H-a
2013- 9- 9, 03:44 AM
أرزاق
تهون في عين العظيـم العظيمـات
وتسفي على راس الضعيف السوافي
لقيت لهمومي على الصدر مكشـات
طلعة ونس بين الضلـوع النحافـي !
تشوف لجروحـي خيـامٍ مبنـاة
يمديني أهّلـك لومانيـب مْتعافـي
تمـر بعيونـي بيـوت وعمـارات
وأملاك وأسـلاك ٍ ووالـع وطافـي
كوكتيل ذا العالم .. صنوف وطبقـات
من غير جمعيـة وحـزب ائتلافـي !
أبواب تلقى عندها أغـلى الموديـلات
وأبواب يظّهر منّها الشخص حافـي !
يارب ثبّتني على الديـن بالـذات
ولاتشمّت بي الهـزال الضعافـي
رزقتني سمعة وجـاه وصداقـات
وعرّضتني جاير وبايـر ووافـي
وعطيتني هيبة وطيبة ووقفـات
والذكريات مبسمـات الأشافـي
ووهبتني سحر البيوت الثمينـات
وجنبيّـةً حـادّة وراس ٍ زرافـي
لوكل من غاص البحر جاب دانات
نذرن يغوصه كل مطلق وهافـي !
لكنّ له حسنات واجـد وسيّـات
ياكم عطا مخلِف وفشّـل موافـي !
رزق النهار إليا كسبنـاه مابـات
بجيوبنا تصّبِـح ثقالـة خفافـي
نعّطي ليا قفّت...ونعّطي ليا جات
ماعندنا فى الحالتيـن اختلافـي
نحب مدخال البيـوت الرفيعـات
ونحـب تاتينـا كبـار الملافـي
ثـْقال ونحـب العلـوم الثقيـلات
وعن غيرهـا لا والله إلا عيافـي
أمس لنا صولات واليوم جـولات
وأمس ٍجهل واليوم نور وعوافي
ثـْــيابهم جـدّد ولا هـي نظيفـات
وثيابنـا لوهـي قـدام ٍ نظافـي !
رزّوا لوحّهم فوق رووس المنارات
وحنا نبي الرزة على راس نافـي
دوّر على عُــقـّالها فـى الصعيبـات
بعض الشيوخ عقولها مد صافـي
وترى التمهل فى أمورن عديـدات
حِكمة وفي بعض الأمور اختفافـي !
تمهّلك فى الطيب والجـود عثـرات
وتمهّلك في الحـق يلّحِقـك قافـي
حتى ولو قالوا بطا الرجـل ثبِّـات
وأمورن أكبر مـن ثقافـة ثقافـي
أضرب لها أكثر من جهة واحتمالات
خض فى المدينة والبحر والفيافـي !
فلا يقـوّم حـظ طايـح (سلامـات)
ولاتداوينـي (عـسـى ماخـلافـي)
غلطتك ياشاطر حسن عشر غلطات
هـذا تجـارب الأوليـن السلافـي !
للبسـط حـزاتٍ وللحـزن حـزات
دنيا تلـوف اللـي بعـد مايلافـي !
مما راق لي
لــِ / الشاعر علي بن حمري
تهون في عين العظيـم العظيمـات
وتسفي على راس الضعيف السوافي
لقيت لهمومي على الصدر مكشـات
طلعة ونس بين الضلـوع النحافـي !
تشوف لجروحـي خيـامٍ مبنـاة
يمديني أهّلـك لومانيـب مْتعافـي
تمـر بعيونـي بيـوت وعمـارات
وأملاك وأسـلاك ٍ ووالـع وطافـي
كوكتيل ذا العالم .. صنوف وطبقـات
من غير جمعيـة وحـزب ائتلافـي !
أبواب تلقى عندها أغـلى الموديـلات
وأبواب يظّهر منّها الشخص حافـي !
يارب ثبّتني على الديـن بالـذات
ولاتشمّت بي الهـزال الضعافـي
رزقتني سمعة وجـاه وصداقـات
وعرّضتني جاير وبايـر ووافـي
وعطيتني هيبة وطيبة ووقفـات
والذكريات مبسمـات الأشافـي
ووهبتني سحر البيوت الثمينـات
وجنبيّـةً حـادّة وراس ٍ زرافـي
لوكل من غاص البحر جاب دانات
نذرن يغوصه كل مطلق وهافـي !
لكنّ له حسنات واجـد وسيّـات
ياكم عطا مخلِف وفشّـل موافـي !
رزق النهار إليا كسبنـاه مابـات
بجيوبنا تصّبِـح ثقالـة خفافـي
نعّطي ليا قفّت...ونعّطي ليا جات
ماعندنا فى الحالتيـن اختلافـي
نحب مدخال البيـوت الرفيعـات
ونحـب تاتينـا كبـار الملافـي
ثـْقال ونحـب العلـوم الثقيـلات
وعن غيرهـا لا والله إلا عيافـي
أمس لنا صولات واليوم جـولات
وأمس ٍجهل واليوم نور وعوافي
ثـْــيابهم جـدّد ولا هـي نظيفـات
وثيابنـا لوهـي قـدام ٍ نظافـي !
رزّوا لوحّهم فوق رووس المنارات
وحنا نبي الرزة على راس نافـي
دوّر على عُــقـّالها فـى الصعيبـات
بعض الشيوخ عقولها مد صافـي
وترى التمهل فى أمورن عديـدات
حِكمة وفي بعض الأمور اختفافـي !
تمهّلك فى الطيب والجـود عثـرات
وتمهّلك في الحـق يلّحِقـك قافـي
حتى ولو قالوا بطا الرجـل ثبِّـات
وأمورن أكبر مـن ثقافـة ثقافـي
أضرب لها أكثر من جهة واحتمالات
خض فى المدينة والبحر والفيافـي !
فلا يقـوّم حـظ طايـح (سلامـات)
ولاتداوينـي (عـسـى ماخـلافـي)
غلطتك ياشاطر حسن عشر غلطات
هـذا تجـارب الأوليـن السلافـي !
للبسـط حـزاتٍ وللحـزن حـزات
دنيا تلـوف اللـي بعـد مايلافـي !
مما راق لي
لــِ / الشاعر علي بن حمري