مراكز الاختبار

[Az_gh]

لوسمحتو انا حددت بأي منطقه اختبر بس ماحددت المركز ويقولون قفلوه يعني مافيه أمل يفتح مره ثانيه؟؟؟؟:Cry111:

[tOpsy tuRvy]

+1
انا عندي نفس المشكلة ما عرفت من وين احدد مركز الاختبار

[عبدالخالق محمد]

السلام عليكم

انا مثل الكثيرين من الزملاء متابع وبشكل يومي لأيقونة تحديد مركز الإختبارات وذلك بحسب التقويم الزمني والمحدد بدءا من تاريخ 4نوفمبر الي 8نوفمبر ولكن لوحظ أن الأيقونه المذكورة لم تفتح نهائياً أكرر لم تفتح نهائياً ،،، والله وحده أعلم

[Judy.]

لا اخوي فتحت الأيقونة من بداية دراستنا

[tOpsy tuRvy]

صحيح فتحت بداية الدراسة وكانت إلزامية وحددت انا مركز الاختبارات
بس المشكلة الجدول الزمني بتاريخ ٤ نوفمبر يجب فيه تحديد مركز الاختبارات

ما أدري الجامعة الظاهر جالسه تمارس نظام من الخداع لتنشيط ذاكرتنا اكثر !! :)

[أم عنود]

لا ماانفتحت ابد تكفون لاتخوفوني لايكون راح علي تحديد المركز

[sweetness~!]

اللي اختار المركز بدايه الدراسه ما يحدد مره ثانيه
و اذا ما حددت
فـ مركز الامتحانات يتحدد تلقائي من بياناتك و مكان اقامتك الموضحه في اوراقك عند الجامعه
لكن التحديد افضل لك على كل حال عشان يكون لك مقعد

[Besh Mohammad]

انا حددت من بدايه السنه الحمدلله

[غدير النجار]

انا حددت في الخرج لاكن في اي مدرسه او اي كليه ماحددت في شكل علي

[أملي ربي]

انا من البداية لسى ماحددت شي بالمركز الاختبار انا بالرياض اخاف ادا فاتني التحديد يخلوني اختبر بالاحساء ؟

[Noooralgamar]

لسسسى مافتحت الايقونه

[Alhanouf-Ala]

حددنا الرياض والشمال بس طيب كيف نعرف ايش اسم المر كز او الموقع وين؟!

[ام سهم]

ف بدايه الدراسه تحدد المنطقه

لكن الى الان لم يتم فتح ايقونه تحديد مركز الاختبار

[فهد فايز]

انا حددت من البدايه اللهم لك الحمد
وموفقين خير ان شاء الله

[Abu_Fahad]

راسلت الدكتور عبدالله الفريدان أمس بخصوص طلب تغيير مدينة الأختبار وكان رده

( تابع موقع العمادة ورسائل الجوال عن موعد فتح ايقونة تحديد المراكز )

وللاستضاحه أكثر كلمت عمادة التعليم عن بعد اليوم وكان رد الموظف

الموظف : متى حددت ( بتعجب !! ) ؟
انا : بداية الدراسة الزمتونا بتحديد المدينة !!
الموظف : بتفتح ايقونة تحديد مراكز الاختبار الايام القادمة واختر المدينة الي تبيها
انا : لتأكيد يعني الاختيار السابق غير معتمد وبامكاني اذا فتحت الآن اختار مدينة غير الأختيار السابق؟
الموظف : نعم

[shboosh]

طيب انا حددت المركز من البدايه بس ماحددت وين بضبط يعني باي مدرسه او اي مكان بتحديد

[خالديه العنزي]

فيه ايقووونة فتحت بدايه الترم و انا وبعض الطلاب حددناااا

وهي اخيااار المدينه فقط اللي انت تبي تختبر فيهاااا

ولسه ما نزل اي مدرسه و اي كليه انت تختبر فيهاااا بالتفصيل

و اتذكر ب الاصح..... حددت انا شرق الرياض مو الرياض بس


ف الزبده ..... لا تخافوناا ولا تخافون في امل تفتح ايقوونة تحديد الموقع

[alhrby1]

الله يسرها ان شاء الله واكيد بيفتحون الايقونه بس ع الاقل يلتزمون بالتواريخ مو يتاخرون علينا كذا .....


والله مخلينا برعب كل واحد خايف يروح عليه وقت تحديد الاختبار !!!!

[Abu_Fahad]

حسب مافهمت من ردود الجامعة ان الأيقونه بتفتح قريباً وبتبداء التحديد من جديد

[Almase]

يعني هم انفسهم غير ملتزمين بالتقويم الزمني الخاصة بالجامعة ,,, الله المستعان

طيب كيف نعرف متى بالضبط ..!! اخاف انشغل بالمذاكرة وانساها وتروح علي..
علما اني حددت المنطقة ف بداية الترم

[salemths]

صبر جميل و الله المستعان