ديــوان الشاعر : ..||فـهــــد المســـاعد ||..

[عطرالحياة]

http://im31.gulfup.com/Lf5lc.jpg


السلام عليكم ورحمة الله وبركاته


مدخل :
الأمــل يـامن سـأل ..
وقت ممتلي كله صبر
وطمأنينة تمحي القهر
وإيمآن برضى ربي والقدر



الأمــل يـامن سـأل ..
خشوع بصلاة المؤمنين
ودعـاء لـرب العالمـين
وبسمة بوجه المسلـمين





http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg








الاستخارة



استخرت الله على " وصل الفراق " الفين مره
كلها كانت فراق وكان وصلك في الاخيره

يوم شفت البعد خيره خفت من بعدك وشره
واستخرت الفين مره لين صار { القرب خيره }

بين موت القلب من فراقك او ، وصلن يضره
قلت اعيش العمر جنبك لو سقيتيني .. هجيره

ليه احبك لان [ حبك ما ترك ] في القلب ذره
كيف احبك مثل ما صدر البحر يحضن جزيرة

كم احبك قد هذا ( الكون كله ) و المجره
وين احبك اعشقك في كل ارض ، و كل ديره

انتي اول و انتي اخر من لها في .. الروح جره
و انتي اجمل " وانتي اعذب " من لها في البال حيره

صدقيني كنت اكذب سالفـة / للعين قره
لين ماقرت ، عيوني فيك من يومك صغيره

تكبرين و تكبر الاحلام في .. صدري وازره
خايف افقد [ حلم عمري ] فيك لا صرتي كبيرة

وهذا انا يومك كبرتي ، و اقدامي تشره
استخير الله واخاف افقدك و ارجع .. واستخيره

خوفتني خطوتي من دربك وما خفت شره
استخرت الفين مره لين [ صار الدرب خيره ]


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




سكة الذكرى


مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة

قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

قال : أنا ب أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

بس هالمرة ثمان شهور وضلوعي تدوّي
كل يوم أشتاق لك .. يلعن أبو الشوق وسنينه

كل ماعشمت قلبي .. قال ياآآ ضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

كل يوم أجلس على جال البحر وأقول توّي ..
.. لاسألني : مافقدت الحلم في لمسة يدينه ؟!

مادريت أن البحر ماقال لأمواجه تروّي !
و مادريت أن الغرق هو حجّة غياب السفينة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك ل غيره شبر واحد في المدينة!




