات انا اييد الفكره

[دودي107]

طيب يلله ... كيف ناخذ أرقامكم ؟؟؟للي يبي طبعا .... وكل شي بحد الدراسه وبس يعني محد يتعدى الخطوط الحمرا:36:أصلا أنا محتاسه وأبي أحس أن أحد معي

[فهد العنزي9999]

وأنا معكم ضموني ضمن القروب رقمي جاهز

[دودي107]

طيب كيفف ناخذ أرقامكم أنا ماعرررف للمنتدى مره ؟؟؟

[علاوي السعدون]

تسلم علاوي..طيب يسلموا...طيب حبايبي أنا عندي فكره ... ليه مانسوي قروب بالواتس أب أو البيبي ونتواصل فيه ونعرف كل جديد ...يعني أي أحد عنده معلومه جديده يفيدناااا ....


ربي يسلمك خيه ..
شكراً

[elham'S]

قروب وين تحطونه واتساب كنت قاعده افكر اني اقترح تسون قروب خاصه لنا حنا يلمستجدين خاصه اسالتنا كثيره :36:

[فيصل الخالد]

هلابك ابشرك تخرجت من الجامعه وكل ترم اكسب مكتبه الابرار وانا اشري الكتب واخرتها ماعمري ذاكرت منها لووووووووول والسبب مذاكره من الكتاب تسد النفس وموفقين يارب

[waterfall]

هههههه

صادق اذا الكتاب يكفي ماله داعي اشتري كتب خارجية :42:

بعض المواد تحس هي اللي تشدك كمحتوى انك تشتري الكتاب وتقرا بدون ملل :41:

[waterfall]

اللي جاب او جابت فكرة القروب برسل رقمي برسالة خاصة ضيفوني انا علم اجتماع طيب :16:

بالتوفيق

[فيصل الخالد]

الله يذكرك بالخير ياحج منتصر لوووووووول حج منتصر طبعا اشهر من علم ويمكن اشهر من دكتور الجامعه وهو بياع مكتبه الابرار والله راح توحشني يامنتصر:13:

[elham'S]

طييب واللي مايقدر يرسل رساله خاصه للعضو لازم 100مشاركه :7:

[elham'S]

:28:

[loooli2008]

يعطيكم العافيه