مواد مشتركة تجربة اول يوم في التطبيق في المدرسة ... وتنبيه بخصوص عدد ايام التدريب .. [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : مواد مشتركة تجربة اول يوم في التطبيق في المدرسة ... وتنبيه بخصوص عدد ايام التدريب ..

بوبديـــــْع

2013- 9- 28, 05:36 AM

اهلا احبتي ... بعد التوجيه رحت للمدرسة ... طبعااا مدرسة ارامكو .. وللاسف مافيه الا انا طالب انتساب ولا فيه بعد طلاب انتظام متدربين .. مافيه الا اناااا ... اكتشفت من اولها ان المدير سكااانه وكيله خخخخ ... جيت للسكرتي اول مره اشوف بدال الحارس سكرتي ... مدرسة دلع بصراحة .. المهم .. وين المدير قال هذا مكتبه .. رحت اشوف المدير .. السلام عليكم طال عمرك .. يفكري احد اولياء الامور .. وعليكم السلام تفضل آمر .. وضحت له اني طالب متدرب جاي من جامعة الملك فيصل ... رد وقال دقيقة .. الا وقال لي موضوعك عند الوكيل .. رحت للوكيل .... رحب اول شئ بس من عرف اني متدرب ... سوااا مسئول ولطعني من اولها ساعة الا ربع في المكتب ... ليش ؟؟ اقول في خاطري مسوي فيها انه بيختبر صبري ولا اييش ذااا ... عاااد انا بسرعة استوي ... الا جااا طبعا ماهو الشخص اللي قابلني اول مره .. قلت له .. اخوووي ياليت توظح لي وضعكم في هالمدرسة عشان اشوف وضعي انا بعد ... الحبيب فكرني من طلاب الانتظام .... قال معروفه وضعك دوام من الاحد الى الخميس والحضور الساعة 7 ومافيه تاااخير طبعاا وتوقع عندي الحضور والانصراف والاذونات ممنوعه والى نهاية الفصل الدراسي نشوف لك حل قلت له اي حل .. قال احتمال نحتاجك في الاختبارات ...ماقدرت اتصبر .. قاطعته.. قلت له تسمح لي بالمقاطعة .. قال .. قل وهو مسوي زعلان ... قلت له انا متدرب لطلاب الانتساب واقرى الخطاب مضبوط اللي في يدك محدد لي 12 يوم بس .. انا ملزم فيه .. وفما زاد فهذا اجتهاد مني ... فانا عسكري على راس العمل مرابط ماااخذ اجازه بستين واسطه عشان التدريب من 1/11/1434هـ وبحضر بعملي في 2/12/1434هـ .. فأنا حاسب حسابي هالشهر بس التاخير من ادارة التعليم ماهو مني هذا الخطاب بيدك محرر بتاريخ 19/11/1434هـ ... سكت استوعب بشويش ....شوي ووراني الوجه المبتسم الجميل :biggrin:وقال ماشاء الله عليك انت مكافح انت ممتاز انت وانت مسوي يمدح اني مكمل التعليم ..... وانا اقول في خاطري الله يعين الطلاب المنتظمين اذا هذا اول اخلاقك .. المهم مالكم بالطويله .. الا وجا المدير وقال له هذا طال عمرك موظف ولا يقدر يجي الا الاسبوع الجاي وانا اقول نخليه يجي الاسبوع الجاي وبعدين نشوف له حل .. قال اللي تشوفه ... يلعن ام الدركسون ذااا قلت في خاطري مدري ساحره هالوكيل هاللي مخلي الكلمة كلمته ..... نقزت في وجهه قلت مانبي اللي تشوفه انا غير متفرغ عملي يوم بيوم ويصير 12 بيوم .. وبعض الاوقات 24 بيومين .. فوقتنا ماهو بلنا .. عطوني كلمة عشان ارتب وضعي معكم ولا عطوني خطابي لا هنتم اشوف لي مدرسة غيركم .. قال الوكيل لا لا انت بس خلك نحتاجك .. حسيت عندهم نقص في المعلمين بكثير وبيكرفوني خلال هالفتره اللي هي قبل اجازة العيد .... بس المشكله المدير سكانه وكيله .. المهم .. انا وضحت لهم اني وقت استلامي بأأكون في عملي ووقت تسليمي بجيكم ليمن اخلص 12 يوم ووضحت له ان هالشئ موضح لمشرفنا اللي هو الدكتور عبدالحي اخذت اوراق الايقونه للمدرس المتعاون ... ولا عندي مانع اني اجيكم الى نهاية الترم بس وقت تسليمي .. طبعا اهم يبغون يلزموني بجدول يومين في الاسبوع ولا ثلاث ايام في الاسبوع بس راحت عليهم بعد ماعرفوا ان عملي استلامات يعني لو بيحط لي جدول مثلا الاحد بيكون جدولي الاسبوع اللي بعده مااقدر اجي الاحد وهكذا .. احس انهم توهقوا فيني :(107):ولا عندهم احد من طلاب الانتظام ولا الانتساب الا انا ...لان كان عندهم الفصل الماضي على كلام الوكيل 7 من جامعة فيصل وكلية الشريعة المنتظمين .. واول مره يجيهم منتسب ... وناااشب ... خخخخخ .... قالوا لي على الله تعال الاحد الجاي من 7 انتبه تتأخر وتجمل معنا في هالاسبوع واحنا بحول الله نحاول نشوف لك حل او نتصل على مشرفك ....قلت له عاادي لو تبي اجي الفجر بعد يفكرني بنصدم من 7 الصباح مايدري ان تجينااا اياااام نحضر في الفجريييه مسيكين ... احس بوجودي معهم غير مهضوم جدااا .... وانا عارف ان دكتور عبدالحي بيوقف معي لأن تنبيهاته في ملاحظاته مكتوبه وواضحه بتعاون المدرسة بظروف الطالب الوظيفية .. ماادري وش اسوي .. مافيه وقت للتغير المدرسة ... واحس ماارتحت بصراحة ... بس بشوف ربي يسهلها ... وودي ببعض تعليقاتكم تكفون قولوا علقوا عن اي شئ ماني مرتاح من امس .... ملاحظه مهمه لكم احبتي التدريب فقط 12يوم وهذا نسخة من خطاب ادارة تعليم الاحساء للمدارس اللي بنطبق فيهااا ... وبالتوفيق لنا ولكم احبتي ...
التدريب فقط 12 يوووم .. الرجاء الانتباه ..

ابو ريان سليمي

2013- 9- 28, 05:56 AM

الله يعين بس ويسهل امررررك

اخذة الخطاب يوم الخميس وكنت متاخر بعد الصلاه بنصف ساعه

وانا عند المدرسه ولقيت المدير خارج من المدرسه

ويقول خلاص من يوم الاحد تتطبيق وعطيت بوجه قلت 12 يوم

فيض المشاعر ،،،

2013- 9- 28, 06:04 AM

الله يعينك ياخوي بو بديع بس المدرسة الي رحت لها ارحم المدير والمعلم بالنسبة لي المعلم انصدم لما قلت له 12 يوم يضن اني منتظم ووضحت له الصوره وقالي جب شي يثبت ورحت للتعليم وخت صورة التعميم والاحد عندهم اكثر من 12 يوم مستحيل ازيد ومعي اني عندي اجازة بس حسبتها معهم من امس بديت واسبوع القادم وبعد العيد اسبوع وبس ورانا مشاغل ثانية الي يقول انه التعيين على الباب نطبق الترم كامل .... مسكين المعلم انصدم كان حاط امال يبي اعاونه بالحالات واخطط واطبق خطه فردية معه على بعض الحالات بس ال12 ما تسمح مافيه مجال غير مشاهدة او مشاركة وتعاون مع المعلم والله لا يهينهم يقيموني بالاورق الي عطيتهم وتنهي هالقصة .

Dr.zezu

2013- 9- 28, 06:33 AM

الحمد الله ياربي

انا جيت وسلمت على المدير عسل

والمعلم المتعاون لبى تسبده

شرح لي وعلمني يوم الثلاثاء والاربعاء والخميس

وقالوا لي سجل جوالك ونكلمك لاحتجناك

وهائنا اتئهب للذهاب لمكة المكرمة مهمة الحج

شكراً لكم والله يكون بعونكم

بوبديـــــْع

2013- 9- 28, 07:17 AM

غصة الم

2013- 9- 28, 09:47 AM

ابو بديع
وانا صراحه مو مرتاحه للمعلمه شكلها مو متعاونه راح تكرفني
بس كيف اخذ صوره من الخطاب الموضح فيه عدد الايام للتدريب العملي !!
انا من الرياض ..

L-A

2013- 9- 28, 10:07 AM

بدر الشرقيه

2013- 9- 28, 11:15 AM

وشلون الحصول على الخطاب يالربع ابو (12)

xxd

2013- 9- 28, 11:41 AM

اختلف معكم على عدد الايام اهم شي تخلص 60 وحدة دراسيه

مثال في المدرسه الوحدة الدراسيه = الحصة

انا في مدرسة عندهم ايام 7 حصص وايام 6 حصص

قالي المدير يكفيك 10 ايام كل اسبوع 5 ايام واليوم 6 حصص

تطلع 6 حصص في 10 ايام = 60 حصه وهو المطلوب لان الزبدة توقيع المدير والمعلم المتعاون على ان لاتقل عن 60 وحدة دراسية

يعني اذا مدرستك عندها 6 حصص كل يوم يكفيك اسبوعين دوام متواصل

وسلامتكم

ريم الميموني .

2013- 9- 28, 12:29 PM

اخيرا طبقت يابو بديع بعد المعاناه مع ادارة التعليم

انا اشوف ان الوكيل متعاون من كلامك تحملهم والله يسر لك امورك ياااااارب

L-A

2013- 9- 28, 12:43 PM

بو بديع م يصير اطبع هذا التعميم الي انت منزله وخلاص؟؟
يعني ماروح ادارة ولا شي لان اساسا كذا ولا كذا هو مصور صح؟

سارة*

2013- 9- 28, 12:47 PM

ادراة التعليم ماعطوني خطاب او اي ورقه علشان ا روح للمدرسه هل لازم مع اخطاب او مايحتاج

بلا عنوان25

2013- 9- 28, 12:56 PM

انا رحت لمدرسه والمعلمات غير متعاونات
ولماطلبت من وحده منهم تقيمني رفضووو لاما نقدر نقيمك مانحب ماقد قيمنا خيييير
والمديره بس فالحه تحطني لحصص الاحتياط والطاسه ضايعه

أبو ماجد2010

2013- 9- 28, 01:12 PM

بنظري المدرسه غير مناسبه من اولها..

استخير وشوف تكمل فيها او تغيرها..

وبالتوفيق....

ريم الميموني .

2013- 9- 28, 01:51 PM

انا رحت لمدرسه والمعلمات غير متعاونات
ولماطلبت من وحده منهم تقيمني رفضووو لاما نقدر نقيمك مانحب ماقد قيمنا خيييير
والمديره بس فالحه تحطني لحصص الاحتياط والطاسه ضايعه

اتصلي ع الدكتور المشرف وضحي له الوضع

وياليت تغيرين المدرسه

الله يسهل امورك ياارب

ملكة المجره

2013- 9- 28, 03:55 PM

تعالوا ع اي اساس عدد الايام 12يوم انا يقولون لي شهر وحصص المشاهده ذي يبيلها اسبوع لوحدها
و60حصه حاسبينها لي الحصص بس اللي أشرحها مو حصص اليوم
تكفون اشرحولي الوضع

آبوو شهد

2013- 9- 28, 04:17 PM

اسلوبهم جاف

مادام عرفوا عن وضعك وعملك بيساعدونك

انصحك بالاستمرار معهم

L-A

2013- 9- 28, 04:41 PM

انا رحت لمدرسه والمعلمات غير متعاونات
ولماطلبت من وحده منهم تقيمني رفضووو لاما نقدر نقيمك مانحب ماقد قيمنا خيييير
والمديره بس فالحه تحطني لحصص الاحتياط والطاسه ضايعه

غيري المدرسه وش ذول اللهم لك الحمد
ثوارهـــــ احس يقهرون

صدى الأيام

2013- 9- 28, 08:30 PM

مبروك التطبيق والله يوفقك يارب
لعل الامر فيه خيره لك توكل على الله وتعاون معهم حتى يساعدوك

بوبديـــــْع

2013- 9- 28, 09:50 PM

ابو بديع
وانا صراحه مو مرتاحه للمعلمه شكلها مو متعاونه راح تكرفني
بس كيف اخذ صوره من الخطاب الموضح فيه عدد الايام للتدريب العملي !!
انا من الرياض ..

خطاب التوجيه تااخذينة عن طريق ادارة التربية والتعليم بالرياض لان كل مدرسة تاااخذ التوجية من ادارة تعليم كل منطقة او محافظة .. اتمنى تكون الصوره واضحه .. بالتوفيق ..

بوبديـــــْع

2013- 9- 28, 09:54 PM

الله يتقبل دكتور ويوفق الجميع الي فوق
بو بديع لازم تتحملهم وتسايرهم عشان لايحقدون عليك ويحطون حيلهم بتقيمك << هذا اسلوب الاكثر
انا تدريبي ف محرم من 2-1 الى 30 -1 لان ع قولتهاا اقرب وقت
حددوه من ادارة التربيه والتعليم طبعاا 28 يوم ليه ع كيفهم يعني قريب شهر مو اسبوعين
وتدريبي راح يكون ف المتوسطه الرابعه والله يستر.

لو اني متفرغ كان عااادي اخذ لو فصل كامل بعد ... بس انا وضعي يختلف ... مشكوره على النصيحة بخصوص التحمل والمسايره كلامك عين العقل الصبر زين .. بس اكثر من 12 يوم مافيه ... واذا كنتي متفرغه ترا ال28 يوم طيبه .. اما اذا كنتي موظفه لا والله مالهم الا ال12يوم وكثيره بعد ... وبخصوص طباعتك للخطاب هذا الخطاب يخص وموجه للمدارس التابعة لادارة التربيه والتعليم بالاحساء للبنين فقط وللبنات اكيد لهم خطاب ثاني روحي للادارة التابعة لك ويعطونك اياه ... بالتوفيق ..

بوبديـــــْع

2013- 9- 28, 09:58 PM

وشلون الحصول على الخطاب يالربع ابو (12)

روح لإدارة التعليم التابعه لها مدرستك .. وبالتوفيق ...

بوبديـــــْع

2013- 9- 28, 10:00 PM

اخيرا طبقت يابو بديع بعد المعاناه مع ادارة التعليم

انا اشوف ان الوكيل متعاون من كلامك تحملهم والله يسر لك امورك ياااااارب

شورك وهداية الله ... بشوف الوضع هالاسبوع ...

بوبديـــــْع

2013- 9- 28, 10:08 PM

تعالوا ع اي اساس عدد الايام 12يوم انا يقولون لي شهر وحصص المشاهده ذي يبيلها اسبوع لوحدها
و60حصه حاسبينها لي الحصص بس اللي أشرحها مو حصص اليوم
تكفون اشرحولي الوضع

5حصص * 12 يوم = 60 ساعة دراسية .. فما زاد منها من ايام وعدد للساعات غير محسوب منها ويعتبر تفضل وتكريم منك للمدرسة ... وهذا الكلام على اساس خطاب ادارة تعليم الاحساء المرفق موجهه خطابها لكل المدراس اللي بيطبقون فيها طلاب التعليم عن بعد بالاحساء واكيد هالكلام يشمل جميع مناطق ومحافظات المملكه ودول الخليج .... ياليت اكون وفقت بالتوضيح ..

الفصول الأربعه

2013- 9- 29, 01:34 AM

يعني الحين نطبع هذا الخطاب وناخذه معانا

بكره اول يوم الله يستر وش بيصير معي

الفصول الأربعه

2013- 9- 29, 01:36 AM

بحفظه عندي اذا ناقشوني بطبعه واوريهم

معزوفة الشرق

2013- 9- 29, 11:54 AM

استخير واذا ارتحت استمر فيها دام المدير سكانه الوكيل خلاص انت خلي علاقتك بالوكيل طيبه ههههههه

وان شاءالله تتوفق وربي يسهل عليك امورك ...

قـف و نـاظـر

2013- 9- 29, 12:52 PM

L-A

2013- 9- 29, 01:39 PM

لو اني متفرغ كان عااادي اخذ لو فصل كامل بعد ... بس انا وضعي يختلف ... مشكوره على النصيحة بخصوص التحمل والمسايره كلامك عين العقل الصبر زين .. بس اكثر من 12 يوم مافيه ... واذا كنتي متفرغه ترا ال28 يوم طيبه .. اما اذا كنتي موظفه لا والله مالهم الا ال12يوم وكثيره بعد ... وبخصوص طباعتك للخطاب هذا الخطاب يخص وموجه للمدارس التابعة لادارة التربيه والتعليم بالاحساء للبنين فقط وللبنات اكيد لهم خطاب ثاني روحي للادارة التابعة لك ويعطونك اياه ... بالتوفيق ..

بيض الله وجهك ماقصرت ياخوي,, الف شكر

L-A

2013- 9- 29, 01:44 PM

بالتوفيق لك وللجميع .. ان شاء الله .. انا والله طحت ولا سموا علي لا مدير ولا معلم .. المعلم يقول ما ابيك تطبق عندي هههههههههه والمدير يقول تعالني بعد الاجازة وان شاء الله الامور تتيسر ويجي المدرس الثاني ... الله يعينا عليهم ونخلص

ابي اسئل كيف يرسلون التقييم عن طريق المدرسة بالايميل ولا وش العلم

الله ييسر أمورك ي رب
كيف يرسلون التقيم انا قالولي الادارة هي طريقيتين: اما انكم تجيبون اوراقكم من المدرسه انتوا عندنا الاداره بعدها بيومين
واماا المدرسة الي انتو فيها ترسل لنا اوراقكم
يعني احتمال كذا واحتمال كذا
بالتوفيق.

سوووونيا

2013- 9- 29, 07:49 PM

الله ييسرلك ان شاء الله وبالتوفيق لك وللجميع ان شاء الله0

دفء المشاعر

2013- 9- 29, 08:48 PM

lhrvhj hgh hov
ماقرات الا اخر سطر
كم مره نقول عيونا راحت :Cry111: