تسجيل الدخول

مشاهدة النسخة كاملة : بخصوص الكتب والملخصات

أمل بدر
2013- 9- 13, 06:57 AM
السلام عليكم

ابي أسألكم بخصوص المذاكره والمتابعه مع الدكاتره في المحاضرات والتخطيط وكذا

انتو يالقدامى عندكم خبره اكثر لذلك ودي أسأل وش تفضلون اشتري كتب واخطط او اشتري ملخصات انا عن نفسي احس الكتب اضمن يمكن لاني جديده وما اعرف واخاف يفوتني شي

واذا تفضلون ملخصات من وين اشتريها ومن مسويها ووش اسماء الدكاتره اللي يدرسون الماده عشان اعرف
واذا كتب بعد علموني من وين اشتريها
اخر سؤال(مصختها ودها تندبج)
متى اشتريها سواء ذي او ذي؟؟؟؟؟؟؟؟؟؟؟؟؟؟؟؟؟؟:mh12::(107):
أسير بلآ قيود
2013- 9- 13, 07:11 AM
وعليكم والسلام ورحمة الله وبركاته

بالنسبه للكتب الحين هذا اخر مستوى لي وما عمري شريت كتاب كل مذكرتي من ملازم اخوي هتان والاخوات في التربيه الخاصه الاخت صبا زهران وامبيشن وجوري الملتقى وفوفي

انا انصحك تنتظرين حتى يفتح البلاك بورد وتشوفين اسماء الدكاتره اذا كان فيهم تغييير تنتظرين حتى ينزلون الاخوان والاخوات ملخص للماده

واذا الدكاتره ما تغيرو وهم نفسهم حقين العام عندك مكتبة الهجره بالخبر ومكتبة المتنبي ومكتبة فجر بالدمام

واذا انتي من خارج الدمام حددي مدينتك وراح يفيدونك الاخوان الي من مدينتك ع المكتبات التي يوجد بها ملخصات او اشتري طابعه واذا نزلو الاخوان موضوع عن المحاضرات سوي لها طباعه


طولت بالكلام :biggrin:

بالتوفيق
الشذى (م)
2013- 9- 13, 08:42 AM
:mh12:

^ مو كفآيه نطبع المحتوى المرفق مع المحاضره ؟
أسير بلآ قيود
2013- 9- 13, 09:39 AM
:mh12:

^ مو كفآيه نطبع المحتوى المرفق مع المحاضره ؟

الا كفايه بس المحتوى المرفق مع المحاضره مو مرتب مثل الملخصات الي يسونها الطلاب

المحتوى عدد صفحاته كثييير لكن الاخوان يضبطون ملخص نفس المحتمى بالضبط بس بعدد صفحات اقل

بالتوفيق
shaden1
2013- 9- 13, 09:46 AM
مشكور اخوي افدتنا كثير الله يعطيك العافيه :106:
ريم 2012
2013- 9- 13, 12:35 PM
الكتاب كبير وشكله مرعب ويخليك تتشتتين من كثر المعلومات الي فيه

فيه بعض الطلاب الثقه يسون ملخصات مرتبه وملونه واذا حابه اسود على راحتك

تنفتح نفسيتك للدارسه اما الكتاب شريت واحد والله مرمي مااستفدت فيه لانو غيرو المنهج نهائي

ومضطره اشتريه ومع الوقت اطبعو الكتاب وبعض الطلاب ماقصرو سوا له ملخص شامل وكامل

ادخلي قسمكم مستوى اول وشوفي مين الي مسوي لكم الملخصات والمرتب والي ترتاحين له وحطيه بفلاش

ووديه المكتبه او بديرتك مكتبه معينه تقدرين تاخذين منها الملازم وبنسبه لااسماء الدكاتره

بتنزل الماده وجنبها اسم الدكتور لاتحاتين واذا حابه الكتب وعادي بنسبه لك ياجرير او العبيكان او المتنبي

حاليا لاتطبعين حاجه لما تنزل المحاضرات الاحد بعد بكره شوفي المحاضره الاولى والثانيه اذا نفس المحتوى

الي عندك اطبعيها وتاكدي من مشرفتكم اكيد تعرف اذا فيه تغير بمناهج او لا

موفقه حبيبتي وعام دراسي ممتع وسهل ان شاء الله:004::004::004:
الراقي222
2013- 9- 13, 03:33 PM
اذا انتي بالرياض روحي لمكتبة التميمي وطلبي الملازم منهم فيها المحتوى كامل .. ونصيحه لوجه الله لك ولغيرك وخري عن الملخصات مهما كانت والله مانكبني في الترم الاول والثاني الاهي ..
ع فكره تري المحتوى يتراوح مابين 20 الى 40 صفحه ذاكريه اذا انتي متابعه مع الدكتور المحاضرات والله ماياخذ منك الا نص يوم وانشالله تاخذين الدرجه كامله واذا ماكنتي تتابعين المحاضرات يوم كفايه انشالله.
الراقي222
2013- 9- 13, 03:36 PM
الا كفايه بس المحتوى المرفق مع المحاضره مو مرتب مثل الملخصات الي يسونها الطلاب

المحتوى عدد صفحاته كثييير لكن الاخوان يضبطون ملخص نفس المحتمى بالضبط بس بعدد صفحات اقل

بالتوفيق

اغلب الاساله من بين السطور .. ولاتوجد في الملخصات
بوسعود2013
2013- 9- 13, 08:14 PM
الحين وين الافضل الملخصات ولا المحتوى
نحن في حيره كل واحد يعطيك راي مختلف :mh12:
ام جوريتي
2013- 9- 13, 08:25 PM
انا عن نفسي الحمد لله المستوى الأول. رحت طبعة المحتوى للجميع المواد وطلع علي بسعر مبالغ ب450 ريال وماذاكرت منها لان حجمها كان كبير
لأني لسى ما دخلت المنتدي بس لما دخلت المنتدى الحمد لله اغلب وقتي علية. أشوف الأسئلة القديمة للاختبارات وعلشان الملازم أخذت حقت أخوي هتان بالمستوى الأول ،،والمستوى الثاني أخذت حقت ملازم الدكتوره فجر والحمد لله جبت معدل عالي ماشاء الله وأخذت الملازم للمستوى الأول والثاني من مكتبة صدى الحروف جميع الملازم للمستوى ب180 مع التوصيل للبيت شوفوا الفرق بين. السعر من 450 الي 180 ،،طبعا اهم شئ عندي كان الأسئلة حقت الاختبارات للسنين الي فاتت
وفالكم التوفيق ويارب يسهل علينا دراستنا
أمل بدر
2013- 9- 13, 09:33 PM
الله يعطيكم الف عافيه جميع ولايهينكم والله ماقصرتو بس برضو انا سؤالي نفس سؤال اخوي بوسعود وش افضل ملخصات او محتوى؟

اما بالنسبه لمدينتي انا ساكنه بالرياض لكني الحين في الدمام مؤقت ووش رايكم اشتري من هنا او من الرياض وش افضل؟ او مافيه فرق؟
بوسعود2013
2013- 9- 14, 05:04 AM
صباح الخير
الى الأن محد تفضل علينا بأجابه
جواهر فيصل
2013- 9- 14, 06:11 AM
ام جوريتي تكفين كيف ادخل منتدى أبغى معاكم لأنو أنا انجليزي مستوى اول ساعدني يالغاليه
سفوره
2013- 9- 14, 07:30 AM
ايه وربي تكفون ساعدونااا انا شلت هم الملخصاات مانبي انتوهق
انا من المدينه المنورة معقوووله مافيه احد من المدينه ولو اطلبهاا
من الدمام كم تاخذا يوم علي بال ماتوصل وتتوقعوا كم السعر
الله يفرج همكك ساعدوناااا نحنااا في حيرة
:000::bawling:
عزيز مجد
2013- 9- 14, 07:39 AM
عن نفسي ماعمري شريت كتااب اعتمد على الملخصاات من الاخواان والخواات في هذا المنتدى

وكذالك المحتوى والااسئلة للاعواام السابقه

اما بالنسبة للكتب رااايح يوضح كل دكتور مادة وش المطلوب من الكتب في المحاضرة التمهيديه لكل مقرر

لاتستعجل بشراء الكتب
زهرة الريف
2013- 9- 14, 08:09 AM
الملخصات جدا حلووووه ومرتبه وتفتح نفسك للمذاكره اطرحي بس موضوع بقسم مستواك عن افضل الملخصات لكل ماده من موادك وماراح يقصرون معك.
والله يوفقنا وياكم
خالد بن سعود
2013- 9- 14, 08:37 AM
اختي انا بقول لك وش اللي ناوي عليه انا.
في المقام الاول راح اتابع المحاظره مع الدكتور واكتب تلخيص لكل محاظره بنفسي وبالطريقه اللي احس اني افهمها لأن لا يمكن الدكتور يخرج بالاسئله عن شرحه,
في المقام الثاني بعد ما اكون فهمت الماده من محاظرات الدكتور راح ابحث عن تلخيص مشهود له واقراه والاحظ اي تعارض بينه وبين شرح الدكتور واعمد شرح الدكتور.
اما المقام الثالث والاخير هو تجميع الاسئله السابقه وعدم اعتماد الجواب الموجود الا بعد الرجوع لتلخيص الدكتور.

وهذي خطتي والدعوه ان شاء الله سهالات
باحثة عاصميه
2013- 9- 14, 10:15 PM
السلام عليكم حبيت اسال مواد الطلاب نفس مواد الطالبات اقصد المحتوى يعني يصير اعطي اخوي الملازم حقتي حقت المستوى الاول تكفون ابي الجواب
`shotgun`
2013- 9- 14, 10:55 PM
الى الحين محد عطانا جواب على السوال ناس تقول ملخصات من المنتدى ويجي واحد يقول الملخصات تجيب العيد وفيها اخطاء.

وواحد يجي ويقول ملازم من المكتبات

ويجي واحد يقول اعتمد على المحتوى وش السالفه الحين؟؟؟

السوال وش الافضل للطلاب الي قبل هل هو
1-ملازم من المكتبه
ولا
2-ملخصات من المنتدى
ولا
3-المحتوى

؟؟؟ ولا فيه ثنتين مع بعض يعني محتوى مع ملازم من المكتبه؟؟

احد يوضح لنا مهب يقول اي كلام ويطلع:017:
أسير بلآ قيود
2013- 9- 14, 11:14 PM
عفوآ انا اقصد بالملخصات هي الملازم

الملازم هي نفسها محتوى المحاضره بالضبط بس مرتبه وعدد صفحاتها اقل

بالنسبه لك ياصاحبة الموضوع بما انك حاليا بالدمام عندك مكتبة المتنبي بالدمام

الملزمه الوحده قيمتها 5 ريال بدون تغليف واذا بتغلفينها راح تصير قيمته 10 رسال

يعني عندك المستوى الاول 8 مواد تقريبا قيمتها مع التغليف 80 ريال

ياخوووان الي يبي يشتري كتاب براحته بس والله ان ما عمري شريت كتاب وعتمادي ع الله ثم ع ملزمات هتان وبقية الزملاء

وبالنسبه للاخت الي من المدينه المنورهـ
فيه مكتبه في المدينه اسمها مكتبة الأزهري راح تلقين طلبك فيها ان شاء الله


الله يوفقكم وييسر امووركم
بوسعود2013
2013- 9- 14, 11:25 PM
عفوآ انا اقصد بالملخصات هي الملازم

الملازم هي نفسها محتوى المحاضره بالضبط بس مرتبه وعدد صفحاتها اقل

بالنسبه لك ياصاحبة الموضوع بما انك حاليا بالدمام عندك مكتبة المتنبي بالدمام

الملزمه الوحده قيمتها 5 ريال بدون تغليف واذا بتغلفينها راح تصير قيمته 10 رسال

يعني عندك المستوى الاول 8 مواد تقريبا قيمتها مع التغليف 80 ريال

ياخوووان الي يبي يشتري كتاب براحته بس والله ان ما عمري شريت كتاب وعتمادي ع الله ثم ع ملزمات هتان وبقية الزملاء

وبالنسبه للاخت الي من المدينه المنورهـ
فيه مكتبه في المدينه اسمها مكتبة الأزهري راح تلقين طلبك فيها ان شاء الله


الله يوفقكم وييسر امووركم
يسعد مساء الجميع
مكتبة المتنبي اللي بالدمام تقصد اللي بحي البادية ؟
overmy
2013- 9- 14, 11:32 PM
المعذره بس سؤال
الملازم بالمنتدى موجوده ولا كل مره بتتغير
سفوره
2013- 9- 14, 11:33 PM
عفوآ انا اقصد بالملخصات هي الملازم

الملازم هي نفسها محتوى المحاضره بالضبط بس مرتبه وعدد صفحاتها اقل

بالنسبه لك ياصاحبة الموضوع بما انك حاليا بالدمام عندك مكتبة المتنبي بالدمام

الملزمه الوحده قيمتها 5 ريال بدون تغليف واذا بتغلفينها راح تصير قيمته 10 رسال

يعني عندك المستوى الاول 8 مواد تقريبا قيمتها مع التغليف 80 ريال

ياخوووان الي يبي يشتري كتاب براحته بس والله ان ما عمري شريت كتاب وعتمادي ع الله ثم ع ملزمات هتان وبقية الزملاء

وبالنسبه للاخت الي من المدينه المنورهـ
فيه مكتبه في المدينه اسمها مكتبة الأزهري راح تلقين طلبك فيها ان شاء الله


الله يوفقكم وييسر امووركم

مغسسي اسير الله يعطيك العافيه ويوفققك دنيا واخره
بالتوفبق لك ودي:rose:
queenn0001
2013- 9- 14, 11:38 PM
مرحباا بس حبيت اسال متى بينزلون الجداول و طبعا الانظمه ولا واحد يفتح معاي وانا لسى جديده ومب فاهمه ولا حاااقه:mh12:
o_lg_ll
2013- 9- 14, 11:39 PM
انا عن نفسي الحمد لله المستوى الأول. رحت طبعة المحتوى للجميع المواد وطلع علي بسعر مبالغ ب450 ريال وماذاكرت منها لان حجمها كان كبير
لأني لسى ما دخلت المنتدي بس لما دخلت المنتدى الحمد لله اغلب وقتي علية. أشوف الأسئلة القديمة للاختبارات وعلشان الملازم أخذت حقت أخوي هتان بالمستوى الأول ،،والمستوى الثاني أخذت حقت ملازم الدكتوره فجر والحمد لله جبت معدل عالي ماشاء الله وأخذت الملازم للمستوى الأول والثاني من مكتبة صدى الحروف جميع الملازم للمستوى ب180 مع التوصيل للبيت شوفوا الفرق بين. السعر من 450 الي 180 ،،طبعا اهم شئ عندي كان الأسئلة حقت الاختبارات للسنين الي فاتت
وفالكم التوفيق ويارب يسهل علينا دراستنا

والله نفسك بالضبط في أول سمستر خسرت نفسي وشريت ملازم الدكاتره كلهم
والله يوم رحت البيت وجات الاختبارات النهائيه والله حأولت اذاكر منهم ماقدرت استوعب منهم مدري ليه حسيت انهم مو مناسبيني للمذاكرة


وماكنت أعرف المنتدى الا قبل الاختبار بأسبوع كذا

وما ادري ان في ملازم يعملونها نأس ثقه هنا وروعه وماتخسرك في الطباعه


وانا فتحت موضوعين شرحت في الموضوعين هذي النقطة وحرصت ان كل شخص يشتري له طابعة ويطبع الملازم الى في المنتدى و يتابع المواضيع الى فيها اسئلة الاختبارات السابقة ويتابع اسئلة المراجعه الى في موقع الجامعه وبكذا امورك في السليم
أسير بلآ قيود
2013- 9- 14, 11:39 PM
المعذره بس سؤال
الملازم بالمنتدى موجوده ولا كل مره بتتغير

اذا دكتور المادة ما تغييير يعني الملزمه ما تغيرت
أسير بلآ قيود
2013- 9- 14, 11:42 PM
يسعد مساء الجميع
مكتبة المتنبي اللي بالدمام تقصد اللي بحي البادية ؟

الله يعافيك يالغالي

الي اعرفه انها على شارع المستشفى بس الحي والله مو عارفه
o_lg_ll
2013- 9- 14, 11:42 PM
مرحباا بس حبيت اسال متى بينزلون الجداول و طبعا الانظمه ولا واحد يفتح معاي وانا لسى جديده ومب فاهمه ولا حاااقه:mh12:
مدامك جديدة ومو فاهمه شي

ادخلي هذول الموضوعين وركزي في الشرح

لكل مستجد / مستجدة : شرح لكل مايهمكم من طريقة الدراسة عن بعد الى حل الواجبات و تحميل المحاضرات + مشاهدتها و حل المناقشات و طريقة المذاكرة للأختبارات النهائية (http://www.ckfu.org/vb/t493818.html)

وهذا الموضوع بعد

لكل المستجدين و المستجدات توضيح بخصوص نظام البلاك بورد & النظام الافتراضي في الفتره الحالية من بداية الدراسة + ملاحظات مهمة (http://www.ckfu.org/vb/t497551.html)
أسير بلآ قيود
2013- 9- 14, 11:44 PM
مرحباا بس حبيت اسال متى بينزلون الجداول و طبعا الانظمه ولا واحد يفتح معاي وانا لسى جديده ومب فاهمه ولا حاااقه:mh12:

الانظمة راح تفتح ان شاء الله

فيه كم طالب وطالبه مو فاتحه معاهم بس بكره اكيييد راح تفتح

اطلعي ع هذا الموضوع وراح تتعلمين كل شي

http://www.ckfu.org/vb/t493818.html

بالتوفيق
B-h-s
2013- 9- 14, 11:49 PM
انا عن نفسي الحمد لله المستوى الأول. رحت طبعة المحتوى للجميع المواد وطلع علي بسعر مبالغ ب450 ريال وماذاكرت منها لان حجمها كان كبير
لأني لسى ما دخلت المنتدي بس لما دخلت المنتدى الحمد لله اغلب وقتي علية. أشوف الأسئلة القديمة للاختبارات وعلشان الملازم أخذت حقت أخوي هتان بالمستوى الأول ،،والمستوى الثاني أخذت حقت ملازم الدكتوره فجر والحمد لله جبت معدل عالي ماشاء الله وأخذت الملازم للمستوى الأول والثاني من مكتبة صدى الحروف جميع الملازم للمستوى ب180 مع التوصيل للبيت شوفوا الفرق بين. السعر من 450 الي 180 ،،طبعا اهم شئ عندي كان الأسئلة حقت الاختبارات للسنين الي فاتت
وفالكم التوفيق ويارب يسهل علينا دراستنا


انا سويت نفسك بالضبط في المستوى الاول ما طبعت الا المحتوى واخذ علي مبلغ وقدره

بس الافضل ان بعض الملخصات تطابقونها مع المحتوى او مع شرح الدكتور :biggrin:

فالكم التوفيق ،، وان شاء الله انكمم من الناجحين في الدنيا والاخره :love080:
أمل بدر
2013- 9- 14, 11:49 PM
اخوي اسير بلاقيود الله يعطيك الف عافيه ولا يهينك يارب من جد مشكووووور بعنف انا اشهد انك ماقصرت

وبالنسبه للملازم تنصحني بملازم هتان؟؟؟؟؟
وسؤال ثاني ممكن تفيدني اذا تعرف بكم ممكن تكون الطابعه ومن وين اخذها ابي اشتري لي وحده بالبيت :verycute:
أسير بلآ قيود
2013- 9- 15, 12:08 AM
اخوي اسير بلاقيود الله يعطيك الف عافيه ولا يهينك يارب من جد مشكووووور بعنف انا اشهد انك ماقصرت

وبالنسبه للملازم تنصحني بملازم هتان؟؟؟؟؟
وسؤال ثاني ممكن تفيدني اذا تعرف بكم ممكن تكون الطابعه ومن وين اخذها ابي اشتري لي وحده بالبيت :verycute:

يب ملازم هتان قسم انها مرتبه احسن ترتيب وشامله كافة المحتوى انصح فيها وبقوه

شوفي خيتوه انا اول مره اشتريت طابعه ملونه hp وبصراحه تعبت منها لن حبرها بسرعه ينتهي لنها تطبع عدد صفحات اقل من 90 صفحه وكنت اعبي حبرها في البيت وما يضبط معي وتوسخ علي الاوراق

هذي صورتها
http://im38.gulfup.com/J60Ge.jpg


وبعد كذا اشتريت لي طابعه hp ليزر اسود فقط تطبع اكثر من 1000 صفحه بسرعه هائله والله ارتحت كثير معاها

هذي صورتها نصيحتي اذا لقيتي مثلها اشتريها بالضبط ناسي بكم بس اعتقد 350 ريال او اقل

http://im38.gulfup.com/FR3Sl.jpg

في ابراج الدوسري بالخبر او اي محل اكترونيات في الدمام راح تلقينها

بالتوفيق
أمل بدر
2013- 9- 15, 12:17 AM
نشتري الليزر ومالو اهم شي تكون حلوه وسريعه تسلم واسفه ع الاطاله وكثرة الاسئله:(269):
ام جوريتي
2013- 9- 15, 12:25 AM
ام جوريتي تكفين كيف ادخل منتدى أبغى معاكم لأنو أنا انجليزي مستوى اول ساعدني يالغاليه

أختي جواهر تقصدين إذ تبغين تتابعيين كل شئ جديد ادخلي قسم كلية الآداب بالمنتدى هذا مستوى اول وان شاء الله بتدخلين قسم الانقلش يعني تبدين تدرس ين تخصصك بالمستوى الثالث
باحثة عاصميه
2013- 9- 15, 12:28 AM
محد رد ع سؤالي ممكن تردون:sm1:
أحمدالعاصمي
2013- 9- 15, 12:32 AM
تفضلوا

http://www.ckfu.org/vb/t497752.html
جواهر فيصل
2013- 9- 15, 12:36 AM
طيب أنا من أبها وين ألمكتبيه اللي حشتري منه
overmy
2013- 9- 15, 12:36 AM
السلام عليكم حبيت اسال مواد الطلاب نفس مواد الطالبات اقصد المحتوى يعني يصير اعطي اخوي الملازم حقتي حقت المستوى الاول تكفون ابي الجواب

الي فهمتو انه على حسب الدكتور اذا كان نفسه او لا
والله اعلم
وبالتوفيق للجميع
overmy
2013- 9- 15, 12:38 AM
يب ملازم هتان قسم انها مرتبه احسن ترتيب وشامله كافة المحتوى انصح فيها وبقوه

شوفي خيتوه انا اول مره اشتريت طابعه ملونه hp وبصراحه تعبت منها لن حبرها بسرعه ينتهي لنها تطبع عدد صفحات اقل من 90 صفحه وكنت اعبي حبرها في البيت وما يضبط معي وتوسخ علي الاوراق

هذي صورتها
http://im38.gulfup.com/j60ge.jpg


وبعد كذا اشتريت لي طابعه hp ليزر اسود فقط تطبع اكثر من 1000 صفحه بسرعه هائله والله ارتحت كثير معاها

هذي صورتها نصيحتي اذا لقيتي مثلها اشتريها بالضبط ناسي بكم بس اعتقد 350 ريال او اقل

http://im38.gulfup.com/fr3sl.jpg

في ابراج الدوسري بالخبر او اي محل اكترونيات في الدمام راح تلقينها

بالتوفيق


طيب بكم الحبر لطابعة الليزر
أسير بلآ قيود
2013- 9- 15, 12:52 AM
طيب أنا من أبها وين ألمكتبيه اللي حشتري منه

خيتوه في في ابها مكتبة الكاتب

المكان / على طريق ابها والخميس
قبل كبري المطار على اليمين للقادم من الخميس لأبها بجوار مكتب الاتصالات السعودية ومقابل بنك الراجحي للتمويل هاتف:2272181 017
3beer_850
2013- 9- 15, 12:54 AM
السلام عليكم

ابي أسألكم بخصوص المذاكره والمتابعه مع الدكاتره في المحاضرات والتخطيط وكذا

انتو يالقدامى عندكم خبره اكثر لذلك ودي أسأل وش تفضلون اشتري كتب واخطط او اشتري ملخصات انا عن نفسي احس الكتب اضمن يمكن لاني جديده وما اعرف واخاف يفوتني شي

واذا تفضلون ملخصات من وين اشتريها ومن مسويها ووش اسماء الدكاتره اللي يدرسون الماده عشان اعرف
واذا كتب بعد علموني من وين اشتريها
اخر سؤال(مصختها ودها تندبج)
متى اشتريها سواء ذي او ذي؟؟؟؟؟؟؟؟؟؟؟؟؟؟؟؟؟؟:mh12::(107):



المتابعه مع الدكتور لابد لانك تعليم عن بعد لازم تفهمين الماده معه:(204):
افضل شي ملخصات لانها تكون من نفس كلام الدكتور والمحتوي ويكون اوضح من الكتاب
وبالنسبه لاسماء الدكاتره تحصلينه في التعليم لافتراضي افتحي عليه وبتحصلين موادك قيه مع اسمائهم

وافضل مكتبه مكتبه تميم واذا مو حابه تروحين تشترين اطبعي ملازمك بالبيت بتحلينهم بروابط حمليهم


بالتوفيق ان شاءالله:119:
أسير بلآ قيود
2013- 9- 15, 12:55 AM
السلام عليكم حبيت اسال مواد الطلاب نفس مواد الطالبات اقصد المحتوى يعني يصير اعطي اخوي الملازم حقتي حقت المستوى الاول تكفون ابي الجواب

وعليكم والسلام

اذا كان اخوك نفس تخصصك اكيييييييييد اعطيه لنه مافيه فرق الطلاب والطالبات مادتهم وحده ودكتورهم واحد واختبارهم واحد

اهم شي تاكدي ان الدكاتره نفسهم ما تغيرو

بالتوفيق
أسير بلآ قيود
2013- 9- 15, 12:57 AM
طيب بكم الحبر لطابعة الليزر

قالي بـ 100 واذا نشبت في حلقه اكيد بيعطني بـ 90 :biggrin:

بس تستاهل والله انا طبعت عليها اكثر من 1000 ورقه والى الحين لازالت تواصل في قواها
طالبه2013
2013- 9- 15, 01:37 AM
طيب سؤال مكتبه الازهري هذي فين وهل القى فيها ملازم هتان ولا اطبعها من المنتدى لان شفت موضوع له بس حاتكلف عليا لو طبعتها ياليت القها جاهزه في مكتبه بالمدينه المنوره
Haneen..
2013- 9- 15, 08:37 AM
لو سمحتو حابه اعرف وين القى ملخصات هتان المستوى الاول في مكه ولا جده :(107):؟
أمل بدر
2013- 9- 15, 01:09 PM
مشكووووره حبيبتي عبير ع التوضيح كلامك فعلا اقنعني :004:
علي المهيمزي
2013- 9- 15, 02:29 PM
يعني يا شباب نبغى جواب نهائي نشتري كتب او ملخصات او كيف و من وين احصل الملخصات حقت هتان والاخوان ارجوا تنزيل الرابط وشكرا
queenn0001
2013- 9- 25, 08:07 AM
يعطيكمم العافييههه
انا من تبوككك احد يعرف مكاتب هنا للملازم ولا لازم اطلبها :g2:
الدره
2013- 9- 25, 08:19 AM
طيب
سؤال هلحين

المحاضره الي ننزلها
وتتحمل

ملزومين نشوفها كلها. ..

أحس الوقت ضيق والمواد
كثيره


والمنااقشه

نحلها بعد سماعنا للمحاضره



ياليت تفيدوني لني لح الأن ماحليت ولا مناقشه
ومابي يتراكم عاي شي

بس ماني فاهمه الطبخه
o_lg_ll
2013- 9- 25, 10:25 AM
طيب
سؤال هلحين

المحاضره الي ننزلها
وتتحمل

ملزومين نشوفها كلها. ..

أحس الوقت ضيق والمواد
كثيره


والمنااقشه

نحلها بعد سماعنا للمحاضره



ياليت تفيدوني لني لح الأن ماحليت ولا مناقشه
ومابي يتراكم عاي شي

بس ماني فاهمه الطبخه

سمو ركزي الله يهديك بس لاتركزين كثير ولا تشيلين هم دراسة الأنتساب أكثر من اللازم

ركزي وفهمي الى راح أقوله

تحميل المحاضرة

حملي أي شي تعرفين شنو معنى كلمة أي شي ؟؟

حملي صيغة جوال صيغة صوت صيغة فديو اي شي راح تحسب لك الدرجة حتى مشاهدة المحاضرة على الموقع راح تحسب لك الدرجة

تشغلين المحاضرة 5 دقايق راح تحسب لك الدرجة

اييييييييييييييييي شيييييييييييييييي يرحم والديك راح تحسب لك الدرجة

لاتفكرين انك لابد تشوفين المحاضرة اذا حملتيها ,, لا مو لازم تشوفينها سواء قبل او بعد التحميل

تبين تشوفين المحاضرة عشأن تذاكرين شوفيها ,, غير كذا منتي ملزومة بشي

=================

المناقشات

تعاملي معها كانك جألسه تطبخين والا جألسة تعملين خلطة سحرية لكشتك

يوم لك خلق يوم مالك خلق بعد شهر تحلين المناقشات ,, كل ماتنزل المناقشة تحلين ,, كل أسبوعين تحلين

تحلين كل المواد في وقت واحد ماتحلينهم في وقت واحد

منتي مجبورة على شي ومنتي مجبورة بوقت معين أهم شي تحلينهم كلهم وبس

=================

ملاحظات

المناقشات لاتسوين فيها مجتهده وفيلسوفة زمانك بتحلينها بنفسك وتكتبينها والله تطلع روحك

في موضوع مثبت فيه حل المناقشات كلها اعمل تحديد على الاجابة واسحبيها وحطيها في مربع الاجابة وأرسال

وبس هذا المناقشات


المحاضرات ليه نحملها أكثر من مره ؟؟

والأفضل تحملين أكثر من صيغة للمحاضرة الواحده ,, لأنه الى راح يحسب لنا الدرجة نظام ,,, سستم ,, كمبيوتر ,, يعني ماتضمنين يحسبها والا لا

عشأن كذا حملي المحاضرة الوحده بصيغة جوال وصيغة صوت او اي صيغ ثانية عشان بس حرص على ضمأن الدرجه فقط

والا هي تحميل صيغة وحده تكفي



لاتشدين حيلك كثير وتتفأجين كثير من دراسة الأنتساب وتعطينها أكثر من حجمها

ايه ايه ايه هذا طريقة دراسة الانتساب في هذا الزمان حمل اي شي والمناقشات أسرق جوابها من اي احد وحطها في المربع و أرسال وتحسب لك الدرجة

وبس بكذا فألك الــ 30 درجة

تبين تشدين حيلك في دراسة الانتساب ,, شدي حيلك في الاختبارات النهائية الــ 70 درجة ذاكري وشوفي كيف طريقة الاختبارات وتابعي معنا في المنتدى وطبعي ملازم وملخصات ولاتنسين أسئلة المراجعة لكل مادة الى موجودة في موقع الجامعة

وبس هذا الشي الوحيد الى تحاتينه في دراسة الأنتساب



لكل زمان و وقت فرص ومصاعب وتسأهيل ,, والحين الوقت الى نعيشه

هذا دراسة الأنتساب الى جألسين ندرسها تسأهيل اللهم شد حيلك في الأختبارات النهائية وانت وطريقة دراستك او مذاكرتك

لاتوسوسين ولاتحطين في رأسك ان الجامعة ماتدري ان حل المناقشات احنا نحلها كذا

لا الجامعة تدري وماهي حولك وتقولك حلي وحطي اي شي بس وفكينا

وتبين الدليل روحي شوفي اسئلة المناقشات في كل سنه او كل سمستر ماتتغير ولو هم فعلاً يبونا ندرس عدل وبذمة وضمير كان كل دكتور مادة غير في اسئلة المناقشات الى كل سنه وكل سمستر نفس الشي

ولو فعلاً فكرو فيك وفي حلك كان الدكتور بنفسه يراجع جواب كل طألب كللللللللللللللللللللل طأأأأأأأأأأأأأأأأأأأأأأالب لو عنده 5000 طالب خليه يراجع جواب كل واحد فيهم في كل المواد الى يدرسها مو هذي شغلته وخليه يحلل هالفلوس الى يأخذها من تدريس الأنتساب

وأبشرك فوق كذا روحي شوفي المناقشات السؤال فوق وتشوفين تحته أجوبة الطلاب الثانين

بالله عليك كل هالأشياء وتخافين:hahahahahah:



دراسة الأنتساب الان فرصة الـــ 30 درجة للمشاركة ( تحميل محاضرات ) + ( حل النقاشات ) + ( الواجبات ) + ( 3 محاضرات مباشرة ) وهذا وقتنا الى نعيشه

ممكن السنين تتغير ويجيك نظأم تتغير فيه دراسة الأنتساب وتتغير فيه طريقة رصد الـــ 30 درجة
يعني ممكن تتعقد الطريقة أو ممكن تتسهل أكثر


وكل واحد يعيش زمانه يستغل الفرص الى فيه


على فكرة ترا ماني معصب :(96):بس هذا طريقتي في الشرح :41jg:لا بصراحة معصب شوي مو مره :hahahahahah:لنا كثير انسألت هالسؤال ومحد رأضي يصدق ويقتنع ان هذا دراسة الأنتساب وخاصة البنات الا محسسيني ان جد جد طلاب جامعة :hahahahahah:ومو بس أنتو يالبنات حتى الرجال بس بصراحة البنات بزود هع

من حق الكل يستفسر ومن حق الكل يسأل ويشوف الى له والى عليه ومافيها شي أبد

وأنا ( أعوذ بالله من كلمة أنا ) مستعد اجاوب الكل على اي استفسأر انا أعرف أجابته او طريقته

بس بصراحة البعض البعض ( البعض ) فيه حرص و وسواس ومحاته غير طبيعية

ترا ما أقصدك سمو :hahahahahah:والله جد ما أقصدك الكلام بشكل عام مو لك :119:

واذا كنتي من الأشخاص الى بعضهم أجل الكلام لك :biggrin:


نصيحتي للكل / لاتخسرون أنفسكم تشترون من المكاتب الا اذا أنتو عجأزين ومو مشكلة عندكم الفلوس
أشترو طابعة ليزر وتكون احادية اللون يعني أسود فقط ولجيتو تشترون طابعة اسألو المحل كم ورقة تطبع وكم سعر الحبر الليز الأسود عشأن اذا خلص الحبر تعرفون كم سعره لجيتو تشترونه في المستقبل
والملازم ( الكتب ) موجوده هنا في المنتدى اللهم حملوها سواء حقت دكتور المادة نفسها او ملازم الأخوان حملوها ( تنزيل ) على جهازكم واطبعوها في الطابعه وبس

الطابعة في Wifi وفي مدخل USB يعني الكسول الى يقول أوف اسلأك وحالة لا في طوابع بلوتوث وأسعارهم في متنأول اليد يعني الرايق الى يحمل في جواله او ايباد او الخ الخ يقدر يرسل الملازم للطابعه وراح تطبعها له

بس أهم شي تكون الطابعة ليزر لاتأخذون عادية

شوفو هذي الطابعة

http://www.samsung.com/sa/consumer/printers-multifunction/printers/mono-laser/ML-2165W/SAU-features

http://www.youtube.com/watch?v=54LlHUffv9M

http://www.youtube.com/watch?v=Y5zUXpbdtkM

أسف على الأطالة :119:
الدره
2013- 9- 25, 10:55 AM
يمامي
حسيت اني بهوشه ههههه


بس يبه مو مشكله
لني ابي اعرف شنو الي لي والي علي من هلحين


لاتنسئ انسخ الاجابه هذي يمكن تحتاجه وحده غيري ههههه



زين اخر سؤال
تكفيني كلمتين مابي محاضره هههه

الملازم اقدر اشتريهم من هلحين
ابي احس اني داخله جامعه وابشتري كم ملزمه من برا
لزوك الكشخه




الله يستر من هالطربه:icon120:
الدره
2013- 9- 25, 11:11 AM
شكرا لك وعلى ردك
بالتفصيييل الممل

افادني كثيرا
خصوصا بمشاهدة المحاضره كلها
o_lg_ll
2013- 9- 25, 11:43 AM
يمامي
حسيت اني بهوشه ههههه


بس يبه مو مشكله
لني ابي اعرف شنو الي لي والي علي من هلحين


لاتنسئ انسخ الاجابه هذي يمكن تحتاجه وحده غيري ههههه



زين اخر سؤال
تكفيني كلمتين مابي محاضره هههه

الملازم اقدر اشتريهم من هلحين
ابي احس اني داخله جامعه وابشتري كم ملزمه من برا
لزوك الكشخه




الله يستر من هالطربه:icon120:

شكرا لك وعلى ردك
بالتفصيييل الممل

افادني كثيرا
خصوصا بمشاهدة المحاضره كلها

كل هالمحاضرة واخرتها لزوم الكشخه والهذره الى هذرنها وهذا اخرتها :30:

بعدين اركدي يلي نسخ الاجابة تحتاجه غيرك :biggrin: يا دافورة انتي

بعدين فديتك انا لو ماشرحت لك بالتفصيل الممل ماراح توقفين اسئلة مشاء الله

ايه أشتري ملازم من بره روحي اي مكتبة واطلبي منه الملازم ومري مره وحده جرير واشتري بعد كم كتاب حق جامعة أكسفورد وطلعي الصباح روحي سوق السمك واذا شافتك اي بنت او كلموك تلفون قولي لهم متجهه الجامعة

شوفي هذا رابط قسمك

http://www.ckfu.org/vb/f311 (http://www.ckfu.org/vb/f311)

خليك هنا واسألي عن اي شي تبينه وفي مواضيع كثيره بتفيدك
عبدالله الرشدان
2013- 9- 25, 11:50 AM
عندك مكتبة تميم في اشبيليا بشارع الصحابة بجانب ( ميد ) مقابل مجمع اتصالات شموخ
وفيه مكتبة تميم بحي السويدي فرع ثاني لهم
عندهم كل المحاضرات والملخصات .
الله يوفقك وعقبال التفوق
الدره
2013- 9- 25, 11:59 AM
كل هالمحاضرة واخرتها لزوم الكشخه والهذره الى هذرنها وهذا اخرتها :30:

بعدين اركدي يلي نسخ الاجابة تحتاجه غيرك :biggrin: يا دافورة انتي

بعدين فديتك انا لو ماشرحت لك بالتفصيل الممل ماراح توقفين اسئلة مشاء الله

ايه أشتري ملازم من بره روحي اي مكتبة واطلبي منه الملازم ومري مره وحده جرير واشتري بعد كم كتاب حق جامعة أكسفورد وطلعي الصباح روحي سوق السمك واذا شافتك اي بنت او كلموك تلفون قولي لهم متجهه الجامعة

شوفي هذا رابط قسمك

http://www.ckfu.org/vb/f311 (http://www.ckfu.org/vb/f311)

خليك هنا واسألي عن اي شي تبينه وفي مواضيع كثيره بتفيدك



قمة الاحراج :16.jpg:




طيب
مشكور وماقصرت
احس بوقف اسأله لحد الان :hahahahahah:

اافكر بشي قوي هلمره،،،،:53:
o_lg_ll
2013- 9- 25, 12:06 PM
قمة الاحراج :16.jpg:




طيب
مشكور وماقصرت
احس بوقف اسأله لحد الان :hahahahahah:

اافكر بشي قوي هلمره،،،،:53:

شايفه كيف مايفيد معك الا كذا :hahahahahah:

بس ما أتوقع تبطلين أسئلة :icon9:



بعدين تعالي هنا ,, مو في موضوع سألتيني وقلت لك ادخلي على الرابط وراح تشوفين مواضيع مثبته الخ الخ

وشجأبك هنا تسألين

وفوق كذا نسخة لك روابط مواضيع مشروح فيهم كل هالهذره الى عدتها لك


لا جد ما أتوقع تبطلين :139:
الدره
2013- 9- 25, 12:17 PM
شايفه كيف مايفيد معك الا كذا :hahahahahah:

بس ما أتوقع تبطلين أسئلة :icon9:



بعدين تعالي هنا ,, مو في موضوع سألتيني وقلت لك ادخلي على الرابط وراح تشوفين مواضيع مثبته الخ الخ

وشجأبك هنا تسألين

وفوق كذا نسخة لك روابط مواضيع مشروح فيهم كل هالهذره الى عدتها لك


لا جد ما أتوقع تبطلين :139:



لا خلاص
هلحين اكتفيت بالي ذكرتهم مسبقا
وبالمحاضره الطويله العريضه الي قبل شوي:icon120:



اا
اظن كفايه لهنا


وربي المعين

بس ماجاوبتني ع سؤالي بخصوص الملازم والملخصات
مو المفروض ننطر شوي
ولا ماتفرق هلحين ولا بعدين

عشان نجتهد من هلحين ولا شرايك....

وهل فيه مجال تغييير التخصص ولا خلاص
ماكو


لني ساالت وذكر لي انه لازم اخلص 24ساعه يعني ترمين تقريبا


هل صحيح ام لا ؟؟

طبعا عندي علم انه هالترمين تحضيري يعني مستوى اول وثاني
الجدد بالثالث



واسمح لنا ع الاطاله

مالنا غنئ عن اجوبتكم
:119:
o_lg_ll
2013- 9- 25, 12:30 PM
لا خلاص
هلحين اكتفيت بالي ذكرتهم مسبقا
وبالمحاضره الطويله العريضه الي قبل شوي:icon120:



اا
اظن كفايه لهنا


وربي المعين

بس ماجاوبتني ع سؤالي بخصوص الملازم والملخصات
مو المفروض ننطر شوي
ولا ماتفرق هلحين ولا بعدين

عشان نجتهد من هلحين ولا شرايك....

وهل فيه مجال تغييير التخصص ولا خلاص
ماكو


لني ساالت وذكر لي انه لازم اخلص 24ساعه يعني ترمين تقريبا


هل صحيح ام لا ؟؟

طبعا عندي علم انه هالترمين تحضيري يعني مستوى اول وثاني
الجدد بالثالث



واسمح لنا ع الاطاله

مالنا غنئ عن اجوبتكم
:119:

:007::bawling:

هالبنت ماراح تبطل أسئلة انا عارف ان هالشي في دمها ماراح تتوب ( أدمان استفسار )

الملازم أول شي شنو اخترتي ؟؟

انا شارح هالشي في موضوع انا عامله ان في ملازم لنأس كثير وفي ملازم لدكتور المادة

انتي شنو الملازم الى أرتحتي لها حقت أي شخص ؟؟

ايه يبه المفروض تنطرين أشوي ومو شوي المفروض كثير تنطرين بعدين أشرح لك ليش تنطرين كثير على اني تعبت منك



تغيير التخصص صحيح لابد تخلصين 24 ساعة يعني سمسترين

ولابد يصير معدلك 2.0 من 5 أقل من كذا ماتغيرين التخصص

و أخر شي التخصص الى راح تحولين له فيه اماكن شاغرة

بس هذا الشروط
حكاية2012
2013- 9- 25, 12:51 PM
يعطيكم العافيه... ابغى رقم مكتبة الفجر ب الدمام
لو احد يفيدني فيه
الدره
2013- 9- 25, 02:41 PM
:007::bawling:

هالبنت ماراح تبطل أسئلة انا عارف ان هالشي في دمها ماراح تتوب ( أدمان استفسار )

الملازم أول شي شنو اخترتي ؟؟

انا شارح هالشي في موضوع انا عامله ان في ملازم لنأس كثير وفي ملازم لدكتور المادة

انتي شنو الملازم الى أرتحتي لها حقت أي شخص ؟؟

ايه يبه المفروض تنطرين أشوي ومو شوي المفروض كثير تنطرين بعدين أشرح لك ليش تنطرين كثير على اني تعبت منك



تغيير التخصص صحيح لابد تخلصين 24 ساعة يعني سمسترين

ولابد يصير معدلك 2.0 من 5 أقل من كذا ماتغيرين التخصص

و أخر شي التخصص الى راح تحولين له فيه اماكن شاغرة

بس هذا الشروط
:verycute:.


لا خلاص جد بطلت اسال
وكني بسحب افضل

جاتني صدمه عصبيه من الي شفته
كل ماده نزلت لي 3محاضرات و3مناقشات

وغيره وغيره