كلمة لمستوى ثاني وربما تكون مؤلمة ..

[ليالــ k.s.a ـي]

بسم الله الرحمن الرحيم

السلام عليكم ورحمة الله وبركاته
صباح / مساء يحمل بين ايامه الخير وتحقيق الاماني ان شاء الله .

بداية كلامي موجه لبعض الفئه وليس الجميع ولكن مثل مايقولون الشر يعم والخير يخص .

بالنسبة للمحاضرات المباشرة وضعت للاستفسارات العلميه وليس للتهريج والاسئله اللي لاراح نستفيد منها
وحتى سائل السؤال ماراح يستفيد ، يعني وصلنا للمستوى الثاني ولا زلت اسمع نفس الاسئلة تبع السمستر
الاول ،

من وين نذاكر، النظام مايفتح عندي ، المناقشات من وين نحلها من البلاك بورد او الافتراضي ، الاسئله موضوعيه او مقاليه
، كم درجة الاختبار ، من كم اختياري ، الاسئلة صعبه ولا سهله ، اسم الكتاب من وين نجيبه ، الخ الخ الخ

وياليت تتوقف ع هذه الاسئله تجي اللي بعدهاا تسأل نفس الاسئلة معليه نقول ماسمعت توها جايه وتجيك اللي بعدها
وتسأل نفس الاسئله ، وبعدهاا يعصب دكتور الماده ويقولون ليه يعصب :mad: والله يعصب من اسألتكم اللي تجلط

يعني ياليت تقدرون دكتور المادة اللي ترك اشغاله والتزاماته وجاي يحضر ويستمع للاسئله الهادفه والاستفسارات والاشياء
اللي تصعب علينا بالماده والله ماجاء يسمع تهريج وضحك واسئله مالها علاقه بالماده ،

يعني والله حرام الوقت يروح بكلام فاضي والادهى من كذا اللي يكتبون ارقامهم والبن تبعهم يعني قمة المهزله ماعندك
اسئله نستفيد منها ماانتي مجبوره تضيعين نص ساعة من وقتك :017:
خلون نكون افضل من كذا صرنا مستوى ثاني ولازالت الاسئله هي هي ماتغيرت ترا النظام وااااحد ماراح يتغير ماله داعي
نتفلسف على بعضنا.

وبالاخير كلامي تعبر عن وجهة نظري وليست اجباريه ان يتقبلها الجميع وهي تهدف للبعض وليس الجميع وربي يهدي الجميع
وفالكم التوفيق .

[نونه الحلوة]

وعليكم السلام ورحمة الله وبركاته...

فعلآ كلام صحيح..وهالشي يأثر علينا وعلى تفكير الدكتور فينا وبالتالي على الاختبار اللي بيحطه لنا...

اذا تضايق الدكتور من الطلبه بيغير ويصعب الاسئله علينا..

الرجاء من الجميع الجديه..سواء بالكلام او الكتابه..

[تطلعات ورؤى]

لافض فوك...والله شي يعور القلب..اتمنى يلغى الشات الكتابي..
والي عندها سؤال تكلم الدكتور او ترسله ايميل..
لاحول ولاقوة الا بالله

الله يهدي بنات المسلمين

[يـــارا]

:004: الله اكبر .. الله اكبر ..:004:



,’


وعليكم السلآم ورحمة الله وبركاته ..

هلا بـ مميزتنا المتألقه ..
كلام يثلج الصدر .. وللآسف هالكلام كنا نقوله بالمستوى الاول .. ومانفع
والحين تتكرر نفس الاسئله ونفس الاستهتار وللاسف نفس البنات .. نست ان اسمها واسم عائلتها يطلع عند الكل .. واغلب بنات المستوى الاول .. للحين مستمرين بنفس الاسلوب المستفز .. كآأن هذي وسيلة الترفيه الوحيده بحياتها وتطلع كل كبتها بالشات التعليمي ..

( ربما كلامي لايروق للبعض ) بس هذا الواقع والكل يشوف ويلاحظ ..

اتمنى ان كل وحده تفكر قبل م تكتب .. وتحترم الدكتور ...

واذا ماعندها شي تضيفه للدكتور .. تعطي المساحه لغيرها ..
ليش تزاحم بالشات وهي ماراح تنفعنا بشي مفيد ..


الله المستعان ..


عوفيتِ ليالي على هالطرح الراقي منك ..





-

[sabreena]

كلامك سليم ميه ميه ..
اذن تسمع وعين تشوف بس وين اللي يهتم

يعطيك العافيه

[miss sho]

انا ودي يسكرون الاستفسارات

لان بسببها كثييييير اشياء تغيرت بنظام الجامعه

[تسجيل خروج]

المشكلة يكون او تكون شخص/ـه مستهتر/ه ويبلش امنا فيها ويخرب علي الكل ... ما اقول الا الله يعين

[جامعية2013]

والله فشلونا مع الدكتور ......... ولكن سؤال ليه الطلاب ماعندهم نفس الوضع

[عطر الثلج]

أنا أنجلط لما أقرأ الأسئلة 50 ولا 70
مقالية ولا موضوعية ووين نحل ياشيخة موتي بالله أحسن ..




من جد ماالومك بس عندي يقين إن اللي يسألون هالأسئلة أغلبهم مو هنا بالمنتدى يعني توقعي الوضع يستمر ..

[حسين بن جازع]

اي والله صدقت وانا ابي اعرف مانزلت عندي المحاضرات المباشره ابي احملها الى الان مانزلت عندي بالافتراضي وشكرا

[فارس الرومانسيه]

آآآآه ياقلبي ياللي من نبضاتك تعلمت معنى الوفاء

أتمنى من البنات والشباب الله لايحرمنا من أكل الكباب

أنكم ماتعملوا لنا حركات وكأنكم في شات وأنصحكم تاكلوا الكت كات

سمعوا كلام أختنا الرائعه / ليالــ k.s.a ـي

وريحوا كل بنت و شاب علشان لاينكسر الباب >>> (( لاتخربوا على الكل ))

لصالح الجميع هالكلام


http://www.***********/vb/images/smilies/m/Party-022.gif

بسبسني أشويه أشويه ،،، بسبسني وخذ عينيه





تسلم الايادي على الطرح الرائع منك

الله يعطيك ملايين الملايين من العافيه



ومسائكم أخضر جميعاً



تحياتي لكم
أخوكم / فارس

[اس 3]

ماعمري دخلته .

بس اسمع عنه ان الاسئله كثيره ومكرره :Looking_anim:


وبالاخير محد ماكله غيرنا يغيرون ويصعبون عشان ظرفنهم :icon9:


الله يهديهم يارب ~:rose:

[иαšeя αłωαđαич]

عندنا وعندكم خير

[طموحي ماله حد]

مااقول الا الله يهدي الجميع
وان شاء الله راح يتغيروا للاحسن ويسئلوا
شي مفيد ونطاق علم

بالتوفيق للجميع يارب

//

طموحـي ماله حد

[Rose9]

مساء الورد

والله فعلا شي يقهر فيه بنات الله يهديهم ماخذين المحاضره سواليف وتعارف وتوزيع ارقام واسئله تقهر مثل اللي يقولون دكتور بتكرر لنا اسئلة الترم الماضي :000: بالعقل بالله بيقول ايه بكرر لكم الاسئله :007:

وبعض الدكاتره يطلعون حرتهم بالاختبارات طيب وش ذنب البنات اللي يبون يستفيدون :017:

الله يسعدك اختي على هالموضوع سبقتيني والله كنت ناويه افتح موضوع ونتناقش وندور حل لان جد جد ملينا احنا بنات كبار عيب والله الحركات هاذي

وانا بصراحه اشوف الحل ان الدكاتره يقفلون الدردشه من عندهم واللي تبي تستفسر عن شي ترسله ايميل وخلاص

وربي احزن على الدكتور لما اشوف الاستهتار هذا من البنات وربي عيب وين احترام المعلم في الصباح يكون عنده محاضرات للطلاب المنتظمين وبالمساء يطلع من بيته ووقت راحته ويترك اشغاله عشان يفيدنا ويشرح لنا ويلقى هالاسلوب من البنات :017:

اسفه على الاطاله بس وربي مقهوره على هالحال واشكرك اختي على هالموضوع :106:


الله اكبر الله اكبر , لا اله الا الله , الله اكبر الله اكبر , ولله الحمد :004:

[دروب الجنوبيه]

تسلم اناملك اخت ليال على هالموضوع
تمنينا في البدايه انه مايكون هناك نفس اخطاء السستم الاول من تكرار الاسئله ولاكن لاحياه لمن تنادي الان اصبح رجاء امس قالها دكتور الفقه والسيره انه هذي حركات مالها داعي اش باقي اكثر من كذا الله يوفقنا جميعا

[جوجو.]

ان اشوف اللي يسالون اساله مالها داعي..

ماهم موجودين في المنتدى لان كل اجوبه اسالتهم موجوده في المنتدى ...

ياليت يعطونا فرصه لانهم خربو ا علينا كثيرا..

والله يهدي الجميع ...

[GLitter Sun]

:d5::d5::d5:
حتى احنا في مستوى ثالث مع الأسف فيه مثل هذه الفئة المستهترة وآسفه على قول التافه:41jg:

[فطومه28]

حتئ انا نفس الشي عيت تتحمل لي المحاظرة المباشرة بس انتضري كم يوم وارجعي جربي تحملينها

[h a n a]

الله يسعدك والله حتى انا انجلط منهم ودي ماحضر المحاضرات بسببهم ياليت كل الدكاتره يسوون زي الدكتور النجار اليوم في محاضرته مبادىْ الاحصاء ولايفتحون الدردشة ابدا لأن ماعندهم هالبنات سالفة ولا اسئلة ولاشي بس يتلكعون فشلونا الله يصلحهم

[طالب سنع]

علشان كذا والله الواحد مايحرص يحضر هالمحاضرات مباشر:007:. أنا مايقهرني إلا اللي يسأل الدكاترة عن الأنظمة وإنها ما تشتغل معه، يقول يا دكتور الإفتراضي مايفتح معي!!! :017:
وإلا زي واحد معنا العام، يوم جاء بيطلع قال: عن أذنك يا دكتور أنا طالع أصلي!!!

WTF من جد! :sm5: تبغى الدكتور يوقف المحاضرة لين ترجع مثلاً!

[أم هيثم]

السلام وعليكم اخواتي انا جد مرتاحة من طرح الاخت الله يجزيها عنا كل خير .في محاضرة النحو او التذوق الادبي ما اذكر بالضبط مع نفس الدكتور بدرت كثير تجاوزات من بعض البنات وهذا للاسف شيء مخزي ومشين لا يعبر الا عن تربية والاخلاق البنت .فيريت قبل لا تكتب اي يشيء بالشات او ترسل اي شي للدكتور تحترم نفسها اولا وان هانت عليها تحترم كم الامهات والجدات الي معانا ومتابعات ما يكتب بالشات.شكرا مرة ثانية اختي لياليksa

[ســــلآف]

جزاك الله خير وبارك الله فيك

[ليالــ k.s.a ـي]

الف شكر لكل من عبر برأيه . سواء بالتأييد او المعارضه
وربي يهدي الجميع ان شاء الله لانه بالنهاية كل واحد يعكس مدى تربيته واخلاقه .

فالكم التوفيق

[shoo8]

وصلنا مستوى ثالث ولسه موجوده نفس الفئه اللي تجلط ما ادري يستهبلو ولا ايش حكايتهم

[o_lg_ll]

ولا راح ينتهون

واتحدى لنا بشكل عأم تعكس فئة من الشعب

والشعب عندنا بصراحه يا تتعامل معه من البداية وتفهمه ان كذا وكذا و لا تتعدى والا مافي فايدة راح يتعدى

في كل حاجه في امورنا مو بس دراسة

في البداية ضع بصمتك وخل كل واحد يفهم ان هالشي مو شغلك او مالك ذنب انت مجرد موظف لشي معين والا الشعب راح يغثك ولا يتركك ويخليك مسؤؤال عن كل شي

يعني بالله هذا دكتور مادة شدخله في النظام معلق او مايفتح معي او سداد شوية عقل يرحم أمكم

وبصراحه في نأس يعرفون المنتدى وياما فتحو مواضيع استفسار بس من الدلاخه الزايدة والوسواس الزايد روح اسأل الدكتور وغثه مغثه غير طبيعيه

بس الى يموت قهر لمن يغث الدكتور ويتأكد من الوسواس الى في رأسه :41jg:

تشوفه في باقي السمسترات يسأل نفس السؤال ما كأنه درس معنا سمسترات أولى


والله العظيم أقسم بالله حتى بشكل عأم في حياتنا اليومية لمن تطلع الشارع لابد تشوف قوانين صارمه والا راح تشوف استهتار وعدم تقيد غير طبيعي

وبالأخص سواقة السيارة أقسم بالله الواحد يضحك وفي نفس الوقت يكره نفسه من السواقه الكل يسفط على الثاني الكل مستعجل ويسب في الثاني والمشكلة لجألك واحد غلطان قالك انت الغلطان

و أمور كثيره في الحياة


في نأس ماتنلأم والله يلوم الى يلومهم مايعرفون عن الدراسة او مايعرف المنتدى ويدخل ويشوف المواضيع ويسأل ويستفسر براحته في المنتدى

