المساعد الشخصي الرقمي

مشاهدة النسخة كاملة : دِيِّوِأّنِ أّلَشٍأّعٌر حٌمَدِ أّلَّسعٌيِّدِ ..!


{%{محمد}%}
2013- 9- 12, 02:19 AM
WIDTH=1 HEIGHT=1

http://im37.gulfup.com/5Ezbq.jpg (http://www.gulfup.com/?dxSVSE)


السلام عليكم ورحمه الله وبركاتة ..!

حبيت يكون المدخل نثر !

*المدخل..!
أهو الغرام ؟؟؟
يوقد لهيب الشوق في قلبك..
يشعل شموع الحب في دربك..
يبقى.. ولا يُبقي على نبضك..
يضوي ظلام الليل من شوقك..
يُسهرك والخلق نيام..
يتدفق الإحساس من عشقك..
تسخي بكرم الحب من قلبك..
لا ينضب العطاء من نهرك..
تُعطي وتغدق بالعطاء حبك..
تُضحي بها من أكرم الكرام..

{%{محمد}%}
2013- 9- 12, 02:30 AM
http://im37.gulfup.com/5Ezbq.jpg (http://www.gulfup.com/?dxSVSE)

حمد بن عبد الكريم المزعل السعيد من مواليد 1964، ينتمي إلى أسرة السعيد أمراء الجهراء شمال الكويت والذي يرجع نسبهم إلى آل مشرف من المعاضيد من الوهبه من بني تميم .

رجل كويتي بدوي عشق المقناص والصحراء والوسم والربيع والبارق وله العديد من القصائد
التي يتحدث فيها عن حياة البدوي والصحراء

غـنى له الفنان الكبير نبيل الشعيل ...

- اكثر ما تألم فيه عن صقره المفقود
قصيدة بعنوان ((الطلح )) ويصور فيها سؤال شجرة الطلح التي تنبت بالصحراء عن طيره الذي
فقده بأسلوب شيق , فوصلت هذه القصيدة الى مسامع الناس
وسمع بها سمو الامير عبد العزيز بن سعود((السامر)) والامير عبد العزيز من عشاق القنص ,
وتألم لحال حمد السعيد فختار الامير افضل صقوره وارسلها الى حمد السعيد لعله يعوضه عن صقره اللذي فقده .

- رئيس تحرير مجلة وضوح الكويتية
- رئيس لجنة مسابقة معرض الصيد والفروسية لشاعر الصيد والمقناص
- رئيس لجنة مهرجان وضوح الرأي الشعري في الكويت
- مشرف الملف الشعر في مجلة ( الصقار )
- مشرف الامسيات في في معرض الصيد والفروسية في أبوظبي
- عضو في نادي صقاري الامارات
- له إصداران شعريان صوتيان عامي 2002 و 2005

{%{محمد}%}
2013- 9- 12, 02:36 AM
http://im37.gulfup.com/5Ezbq.jpg (http://www.gulfup.com/?dxSVSE)

* ياللي تزعل

ياللي تزعل وانا ماني بغلطان خلك على راحتك واللي تبي سوة
لا ترفع الخشم يوم انك تعداني والله لتبطي وانا ما قلت لك قوة
ان كان قصدك عبث ودك تحداني فابشر بقلب على الصدات يا قوة
في غيبتك جاء مكانك واحد ثاني والحب ما ينوخذ ياهيه بالقوة
نسيت يومك تلذذ بتعذيبي وحرماني وان جيت تلقا حبيبك منقلب جوة
ان قلت وينك حياتي قلت لي كاني يا نار هالقلب من كاني ويا ضوة
ان كان جت زلة وحده من لساني الواجب انك تطوفها من الخوه
لكن على راحتك واليوم صحاني اسلوبك اللي يغير للاسف توه
تكفى على هالزعل خلك على شاني عشان تبطي وانا ما قلت لك قوة

{%{محمد}%}
2013- 9- 12, 02:40 AM
http://im37.gulfup.com/5Ezbq.jpg (http://www.gulfup.com/?dxSVSE)

