استغلال مادي فضيع للطالبات

[Student re]

صعقت اليوم من احدى الطالبات انها اشترت رابط 200من مكتبه الشـ.... >> خييييييرررر وين احنا فيه

وبالنسبه للسنه التحضيريه الكل يعلم ان الكتب قد تغيرت وهذا امر طبيعي لكن اسعارهاا قووويه
كتاب الرياضيات ب 500>> 300 من غير الرابط
و الكمياء ب200>>
و الفيزياء 450>> سعر خيالي
اللياقه 45>> سعر معقول

و اعتقد ان هناك اقسام تعاني من هذه المشكله

سؤالي هل الكتب تستحق هالمبلغ ، هل فيها اسلوب جديد يساعد على الفهم ؟!

و لا ننسى الكفتريا و زياده اسعارها > الواحد مو قادر يشتري لأن الاكل مو زين مره عجين ومره يابس و مره طعمه مو زين ومر ه زيت ومع كل هذا زايدين السعر


المعادلة الناتجه :
مصروفي + مكافأتي + تعبي + نفسيتي= استغلال
>> تأثرت خخخخخخخ

في نهايه الموضوع نصيحه مني لكم
الكتب الغاليه أو الي اسعارها معقوله لا تشترونها اول شي تأكدوا اذا الدكتوره بترسل العروض او لا
و اذا ما رضت وكان الكتاب غالي 200 أتفقو مع البنات و جمعو فلوس و اشتروه >> بيكون ارخص ،
و اذا تعرفين وحده معاها الكتاب صوريه

بالنسبه للكفتريا اذا شريتي شي و ما عجبك لا تشترينه مره ثانيه خليه يطيح في كبدهم ، و يحسون على دمهم و يغيرونه

والي تقدر تقدم شكوى او تقدر تقدم حل ، تسوي الي عليها الله يجزاها خير

الموضوع جاي متأخر بس مو مشكله ،
في الختام لنفكر بعقولنا ..

[الانتظاار]

والله يا اختي زاد امرهم مرررة
مدري يفكروا عندنا مال قارون !! جد استغلااااال
يعطونك المكافاة (هذا اذا صرفوها لنا ) بيد وياخذونها بايدي كثييير !!
الله المستعان ليت الكل يقاطعهم على الاسعار الخيالية ذي

[Student re]

ان شاء الله الكل يقاطع و يفكر بعقله

وباذن الله بنلاقي نتيجه

[Ochadina]

معك حق
المفروض يخلونه باقل من السعر المعروف مراعات للطالبات الجامعيات
والكتب اسعارها مره عالية معك حق خصوصا التخصصات الرياضيات والفيزياء
واخرتها بتكون عروض بعد مايتعبون البنات او يطلبونهم اكثر من مصدر

لان بعض البنات عندهم مشاكل مادية
يعني نلاقيها من ناحية الكافتريا ولا كتب ؟

ارجو التعاون من الجامعة مع الطالبات

او على الاقل يسوون فعاليات وبوفيهات للطالبات واشياء تشجيعية منهم تحمس

ويعطيك العافيه على الطرح ولكن لاحياة لمن تنادي

[samara-oo]

انا اشوف في جامعات ثانيه بالمكتبه اللي بالجامعه يوفرون جميع الكتب للمستوى الدراسي ب 500 بسس
صح احيانا الكتب يكون سعرها اقل من 500 لكن التحضيري السنه هاذي يعانون احس من اسعار الكتب
والكفتيريا حكايه ثانيه الله يهديهم مافيها شي زين ابد

[AMOOO-OON]

جد كلامكم انا اول م دخلت الكليه كانت الساندويش ب4 واللحين ب 6
مع انها م تغيرت ولا شيء
لا خاصه حقين الكروسان الجبن يصغرونها ويرفعون السعر
اللي جد ثابتين ع اسعارهم روابي الشام مع ان الجبن واللبنه المسكره عجين والا الباقي والاشياء المفتوحه ززينه

[Z€Zó ♥]

هههههههههههههههه بنات وش فيكم ع الجامعه ترا هي كذا من زمان ومستحيل تتغير لانه عاجبهم الوضع فخليك انتي الذكيه وخلي التغير فيك بالعربي جيبي اكلك من البيت كروسان عصير عااااادي ترا الحياه جميله بالجامعه مو شرط اتقيد بانظمتها عيشي جوك ياماما لا تنتظزينهم يغيرون اكلهم ولا سعرهم هم يبون يطفشونكم والله اخذيها نصيحه اذا مو عاجبك اكل جامعه جيبي اكلك من البيت ومحد ماسكك لانه الاغلبيه صار كذا. عادي وانا صحباتي كانو يجيبون محشي وحلى وورق عنب ومكرونه من بيتهم بس طبعا مو بصينيه تحطها بحافظه بلاستيك وتجيب شوك وملاعق للي يبي ونجلس وناكل والحمدالله ماشيكنا وضع الجامعه يعني الحياه احنا اللي بنمشيها بالجامعه مو مهم وربي اللي بنتظر ع تغير نظامهم وتجلس تتشكى ترا ذي اتوقع بتنهار قبل ماتتتخرج ههههههههههه بعيد الشر عنكم شسمه ذا قصدي طنش تعش تنتعش >> مادري هي كذا ولا هههههههههههه وشسمه شي اخير اذا ع الكتب مو لازم من مكتبة الجامعه وصي اللي معك بالقاعه اللي بتشتري كتاب تشتريليك معها عطيها قيمة الكتاب يعني تحسبن اذا مافي احد من اهلك بوديك المكتبه. او صوري الكتاب مو صعبه واذا ع قيمة الكتب غريبه انا اشوفها نفسها اللي بالمكاتب برا الجامعه ولا! ! استغرب من كلامكم انا مشتريه كتاب حق تخصص نفس سعر المكاتب يمكن بس التحضيري شادين عليكم شوي العموم طولت بس ماقول الا الله يصبركم ويكون بعونكم

[Student re]

Ochadina
مشكوره عزيزتي كلامك صحيح الله يهدي جامعتنا

samara-oo

سمعت بجامعه ان قسم الطلاب اشتكوا علشان فيه كتاب سعره ٣٠٠ و المسؤول كسر السعر و خلاه ب٣٠ ريال ً
و ان شاء الله تتغير جامعتنا للاحسن
اسعدني ردك مشكووره عزيزتي


AMOOO-OON

يا اختي شر البليه مايضحك الكفترياا مستغلينا عدل
و الاكل مو صحي ابدا هذا غير المحيط الي مليان بكتريا

لا زم يغيرون المطاعم كلهااا
مشكوره حبيبتي على التعليقك ��

Z€Zَ ♥

مشكوره حبيبتي و احنا نتقبل وجهه نظرك

[عبق ,,]

معاااكم حق
صار استغلال بشكل ملحوووظ
ع فكرة الجامعات الثانية مايشترون كتب > الجامعة توفرها للطلاب
لأن احنا طلّاب علم جايين ندرس , مو نُستهلك
لازم يكون فيه توازن بالطلبات
وللأمانة أكثر من مرة أشتري كتب بمبلغ وقدره
وفجأه الدكتور يغير رايه ويقرر ينزل عروض
زين و الكتاب ؟؟؟؟؟؟


اما الكافيتيريا , اسعار مرتفعة وأغلى من بيع السوق
ليتهم يضعون حد بالنهاية مو الكل يقدر وعنده ارتياح ماااادي
وفوق هذا كله مايقبلون تجيبين أكل من برا >> عشان لاتخسر الكافيتيريا
ورغم كذا برضو جامعات الدمام الثانية يدخلون أكل من برا لأنه حق من حقوق الطالبة
احنا في جامعة وليس معسكر

شكراً لك أختي على طرح الموضوع :106:

[kim roro3]

اتفق من ناحيه الاكل !! مو من زينه ورافعين السعار سلامات
الشي الثاني مافي اكل صحي ابدد كله دهون ومقالي :)
نقدر نجيب من برى بس مشوار كل يوم بقعد اشيل معي المفروض يوفرون هم هالاشياء !
اخخ لو نقاطعهم بس

[fa600m]

الكافتيريا لاااازم نقاطعها ..عشان يعرفون ان الله حق

[عبق ,,]

ليت يكون فيه اتفاق ويقطعون البنات الأكل فيها
بس لمدة يومين
شوفوا كيف الأوضاع بتتعدل

[روكات]

من وين جايبه هالمصدار العجيبه
من متى كتاب الرياضيات يوصل 500
او الفيزياء ب450
؟؟؟؟؟؟؟؟
شهالكذب..

والمطاعم نفسها هي الي مغليه اسعارها موب الكافيتيريا الي غلتها
وتسوون خير لو تقاطعون نفتك من زحمتكم شوي

[روكات]

ومن اصصصلا الي بيقاطع معاكم..حدكم خمس بنات بالكثير ..
هذا وجهي ان احد سمع لكم ..طالعين من المحاضرات جوعانين ..شياكلون!!!
وافرضي سويتي مظاهره..مافي احد بيبلغ عليك؟؟؟

[روكات]

انا معاك بنقطه وحده..
ان الكتب اسعارها غاليه بس مو مثل الاسعار الي حاطتها

[*Dhoha]

الكلية كل مالها و تصير أسوأ .. من جميع النواحي حتى اخلاق الموظفات اللي يسمع ندرس على حسابهم !! بالعربي المفروض يغيرون اسمها الى كلية الاستغلال و المذلة :) !

*رأي شخصي .. من لا يعجبه رأيي فليحتفظ بكلامه لنفسه :119:

[Student re]

روكات

عزيزتي انتي تفتقدين إلى ثلاث اشياء :
1- ليست لديك رؤية صحيحة 2- عدم احترام الاخر 3- وليس لديك ايثار

اعتذر عن التحاور معك

واشكر مشاركتك لأنها رفعت الموضوع

[Student re]

Dhoha
الدنيا فيها خير ... و بالعكس فيه منهم اخلاقة عالية و يحببك في الكلية
اما الفئه الثانية مالنا الا ندعي لهم بالهداية

و ان شاء الله تتغير للمستقبل

سعدت بردك

[Student re]

عزيزاتي انا لا ادعو الى مظاهرة
انا اطالب باحترام عقولنا ، انتي ذكية ما ترضين ان احد يستغلك
كتبنا وطالبنا بتغير المطاعم و لا حياه لمن ينادي ... و انا ماقلت لك لا تشترين من الكفتريا ..اذا شريتي شي و ما عجبك لا عاد تشترينه قاطعية بس >> كل هذا في مصلحتك

و اذا استمر هذا الشي انا وانتي ما راح نتضرر ، الدفعات الي بتجي هي الي بالتتضرر اكثرمنا لانهم راح يستمرون

وفي النهاية انا كتبت الموضوع لاني مستنكرة الوضع و من باب حب لاخيك ما تحب لنفسك لاننا في النهاية مسلمين

[AMo_ON]

بنات وش فيكم قاعدين تتهاوشون
هذا نقاش كل وحده تكتب وجهة نظرها وبس
و اذا حابين تشاركون سحر المقاطعه بكيفكم
و اذا مو حابين بعد بكيفكم محد غصبكم
البنت ماضربت البنات على ايدهم و غصبتهم يشاركون معها !

و بالتوفيق يارب :)