وهالشي المفروض الجامعه تحط روابط لمنتديات دراسة الأنتساب
في المحاضرات المباشرة يحطون ايقونه فيها صورة المنتدى
او في موقع الجامعه
او ترسل مسج لجوال كل شخص يدرس بنظأم الانتساب وتنبهه بوجود منتدى
او في النظأم الافتراضي ونظام البلاك بورد يحطون مسج تنبيهي بوجود منتدى

وبصراحه الجامعه المفروض تعمل كذا لنا هم يأخذون فلوس على الرسائل وهالشي ماراح يكلفهم شي وهم في الأساس مطلعين فلوس من خدمة الرسائل

لأنه كل شخص يدرس انتساب ماخذين منه 10 ريال لرسائل الجوال

يعني ارسلو مسج اكتبو فيه انه في شي اسمه منتدى تقدر تحط فيه جميع استفساراتك وراح تحصل فيه جميع الاجوبة الى تدور في رأسك

ومايمنع ان المنتدى يدخلون فيه الدكاتره ويجاوبون بعد على أسئلة بعض المواضيع وينورنا فيها مثل تغير دكتور مادة كذا وكذا مثل تغير نظأم معين الخ الخ

وبكذا دكتور المادة اشوي يفتك من بعض فئة الى يسألون

[يـــارا]

اللهم صلِ على حبيبك ونبيك محمد



o_lg_ll


ماشاء الله لاقوة الابالله .. تكلمت عن الموضوع من عدة نواحي ..
فعلاً مهما تكلمنا ومهما حطينا حلول
بتظل هناك فئه خارجة عن السيطره ..



آهنيك على بُعد النظر لقلمك



,’

[غنى **]

اسئلتهم ذي سبب تغييرهم اسئلة الاختبار السنه الماضيه
من الذكاء دكتور بتجيب نفس الاختبار لسنه الماضيه
كان ودي اكفخ كل وحده تسال هالسؤال :mad:

[عطر الانوثة]

صادقة والله :)

[ام الجوري33]

جزاك الله خير اختي..نفس الاسئله من المستوى الاول واللي يققققهر جد اللي يسألون الدكتور كيف اسئلة الاختبار او يطلبون الحذف(سلامات حبايبي ترى تو الناس)..
اتمنى لو يقدرون يعطون الدكاتره صلاحيه قطع صوت المتحدث ويستقبل سؤال اخر

[Ana sasaa]

وو آقسسسم بالله ككلالاممكك صحح ؟؟ آأآخخخخخخخ لييهه كدا ووالادهى والاممر انهمم كبببببببببببببببببآأر وربي كلهم ربآة بييييووت ليشش كددا يعني الدكتور بيتتكلم من البداييه لاتسالوني اسئللهه مالها دآععي ويرروحو يسسآلو ننفس الاسئله ححق العآم يااخخي وربي عييييييييييييييييييييييييييييييب اااخخخ بس وربي تجي المحاضره م استفيد منها وولاشي غير اسئلتهم اللي مالها دااععي ولا مبداا ولا تقولك دكتور ككيف الاسئله ي ماما انتي طالبة جاممممعه داخله جامعه اتحملي كل شي بيجيكي حتى لو قال محاضره ومحتوى وكتب معاككي عآآآآآآآآآآآددددي انتي طالببببة ججآممعععه تراا واللهه ععيب ييآربببب يهدييهمم بسسسس ويصبر الدكآترره عليننا

[T.M.G]

أنا عشان كذا غاسل يدي من المحاضرات المباشرة

لا دخلتها المستوى إللي راح .. ولا راح أدخلها هـ المستوى

وعلى فكرة ! يا كثر ما شفت مثل موضوعك أختي لكن ... لا حياة لمن تنادي

جزاك الله خير

[ميمي كساب]

السلام عليكم والرحمه

يعافيك ربي غلاتي معك حق
والله تجي اسئله ببالنا وتروح من نششوف التعليقات اللي جد مادري وش وضعها
بنات من جد مايعرفون إسم الكتب معليه لازم يسألون
بس حركات الخفه والطقطقه نطالع وجه الدكتور لاشفناه معصب ولا لأ عشان لانتوهق بإختبار صعب
الله ييسر لنا جميع
يعافك ربي ع الموضوع وإن شاء الله يسمعون منك
لان ماصار في حماس للمحاظره المباشره بسبب اللي بيصير كالعاده فيها

[Against Gravity]

صدقتي ياليالي ربي يسعدك
والله هالشي عانينا منه بدفعتنا ويؤسفني انه لازال مستمر مع دفعات اخرى بعد؟؟ :017:

هالشي خلاني امتنع عن حضور المباشره
صراحه اخاف انجلط واموت وانا ماتهنيت بشبابي :cheese:

[Fleur_Mal]

الحل الوحيد انه تفتحوا موضوع قبل المحاضرة والمجموعة اللي بتحضر المحاضرة تسأل الأشياء اللي مو واضحة و الدكتور اكيد بيجاوب عليها ويترك الأسئلة السخيفة.