* الهموم
يا الهموم اللي علي اثقل من هموم الركايب ساعد الله قلبي الي مرتكي لحمول همي
يا الظروف الي علي وين ما وجه صعايب ياكثر ما مسحت الدمع منها براس كمي
يا الجروح الي يجي هذا وذاك العام طايب كل ما هبت ظروف الوقت شمي وستشمي
من عرفت العلم والضحكات ننهبها نهايب لا تقافلنا الزمن قمنا علىت الضحكه نسمي
وان ضحك وجه الزمن تقلى مثل شرواي هايب اي اهابك يا زمن وان سقت ضحكاتك يمي
منك وانا وان زنت بعيوني يا بو وحهين تايب ادري انك لا ضحكت القاك طاعن ولدعمي
تشتكي من سطوتك وتقول من شقر الذوايب وكل جرح يهون غير جروحك مات دمي
بس تنزفنا هموم ونضحك بوجه القرايب ومن نشدني مالي الا بخير وهمومي بدمي
وانت يالي منك ثلثين الخفوق اصبح خرايب دام بعثرني زمان الذل ما يغيرك لمي
لمني تكفى ترى ما عاد فيني لمصايب يا خلف جدي وناس والا يا ريحته امي
لا تخليني وانا شفني شباب براس شايب كان انت اقفيت مع هالناس محدن لديمي
مثل مال للهم سبة للفرح تبقى سبايب انت يا فرحه ويا ضحكة ويا مدري شسمي
انت اخر ما بقى للي في الحياة من الحبايب في زمان ما نشد والله عن مدحي وذمي
الزمن كم واحدن قبلي موريه العجايب والمصبيه كانك اللي مع زماني صرت همي

{%{محمد}%}
2013- 9- 12, 02:51 AM
http://im37.gulfup.com/5Ezbq.jpg (http://www.gulfup.com/?dxSVSE)

* ماهو بكيفك

ماهو بكيفك تواصلني تقطعني اما غلا بين او فضها سيره
ياشين لاجيت تقطع لاتوادعني ليتك تحس الوداع شلون تأثيره
ياماخذ الحب قل فيني وسمعني حب على كبر صعب ابدل بغيره
أبحتفظ فيك وادري مانت نافعني يمكن مع الوقت اقول محبتك خيره
والله تدري وش اللي معك دافعني اني معاك انت امارس آخر الغيره
واحب فيك البرود اللي يقاطعني لو ماتكلمت صمتك صعب تفسيره
ياللي عليك البشر شفها تقاطعني منين ماوجه الهقوات لك سيره
ياشينها من الخوي قول اتركه طعني ماغير شره ولا انت بشايفن خيره
ياشينها منك لاجيتك توزعني في عذرك اللي على هالظرف تجييره
شف كبر صبر البشر ماعاد ياسعني واكبر هموم العباد اشوفها صغيره
وش جاك مني خطا يومك تبيعني في سوق ذقها عليك اسوقها جيره
انا اذكر انك الا من قلت دلعني القلب هانت علشانك مشاويره
يامشغل القلب بين تحبني و يعني شفني عليك احترق ياسيدي حيره
مرات اقول اتركك لاشك يمنعني شي يقول أعذره واقبل معاذيره
قلت احتفظ فيك وادري مانت نافعني يمكن مع الوقت اقول محبتك خيره

{%{محمد}%}
2013- 9- 12, 02:54 AM
http://im37.gulfup.com/5Ezbq.jpg (http://www.gulfup.com/?dxSVSE)


* ضحكة ورع


يا ضحكة الورع مدري وين شايفها ان كان ماني متوهم ضحكت فلانه
قمازته وشفته تشبه شفايفها وعيونه عيونها يضحك ونعسانه
والله يا ضحكته عجز اطوفها اللي شغلني معه من جملة اخوانه
وقفت والنفس مابدت حسايفها ضيعت وقتي غصب كله على شانه
انشده والبشر تتبع ولايفها يلعب طرب بالملاهي بين ورعانه
صديت والعين ماتنسى وصايفها هذيك نفسي عليها حيل شفقانه
وا نفس ياللي تحلفني واحلفها حاولت اشكك وهي ماهيب غلطانه
تقول هل الورع والله من خلايفها واقول ربي يخلق اشباه سبحانه
هذيك راحة وانا ماني بعايفها حكم المقدر وكلن راح في شانه
خبريبها يوم جاها من طويفها الي خذاها ويتبع سلم جدانه
ماشافته ولاهو ماهو بعارفها ماشاورها ابد ما كنها انسانه
راحت وانا بشقى كني مناصفها يا مل قلبن شكى همه وحرمانه
لليوم قلبي يرددلي سوالفها هذيك نفسي عليها حيل شفقانه

{%{محمد}%}
2013- 9- 12, 02:59 AM
http://im37.gulfup.com/5Ezbq.jpg (http://www.gulfup.com/?dxSVSE)

* خلهم ينفعونك ..!

شفت وشلون خلق الله تحب الكلام قلت لك لا تصدق كلامهم ما اقتنعت
ليش ضيقت صدري بالعتب والملام وانت يا ما كلموني عنك وما سمعت
جيتني وانت ودك بزعل والخطام باين اللي يبي السبه ولو ما اندفعت
غيروك العواذل طعتهم يا حرام عقب ماكنت مقبل بالمحبة رجعت
خلهم ينفعونك لا تزيد اتهام من عرفتك مضره وانت عمرك نفعت
وين كلمة احبك وين ذاك الغرام ليش نزلت قدرك عقب ما انت ارتفعت
اه يا قوى قلبك لك عيون تنام تجرح اللي يحبك بالكلام وقطعت
كان لك قدر عندي وانتهاء وسلام غلطتي جيت كلي بالمحبه وضعت ..!

{%{محمد}%}
2013- 9- 12, 03:03 AM
http://im37.gulfup.com/5Ezbq.jpg (http://www.gulfup.com/?dxSVSE)

* قمر شهر عشرة

قمر شهر عشره وبراق جبلي لا شفتهن مالي مع الناس مقعاد
يا كثر ما قالوا لي الناس مبلي وراعي الولع ماهو عن الناس نشاد
لا جيت قيعانن عقب رش وبلي ولقيت جرت من له القلب منقاد
باطراف روضن ما توطاه قبلي حين من اللي تارسن راسه عناد
جرة خرابين فطينن وخبلي الليل كله ماهتنا فيه برقاد
ولا خذت عن حرن تقل قوس نبلي متفاختن جرمه مخاليبه حداد
لا تل مني واودع السبق سبلي ثم ارتفع واهوى تقل دلو وراد
لا تلها تلة نشيطن لحبلي هذاك شفي يا قليلين الابعاد
ولا قمت ابرز للمغدا بشبلي وزينت فنجالن على شف وامراد
هذا الولع لو قالوا الناس مبلي راعي الولع ماهو عن الناس نشاد

{%{محمد}%}
2013- 9- 12, 03:07 AM
http://im37.gulfup.com/5Ezbq.jpg (http://www.gulfup.com/?dxSVSE)

*ضيعت الطير

واطيري اللي وافقته المقادير اقفى وخلا له بقلبي وقايد
عند المقدر ما تفيد المحاذير والطير ضيعاته علينا عوايد
في ضيعته ما شلت هم المخاسير لا شك ذا فقده على القلب كايد
هالطير غير وباقي طيورهم غير فعله على كل القرانيس زايد
اخطيت يومه تل في هده السير واقفى وانا ماني متحريه عايد
قام ايترقا والحباري مدابير لينه قطع روف البلاد المحايد
الطير كخرم والحباري معاشير ولاهو مطرح قبل يدمي الصوايد
يومين في حروة مضيعة مداوير غير التعب والبرد ما من فوايد
ما غير دس وبرقع بيدة القير لا شفتهن شفت العناء والنكايد
يلايمي في ضيعة الطير قيل خير كانك تلذذ في رقاد الوسايد
انا ثلاث ايام هم وتحاسير وان زل هم جت هموم جدايد
كان انت تشكي من فراق الغنادير انا فراقه شب فيني وقايد
تبي شعوري صدق في ضيعة الطير يشبه شعور الشعب في فقد زايد

{%{محمد}%}
2013- 9- 12, 03:15 AM
http://im37.gulfup.com/5Ezbq.jpg (http://www.gulfup.com/?dxSVSE)

* بين جفنك وعينك


بين جفنك وعينك الف معنى ومعنى وش بقى للقصايد يوم ترخي جفونك
انت ياللي بزينك جيتنا تنتزعنا وسع الصدر وارحمني على هون هونك
انت والله لو اني نبي نسري رجعنا لا انتهاء زين غيرك كنهم يبتدونك
حي ذلك الحلا فيك عنهن قطعنا مبطي ما ورد الزين من يشبهونك
كم بغيناك في وصف وانا اقول ضعنا عجز ابيات شعر معذبك يا صفونك
كم شرينا بسوق الوصف غيرك وبعنا وانت مهما وصفنا كله يطيح دونك
يا مضيق صدور البيض في مجتمعنا والله اني بشعري ما قوينا عيونك
تذكر النظره اللي من ورائها اندفعنا يوم تقبل سكوتك مختلط مع جنونك
ما تكلمت لكن سمعنا واطعنا كن الناس مثلي كلهم يفهمونك
جيتنا في غرور ورحت تعلن ولعنا لو انك تبيع كلامك والله اني زبونك
يوم قفيت والله ثقلنا ما نفعنا اخذت ناس وناس ودهم يتبعونك
دام قلبك كبير وراهي يتسعنا ظفنا معك او ظفنا في ردونك
اثر للزين هيبه تونا ما اقتنعنا اقراء لا جيت تطلع وانتبه يحسدونك
لو معانا سكاكين لك الله قطعنا بس ربك حميد وقطعتنا عيونك

{%{محمد}%}
2013- 9- 12, 03:19 AM
http://im37.gulfup.com/5Ezbq.jpg (http://www.gulfup.com/?dxSVSE)

* الفرآق

والله أني كنت ألوم اللي يضيق إن غاب خله .. لين جربت المحبة والفراق وقلت توبه..
نعنبو جد المفارق فيه هم وفيه ذله .. أثر كل الحب لذه والفراق اكبر عيوبه ..
أمس فارقت الغلا ومفارق الخلان عله.. ولعلاج الوصل لا تبلش طبيب ولا حبوبه..
الزعل هو سبة الفرقى يهز الحب كله .. ليتني طولة بالي قبل لا يعلن غروبه ..
وهني اللي وسيع الصدر صدره وسع فله .. غلطة الصاحب تجي وتروح ماهي بمحسوبه ..
سامح الله طبعي اللي للتغير يالعله .. قاضب (ن) خلك عزيز لين صارت لي عقوبه ..
ليش تحسب غلطة الصاحب على الصاحب مذله .. ليش ما تحسب ميانه لو تجي عشرين نوبه
ولا وربي كنت أحبه حيل مادورت زله .. لا تشكك في غلاه ولا تساعد في هروبه ..
لايمي قبلك تعبت ألوم شعار المجله .. كنت مؤمن في مقولة أعذب الشعر الكذوبه ..
وأثر كل (ن) في حياته له تجارب مستقله.. وأنت لاتشره على مثلي وتبلا لك بحوبه..
جان جابتك الحميه روح له تكفى وقل له.. لايخليني وإذا وده يخفف من ذنوبه..
يستخير وله غلا قلب (ن) صدوق مايمله.. فدوة (ن) له قلبي من شماله لي جنوبه..
يوم قفا والخفوق يفوح عقبه فوح دله.. وسط وقدت واحد (ن) عز الشتا والسهر دوبه..
لا تقهوى بارده من برد فنجاله وزله.. ثم قربها على جال الجمر وارها شبوبه..
وين يدله الخفوق وكل مايدله يتله.. طاري اللي يا كثر مااتعبت رجلي في دروبه..
لاطرأ جريت ونة من بلاده مستحله.. مثل ماراحت بلادي مع شعارات العروبه..
كل هاجوس يجيبه جعل شعري فدوة (ن) له.. واعذابي كل ما جابتلي القبله هبوبه..
مشغل قلبي بحبه دون خلق الله من الله.. هيه ياللي ممتلكني حسن وأسلوب وعذوبه..
ما سمعت إن الخوي له بالخوي تسعين زله.. وأنت طوف زلتي ياعل تفداك اللعوبه..
صاحبي سيف الهجر لا صرت تقدر لا تسله.. ماتظن العفو عند المقدره أكبر عقوبه..
ايه أنا اللي كنت ألوم اللي يضيق إن غاب خله.. بس جربت المحبة الفراق وقلت توبه

{%{محمد}%}
2013- 9- 12, 03:23 AM
http://im37.gulfup.com/5Ezbq.jpg (http://www.gulfup.com/?dxSVSE)


* بسيطة

بس لحظه يامهملنى وناوى فى غيابك دامك اللى ناوى الفرقا باأقول اللى باأقوله
أنت يعنى لانويت تغيب باقف عند بابك لاوربى تاقف الدنيا وأنا " تأبى الرجوله "
ماتعودت اتبع المقفى ولو حضرت جنابك رح عساها خيرة والدرب لك عرضه وطوله
روح لاجابك امجيب الغيم واترك لى صوابك جيت حلم ورحت حلم تشبه احلام الطفوله
ماأنت بأول من طعن هالقلب والدرب انتهابك ياثقل خطواتك البارح وهالليله عجوله
باغى الفرقا !!جعل ربى يعجل فى ذهابك بايع قلب لك الله كنت ماتحلم تطوله
من يلومك..؟ شايف حالك وف.. بداية شبابك طاغى تجرح قلوب الناس تحسبها بطوله
بسألك: كم واحد قبلى هقابك واشتقى بك؟ أنت ياللى نظرة عيونك قبل عرفك خجوله
ياكثر ماكانت ظنونى دخيل الله تهابك بس اكذبها واقول اوهام والقلب وميوله
اثرك اللى تستلذ ان ذاقوا العالم عذابك؟ مشكله !! والمشكله هذى بسيطه ومحلوله
كان مالبستك الغيره مثل لبست ثيابك قل عوافى.. قل مثل غيره تركته وبسهوله
واجد اللى مشتهين الوصل والخط متشابك كان لك جوله ترى محاكيك له تسعين جوله
لابغيت تغيب فارق لاوربى مادرابك شاعر ياكثر ماتل القلوب وصفقوا له
لاهلا بك فى حضورك .. فى غيابك لاهلا بك رح مهف امقيط يوم مقيط ودنه رجوله
باكر ان ماشفت غيرك جا يعوضنى غيابك قل حكى شعار ماتفعل ربع هاللى تقوله

{%{محمد}%}
2013- 9- 12, 03:25 AM
http://im37.gulfup.com/5Ezbq.jpg (http://www.gulfup.com/?dxSVSE)




* يامعذربين القنص

يا معذربين اهل القنص بالبهاذيل اخذو اهروج الي لقاكم يعله
ان سهل الله بالليالي المقابيل ديوانكم ما عاد رجلي تدله
باكر لمنه بدل الجو تبديل وجه الشمال والوثب بالكوس غله
لا قام من عقب البطا يزحف اليل على النهار بساعتين ويسله
عقب التوبيع وكلابين وسهيل لاصرت بظلال الضحى ما تمله
لا فارقن خضر جديد المحاصيل لا شفت مقعاد العصر طال ظله
هذاك والله دورنا يا العواذيل يالي طربكم صورتن بالمجله
انا طرب قلبي هذيك المداهيل لا صارت الحره علينا مطله
غربي مهيل بين ذيك الشخاليل وقت العبور وصيدها حل حله
لا جيت من جليقم علوم ومراسيل وجابوا علوم الصيد دقه وجله
ثم انتوينامه ارجال حلاحيل النفس معهم دايم مسفهله
كلن جهز موتره بالتدابيل يبي الي لا راحت عليهم يتله
ربعن نشامه بالمواقف رجاجيل والا الردي معنا شحيح محله
وقت المغذا كلبوهم شواغيل محدن حسب خدمه خويه مذله
اكبرهم لا دار ببيض الفناجيل من خف روحه بينهم زان دله
منزالنا قاعن عسا فاله السيل عقب الحروره وكل روض يبله
عاقن توسع خاطري بالتعاليل الشيح فيها ما كل الخد كله
يا عاذلين القلب والله ما اشيل عديت كل نجومنا المستحله
راعي الولع من كثر ما يرغب سهيل كنه خليل وشوف خله

{%{محمد}%}
2013- 9- 12, 03:29 AM
http://im37.gulfup.com/5Ezbq.jpg (http://www.gulfup.com/?dxSVSE)

* مجنونك


تزعل واراضيك واتلذذ بتزعيلك تبي الصراحه انا مجنون زعلاتك
لا قمت تبعد وأنا اقرب وادنيلك وامسك طرف غترتي وامش دمعاتك
وتبدي تعاتب وأنا كل انتباهي لك ما اسمعك شتقول أنا عيني على شفاتك
وتعيد حجيك وتفرك حيل منديلك وتخالطت صادق حروفك بوناتك
وأحاول أرضيك ومدري منين ابديلك واحتار وأذكرك في بعض زلاتك
واسمعك ماكتبته بك واغنيلك طاروقك اللي تحبه واكسر سكاتك
واستسمحك واعذرك واسمعك واشكيلك واتلهف لبسمتك ورد ضحكاتك
يسرقني الوقت ولا يمديني احجيلك كلام اللي تحفظته لشوفاتك
وقت الوعد فات وعيوني تراعيلك وقفيت واشغلت القلب بلتفاتك
عيني على خطوتك والقلب يدعيلك الله يحفظك من الحاسد وشماتك
تزعل واراضيك واتلذذ بتزعيلك تبي الصراحه انا اعشق كل حالاتك

{%{محمد}%}
2013- 9- 12, 03:38 AM
http://im37.gulfup.com/5Ezbq.jpg (http://www.gulfup.com/?dxSVSE)


* المخرج ..!

أهو الغرام؟؟. لمَ لا يكون؟؟
بعد الذي قد قيل من ذاك الكلام..
برّاق تفضحه العيون..
ترقص على أناّته الأنغام..
يسفك دماءاً لا تصون..
براءةٌ تُغتال بالإجرام..
يقوى، فتزجره السنون..
فيأبى بأن ينصاع للأيام..
هذا الغرام عهدته..
تاجٌ على رؤؤس الأنام..


تم بفضل الله (:rose:)

ورد آلجوري
2013- 9- 12, 05:18 AM
^
ماشاء الله تبارك الله مجهودك تشكر عليه :004: و اختيار موفق للشاعر :(204):
بالتوفيق إن شاء الله :rose:

rana.a
2013- 9- 12, 07:30 AM
يعطيك العافيه


بالتوفيق:(204):

مشعلي
2013- 9- 12, 08:40 AM
اخوي محمد اختيار موفق جداً للمبدع حمد السعيد
حمد السعيد من الشعراء المميزين في بساطة مفردته وجزالتها
قريب جداً الى قلوب جماهيره بأسلوبه الراقي ودماثة خلقه
جميل جداً اختيارك في مدخل الديوان لهذه العبارات النثريه الجميله
محتوى اكثر من رائع لهذه القصايد التي تتميز بالجزاله وقوة المعنى
ديوان ملفت للنظر من حيث الانتقاء للقصايد والابداع في التنسيق

دعواتي القلبيه لك بالتوفيق

مانسيتك !
2013- 9- 12, 08:15 PM
مبدع اخوي محمد والاكثر من ذلك النقل والعرض الرائعين .... دمت بود

أخوو نورة
2013- 9- 13, 05:48 PM
فالك الفوز
اختيار رائع وترتيب حلو والمدخل والمخرج احلى
بالتوفيق

إجتهاد
2013- 9- 13, 06:32 PM
ما شاء الله تبارك الله رائع يعطيك العافية

لكَبريآئي روآية
2013- 9- 14, 07:01 PM
،



ديوان في قمه الذوق والجمال
فالك كل التووووفيق :106:

مقتل القمر
2013- 9- 15, 12:09 AM
يسفك دماءاً لا تصون..
براءةٌ تُغتال بالإجرام..
يقوى، فتزجره السنون..
فيأبى بأن ينصاع للأيام..
:(204):
:16:

تــنسيق رائــــع ... ومجــهود تشكر عليه:16:
أبــــدعتــــــ... ...

بالتــــوفيقـــ الـــرحــمنـــ

tMiM АŀqЋtАПi
2013- 9- 15, 12:49 AM
ما شاء الله تبارك الرحمن
اخوي محمد انت مميز واختيارك للشاعر مميز وتنسيقك وترتيبك اميّز

حمد السعيد اسم كبير في الساحه الخليجيه الشعريه
ويكفي انه احد اعضاء لجنه التحكيم في اكبر مسابقه شعريه

اهنيك
ولاهنت
وتقبل مروري
تحياتي

الشاااامخ
2013- 9- 15, 01:44 PM
ماشاء الله اخوي محمد ~~ ديوان وتنسيق واخراج ~ موفق خير ,,

•¦[ٱبيڪَ قٌربيے
2013- 9- 15, 02:05 PM
_


آنتقاء جمممممممميل للغايةةً..

سلمتَ عَ ذائقتكك العذبةة..

لــ روحكك(:004:)

بنوته حساويه وو
2013- 9- 15, 11:35 PM
الله يوفقك يارب وتمنياتي لللجميع بالتووفبق

جفا..!
2013- 9- 16, 11:35 PM
ديوان جمييل لشاعر مميز ومبدع :(204):

طيب الروح
2013- 9- 18, 01:18 PM
ماشاء الله اختيار موفق وذائقه جميلة
تسلم يمينك

الــغـــدراء
2013- 9- 22, 11:53 AM
،،،

سلمت يمينكـ ع الديوان الجميل ،،،
تصميم و تنسيق اكثر من رآآآآئع ،،،

... :rose:

l a v e n d e r
2013- 9- 25, 11:21 AM
ايش هالجمـــال ... ؟؟ :Looking_anim:

ديوانكـ رائع بجد ..

راق لي جدا ..

فالكـ الفوز .. :rose:

{%{محمد}%}
2013- 9- 25, 10:16 PM
كل الشكر والتقدير على الاطراءالجميل الذي أسعدني وابهجني والمرور اللطيف منكم
لكم مني تحية ود وتقدير
:rose::rose::rose: