مذاكرة جماعية متى ودكم تكون البداية إن شاء الله [الأرشيف] - ملتقى طلاب وطالبات جامعة الملك فيصل,جامعة الدمام

alali

2013- 10- 20, 11:01 PM

السلام عليكم

مساكم / صباحكم

اتمنى ان يكون بخير دائماً وابداً

متى إن شاء الله ودكم تكون بداية المذاكرة للمواد ، بعض الاخوان عندهم اربع مواد وبعضهم خمسه وبعضهم سته

نبي البداية تكون متميزه هالفصل بما انه اخر فصل ، ونبي اطروحات وافكار جديدة للمذاكرة

وياليت كل واحد ذاكر يعطينا فكرة عن المواد

وفيه اخوان مجتهدين الله يعطيهم العافيه وشغالين على ملخصات جديدة غير الملخصات القديمة يا ليت يعطونا فكرة عنها والى وين وصلوا

وبالاخير نحتاج بعض نماذج للسير الذاتية وكل واحد يجهز ويرسل سيرته الذاتيه ويبدأ يرسلها على الشركات والمؤسسات وبالتقدير المتوقع علماً ان اخر فصل لا يمكن ان يتحكم بالتقدير العام

تمنياتي للجميع بالتوفيق والنجاح

والازدهار

والتقدم

والرقي

H N O O

2013- 10- 21, 02:05 AM

ايييوااآ

جزآك الله خير ع السرعه

انا صلحت لي جدول من بكرآ

ودي آبدء فيه وبقوه

لان كل مستوي اسوي كذآ واكتشف آخر البشرر آبدء الجديه

H N O O

2013- 10- 21, 02:06 AM

كل ٣ آيآم ل مآده

وش رآيكم ؟؟؟؟؟

ليدي لندا

2013- 10- 21, 02:43 AM

الله يعطيك العافيه يالعلي كالعاده
ودنا نعرف نبذه بسيطه عن المواد
هل هي أصعب من المستوى السابق وايش الي يبيله تركيز ويحتاج لمشاهده المحاضرات
ويعطيكم العافيه من جد

areekan

2013- 10- 21, 05:35 PM

يعطيك العافيه اخوي ابو ريان على جهودك والله يوفقك ويوفقنا باعلى الدرجات انا اشوف كلن يدخل ويسجل المواد اللي سجلها هالترم ونبتدي باللي موادهم مشتركه ومن الاصعب الى الاسهل والراي لكم جميعا مجرد وجهة نظر وياليت كل ماده نتبدي نتجمع لها ننزل افضل محتوى للماده واسئلة اختبر نفسك واسئلة الاختبار الترم السابق واسئلة الواجب والمناقشات

ميزوكي

2013- 10- 21, 06:28 PM

^^
اأيد راي الي قبل

يعطيك الف عافيه اخوي العلي ما تقصر في كل سمستر

انا صايره اجاهد نفسي على المذاكره هالترم

روووح القمر

2013- 10- 21, 07:26 PM

والله موضوع بوقته خلينا نبدي بدري علشان يرتفع معدلنا وما ننضغط آخر الترم

يلا حط موعد للبدايه وخلينا نبدأ

غدوو}

2013- 10- 21, 08:34 PM

المتميز2000

2013- 10- 21, 08:43 PM

اعذرني يالعلي هذا السمستر مابقدر اذاكر معاكم

يعني اسمحلي ... خلوني للاستشارات بس

tµ£!p

2013- 10- 22, 01:43 AM

يعطييك الف عافيه ع هالموضوع

ولي عوده بأذن الله ..

:106:

¶ المستحيل ¶

2013- 10- 22, 02:21 AM

Asap

ناوي الماستر

2013- 10- 22, 07:29 AM

هلا فيك اخوي بوريان ,,, كعادتك في هذا الموضوع (( متخصص )) ,,,

شخصيا / عندي المواد المحتاجه متابعة للمحاضرات مع الدكتور هي :

ادارة الجودة .
ادارة المشاريع .
تعاقد وتفاوض .

اما ,,, موضوعات خاصة في الادارة : الله يعين شكلها بتكون اجتهادات شخصية ,,,

هذا ما في جعبتي ,,, تحياتي لك وبالتوفيق للجيمع .

Trouble Maker

2013- 10- 22, 11:33 AM

بالنسبه لي شخصياً عندي 7 مواد ... كلها تهون الا اخلاقيات الاعمال اللي مافيه امل تعرف من وين يجيب اسئلته اخر السنه هذا الدكتور العجيب مع ان الماده سهله.... هو والدوغان وجهان لعمله واحده... لاشرح زي الناس وانواع الفلسفه على الفاضي والمليان....

تعاقد وتفاوض واداره المشاريع واداره الجوده تحتاج اطلاع تام...

واما بالنسبه للاستراتيجيه والثقافه المعاصره وموضوعات خاصه في الاداره اشوف ان الحفظ وليس غير الحفظ

marwanalhussain

2013- 10- 22, 12:44 PM

هلا بالمجتهد الدافور العلي

المفروض يكون فيه مذاكره نسخ ولصق حالها حال المشاركات ههههههه

موفقين

B13

2013- 10- 22, 01:03 PM

هلا وغلا بابو ريان وجميع المميزات والمميزين ...

يعجبني حماسكم وأنا معاكم بالي تبون ...

أنا أطلعت على محتوى كامل لمادتين :

1) إدارة الجودة : المحتوى مليان شوي لكن الملاحظ أن مواضيع كثير في المحتوى أخذناها سابقاً وعندنا فكرة عنها والشئ الايجابي أن دكتور المادة ( د.جهاد عفانه ) مميز في طرحه وشرحه يعني بالفصيح ما يقرا وبس :(204): ... شرحه واضح ... تقديري الشخصي للفترة المناسبة لمذاكرة المادة كالتالي : للمريحين الي بيذكرون من الأن 10 - 14 يوم كافية جداً لختم المادة ............ أما حبايبنا الي يأخرون المذاكرة ويضغطون نفسهم لاخر الايام = 5 أيام بالتركيز ممكن تغطيها .

2) موضوعات خاصة في الإدارة : المحتوى للمادة وكرأي شخصي بسيط وواضح وموضوعات المحتوى وخصوصاً أخر المحاضرات بسيطة ومفهومة وسهلة الاستيعاب ... وبعد متابعة كم محاضرة أقتنعت بعدم ألتزامي بمشاهدة المحاضرات والاكتفاء بمذاكرة المحتوى فقط ... تقديري الشخصي للفترة المناسبة لمذاكرة المادة كالتالي : للمريحين الي بيذكرون من الأن 8 - 14 يوم كافية جداً لختم المادة ............ أما حبايبنا الي يأخرون المذاكرة :sdfgdsf: ويضغطون نفسهم لاخر الايام = 4 أيام بالتركيز ممكن تغطيها .

الكلام الي فوق رأي شخصي يا حبايبنا :sm12:

مشعل2

2013- 10- 22, 03:23 PM

اشكرك اخي العلي على حماسك اللي متعودين عليه وهذا تشجيع للكل لكي نبداء مبكراً

وبالتوفيق ان شاءالله للجميع والبدايه المبكره في المذاكره افضل طريقه لكشف بعض الاشياء

اللي تنقص على البعض

jar7y

2013- 10- 22, 03:58 PM

ربي يعطيك العافية العلي وكل من علق على الموضوع بالمفيد عن المحاضرات
عني تابعت موضوعات خاصة في الادارة الى المحاضرة الخامسة.. الدكتور بس يقرأ المحتوى .. يعني ماتحتاج متابعة

شــامخة الآفـق

2013- 10- 22, 04:41 PM

وعليكم السلام ورحمه الله وبركاته
انا عن نفسي راح ابدأ بمشاهدة المحاضرات بالبدايه
وبعد مااخلصها ان شاء الله راح ابدأ المذاكرة الفعليه

جنوgون

2013- 10- 22, 06:27 PM

انا نفس الاخت شامخه
بالبدايه المحاضرات بعدها المذاكره والحفظ ..

H N O O

2013- 10- 23, 12:49 AM

انا مع جرحي

اللي تحتاج مشآهده المحاسبه الاداريه اللي اخذها معي ><

ويمكن شوي نظريه المنظمات

لكل صمت معنى

2013- 10- 23, 09:06 AM

B13

كلامك واضح اذا اخذت ادارة مشاريع وتعاقد وتفاوض ياليت تنورنا

للمعلوميه تعاقد وتفاوض +ادارة الجوده اختباراتهم يومين ورا بعض

شــامخة الآفـق

2013- 10- 23, 11:21 PM

السلام عليكم
عندي استفسار بخصوص مادة تعاقد و تفاوض
الي اخذوا المادة من قبل هل من الضروري مشاهدة المحاضرات او لا ؟؟

B13

2013- 10- 24, 07:24 AM

حياك اختي لكل صمت معنى

بصراحة كان تركيزي الايام الماضية على المادتين (الجودة + موضوعات) وإن شاء الله بابدء بمادة المشاريع قريب ,,, لكن اطمنكم بعد التواصل مع بعض الزملاء والذين تابعو بانتظام لمادتي ( المشاريع +تعاقد) بأنها مواد محتواها واضح وممكن يستوعب بسهولة وأكدوا بأن المشاريع يحتاج لمتابعة مع الدكتور .

لكل صمت معنى

2013- 10- 24, 11:15 PM

يعطيك العافيه باقي تعاقد اذا تحتاج لمتابعه !فيها مسائل؟

أبو زيــــاد

2013- 10- 26, 10:48 AM

يا هلا يا هلا بالدفعه المنتهيه >> اقصد يعني خلاص بتتخرجون ان شاء الله

انا لاحقكم ان شاء الله الشهر القادم هالترم 5 مواد خلاص ومريحين الحمدلله

التعاقد والتفاوض مافيها مسائل واعتقد لكم بتكون مرره سهله لان احنا اختبرناها مقالي وماكانت الماده دسمه او صعبه ابد بالعكس من الواقع وكلها مهارات

لكل صمت معنى

2013- 10- 26, 04:23 PM

ابو زياد يعني تحتاجمتابعه للدكتور ولا عادي نذاكر مباشره

أبو زيــــاد

2013- 10- 27, 06:05 PM

انا تابعتها عشان كان الاختبار مقالي وبصراحه ماحسيت بفايده من المتابعه واتوقع اذا اختباركم خيارات ماتحتاجون متابعه وموفقين ان شاء الله

شيوم

2013- 10- 27, 07:20 PM

و عليكم السلام .. يمة عورني بطني

انا إن شاء الله بحاول أخلص مشاهدة المحاضرات خلال شهر من الآن

يعني قبل الاختبارات بشهر بالضبط أبدأ المذاكرة الجدية

موادي موجودة بتوقيعي ..

من المحاضرات اللي شفتها

المشاريع و الجودة يحتاجون مشاهدة محاضرات لأن فيهم شوية مسائل
أخلاقيات الأعمال مدري شلون الصراحة هالدكتور نفسي أفهمه :(
موضوعات خاصة أنا أحس انه بس يقرأ و هو بالمباشرة يقول بجيب أسئلة من المحاضرات وانا لحد الآن ماشفت شئ زيادة بالمحاضرات
قضايا ثقافية معاصرة شكل المادة طويلة و يبي لها حفظ مع الأدلة ..

غدووو الله يصبرني عليك بليز لاتوسوسين لي زياده عن وسواسي

وبالنسبه لشرحك عن مدى صعوبة المواد مضبووط نفس شعوري اتجاهم (القضايا احس بتوهق فيها ) :mh12:

بالتوفيق للجميععع

ويعطيك العافيه أخوي العلي على طرح الموضوع بس بالراحه علينا

دلـــو

2013- 10- 28, 04:26 PM

انا حتى ورقة متابعة المحاضرات لسى ماطبعتها :139:

وملخصاتي منثره بكل مستوى ( ثالث وسادس وسابع وثامن ) :16.jpg:

ان شالله من هالاسبوع بحاول ابدا :tongue::004:

AHY

2013- 10- 31, 11:40 AM

وعليكم السلام ورحمة الله وبركاته
ابو ريان مميز دائما الله يسعدك ويجزاك بكل خير ياليت نبدا
الله يوفقكم جميع وان شاء الله فالكم A+

up

أبو إبراهيم

2013- 11- 2, 11:29 AM

بالتوفيق ان شاء الله

روووح القمر

2013- 11- 3, 07:23 PM

يلا خلونا نبدأ

علشان نتشجع

أبو زيــــاد

2013- 11- 3, 09:34 PM

الوعد ان شاء الله 14 ديسمبر خلونا واقعيين هالمره خخخخخخ

jar7y

2013- 11- 4, 01:31 AM

عني تابعت محاضرات ادارة مشاريع الى المحاضرة التاسعه .. المادة حلوه والدكتور شرحه كويس ويعطي امثله لتوضيح
والان اتابع محاضرات ادارة الجودة وصلت الى المحاضرة السابعه وايضا شرح الدكتور ممتاز وحنا عارفينه من قبل

&بسمه&

2013- 11- 5, 06:46 PM

السلام عليكم
كيف حالكم يادفعتي المجتهده راح افقدكم السمستر الجاي لان باقي لي اربع مواد مأجلتها هاذي ضريبة التأجيل راح تتخرجون قبلي

ان شالله يكون في احد معي السمستر الجاي

المهم انا مابديت بشي ابد بس حليت الواجبات والمناقشات ان شالله راح ابدأ اليوم اول بالاطلاع ع المحاضرات اخذ فكره وبعدين المذاكره الجديه

برنسيسس

2013- 11- 5, 11:48 PM

الله يجزاك خير

برنسيسس

2013- 11- 5, 11:49 PM

:16:

الـجوري

2013- 11- 6, 11:42 AM

:106:

وهـج مطير

2013- 11- 6, 01:16 PM

أنتمـ متى تبدون ان شالله :16.jpg:

يلا شدوا الهمه مابقى شي

وين الرئيس !!!

إذا الرئيس تأخر بمهتمه يبلغنا

نتولى المهام بالنيابه عنه :cheese:

ميزوكي

2013- 11- 9, 11:59 PM

متى تبدء الاختبارت بتاريخ كم ؟؟

tµ£!p

2013- 11- 10, 11:36 AM

tµ£!p

2013- 11- 10, 11:38 AM

متى تبدء الاختبارت بتاريخ كم ؟؟

تبدأ يوم الثلاثاء : 21/ 2 / 1435 هـ الموافق 24/ 12/ 2013م ..

:106:

&بسمه&

2013- 11- 10, 04:06 PM

انا معك بالترم الجاي ..

:106:

:love080:احلا شي انك معي حبيبتي :106:

بس اكيد المقررات تختلف :icon9:

جنوgون

2013- 11- 10, 05:17 PM

وانا معاكم السمستر الجاي باقي لي بعد 4 مواد

tµ£!p

2013- 11- 10, 05:51 PM

تسلمين ياقلبي ..

اكيد المواد تختلف انا باقي لي ( تحليل الحصائي - الدوليه - ادارة الاعمال الصغيره - محاسبه 2 )

ماشاءالله جنون ويانا واتوقع نسومه بعد ..

:106:

روووح القمر

2013- 11- 13, 07:05 PM

انا معك بالترم الجاي ..

:106:

وانا معاكم السمستر الجاي باقي لي بعد 4 مواد

تسلمين ياقلبي ..

اكيد المواد تختلف انا باقي لي ( تحليل الحصائي - الدوليه - ادارة الاعمال الصغيره - محاسبه 2 )

ماشاءالله جنون ويانا واتوقع نسومه بعد ..

:106:

اللحين ونستوني عبالي انا ونسمه بس هههههه

هلا فيكم والله :verycute:

الترم الجاي ان شاءلله انا معكم ب4 مواد

اساسا كام ممكن اخلص هالترم بس ماحبيت اضغط على نفسي ب8 مواد ودوام واساسا تعبت والله يشفيني يعني كلها امور خلتني معكم للترم الجاي

موادي للترم الجاي

(تعاقد وتفاوض - موضوعات خاصة في الإدارة - قضايا ثقافيه معاصرة - آلاخلاق الإسلاميه وآداب المهنة )
مين نفس موادي؟

نلتقي ان شاءلله ..

:rose:بالتوفيق ياحبوبات :(204): :rose:

mohammed2010

2013- 11- 14, 02:21 PM

سلام عليكم يا احلى دفعه الوقت يجرى والتخرج قرب انشاءالله الف مبروك ع جميع
بالنسبه للمواد عندى جميع مستوى ثامن فى جدولى ماعدا الاخلاق الاسلاميه خلصتها الترم اللى فات
كنت اتمنى توزيع المواد على الشباب حتىنستغل الوقت و نزل اخر الملخصات الجديده ونبدء مراجعتها مع بعض بس شكل القروب متحمسين والبدايه شكلها متاخره حتى نخلص الملخصات الجديده لكن الحمدلله رايح يكون جميع المواد انشاء الله موضوعى واعتقد ان الامور باذن الله بتسهل على الجميع وعقبال مانبدء فى الماستر مع احلى قروب نكون ايضا اول دفعه ماستر الله كريم تفتح لنا جامعتنا المجال للماستر .

ألأشلح

2013- 11- 15, 09:21 AM

السلام عليكم ورحمة الله وبركاته
انا اخذت جميع مواد المستوى الثامن
بالاضافه اليها ادارة الاعمال الصغيرة

ألأشلح

2013- 11- 15, 09:24 AM

المساعده فيما بيننا مطلوبه
والوقت سريع واللي جدوله نفس جدولي
يرسل لي ع الخاص

ألأشلح

2013- 11- 15, 09:25 AM

انتظركم ياحبايبي

ألأشلح

2013- 11- 15, 09:26 AM

الوقت لايرحم
وهو الذي اجبرني اسرع في اخذ كل هذه المواد

ألأشلح

2013- 11- 15, 09:27 AM

أن الوقت لا ينتظر!

ألأشلح

2013- 11- 15, 09:28 AM

واللي اطلع على المواد كلها
يرتبها لنا من الاصعب للأسهل
ونكون له من الشاكرين

ألأشلح

2013- 11- 15, 09:29 AM

ونبدا مذاكرت الاسهل فالاصعب

ألأشلح

2013- 11- 15, 09:30 AM

او العكس صحيح

alali

2013- 11- 15, 09:32 PM

يمسيكم بالخير

الوقت قدامنا إن شاء الله من الآن شهر وعشر ايام تقريباً

اذا اربع مواد كل مادة اسبوع يكفي ويوفي

اذا اكثر كل مادة خمس ايام كافيه وبزياده

لا تشيلون هم الوقت

تذاكرون بشويش وبتركيز افضل من تذاكرون بسرعه بدون تركيز

إدارة الجودة شامله لكذا مادة درسناها من اول

بس مشكلتها طويلة شوي

اتوقع لو نشوفها بتسهل علينا اكثر من المذاكرة من المذكرة

دمتم

روووح القمر

2013- 11- 15, 09:41 PM

حلو ..

انا ماكنت معاكم باداره الجوده مادريت :(

المهم الماده اللي راح نمسكها بكره اي ماده اي ماده ترشحون
1-اداره المشاريع
2- اخلاقيات الاعمال

ولا نرجع لاداره الجوده اعطوني خبر بليز

اليوم اشتركت بتنبيهات القسم صراحه فكره بطلـــــــــــــــة

لاتنسوني ..