بالتوفيق:106:

[سبحانك يارب]

امنياتي للجميع بالتوفيق والسدد
عن نفسي غاسله ايدي من العام ان هالناس مش حتعتدل ريحو راسكم وكم وكم تكرر هذا الكلام في المستوى الاول ومامن جديد

[تاج راسي امي]

يعطيك العافيه ليالي
أنا معك بكل كلمه قلتيها بس اللي يقهرني أكثر اللي تطق سالفه غير عن ألمحاضره
بسؤالف سخيفه مره و المصيبه تضحك وتسولف و الدكتور يسلك لها بذرابه

مثال الدكتور جزاء هذا الدكتور مره محترم و خلوق
البنات طائحين مغازله
الأردنيني كذا يعصبون كذا يادكتور. وتكرر السؤال ألف مره
قام الدكتور يقول إحنا نشرح الماده واللي ماتفهمونه ؤلا نشرح الأردنيني يعصبون ؤلا لا
و اللي تقول بطلع تامر على شيء
و اللي تقول وين أحلا بنات السعوديه ؤلا الأردن
قلة أدب بصراحه هذولا مو وجه دراسه وجه كف على الوجه لين تتربي مهزله
أتمني من الجامعه انهم يحطون نظام لدكتور. انه إذا شاف أحد يستخف بمادته أو فيه يحذفه براء ألمحاضره
عشان الكل يستفيد إما تقفيل الشأت ما ينفع البنت تمسك المكرفون 15 دقيقه وهي الوه الوه
راحت ألمحاضره وهي كلها على بعض نص ساعه

[T.M.G]

يعطيك العافيه ليالي
أنا معك بكل كلمه قلتيها بس اللي يقهرني أكثر اللي تطق سالفه غير عن ألمحاضره
بسؤالف سخيفه مره و المصيبه تضحك وتسولف و الدكتور يسلك لها بذرابه

مثال الدكتور جزاء هذا الدكتور مره محترم و خلوق
البنات طائحين مغازله
الأردنيني كذا يعصبون كذا يادكتور. وتكرر السؤال ألف مره
قام الدكتور يقول إحنا نشرح الماده واللي ماتفهمونه ؤلا نشرح الأردنيني يعصبون ؤلا لا
و اللي تقول بطلع تامر على شيء
و اللي تقول وين أحلا بنات السعوديه ؤلا الأردن
قلة أدب بصراحه هذولا مو وجه دراسه وجه كف على الوجه لين تتربي مهزله
أتمني من الجامعه انهم يحطون نظام لدكتور. انه إذا شاف أحد يستخف بمادته أو فيه يحذفه براء ألمحاضره
عشان الكل يستفيد إما تقفيل الشأت ما ينفع البنت تمسك المكرفون 15 دقيقه وهي الوه الوه
راحت ألمحاضره وهي كلها على بعض نص ساعه

:hahahahahah::hahahahahah::hahahahahah:
صارت دردشة مو محاضرة !!

[miss sho]

اليوووم بمحاضرة الاحصاء المباشره

من بين الاسئله السخيفه


وحده تقول للدكتوور انه يعيد الاسئله بكل امتحااان ومايغيرها

وهو على طوول قال مين الي قال مين ,,,


حسسبي الله عليهاااااا

قسم انقهرت

حتى لو بيعييد سؤال واحد

هالمره ماراح يعيد الاسئله

والماده جدا صعبه لو هو مايسهلها لنااا كان دجينا



انا ودي الهمج هذيلا الله يقطع عنهم النت بكبره هههههههههه


بنات منو منكم سمعت سؤالهااا

[ممدوح الخليل]

كنتي مثله يوم انتسبتي ،، كل شخص وذكاه محدود كل شخص عنده جهاز غير ،، كل شخص يسئل عن الشي اللي مايعرفه اللي يحب الخير يساعد واللي مايحب يسكت اسئلو حبايبي الملتقى للجميع حطو اسئلتكم انا اجاوبكم لحالي واعلمكم بكل شي

[ممدوح الخليل]

تحبين نفسك وبس ماعليكم منها خبله

[ممدوح الخليل]

:Cry111:

[W A R D]

جزاك الله خير
هالفئه الله يهديهم قبل مايخربون علينا أكثر
:(

[Ʀəɱσ ᶎᵾЌ]

:d5: