بليز طالبات الكيمياء ساعدوني بحول عندكم :((

[أمجآاد]

السلآم عليكم و رحمة الله و بركاته :love080:

كيفكم بنات شخباركم .. بليييييييز لا تبخلون علي و ردوا علي باللي تعرفونه ..

أنا ي طويلات العمر الحين بالمستوى الثالث يعني سنة ثاني و تخصصي كيمياء و أنا من جامعة الملك خالد و حابة أحول لجامعتكم ..

أولا .. أنا كلية علوم كيمياء .. و اخاف أحول عندكم و تصير لخبطة بالجدول مع أني موادي حاليا نفس خطتكم ي الكيمياء بس تختلف يعني في مواد درستها بسنة أولى و عندكم المفروض ادرسها بسنة ثاني مع انها نفس المواد ..

و كمان .. خايفة من ناحية الجامعه كيف الدكاتره و كيف الطالبات و كيف سهلة صعبة .. :sm1:

و كمان أنا الحمد لله معدلي تمام التمام يعني اذا حولت رح يتغير يعني ايش رح يصير ؟؟ :24_asmilies-com:

تكفووون ساعدووني باللي تعرفونه و تنصحوني احول عندكم او لا .. و كيف الدراسة بشكل عام هناك :mh12:

سامحنوني على اسلوبي الغبي لكن عنجد انا خايفة و مو عارفة ايش اسوي :000:

عنجد و الله رح أدعي لكم .. بليز ساعدوني :sm1:

و شكرا مقدما :(204)::004::004::004:

[أمجآاد]

ليش ما في ولا رد ... حرام عليكم و الله جالسة استنا :((

[الانتظاار]

والله انصحك ماتجين عندنا صحيح انا ما ادري عن قسم الكيميا
لكن اذا انتي امورك ماشية بجامعتك ليه تجازفين وتجين عندنا .؟! ترى الدكاترة سيئين غالبا
وغير كذا لو تطالبين بحقك ما يعطونك وجه هذا غير نظامهم الزفت
ومشاكله و .... وحمل المواد مثل شرب الموية عندهم ما كانك تذاكرين !
في مواد درستها بسنة أولى و عندكم المفروض ادرسها بسنة ثاني مع انها نفس المواد .. < على كلامك ذا بيسون لك سالفة لانك مش ماشية معهم من البداية
وبعد انتي وحظك ما اقدر اعمم ان كل شي سيء هنا بس الاغلب من وجهة نظري
صراحة ما انصحك تجين عندنا وانتي براحتك
وترى الايام تمر بسرعة وانتي سنة ثانية ما شاء الله يعني خليك عالمضمون لان الله يسلمك عندنا
تقريبا محد يتخرج باربع سنوات لازم نعجز بعدين نتخرج :sm1:
وبالنسبة للمعدل بالموت يرتفع ترى حتى انك تشكين انك تذاكرين والا ايش !! بس البلا فيهم

ملاحظة
انا تكلمت عن تجربة والله الشاهد فيعني رجاء لحد يقتبس كلامي و ينتقد وكذا و وجهات النظر والتجارب تختلف من شخص لثاني
موفقة :)

[أمجآاد]

الله يسعدك ي رب على الرد .. الله يعين و الله مو عارفة ..

لكن عنجد شكرا على الرد :004:

[kim roro3]

كليتنا تجيب الكئابه وكل شي فيها يرفع الضغط للأسف! لاتتهورين

[● Chērry ~ εïз]

من جد ما انصح ، إذا أنتِ مرتاحة بجامعتك وأمورك تمام
لا تجين كليتنا وخاصة قسمنا ذا المتخلف (: ..
قسم الكيميآء يرفع الضغط بشكل ما تتصورينه (: .. عاد الترم ذا
كان أسمه ترم الصدمات معه (: . . انصدمنا ثلاث مرات في نفس الأسبوع كش :فيس يتحلطم:
والدكاترة الكويسين ع الأصابع ينعدون -_-"

وانتِ عاد استخيري والله يوفقتس وين ما كنتي =)

[الوردة السمراء]

افضل دكاترة بالكلية كلها دكاترة الكيميا

اما احياء كويسين

فيزيا ورياضيات حدث ولا حرج نذالة وظلم وكل الاشياء الموكويسة


المهمم اذا انتي مضطرة تحولي تفائلي بالخير واذا تقدري تكملي بجامعتك كملي

هم بيسوولك معادلة مواد .. المواد الي جايبه فيها معدل منخفض تدرسيها من جديد

وبس هذا الي اعرف

[عسووله الجامعه]

الكليه جداً جميله من كل النواحي انا أنصحك تحولين اذا حابه ومافي شئ صعب اذا كنت تحبين تخصصك راح تبدعين فيه
وانتي ومجهودك ' ربي يوفقس ❤

[-peace-]

يا هلا فيك

قسم الكيمياء جيد ودكاترتنا أغلبهم ممتازين، بالنسبة لقوانين الكلية بشكل عام صحيح في أشياء غبية لكن أتوقع اللي عندنا نفسها عندكم
والمواد يعادلونها لك ومعدلك ما راح يتغير..

توكلي على الله وتعالي