تووهقت بالقسم :( متحطمه من حالتي

[بآربي]

السلام عليكم
ان شاء الله موضوعي بالمكان الصحيح
مشكلتي مشكله :(
قدر الله علي دخلت قسم الانجليزي
للان احس اني راح افشل ! واتمنى اني انسحححب !!!
انا طول عمري اكرههه الانجليزي
سنوات الثانوي دايم ارسب فيه
بالجامعه كان من ضمن المواد العامه كمان ارسب فيه ! ومدري كيف كنت انجح باختبار الاعاده !
مذاكرتي له كانت حفففظ بحفظ احفظ شكل الجمله و ترتيبها ..الخ
و وقت الحصه او المحاضره كنت اصبر نفسي انها كلها 40 دقيقه و تخلص شرح
بسسسسسس الحين مو هي مجرد حصه وتروح
هذا تخصص :sm1: :bawling:
مدري وش اسوي بنفسي :sm1: مرات اقول ليتني ما غامرت هالمغامره :sm1:
انا اعرف بعض الكلمات و اعرف اقرا و افهم شوي من القراءه
ببببس ماافهم لما احد يتكلم لي اجلس متنحه
ومعرف اتكلم ولا اربط جمل ببعض
بالكلاس كلهم ماشاء الله جيدين بالانقلش
و ماكلين الجو الا انا :sm1: حتى مقدر اتفاعل لان المس حقتنا مركزه عليهم بما انهم مماكلين الجو
و متفاعلين معاها وكذا استحححي اتكلم حتى لما تسالني استخدم الاشارات هههههههههههه :bawling:
المس امريكيه :( !! يعني مافي مجال عشان افهم منها
:bawling:

هل فيه احد مثلي ؟ وتحسنت لغته و صار جريء بالانجليزي ؟
انا حااابه اتعلممه خصوصا اني راح اخذ بعثه يعني شي ضروري اتعععلمه

ساعدووني :( وشجعوني :verycute:

[yuuki]

ليه دخلتيه اجل؟ اذا انك تكرهينه ترى محد غصبك عليه
ماتحتاجين نصيحة احد ارجعي اقري كلامك وراح تعرفين ان القسم مو لك
اقولك شدي حيلك هذا الترم عشان الترم الثاني تحولين لقسم غيره !

[سموالأميرة 5]

اولاتوكلي على الله لازم انجلش دام ناوية عالبعثة وانتي موناقصك شي ادرسي اول بااول وراح تتعلمين

[بآربي]

ليه دخلتيه اجل؟ اذا انك تكرهينه ترى محد غصبك عليه
ماتحتاجين نصيحة احد ارجعي اقري كلامك وراح تعرفين ان القسم مو لك
اقولك شدي حيلك هذا الترم عشان الترم الثاني تحولين لقسم غيره !

ههههههههههه قلت دخلته لاني راح ابتعث فغصب عني هناك راح اتعلم و ادرس انقلش !
و خلص مافي مجال للتحويل دفعت للجامعه المبلغ كامل :)
:( ردك شوي يحطم كنت متأمله احد مثلي و صار احسن !

اولاتوكلي على الله لازم انجلش دام ناوية عالبعثة وانتي موناقصك شي ادرسي اول بااول وراح تتعلمين

ان شاء الله اكيد راح اشد حيلي و احاااول اركز و اتعلم :(

دعواتكم

[صالح77]

عليكم السلام ورحمة الله

اللي فهمته انك داخله القسم اجباري مو بإختيارك


وعشان كذا لازم تكملين في التخصص

اللي اشوفه من وجهة نظري انك تبدأين من الاساسيات وتشوفين ايش اللي ناقصك

ولازم تكون مذاكرتك دائمه / يوميا تعلمي اشياء جديدة


ربي يوفقك

[roqa]

والله برأيي أختي يبغالك تقوي نفسك بمصادر اخرى غير الجامعة ...

كاستماع الاخبار الانجليزية أو الأفلام ..

او الاناشيد ..

او المسلسلات الامريكية ..

ﻷن برأي كثير من الدكاترة والمحترفين أن الاستماع هو الخطوة الأولى للتمكن من اللغة ...

معليه اضغطي ع نفسك شوي وكله سهالات بإذن الله ..

عندك برامج يوتيوب كثيييرة تعلمك من الصفر ...لا تهملي نفسك دام هالتخصص مفروض عليكي ...

[roqa]

http://www.ckfu.org/vb/t507022.html#post9743791

And this link it contain so important advices 4 u ..

[طموحها]

في البدايه
ماقصروا اللي ردوا
لكن
اول شي
وقبل كل شي شيلي فكره انك ماتحبين الانجلش وانه صعب كذا انتي تحفزين العقل الباطن ومستحيل تتقبلينه او تفهمينه
كل يوم
الصباح بعد صلاه الفجر قول الانجليزي سهل حلو واللي تعلموا مو احسن مني بشي
تفائلي بقد ماتقدرين
وانتي على طريق الباص
نزلي على جوالك اخبار قصص اطفال مصوره واقري
اذا عندك اخو صغير في البيت او اخو حاولي تعلمينه كلمات
لان الانجليزيه بحر
مايخلص كل يوم تطلع كلمه جديده
تابعي في الليل بعد صلاه العشاء فلم والترجمه تكون برضو بالانجلش تطورك
وفي طريقه جميله
كل ماتقرين وردك بالقران
افتحي الترجمه بالانجلش مرا راح تستفيدين

وربي يوفقك ويسهل امورك