الى متى تستمر السرقه ياجامعيات

[الدلع جود]

مرحبا صبايا :004:

حابه اتكلم عن البوق بمعنى اخر السرقه كيف تقدر بنت كبيره جامعيه ان تبوق ؟

كلنا كبار واعمارنا فوق 18 يعني الحمدلله واعين وعارفين شنو الله سبحانه وتعالى حط حد للسارق

قول الله تعالى: وَالسَّارِقُ وَالسَّارِقَةُ فَاقْطَعُواْ أَيْدِيَهُمَا جَزَاء بِمَا كَسَبَا نَكَالاً مِّنَ اللّهِ وَاللّهُ عَزِيزٌ حَكِيمٌ {المائدة:38}

بتكلم عن المواقف الي صارت معي بشلتي الاسبوع الي راح واليوم بالذاااات:no:

اليوم تتوقعو شنو نباق جوتي جزمه بمعنى اخر:cool: وفوين تمت السرقه ؟

باطهر مكان المصلى المسجد بكليه الاداب:24_asmilies-com:

يعني الي باقته كانت داخله تصلي صلاه ربها .؟ يعني دامك تصلين تخافين ربك صح؟

ماظن انك تخافي لو تخافي ماعملتي الي عملتيه:hhheeeart4:

صاحبتي كانت تصلي ولما طلعت ماشافت جزمتها ,, طيب شتسوي احين ترجع بدون:hhheeeart4:

خبرت الامن وقالو لها الامن اخر جزمه هاذي اكيد حقت الي باقت جزمتك> شكلها نعجبت فيها تومس:(269):

وهاذي جزمه الي بقت بالمصلى اكيد بتكون جزمه فلانه السارقه:(269):

http://im37.gulfup.com/6Ml8N.jpg (http://www.gulfup.com/?BAf0DT)


الاسبوع الي راح ت شنو كمان نسرق..>>>>>>>>>> عباه صديقتي مع الطرحه :71:

يعني لو ما احد بيته قريب جاب لها عباه ورجعت بيتهم بشنو راح ترجع

الى متى الى متى ىىىىى بنظل نتكلم بهالموضوع

بس الواحد شيقوووول الله لايوفق كل بنت تعمل كدا دامك محتاجه تعالي قولي نتبرع لك بمبلغ يكفيك

عن السرقه والبوق

ماتسوى تدخلي النار عشان جوتي
بس الواحد شيقول يعني هااذا قدرها:sm5:

حسبي الله ونعم الوكيل ع كل وحده من هالاشكال:(204):

دمتك بووود:53:

[حكايه عطر]

يوة ماتوقعت توصل لحد جوتي الله يعينا على السرقات والله صار الواحد مايئمن يترك شي وش هذا

[تفااؤل]

تخخخخخخخخخخخخخخخلف خييير ي بوي جزممه قسم بالله ان البننت اهي الجزمه
شكككلي بحط جزمتي بالشنطه لادخلت خخخخخ


سلاممات وش تحس فيه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

[عشق البنات]

اذا هل البنت لقت لها جوتي،أنا رحت المحاضره حافيه بنفس القصه(سرقت جوتي بالمصلى)ولاشفتها

وصرت بوضع مضحك؟!


ماعاد في أمان ،كل ابو الاغراض معانا حتى الجزمه بنحطها بكيس جنبنا وبنصلي ،بعد من يطالها؟!

استغفر الله مات الأمان في بعض البشر.

[تو النهار]

انا جوالي نسرق ثلاثا لي طاف ولحين مالقيته ياليت يترجع قلوب ضعيفه

[جولي الحزينه]

الله يسامحم مدري كيف الذمة عندهم وسيعه :( !

[خوووخة]

لا ضمير ولا أخلاق

[الدلع جود]

ماكو ذمه واتمنى من كل قلبي ان تقرا الموضوع حق تحس انها وحده منبوذه

وان حوبه البنات مابتتتعادى يارب

[Miss MK]

شووووز مررررررره :mh12:وحده موبايل شنطه مكياج سكتنا ومشيناها بس شوووز انا مو مستوعبه كيف اخذته :g2: الله يهديهم اللي نفوسها ضعيفه والله مايسوى عليك تجيك دعووه وبحراره من صاحبه الغرض.

[شطرنج 333]

ياربي حتى جزمة اشتلوكم
باشيخه وين نحط الجزمة اجل وحنا نصلي قسم أنتو ناس مريضة الله يأخذ عقولكم. بس

[الدلع جود]

حطوها بكيس ودخلوها الشنطه هههههههههههههههههههههه

[N.de]

وانا انسرقت عبايتي وقبل ١٢ يعني قاصده مو ضايعه عبايتها ومعليش ياقليله الادب يالملحج يوم انك بتبوقين عبايه حطي عبايتك ولا توهقين الناس وينلطعون بالكليه على حسابك ، حسبي الله عليك يالمريضه يعني جد ماادري ليه تبوقين ناقصك شي حبيبتي تكلمي قطيعه + حتى اللوكرات تنباق منهم عبايات انا مره صديقتي فتحو لوكرها وباقو العبايه و وحده غيرها باقو عبايتها مرتين من اللوكر ، مفروظ كل وحده تجيب قفل معها واقفال غير عن اشكال الي بالكليه.

[Dreamy Spirit]

لا اخلاق ولا ضمير
حسبي الله على هالعقول المرييييضه !!

[basooma]

من جدكم يووه شلوون كذا وانا مفهيه اترك عبايتي ف ذا القاعات وبعض الكتب وامشي واقول لا كبار م يسرقون قطيعه تقطعكم كبرتو متى بتكبرون عقولكم صدددددق ملحجج :mad:

[شيخة البنات*]

أنا مرة أنسرقت عباتي حسبي الله يعني مافكرت شلون بطلع من الكلية أنزين لو البيت بعيد شنو بسوي

ومرة بعد نسيت خاتمي بدورة المياه ورجعت على طول ومالقيته حسبي الله عليها ضيقت صدري عليه

بس يالله الحمدلله على كل حال

وأنتبهوا يابنات على أغراااااضكم ولاتقولون أنا دايم أحط عباتي ومحد يشيلها الا مايجي يوم ويبقونها حتى لو كانت راس مو شرط أنها تكون كتف

[Nosha]

لا اله الا الله والله مو اول مرة اسمع كذا ربي يصلح حالهم !!
كم مرة صارت مع صديقاتي حتى شنطة المكياج ؟؟
لاتعليق!!..

[عاشقة التفاؤل]

السالفة سالفه ضمير يعني لو الوحدة مننا ما تخاف الله بكل شيء تسويه كان ما مات ضميرنا
ويخليها تسرق وتكشف وجها والقزع وووووووووووووووووووو
وغيرها أشياء كثير لا تعد ولا تحصى
اللي اهمها التربية مع اللي أشوفه بجامعة اشك انو فيه وحدة فيهم تربت صح
الله المستعان


استودعوا الله بحاجاتكم

[نرتقي بافكارنا]

اللله لايسامحهم الله لايسااامحهم قلبتم المواجع
حسبي الله ونعم الوكيل
انا انسرقة شنطتي باللي فيها مليانه عفش ومكياج وكتب
الله يجعلها ماتتهنى بحياتها زي مايحرقون قلوبنا الله يحرق قلوبهم
اللي مايخافون الله

[It's mee]

عادي بالجامعه على قفا من يشيل هالهمج
انا بقولكم موقف صار لي شخصياً واستفيدوا منه
كتابي مأشر مع الدكتوره اول بأول
بآخر المحاضره اعطتنا الدكتوره اختبار قصير والاسبوع الجاي راح يكون الاختبار الشهري بنفس المقرر
المهم جاوبت ع الاختبار وكانت المحاضره بمدرج ، نزلت اسلم ورقتي مع البنات وربي ما اخذ مني التسليم ثواني
ما رجعت لمكاني الا الكتاب مسروق والبنات كان نصهم مسلمين اوراقهم وطالعين

الحمدلله تدبرت امري بنفس اللحظه كلمت الدكتوره وانصدمت ، اعطتني ساعاتها المكتبيه وقالت اشتري كتاب وبعطيك كتابي تأشرين منه
الحمدلله انا نجحت وعديت بالماده لكن الى يومكم من اتذكر الموقف ادعي انها ما تتوفق ولا تنجح بكل المواد
وربي مدري كيف يهنى لهم بال ويرتاح ضميرهم
عساهاا البلا وربي لو جات وشرحت ظروفها لاشتري لها بنفسي كتاب واشره لها برسم الخدمه
لكن ناس ما يحلى بعينها الا الحرام

بنات اكتبوا مواقفكم انا انصدمت خصوصاً لما عرفت بموضوع ان اللواكر ممكن تنفتح

صاحبة الموضوع ما قصرتي جد هالمشكله منتشره وبقوه والمصيبه ان فيه بنات يحسبون هالشي ما يصير ويأمنون باغراضهم يمين وشمال ما يدرون ان فيه ضعاف نفوس اعوذ بالله

[الله حيني^ـ^]

ي بنات انا 3 مرات تنسرق عباتي والله خلاااااااص صرت استحي اطلب اهلي عبايه خير 3 مرات ومره من الثلاث انسرقت من اللوكر كيف مدررررررري ليومكم ذا

[الله حيني^ـ^]

امس البنات سرقو كتاب الاستاذه الله يشفيهم اتوقع انها تخبي السرقه ع اساس انها فله ومغامره ومدري كيفف لا انتي سراقه معليششش حتى لو تاخذين بوضع استهبال وكذا


حححححححسبي الله عليهم

[روزي الحلوه]

لا هالوضع ابد م ينسكت علييه
����
والجامعه تشووف حل مع هالسرقاات من جد حرام
وبعض البنات اللي يسرقوون وش يحسوون فيييه
جد الضمير ماات
����:019::139:
يعني حتى الشووز وصل الامر ينسررق ي الاهي ������
جد يوووم خايفه يسرقووني باللي فيني مع الشنطه ������:(269)::hhheeeart4:
وشكركك صاحبت الموضووع
واتمنى تووصل للجه المختصه مشان يشوفووون حل مع هالسرقاات
��������������

[SILENT.]

قلة ادب صراحه !

[دوقة هيا]

كل شيء يسرقونه سواء عباية ، كتب ، الشنطة بكبرها يا خوف يجي يوم ننخطف مرة وحدة:mh12:

[لموي الحربي]

صراحة اللي تسرق مريضة نفسيا
مستحيل وحدة عاقلة وعارف عقاب السرقة بتسرق اكيد اللي يسرقوا فيهم شي موطبيعين
زين والله نبهتوني وانادائما اترك عباتي تحت الدرج ومأخذها الانهاية الدوام حتى شنطتي احطها تحت الدرج اذا بروح كافتريا
شكرا اللي فتحت الموضوع نبهتينا صار مافي امان الوحدة المفروض تحط كل أغراضها بالشنطة وتخليها دائما
الله يهديهم ويصلحهم
والمفروض يابنات نسوي كتيبات صغيرة عن عقاب السرقة ونوزعها على جميع الطالبات
يمكن ربي يهديهم ويصلحهم من المرض اللي هم فية

[ياربي وفقني]

تخيلو بنات انا سقط مني ناقبي انا امشي وصلت لحد البوابة واكتشفت انة مو موجود
رجعت امشي ادورة وربي مالقيتة حسبي الله ونعم الوكييل مافكرت كيف راح اطلع

[عباة على الراس]

أممممممممممممما عااااااااااااد :eek:جزمة وانتوا بكرامة !!!!!!
اذا هذي جزمتها يعني عندها جزمة والشوله تسرق ؟؟؟!!!!! :(107):
+
الي تسرق عباية يعني اذا ما عندك عباية وشلون جيتي للكلية ؟!!! :017:
وااااااااااااااااضح انه غيره أو حقد أو نحااااااسه
----------------------------------------------------
عاد أنا دايم اترك عبايتي بالقاعة وأروح أتمشى وأنزل للكفتيريا وأروح وأجي < بس شكلي ما عاد أخليها

وبعدين أقول للي يسرقون : أنتي وصلتي مرحلة جامعيييية والمعروف أن الجامعية مثقفة وواعية وتصرفاتها غيررررر وأكيد ما وصلتي لهالمرحلة إلا ومريتي ب 12 سنة دراسية وين الآداب الي تعلمتيها وحصص الدين وش درستي فيها وأهلك وينهم واذا كنتي تقرين قرآن ما مريتي بقوله تعالى : " والسارق والسارقة فاقطعوا أيديهما " الله قال السارق والسارقة يعني حرمة ولا رجال يمشي عليهم نفس الحكم والرسول - صلى الله عليه وسلم - قال : ثلاث لا ترد وذكر منها دعوة المظلوم ما تخافين وحدة تدعي عليك ما أقول إلا الحمد لله والشكر وشلون تنامين مرتاحه وأنتي سارقه حلال غيرك:019: ما يوجعك قلبك :(247):ما تقولين لو صاحبة الغرض شافتني ومعاي غرضها ايش بيكون موقفي وقبلها لما يسألني ربي قدام الخلق وش برد وترى بتنفضحين يوم من الأيام لا تقولين الكلية كبيرة ولا ما بداوم فيها مصيرك للفضيحه
ما أقول إلا ( اللهم أمنا في أوطاننا ) :rose:
:064: ويابنات الي انسرقت أغراضهم الحق ما يضيع ان ما رجعلك بالدنيا ربي بيعوضك عنه بالآخرة خير

[صدى الياسمين]

لاحول ولاقوة الا بالله
فعلا صارت ظاهرة منتشرة وقبيحة بججججد
مالهم داعي و الله
وش يحسسون فيه
خاصة العباية والجزمة
وشش ذآ =(

الله يششفيهم يارب

[مسك5]

خوفتوني والله كلش إلآ الجزمة والعباية : (
وين يعني نحطهم !!
مرة بعد إللعام انباقت جزمة صاحبتي بالمصلى : (
وأني بعد الترم اللي راح انسرق جوالي ابو لمبة .. الحمدلله أبو لمبة مو غيره :(
الله يهديهم بس

[عناقيد الضياء]

ياخوفي يروحون يفتححون اللوكر حقي وياخذون عبايتي وكتبي :(
لان اللوكر صار يفتح اي مفتاح

ليه كذا !!!
الله يهديهم بس

[شيخة البنات*]

ياخوفي يروحون يفتححون اللوكر حقي وياخذون عبايتي وكتبي :(
لان اللوكر صار يفتح اي مفتاح

ليه كذا !!!
الله يهديهم بس

أحسن لك من بكرا جيبي معاك قفل أو أشتري القفل من الكلية ب12 ريال هذا محد يقدر يفتحه

[صوت الضمير]

هذي مشاركة لي كتبتها بواحد من المواضيع ,, حطيتها للفايدة :



___________________________


إذا الجوّال انسرق ,, فإني أقول للسرقته ,, حبيبتي .. كلّنا نغلط ,, و ما فيه أحد منا معصوم عن الغلط ,, لكن المصيبة هي ( الإصرار ) على المعصية ,, حنّا ما نبي نلومك عشانك سرقتيه لأنك بشر ( منتي معصومة ) و لكن نلومك إذا أصريتي على السرقة و خلّيته معك و ما جاك إحساس بالنّدم ,,

أختي اتقي الله و رجعيه ,, لا تخلّين لأي أحد مظلمة عندك ,, وربّي لو ما حللتك صاحبته بتروحين ورآ الشّمس

يعني مو أي أحد بيآخذ حقها منك , لا ,, آللي بيآخذ حقها منك هو ( العزيز الجبّار المنتقم القهّار ) يا ويله ثم يا ويله آللي يتعدّى على حقوق الناس ,,

الله يغفر لك لو عصيتيه هو , لكن إذا كان فيه شي بينك و بين عبد من عباده ( فالوضع يختلف ) ,, ما تتعدّى السالفة إلا إذا تحللتي من الشخص آللي ظلمتيه ,,

هذا موقف ,, أذكر قبل 6 سنوات ,, أعرف وحدة من البنات ضحكت على وحدة في منتدى ( أخطت في الإملاء ) و والله من بعدها و هي كلّه تخطي في الإملاء ,, جتها عقوبة من ربّي ,, الحوبة تبطي بس ما تخطي

يعني إذا كان هذا شي بسيط ,, تعاقبت البنت عليه ,, أجل لو شي أقوى منه ؟ إنك تسرقين جوّال وحدة من البنات ؟

والله يا بنات عندي قصص و مواقف وقفت عليها بنفسي ,, و أذكر وحدة سرقت فلوس و بعد مرور سنوات ع الموضوع صابها ( تلبس جان ) و تغربت حيل حيل حييييييييييييييل !!

و لا الظّلم أحذّركم منه ,, عقوبته أبد ما هي سهلة ,, الكافر آللي هو كافر لو ظلمتيه و دعا عليك ,, يستجيب ربّي دعوته و هالشي معروف ترى ,, حتّى الكافر ما يجوز تظلمنيه حاله حال المسلم ,, و أسألوا مشايخ الدّين إذا حابين تتأكدون .. أجل وشو تحسبون الظلم هيّن ؟ أجل كيف لو ظلمتي مسلمة موحدّة ؟؟

فآللي ظالمة أحد ,, بسرقة و إلا كلمة و إلا شي ,, تلحق على نفسها و تتحلل من آللي ظلمته و إلا لا تقول بعدين ياااا ليت أشوف فلانة آللي ظلمتها ! والله لأحب رجلها بس عشان تسامحني و يرفع عني الله العقوبة آللي صابتني !!!


___________________________

[مرشدة مغرورة]

طيب بنااات أنا بعطي صورة حسنة عن بعض البناات ,,

مثل صديقتي الطيووووبة ,,

ذاك اليوم لقت جوال بلاك بيري باللوكرات ,, و البنت دقت على جوالها ,, وردتلها ,, و استنتها لييييييين ما تجي,,

لدرجة اني طفشت من القعدة وخفت الباص يروح علي ,,

بس كااانت أمينة و انتظرتها لييييييييين ما جات ,,

و أنا برضو ,, ما عندي إلا جوال كشاف ,, ولا ايشي ثاااني أبداً,,

و لقيت قبل فترة آيفون بالكلية و استنيت صاحبته تدق ورجعتلها بكل طيبة ,,

بس بصراااحة سالفة العبايات ,, يمكن بالغلط البنات تحسبه عبايتها ,, طبعا مو الكل ,,

لأن فيه بنااات يلاقون العبايات ذيك اللي من نوووع الفساتين فما تصدق وتاااخذه ,,

بس من جد ترى يمكن العبااايات تتلخبط ,, خصوصا للي يحطونها على الكراسي و لا على الأرض ,,

و بالنسبة للجزم ,, ذي أكيييييييييد جزمتك ماركة ,, و هي ما صدقت ويااالله على طووول ,, لأن ما أتوقع االوحدة تضيع بجزمتها ..

إلا إذا عندها وحدة زيها بالبيت و مضيعة ذاااك اليوووم و تحسب نفسها كانت لابستها ..

و بسسسس ,,

[ريميتا]

والله هذي جزاها انك تطبعين شوزها ذا بااوراق وتعلقينه بالممرات حق الكلية عشان تتمقل فيه وهي رايحه وهي جاية
الله ﻻ يحدنا على السرقة والله يهديهم .

[بيج’]

يمكن كآن ودهآ بتومس بس م آحد شرآلهآ شآفته وقآلت ي آلله
بس صديقتهآ يوم تمشي معهم م لحضو جزمتهآ يوم تغيرت :/
آلله يصلحهآ مدري شتحس فيه :/

[Dreamy Spirit]

والله هذي جزاها انك تطبعين شوزها ذا بااوراق وتعلقينه بالممرات حق الكلية عشان تتمقل فيه وهي رايحه وهي جاية
الله ﻻ يحدنا على السرقة والله يهديهم .

من جد !!
:mad:

[آنسه مشاكل]

اتخيل البنت اللي سرقت الشوز خصوصا بعد ماحطيتوا صورة شوزها

يعني اتخيل وحده من زميلاتها بالكلاس ملاحظه الشوز ذا عليها وبعدها شافته بالموضوع ذا ههههههههههههه

واذا راحت للبنت تتأكد تشوفها لابسه شوز تومس :sm12:

> خيالي واسع :5aga:

ياليتني اصير مكان هالبنت لاصور خشتها هي والجزمه جنب بعض واسوي لها فضيحه ماصارت ولا استوت :(284): > وجه شرير

صدقوني هالاشياء اللي تقهرنا من سرقه وغيره من ابتلاءات , راح نلقاها باخرتنا :004:

الله يعوضنا بجنته :004:

[بيج’]

آححس آلبنت على قد حآلهآ و لآ م كآن سوت كذآ :(

[اميرة صيغرونة]

لاحول ولا قوة الابالله

وش يحسون فيه وهم يسرقون وكيف يناموا وهم ماخذين حلال غيرهم
مايدرون ان دعوة المظلوم مستجابة وان يمكن اللي سرقوا منها مجمعتنها عشان تاخذ هالغرض وكيف ظروفها

[rosy+]

طيب المفروض عنوان الموضوع مو الى متى السرقة ، إشلون نمسك اغراضنا ونتذكر إننا مو بالمدرسة ؟

نصيحة إلي تبي تصلي لا تروح المصلى ، تروح للقاعات الفاضيه وتحط جزمتها على جنب وتفرش سجادتها .

انحلت المشكلة ، ولا تترك عبايتها بالزاوية الفلانية عشان ماتصير لها مواقف زي كذا

[الانتظاار]

من جد انا لقيت بنتين عندنا مع الامن سارقين عباياتهم
اصحاب النفس الضعيفة لا بد نحذرهم يابنات

[miss rawan]

ما اتوقع السرقه لها علاقه بالعمر او المستوى التعليمي او حتى حاله الماديه

السرقه عاده ماحد راح يسرق قدام الناس الا وهو متعود عليها

واذا كانت حالتها الماديه صعبه ياكثر اهل الخير بس ما توصل انها تسرق اغلب الي حالتهم الماديه صعبه متعففين الحمدلله

واذكر مره سمعت شيخ يقول اذا كان فيه عمل في الدنبا و الله وضع له حد صرييح فهو من الكبائر فـ ليش تستهينين بـ كبيره وبعمل مشييين عشان شي مايسوى تتعاقبين عليه

الله يهديهم و يغفر لهم

[Ďσα'α♔]

آححس آلبنت على قد حآلهآ و لآ م كآن سوت كذآ :(

إذا كانت ع قد حالها الحل انها تسرق يعني؟!!

[الله حيني^ـ^]

الله يعين بس الامن وش وظيفتهم دام انعدم الامان بالكليهه للاسف تجمعات وسوالف ولا تستقعد ع لبس واشياء تافهه :(:(107):

هالكلام لازم يوصل لمسولة الامن يكثفون الامن باللواكر ..،:139:

[u s e r]

الحمدلله الذي عافانا مما أبتلاهم
أستودعوا الله أغراضكم وأنفسكم

[مها العبداللطيف]

استغفر الله اللهم عافهم ولاتبلانا

[zσσz яαsнιd]

للحين في ناس تسرق ؟
الحمدلله والشكر بس !

[بيج’]

الله يعين بس الامن وش وظيفتهم دام انعدم الامان بالكليهه للاسف تجمعات وسوالف ولا تستقعد ع لبس واشياء تافهه :(:(107):

هالكلام لازم يوصل لمسولة الامن يكثفون الامن باللواكر ..،:139:
آنآ معك
آلصرآحه صدقتي وربي :")

[الدلع جود]

الامن صحيح مقصرين شوي بس بعد ماراح يقدرو يسيطرون على هالعدد من الطالبات

[جننتهم كشتي]

الحمد لله والشكر

شنو يسوى اطلع من هالدنيا وانا عندي ذنوب اتندم عليها واتمنى ارجع للدنيا اصلحها

هم ابد مايفكرون بحقوق الناس جزمه اخذتها وبس لاكنها ماتدري ان ورا هالشي الي سوته عقاب رب العالمين

ماراح يكفيها الندم والتوبه بعدين الله يقبل التوبه صحيح لاكن اذا في حق لانسان لازم تتسامح من الشخص نفسه

اصلا كيف انام وانا سارقه كيف اتهنى بهالشي واهو مو لي

مافي محاسبه للنفس مافي وعي وادراك بحجم الجريمه الي سويتها بنفسي

حتى لو اني محتاجه حتى لو اشوف اهلي يسرقون انا ماصير مثلهم حتى لو اهلي ماربوني صح مااخلي البيئه الخايسه تربيني ع الخطأ انا اربي نفسي اشغل مخي هذا صح او خطا يرضي ربي او يغضبه يرضي رسولي او لا

الى متى التخلف والاستهتار

ترى حقوق الناس شي كبير غافلين عنه كثير من الناس

الله يهديهم وينور قلوبهم

[Black Widow]

اجل زين اني اصلي في قاعات :139:

[R :)]

اليوم لاحظت الامن مرابطين عند اللوكرات شكلها كاثره سرقه اللوكرات

..

انا انسرقت شنطه مكياجي وهي بشنطتي يعني ماطلعها الا ماندر ومعي مرايه اطلعها بس بالكلاس تبت

لانو انسرقت اول مره بدورة المياه وحاطتها قبالي بس جلست اسولف شوي وانا نفس مكاني مالقيتها

يعني ماشاءالله وش خفه اليد ذي ؟ يستغلون كل الاوقات مايضيعون اي فرصه الله يصلح الحال ..

ومره من زمان ايام اللوكرات جوا الجامعه كانت موجوده اول ماتدخلون من البوابه كانت فوق اختي تكنسلت محاضرتها

وتشوف ٣ بنات معهم حديده ويفتحون اللوكرات يعني يكسرونها ؟ الله يشفيهم !!

(( اعرفي ياللي تسرقين حوبت البنت بتجيك بالدنيا قبل الاخره مايسوى عليك بكره تتزوجين وتصير مصيبه لبنتك او ولدك عشانك سرقتي عباة او شوز او حتى ميك اب فكري بمستقبلك والله الدعوه بتجيك بتجيك وبينحرق قلبك ياعلى اهلك او عيالك او اختك او نفسك الله يهديكم))

[روح الغرام]

قليلات ادب مايستحون والله

حتى لو كانت فقيره وضعيفة ماتسرق والله لو تجي وتقول ابي كذا ومحتاجه اكيد بنعطيها اما تاخذ اغراض بدون علمي او استئذان !



مافيه اي اصاله مافيه اي ذووووووووووووووق !


ظاهرة ال

[مرجوجه شوي]

يا جماعه اشفيكم اكلتوا البنات :71:

يمكن البنت اللي انسرقت جزمتها مشبهه عليها وتخربطت

ع طول تسبون :Looking_anim: عطوا سداح فرصه


خلاص اعتبروها صدقه :064:


يالله مع السلامه :53: