خاص لامتحان التخرج (تاريخ)

[ميلاد]

السلام عليكم ورحمة الله وبركاته

البنات اللي عندهم امتحان التخرج مادتي ( تاريخ العرب الحديث \ تاريخ العرب المعاصر)
وبيمتحنونه الاسبوع الجاي .. بغيت ابلغكم انه اللي بيحط لنا الاسئله هو
الدكتور ابراهيم فؤاد بدل الدكتوره ناديا الدوسري .. وهو اللي بيصحح الامتحان
وهذي المواضيع اللي حددها الدكتور واللي داخله معنا بالامتحان وهي كالتالي:

تاريخ العرب الحديث (الكورس الاول):
- الحملة الفرنسية على مصر
- محمد علي وولايته على مصر
- الاستعمار البريطاني لمصر 1882
- بريطانيا وهجرة اليهود الى فلسطين
- الوجود الفرنسي في لبنان
- الاستعمار الايطالي لليبيا وحركة المقاومة


تاريخ العرب المعاصر (الكورس الثاني):
- مصطفى كامل والحركة الوطنية
- تصريح 28 فبراير 1922
- حادث 4 فبراير 1924
- الاوضاع في العراق من 1920 \ 1945
- ثورة السويداء
- جبهة التحرير الجزائرية
- الحركة الوطنية السنوسية
- اللجنة التحضيرية ودورها في تأسيس جامعة الدول


هاذي فقط المواضيع اللي داخلة بالامتحان , بس اللي ماعرفته هو اسم الكتب
المقررة اللي بنذاكر منها هالمواضيع .. يعني اللي تعرف رقم الدكتور ابراهيم فؤاد
تتصل فيه وتسأله عن اسماء الكتب وتبلغنا .. وربي يوفق الجميع :119:

[مودة]

جزاك الله الف خير والله إني كنت ضايعة وقررت اسحب ملفي
انا حاملة مادة تاريخ العرب الحديث ودرسني العام الدكتور ابراهيم فؤاد
ودخلت الاختبار مرتين ولسه
المواضيع كانت في الكتاب اللي درسته واسمه
مقدمة في تاريخ العرب الحديث
للدكتور حسن صالح المسلوت
هذا اذا كان نفس الكتاب

[مودة]

اذا ما عليك امر متى يكون الاختبار والساعة كم

[مودة]

انا قسم جغرافيا
هل بتكون مواضيع الجغرافيا والتاريخ نفس الشي؟؟؟

[ميلاد]

مشكووووره موده انا كنت شاكة بأنه كتاب صالح المسلوت لانه الوحيد اللي شامل
هالمواضيع .. الله يوفق الجميع يارب ..


بالنسبه لموعد اختبار العرب الكورس الاول بيكون في 12 ذو القعده يوم السبت
واختبار العرب المعاصر الكورس الثاني بيكون في 16 ذو القعده يوم الاربعاء
والاختبار يبدأ من الساعه 9 الى 11 بيكون في الكلية الجديده ,
لان قسم التاريخ نقلوه للكلية الجديده ..

بالنسبة للجغرافيا والله ما أعرف اذا نفسنا او لا ..

[مودة]

العفو اختي

[[[hton]]]

طيب حبيبتي ياليت تجاوبيني يعني نفس المنهج الي اخذناه مع ناديه الدوسري

لان نفس المواضيع موجوده باالكتاب

والا نحذف شئ ياليت توضحين لان ماعندي غير الكتاب الي اخذناه مع ناديه الدوسري


وياليت تجاوبيني كيف اسئله هذا الدكتور

[[[hton]]]

ونسيت حبيبتي ادري مصختها بس ياليت تجاوبيني

انتي متااكده بس هذا الي معنا ومين قالك لاني الصراحه خايفه

[أمورهـ]

ايش اسم الكتاب بناات مادري وش اسم الكتااب انا عندي الملازم اهي نفس الكتاب ولاا؟؟باسم يحي جلال اخذناها مع دكتوره ناديه واحد يعرف فيكم اذا تغير منهج امريكا ولا نفسه ومين الي بيحط الاسئله سااعدووني

[ميلاد]

هلا بنات .. هاذي العناوين مكتوبه في اعلان بقسم التاريخ على باب غرفة الدكتوره جميلة العيسى
والدكتوره جميله هي اللي قالت لي عليها .. بس اسم الكتاب ماعرفته .. انا بذاكر في الكتاب اللي ذكرته الاخت موده مال حسن صالح المسلوت ..
بس فيه مشكلة موضوع ( بريطانيا وهجرت اليهود الى فلسطين ) مو نفس اللي بكتاب حسن المسلوت لانه المسلوت تكلم بس عن الاسباب الدينيه والتاريخيه وما تطرق بشكل خاص لبريطانيا وعلاقتها بالهجره !!!!
علشان كذا ابي رقم الدكتور ابراهيم فؤاد عشان اتأكد منه !!
بالنسبه لمنهجنا العام مع نادية الدوسري كانت مواضيعه مأخوذه من ثلاث كتب مب كتاب واحد !!!:mh19:

[أمورهـ]

يعني خلاص نعتمد ونذاكر من كتاب حسن صالح مسلوت ولا فيه كتاب ثاني ؟؟؟

بريطانيا وهجرة اليهود الى فلسطين
- الوجود الفرنسي في لبنان

وهذولا الموضوعين مممكن تقوليلي الصفحات .. بصراحه مو لايقه حل له الموضعين..؟؟؟

[أمورهـ]

8
8

8
8

أختي ميلاد ممكن تردين على سؤالي ؟؟؟؟

[مودة]

لكن انا قسم جغرافيا وحاملة المادة
وبذاكر نفس المواضيع ؟؟؟؟؟؟؟؟

[ميلاد]

بنــــــات اليوم رحت الكلية وكلمت الدكتور ابراهيم فؤاد اخيرا .. وقالي الموضوعات نذاكرها من
نفس الملازم مالت العام اللي مع الدكتوره ناديه .. :mh001:

يعني لاتذاكرون من كتاب المسلوت ..

وان شاء الله نتخرج الاسبوع الجاي :praying:

[أمورهـ]

ميلاد رسلتلك رساله ياريت تردين علي :Cry111:

[ميلاد]

أموره رديت عليك بالبروفايل ..

وعشان الكل يستفيد بقولكم المواضيع اللي معنا بالامتحان :
من كتاب جلال يحيى معنا :( الحملة الفرنسيه على مصر\ وظهور محمد علي باشا )
ومن الملزمه الثانيه ماعرف شسم مؤلفها بس فيه كل الدول نذاكر منه :( مصر والسودان \ فلسطين وشرقي الاردن
\ سوريا ولبنان \ ليبيا )

وانا سألت الدكتور عن الاسئله قالي الاسئله مقالية بيجيب 6 اسئلة نختار 4 فقط نجاوب عليهم .

[أمورهـ]

الحين دكتور ابراهيم غير المواضيع ولا ؟؟؟ الحين نتعتمد ونذاكر هالمواضيع الي من الملازمه ؟؟ اكيييييد ولا نذاكر المواضيع الي قبل قالهم لناا ونذاكرهم من الكتااب ؟؟ اخاف بكرره يغيررر واكيد طريقته كذاا ؟؟ بصراحه موعارفه شسالفه :000::000::000:

[ميلاد]

لا المواضيع نفسها ما تغيرت بس هو كاتبها بأسلوب ثاني وانتي تدورينها بالملزمه
وانا سهلتها لكم وكتبت المواضيع بنفس العناوين اللي بالملزمه عشان تعرفون وينها !!

[مودة]

يابنات انا قسم جغرافيا وحاملة تاريخ العرب
واختباري يوم الاربعاء
يعني اذاكر نفس الاسئلة



ياليت احد يرد :s11::s11::s11:

[ميلاد]

والله ما أعرف يا موده .. ياليت احد من قسم الجغرافيا يرد عليج
او الحقي وروحي الكلية وسألي عن منهجكم !!!

[مودة]

ما اقدر اروح الكلية وارجع بنفس اليوم صعبة

[الأمل المنتظر]

اخت ميلاد اذا ممكن اسألك
عن موضوع ظهور محمد علي داخل معاه الثورة الوهابية ولا بس رأسمالية الدولة الي نذاكره