مقتطفات شعريه أعجبتني

[حلمي أكون طبيبة]

يسعد صباحك .. ليلنا تو ماجا
الشمس غابت واشرقت عندكم شمس
هى شمسنا اللي في جبينك تلاجا
والا قمرنا اللي فقدناه من امس
ليل السما برد وسحاب وعجاجا
يامن يشب النور في الخاطر العمس
انتى وانا لو كان منا نتناجــا
لاماطفت في خاطري شمعه الهمس
ياللى جرحتك مالجرحي علاجا
ادري الجروح النازفه تكره .. اللمس
بقول احبك وان عقدتى الحجاجا
لا قولها ثنتين واربع مع خمس
ويسعد صباحك يابعد كل ماجا
وماراح من عمري وانا في رجا الشمس

[حلمي أكون طبيبة]

تالي نهار وعاتق الشمس مذبوح
والوقت لو تدرين للوقت ذباح
كن السما صوتً من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
حبيبتي ضاق الفضى وين باروح
وان رحت ظلم النفس للنفس ما راح
مجروح ماهو هم لو قلت مجروح
يالله عسى ما اصير في قلبك جراح
تبسمي برقٍ على ثغرك يلوح
بشد له مدام في العمر مـرواح
غزيت وجه الصبح من غير مصلوح
وانكفت دون الشمس هقوات ورماح

[حلمي أكون طبيبة]

في آخر الصفحه .. يسار ..

خبر صغير .. حادث قطار .. مات أربعة ..

مكتوب في السطر الأخير ..

باقي التفاصيل .. في الصفحة العشرين ..

على الثرى .. وبين الورق ..

أجسادهم امقطعة ..

الأربعة .. لجل المساحة ماتشيل ..

وفي باقي الصفحة صور ..

فنان .. وحصان .. و كور ..

وابحث عن الخبر الحزين ..

في نهاية الصفحه يمين ..

حادث قطار ..

ماتوا ثلاثة وطفل ..

وباختصار .. شديد .. شديد ..

كان القطار .. هو الوحيد ..

اللي بأسم ..

بلا ملا مح .. أو أسامي ..

ليه كلنا نموت ..

ليه نهمل الجثه ..

ونتذكر التابوت ..

لأقدامنا صوت ..

من يسمعه ..

من يسمع الأقدام..

هم مروا من تحت الكلام..

الأربعة ..

وصاروا أرقام .. أرقام ..







أنا رقم .. اصقه ضرير ..

المشكلة .. مثلي كثير..

يجمعنا حب الهاويه ..

احلامنا .. انا نصير..

وقاماتنا متساويه..

نركض على ورق الحياه ..

لين ننمحي ..

المشكله مانستحي ..

إنا نمرّ ..

ماشافنا انسان ..

ولا سمعنا انسان ..

اكتبني يالنسيان ..

انا رقم ..



















145