طلاب ادارة اعمال جميع المستويات تعالو [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : طلاب ادارة اعمال جميع المستويات تعالو

يآسميـن

2013- 9- 4, 03:02 AM

السلام عليكم

حابه استفسر عن القسم بشكل عام
قرأت كثير عن القسم وناس تقول سهل وناس صعب
وانا مو هنا سؤالي

سؤالي للي ماشين بإداره هل المواد حسابيه ؟
كم ماده حسابيه بالمستوى الواحد ؟
بالنسبه لي الحساب اصعب شي
ودي بالقسم بس متردده
انا مسجله انجليزي وافكر احول لاداره بس متخوفه من المسائل

انا فالمعادلات والمسائل الحسابيه البسيطه ممتازه
بس متخوفه من العميق

اعطوني فكره عن المواد

مع العلم اني انقبلت بجامعة الامام بس انا لي رغبه بجامعة فيصل

قـورجـس ♛

2013- 9- 4, 03:17 AM

وعليكم السلام ورحمه الله وبركاته

قسم ادراة اعمال موب صعب ولا سهل … ومافي شي سهل
نص مواد تتعلق في الحسابية زي رياضيات
المستوى الاول كان فقط رياضيات ون ومحاسبة ون
والباقي مواد عامه الاقتصاد والإدارة والقانون
ولكن في المستويات القادمة نص المواد حسابية … اذا كنتي ماشيه في الانجليزي وعندك لغه المطلوب لا تحولين
اما اذا كان العكس قسم ادراة اعمال احس انو ممتعه ترا كل فهم نادر الحفظ
اذا كنتي شاطرة في رياضيات وعلمي كويس بيكون

مجرد رآي لا اكثر :12:

manal994

2013- 9- 4, 03:22 AM

ياليت اقدر افيدك بس انا لسى دوبني اول مستوى ... ياليت الي معاهم مستويات يفيدونا..بالنسبة ليا حتى انا متخوفة بس بنفس الوقت متفائلة ..والله يسهلها علينا يارب ...:43:

Besh Mohammad

2013- 9- 4, 03:44 AM

فيدونا والله متخوفا :44:

.. ذهب ..

2013- 9- 4, 03:45 AM

ممكن نعرف مواد الادارة تدرس بلإنجليزي أو عربي , لأني مستواي صفر بالإنجليزي

FaHoOoDe

2013- 9- 4, 04:22 AM

نصيحه لوجه الله اذا اساسيات الرياضيات والمحاسبه ما تتقنها بشكل احترافي ماراح تمشي

كل ترم مادتين ثلاث عن المحاسبه والارقام والبنوك وغيره

نُـوْوتْ

2013- 9- 4, 07:33 AM

قدرات الأشخاص تتفاوت ناس بتقولك صعبة وناس بتقولك سهلة .. وأنا أقولك حسب مجهودك بتحددين سهولته

من صعوبته .. طبعا فيه مواد فهم وحسابية , وفيه مواد حفط وفهم , بس كل شيء تقدرين عليه بإصرارك وإجتهادك

لا تعتمدين بس ع اراء الناس وشوفي وش يناسبك والقسم اللي يريحك وبالتوفيق لكم ..

طالبـه جامعيه

2013- 9- 4, 07:37 AM

الله يوفقك إن شاء الله :16:

بوحليقة الدمام

2013- 9- 4, 08:07 AM

من وجهة نظري ..
القسمين افضل من بعض ، ولكن رغبتك انت اين هي ؟
وبالنسبة لقسم ادارة الاعمال اعتبره القسم الممتع حيث العمليات الحسابية ( اعني المحاسبة ) وطريقة حساب الميزانية ومتابعتها.. وبالنسبة للمواد المتبقية تعتبر مكملة للمحاسبة ...

فانظري ماذا ترغبين فيه بعد التخرج وماذا تريدين من الشهادة الجامعية ( والأمر متروك لك ) .. واذا احتجت اي استشارة فنحن في الخدمة

الركابي

2013- 9- 4, 09:31 AM

ادرة الاعمال سهلة جدا بس تحتاج شوي جهد فقط اذا عندك الرغبة في القسم انصحك فيه
كل موادة سهلة سوا الرياضيات او المحاسبه

رغـ Raghad ـد

2013- 9- 4, 09:40 AM

انا توي جديده ودي افيدك

بس مع الاجتهاد مافي شي صعب:3:

aalfarhan

2013- 9- 4, 11:02 AM

مشكورين :21::21:

أسامة القلادي

2013- 9- 4, 12:32 PM

والله يا اختي كل شي صعب :39: اذا ناويه تخشي الامتحان من غير مذاكرة

لكن اذا بتذاكرين بضمن لك بعد الله سبحانه a+ :21:

المتوكله بالله

2013- 9- 4, 12:57 PM

فعلا مافي شئ سهل كل شئ يبغى له اجتهاد ومثابره وادارة الاعمال قسم يدخله الادبي والعلمي المهم حب القسم والاجتهاد فيه وربنا يوفقنا جميعا يارب :17::34:

ROSHAN

2013- 9- 4, 01:09 PM

اذا تبين رايي حولي الى ادارة اعمال

انا خريجه ادب انجليزي انتظام والانجليزي ماراح تقدري تاخذي اللغه (الاكسنت) وانتي انتساب

وادارة اعمال قسم مرغوب فاذا عندك اراده قويه ادخلي القسم وتوكلي على الله

وقت الغروب

2013- 9- 4, 01:31 PM

المستوى الاول عندك مادتين فهم ودكاترتهم ممتازين ومتمكنين (رياضيات ومحاسبه) ومبادئ الاقتصاد الجزئي ودكتورها عله
المستوى الثاني (مبادئ المحاسبة2 مبادئ الاقتصاد الكلي ودكاترتهم كويسين ) مبادئ الرياضيات2 دكتورها عله كبيييييييييييييييييييييييييييييييييييييره
المستوى الثالث( إدارة مالية 1وأساسيات المحاسبة الإدارية والتكاليف ودكاترتهم كويسين )والإحصاء في الإدارة دكتورها عله بس تغير
المستوى الرابع(الأساليب الكمية في الإدارة ودكتورها ممتاز ومتمكن)و التحليل الإحصائي نفس الدكتور اللي غيروه وإدارة مالية 2 ودكتورها كويس
هذي المواد من المستويات اللي انا درستها والباقي لاعلم لي به
المواد الفهم في كل ترم 3 يعني النص تقريبا
المواد الفهم ليست صعبه اومعقده لاكنها تعتمد بشكل كبير علي الدكتور اذا كان يستطيع توصيل العلومه للطلاب بسهوله او لأ
انا لا اجيد الحفط واحب المواد الفهم لاكن هناك اشياء كثيره نظطر لحفها حتى وان كانت فهم
بشكل العام ادارة الاعمال متوسطة الصعوبه لمن يطمح لمعدل عالي
للمعلوميه هناك من لا يفتح كتاب او مذكره ويجتاز الاختبار\
اخيرا هذا رايي الشخصي قلته للافادة وبتأكيد هو لا ينطبق على الجميع
تمنياتي لك بالتوفيق والنجاح

مختلفة تماما

2013- 9- 4, 02:08 PM

بالنسبه لي هذي اول سنه وانشاء اكون قدها الارقام والحسابات ممتعه ولاتحطون في بالكم شي صعب خلو كل شي سهل عندكم والله يسهل عليكم جميعا

إبو هلا

2013- 9- 4, 02:10 PM

ياسمين مشكوره على الموضوع وطرحه لآراء الأعضاء

ويعطيكم العافيه جميعا

ودي اسأل عن الرياضيات 2 ومهارة الاتصال يقال أنها ألغيت على دفعات معينه والدفعة 214 غير مطالبين بها

هل من تأكيد لهذا الخبر

وشكراً على الإفادة مقدماً

تحياتي للجميع

مشاعر طفل

2013- 9- 4, 02:22 PM

بسم الله الرحمن الرحيم

انا توني مسجل في الجامعه قسم إدارة اعمال والله يستر من موضوعك ..
ماني عارف اي شي موظف وحاب اكمل البكالريوس وهذا اول رد لي في هالمنتدى ..

FarraJ|K

2013- 9- 4, 02:39 PM

أساسيات المحاسبة و التكاليف
الإقتصاد الجزئي
التحيل الإحصائي
إدارة مالية 2

هذه المواد الدسمه

و على الله التوفيق

الرحال2013

2013- 9- 4, 02:40 PM

بسم الله الرحمن الرحيم

بالنسبة لي اقولك مافي شي سهل بدون مذاكرة

والانجليزي ممتاز بس الادارة افقاها اوسع

واناه مثلك في الدراسه ماش يعني تارك الدراسه من فترة كثيرة

والحين رجعت اكمل الدراسه وان شاء الله الامور تكون كويسه وتتسهل

بس لابد من الجد والمثابرة

وبالتوفيق للجميع:16:

shaden1

2013- 9- 4, 02:56 PM

مافي شي سهل ومهما كان القسم

المذاكره اول باول وسيله لتسهيل الصعب

وفي كل الحالات الفهم قبل كل شي اول طريق النجاح

O?°'¨ماجد¨'°?O

2013- 9- 4, 03:24 PM

الله يوفقك

.. ذهب ..

2013- 9- 4, 05:10 PM

ممكن نعرف مواد الادارة تدرس بلإنجليزي أو عربي , لأني مستواي صفر بالإنجليزي

لا أجد أي رد على سؤالي ؟؟؟

انا حمني

2013- 9- 4, 05:25 PM

والله الرياضيات عندي. ميح.

افيدوناا

يعطيكم العافيه.

موفقين ي رب :16:

عزيز مجد

2013- 9- 4, 05:36 PM

تقريبااا معظم المواااد حسابيه

Abu_Fahad

2013- 9- 4, 08:11 PM

مادمتي بين خيارين وينتابك قلق في تحديد أي منهم

صلي لك ركعتين استخاره واطلبي من الله عز وجل يختار لك مافيه خير وصالح في دينك ودنياك

والله بييسر ويسهل أمورك في الي اختاره لك ان شاء الله

وهذا مايمنع من الأستشاره طبعا واخذ الرأي

موفقه بإذن الله...

shaden1

2013- 9- 4, 09:09 PM

والله الرياضيات عندي. ميح.

افيدوناا

يعطيكم العافيه.

موفقين ي رب :16:

لاتشيل هم الرياضيات بنتساعد واللي مايعرف يسأل اللي يعرف

وكلنا ماراح نقصر