http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




صلاه وعناقيد



عدّى عمر .. ياليت الأعمار تنعاد
وأرجع بلا شيب وبليا تجاعيد

أرجع وأضم أبوي وأقول: لا عاد
تموت وتتركني مثل ليلة العيد

يوم اسألوا عنك الصبايا والأولاد
وقلت:أمي تقول انه مسافر بعيد

بكيت ليلتها وناديت..ما فاد
وظليت أصوت لك .. وأناديك وأعيد

عوّد يا بوي وجب لي ثياب جداد
يا كثر ما تنسى يا بوي المواعيد

بكيتك لحالي وأنا كنت معتاد
تكف دمعي بإيد وتضمني بإيد

كم كنت محتاجك تجي كنّك رقاد
تمطر من كفوفك صلاة وعناقيد

احتجت لك طفلٍ كسر قلب الأعياد
واحتجت لك طيش وشباب وتناهيد

واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg





الدلوعه

ايه اعرفك بنت عز وكلمتك مسموعه
وادري انك من خلقتي في ظلال وفيه

ما لعب فيك الزمان ولا قرفتي جوعه
ولا وقفتي من همومك وقفتا محنيه

ادري ورب اليتيم الي يهل ادموعه
مابعد هلت دموعك في ضحى عيديه

بين حضن ابوك وامك وردتا مزروعه
طول عمرك مافقدتي لمست الحنيه

ايه اعرفك واعرف ان الناس لك متبوعه
وادري ان امرك مجاب وحاجتك مقضيه

بس انا من فضل ربي هامتي مرفوعه
ورث ابوي وراس مالي عزوتا جابريه

منحنيت الا لمخافت ربي المشروعه
ولا بعد دفقت دم الوجه امد ايديه

ابدويا ماعرفة الضحكه المصنوعه
احمد الله من خلقت وطيبتي فطريه

قانعا في حكمة الله ماشيا في طوعه
ماحسبت احساب دنيتا ناسها طرقيه

ايه انا يم الترف قلبي غدا موضوعه
الفراق الي بلا رجعه وطاري جيه

بس روحي وسايري قلبك وهدي روعه
واعذريني ولا عادي ازعلي عليه

دامها وصلت لذل النفس يا الدلوعه
والله ان يعيش راسي ما انحنا لبنيه



http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




المدينة والغريب



جا يشوف الحال كيفه بعد ما هــــــزه حنيـنه
قبل يسالني ســـــــالته كـــيف حالك يا الحبيب

قال انا كني غــــــــريب ضيع دروب المـدينه
قلت انا كني مدينه تنتــــظر رجعت غـريب

قال اجل وش فيك تكره سيرة الحب و سنينه
قلت اجل وشلون ما اكره سيرته دامك تغـيب

قلت له من غبت حتى مرايتك صـــارت حزينه
كيف ما تبغاني احزن و انت لي حظ و نصيب

اول و اخر جروحي و اهـــــه للقلب و انينه
كل يا روحي روحي لو رجعتلها تطـــــــيب


بس قلي ليه ترمي ذنبـــــــك بوجه المدينه
ما دريت ان المدينه كلها شعمة غــــريب



http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg





صباح الخير يابلادي





مع كل نسمة صباح أقوم وأيديه
ترفع بعضها كذا .. وأقول وأنادي
الله يسعد صباحك يالسعوديه
عساه والله صباح الخير يابلادي




يادروب الأرض لعناق السماء
ياجداول ماء لحكاية ظمأ
يالكلام اللي عجزنا نبتديه


من يقول أنك كما غيث هما
أنتي لاقبلك ولابعدك كما ..
علمينا كيف نلقى لك شبيه


يابلدنا وين نلقى لك شبيه
في وميض البرق لاسال الغمام ؟!
في شعاع الشمس لاشق الظلام ؟!
في أبتسامة شايب صلى ونام !
في المحبه .. في السماحه .. والا في معنى السلام !


يابلدنا صعب نلقى لك شبيه
وأنتي اللي لاذكرنا أنك بلدنا
نرتبك حب وغلا
ونتلعثم في الكلام





عمار يادار السعد
لا يالسعوديه عمار
والله ماقبلك بلد
والله مابعدك ديار
مادام أبو متعب سند
الحر أبن نسل الحرار
ايوالله نحبه عدد
مايطوي الليل النهار
والكل منا لاسجد
يقولها سر وجهار
أمجاد ياوجه السعد
وعمار يابلادي عمار




ياوطنا ..
ياطموح اللي تمنى
نحمد الله يوم صرنا فيك ..
والا قبلك كيف كنا


ياوطنا ..
يالنخيل اللي تثنى
لو بكيف الشمس ماخلت يديك ..
ولاخذاها الليل عنا


ياوطنا ..
أنت حنا..
الرجال اللي بطهر أرضك تغنى
والبنات اللي بنسماتك تحنى
ومن تنكر لك ترى ماهوب منا




وطنا كثرة أحبابك تحير والكلام يطول
ولكن لاتغرك ياوطنا كثرة أحبابك
بعض هالعالم يحبك عشان النفط والبترول
وحنا ننطح العالم على ذره من ترابك
لك الله ياوطنا .. لابدا اللازم .. وطق الجول
نجي وثيابنا لعيونك أكفان تغنابك
نجي ماهمنا الماضي ولاخفنا من المجهول
نجي ونقدم الموت بيدينا قبل نحيابك



http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




طلال الرشيد


فقيد الرجوله وين حطت بك الأقدام؟
انا ما تخيلتك تزور اللحد قبلي

عقيد الطنايا شيخ شمّر ذرى المنضام
حفيد الجنازه بلوة اللي بلا المبلي

عقيدٍ لقومك.. بس تبكي عليك أقوام
من الساحل الشرقي الى الساحل القبلي

أنا لا ذكرتك طاح راسي على الأكمام
اسولف لقلبي عنك.. وأبكي على مهلي

أسولف عن أول مرةٍ جيت قبل العام
و شفتك بعيني مثل ما كنت في عقلي

امير و عظيم و شاعر و فارس و مقدام
سجلّ البياض اللي بنقش الذهب مطلي

سنافي شهم فزاع .. لا قام يعني قام
يغيث الضعوف .. ولا يقول الوبل وبلي

طلال .. الشهامه نكّست عقبك الأعلام
الا من قتل خيّال وش نفعة الرجلي؟

طلال .. الأوادم كلها من لحم و عظام
تعيش و تموت بصمت تالي ورى متلي

عداك انت يا من عشت عمرك عظيم اشمام
وقفت فـ مماتك تنتخي: (من نوى قتلي؟)

رحيلك بنى للحزن وسط القلوب خيام
و وداعك جعل كف الثرى بالدمع مملي

عسى من لبست لخشيته فـ رمضان إحرام
و دعيته ( يا رب اكرم نهار الحشر نزلي )

يعوّضك عن دنيا بها حاسد و نمّام
و يرفع مقامك عن مقام البرى السفلي


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




القصايد والغـــلا




لعن ابو بعض القصايدكان مافيها حلا
ماتروح الاوتترك للحنايا جلجله


تبتدي مثل المزون اللي تسولف للكلا
ولاخذت قامت ترزم مثل شهب منزله


فوق صدرالشاعراللي عن طواريقه جلا
لين شاف اخت القصايدبالقصايدمقبله


ياهلابااخت القصايدكثرشوقي ياهلا
اقلطي بين الحناياوافهقي جمر الوله


كل ضلع من ضلوعي حافظ درس الولا
مثل حفظك للعفاف وللشرف يامذهله


سولفي كذا السوالف تنسمع والافلا
وان بغيتي اسولف..اسأليني اسئله


اسأليني وابتديها بالنهار اللي تلا
ليلة ان الجرح يقرا في الضلوع البسمله


واسأليني عن زماني كم شرب في وكلا
انتهي من مشكله والقى وراهامشكله


المشاكل بهذلتني في غيابك والبلا
مالقيت اللي احط السر عنده وازهله


كل ما اسمع(كيف حالك)ينقبض جفني على
دمعةٍ تبغى تقول الحال دمع ومهزله


وابلع العبره واقول:بخير الهم انجلا
وآخرالهرج اتلعثم فيه وانقض اوله


ليه غبتي..ليه غبتي وانتي اللي ماملا
عيني والا همس صوتك في زمان البلبله


ياه شفتي وين راح البال بالشعر وسلا؟
قمت اعاتب فيك وانتي في الضلوع مدللـه


لني ماصدقت نرجع للقصايد والغلا
بعد ذاك اليوم يوم اجنبت وانتي مشمله


ايه ماصدقت لكن ياعساني ماخلا
اقلطي بين الحنايا وافهقي جمر الوله


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg




الطفل والمحارم


كان في وسط المدينه
طفلٍ أكبر من سنينه
والده مات بحنانه
ولاقعد يندب زمانه
صادق هموم الشوارع
يمسح الدمع ويصارع
طفل لكن كان بارع
مات ابوه وجا مكانه
يمسح أطراف القوايل عن جبينه
يبعد الشمس ويطاردها بيدينه
طفل أحزانه معالم
طيب وسمح ومسالم
يمشي ويطوح بصوته
يبغى قوت أمه وقوته
المحارم المحارم المحارم
المحارم المحارم المحارم
ولا أقبل الليل ورحل وجه النهار
راح لامه مثل الأطفال الصغار
وأرتمى في حضنها
أرتمى في جفنها
أرتمى في حزنها
وقامت امه تبكي لضيعة سنينه
وصاح يمه
ليه ياعمري حزينه؟
دمعتك يالغاليه والله ثمينه
تحسبين أني حزين؟
لا وراسك ما ألين
من لقى هذا الحنين
ينسى حزنه
ينسى همه
ينسى حتى العمر كله
دامك أنتي تحترينه
وفي صباح من صباحات الضياع
الحزن قدر يقول له الوداع
نادت أمه ماسمع
صاحت أمه مانفع
طاحت أمه مارجع
الصغير اللي ملى الدنيا صراع
مات من كثر الوجع


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg





القرايــا



القرايـا ساكنتنـا لـو سكنـافـي المدينـة
ياكثر مافي المدينـة نـاس تسكنهـا قرايـا


مثل انا لامن شعرت أني بحاجـة للسكينـة
رحت يم القرية اللي قدرهـا بيـن الحنايـا


قريتي واليوم جيتك شاعـر ٍ هـزّه حنينـه
للوجيـه وللبيـوت وللسوالـف والحكـايـا


قريتي انا فهد .. فهد .. فهد ماتذكرينـه؟!
أسألي عني بيوت الطين ونقـوش الزوايـا


ياسقى الله قبل اسافر عنك يالـدار الثمينـة
يوم انا طفل يشوف عيوب جدرانـك مزايـا


يوم انا طفل ٍ يمر اليـوم ماشـاف الغبينـة
الضحى وسط المدارس والشفق بين المطايا


ياسقى الله يوم كنت الريـح والدنيـا سفينـة
قبل مالدنيا تكـون الريـح والسفـن البرايـا


يوم ابوي الله يبيحـه كـان ياخذنـا بيدينـه
يم ذاك المسجد اللي فيه مـن ريحـه بقايـا


ياسقى الله او بلاش ازيد هذا الطيـن طينـه
لي هنا والعمر مابه متسّع لـاهـل الرزايـا


قريتي مانيب انا اول من رجع لك وسط عينه
دمعتيـن ٍ كنهـا لبيوتـك وناسـك مـرايـا


القرايا سالفـة اهـل القرايـا فـي المدينـة
والمدينه سالفة اهـل المدينـة فـي القرايـا



http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg






ســالفة عشــاق


من بغى الفرقا لقـى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميـل
لاتحسب أني مثـل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبـك طبعـه غريـب وغربتـه غربـه طبـاع

فـي الهـوى مايقبـل الحـل الوسـط ولا القليـل
مثل ماهو لاشـرى يشـري .. ليامـن بـاع بـاع

ثابت ٍ لو هـي تميـل الارض حـدره ... مايميـل
يـدري ان الفقـر ماهـو عيـب والدنيـا مـتـاع

ماعشـق لـذّة حياتـه كثـر عشـق المستحـيـل
ولا كـره حتـى مماتـه كثـر كـره الأنصـيـاع

كم تعلّـم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم مـن ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
عاشر احبابه شجـاع .. وفـارق احبابـه شجـاع


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg





التـوبة



تطيح دمعه وأسلم للفضاء موقي
وأرفع ايدين الذنوب وتظلم أعماقي

أشوف قبري يمر بوحشته فوقي
وتصير كل الحياة أضيق من أخلاقي

يانفس طالت ليالي غينا فوقي
كم قلت يالله وقلتي تونا باقي

المزنه اللي تحن لغيثها نوقي
تعبت أخيلك واقول نياقي نياقي

تعبت ياما تعبت وضاعت حقوقي
ياما ندمت وردمت الذنب فــ أوراقي

ياما سكت وتركت البوح لعروقي
أخاف أسولف وأخيب هقوة الهاقي

أخاف أبوح ويخون الصمت منطوقي
وأقول شي يحث الناس لفراقي

يالله وانت الملاذ ان مسني عوقي
وانا ذنوبي جهد من راسي لساقي

يالله تغفر خطاي وترحم وتوقي
عظمي نهار الحساب وتقبل إعتاقي

http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg





تصآميم فلآشية لــ/ بعض القصائد :1:

مرر المآوس للإستمآع


الأسرار كلمات فهد المساعد
أداء / أحمد الرشيدي

WIDTH=532 HEIGHT=161

http://im33.gulfup.com/lBGec.png

يآصغير السن كلمات فهد المساعد
أداء / ناصر الرزيني


WIDTH=532 HEIGHT=161

http://im33.gulfup.com/lBGec.png

التفاصيل الصغيرة كلمات وأداء / فهد المساعد

WIDTH=532 HEIGHT=161

http://im33.gulfup.com/lBGec.png

القرايا كلمات فهد المساعد
أداء حامد الضبعان

WIDTH=532 HEIGHT=161


http://im33.gulfup.com/lBGec.png




http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg



http://im37.gulfup.com/gTfCC.jpg

http://im37.gulfup.com/NOPhD.jpg

http://im37.gulfup.com/1X8G7.jpg

http://im37.gulfup.com/e7iQJ.jpg

http://im37.gulfup.com/RqTCs.jpg

http://im31.gulfup.com/5XYdm.jpg

http://im33.gulfup.com/lBGec.png


http://im41.gulfup.com/vZBBE.png

[عطرالحياة]

http://im31.gulfup.com/Lf5lc.jpg

http://im33.gulfup.com/lBGec.png




: المخرج


الأمــل يآمــن ســأل ..
حكــاوي تمتلي فرحه
ومدة كف لمحتاج تفرحه
وملآمح طفل مُفرحه



http://www.ckfu.org/vb/images/icons/icon21.gif


http://im41.gulfup.com/vZBBE.png

[عطرالحياة]

أتمنى إني كنت مشتركة خفيفة عليكم :34:
وأن يرتقي إختيآري لذآئقتكم وينآل إستحسانكم

لكم اعذب واعطر التحايا http://www.ckfu.org/vb/images/icons/icon21.gif


http://im33.gulfup.com/lBGec.png

[l a v e n d e r]

الله عليك ،،،

عجبني المدخل جداااا ،،،،

وتنسيق رائع ،،،

وديوان جميل لي عودة بقرائتة بتفصيل اكثر ،،،


فالك الفووووز ي جميلة ،،،، :16:

[الكويتي 1]

ما شاء الله عليج يأختي (( AnoOona ))

أختيار موفق

والقصائد والفلاشات والتنسيق بقمة الروعه


وفالج التوفيج وتحقيق المركز الأول يالاجتماعيه


طبعا شعاري العنصرية للأجتماعيين أولا وأخرا ،،،


:16: :16: :16: :16:

[مُلهمــــة]

رااااائع .... ديوان مرتب ويريح الخاطر

واختيار موفق :21:

فالك التوفيق أنونه :16:

[خفايا..]

أبدعتي أبدعتي

فالك الفوز ي ملي ..~

[قنوع]

ديوان رائع لشاعر مبدع وممتع
فالكِ التوفيق إن شاء الله

:21:

[حنان آل حيان]

اختيار موفق جداااااا راق لي شاعر مميز :16::16::15::15::15::15::15: تستحقين التقييم :1::1::1:

[عطرالحياة]

أشكركم جميعاً
على ردودكم الجميلة ومروركم الغآلي
لكم ودي وإحترامي :16::16:

_

[فنوُ *]

ي جمال دواينكم مشاء الله ابداع وشيء يفتح النفس :icon9::004:
تسلم يدينك على الديوان الجميل و الطرح الاجمل و ذوق الرفيع بتصميمات :106::106:

فالك البيرق :71::71:

[أخوو نورة]

شاعر جميل وديوان اجمل فالك الفوز على هالترتيب والتنسيق الجميل
الله يسعدك

[عطرالحياة]

يآهلآ ومرحبآ فيكم
ردودكم أسعدتني
والأجمل مروركم وإطرائكم
لآخلا ولاعدم

http://www.ckfu.org/vb/images/icons/ei28.gif


_

[لكَبريآئي روآية]

،

ديوان في غايه الجمال
وفالك كل التوفييييق :106:

[مقتل القمر]

باركـــ الله فيكـــ
ع التـنـســيق الجمــيل للديوان:16:

ويعافيكــ الأله ع مجــهودكـــ:icon1:الممــيز

مـــــوفقهـــــــ بأذنـــ الله

[tMiM АŀqЋtАПi]

ما شاء الله تبارك الرحمن
ديوان جميل واختيارك للشاعر يحسب لك
شاعر اتابعه عن قرب يعجبني كثير واسلوبه خطير وانتقائه للمفرده شي ثاني

لي عوده لقراءته مره اخرى
فالك التوفيق على هالترتيب الانيق
تحياتي

[الــغـــدراء]

،،،


ديوان جميل و مرتب و تنسيق أكثر من رآآآئع ،،،
سلمت يمينكـ ع الحضور الجميل ،،،

... :rose: