اللغة الانجليزيه تعقدت منهاا

[عهود الغامدي']

السلام عليكم ورحمة الله وبركاته
اللهم صلِ وسلم على سيدنا محمد


هذا الترم انا عندي 8 مواد من كل مستوى قطفت زهره < :16.jpg: من الشطاره

وعندي اللغة الانجليزيه من مستوى أول حملتها وتوي أدخلهاا
بصراحهه مو شاطره في الانقليش
أخذت مدرسه تشرح لي بس أفهم وقت تشرح وبس بعدين أنسى :bawling:

* وشوفت وحده من قريباتي شاطره مممره أخذت في الماده 60
تقول ان الاسىله مممره صعبه :139:


وبصراحه فكرت في اني اخذف المادهه
بس أخاف احذفهاا واندم واخاف اخليها وارسب فيهاا

سااعدوني الله يرزقكم الجنه :bawling::004:

[taghreed.Alotaibi]

وعليكم السلام ورحمة الله وبركاته ..

-

مادة الانجليزي في مستوى اول تشمل تقريبًا كل شيء يخص الانجليزي
كتابة - قراءة - قواعد

اول شيء عليك تابعي مع الدكتور
بعد كل محاضرة وفرّي اسئلة من الملتقى والحين ماقصروا حطوا كويزات
شوفي اذا فيه كويزات للمحاضرات و اختبري نفسك بعد كل محاضرة راح تثبت المعلومة

ثانيًا قواعد الانجليزي تلخبط
تأكدي انك تحفظين كل قاعدة و تطبقينها على التمارين بشكل شبه يومي
لانك لو خليتيها بتنسينها

ثالثًا واخيرًا تعودي على القراءة .. القطعة تقريبًا تكون دائمًا سهله و اذا عرفتي لها بتكونين ضمنتي درجات ان شاء الله

هذا اللي عندي ولو احتجتي مساعده انا بالخدمة
اذكر كثير حملوا المادة وكانت بالنسبة لي سهله مع اني ماذاكرتها :Looking_anim:

عمومًا الله يوفقك و يسهل عليك :004:

[عهود الغامدي']

taghreed.Alotaibi

يعطيك العافيه أختي على الرد الجميل والمفيد
مـآ تقصرين *

[غيداآء]

وعليكم السلام ورحمة الله وبركاته

لا لا تحذفينها انتي كذا ولا كذا ماخذتها ف انجزيها هالسمستر وارتاحي الماده مو صعبه انتي بس ركزي عالقواعد مع التطبيق مثل ماقالت لك تغريد وماعليك من ردود اللي ماخذينها قبل مو شرط يمكن انتي تكون وياك سهله في حالة انك ركزتي ومع الدكتور ان شاء الله راح تمشينهاا والقطع سهله مرا لاتفوتينها

واذا مافهمتي على الدكتور عمار افتحي شروحات من اليوتيوب للقواعد نفسها لان ماادري عن شرحه مافتحت له ولا محاضره :16.jpg:

الملزمه وبس والامتحان كان جميل

بالتوفيق ... :106:

[أقرب إلى الخيال]

المادة سهلة جداً

بس يبي لك ترجمة القواعد بشكل جيد ومعرفة تصاريف الأفعال

بس من تجربتي الخاصة مع اللغة الانجليزية بشكل عام ، الشخص الي مو كويس بقواعد اللغة العربية فالله يعينه لأنه راح يضيع فيها

وبالتوفيق

[عهود الغامدي']

غيداآء / تسلم يدكك عزيزتي

أقرب إلى الخيال / يعطيك العافيه على المرور

و ب التوفيق للجميع

[حمد زيد]

اختي اللغة الإنقليزية سهلة جدا عليك بس متابعة الدكتور ومحاولة ترجمة بعض الكلمات اللي تصعب عليك ،، و كلنا هنا لمساعدتك في حال صعب عليك شي او ما فهمتيه ،، و ان بغيتي اي مساعدة في هالمادة راسليني على الخاص و ابشري بكل خير ... موفقه اختي

[عهود الغامدي']

حمد زيد
شكراً لمروركك , ماتقصر .

[عهود الغامدي']

يَ أخواني واخواتي أنا مشكلتي

في الكلمه ومعناهاا وربي كثيره ما أقدر أحفظهااا
:(

[هدى العنزي]

انا اشوف ان الماده سهله ومبسطه عاد الله يستر من الاختبار بس ان شاء الله نجتازها ، عندك في الاستغرام افكار 4 انجلش ابحثي عنهم صراحه شروحاتهم سهله وبتفيدك ان شاء الله ولا تنسين تستسهلين الصعب لانك لو استصعبتيه ماراح تجتازيه
واخيرا اسال الله لي ولكم التوفيق

[*Meem*]

يَ أخواني واخواتي أنا مشكلتي

في الكلمه ومعناهاا وربي كثيره ما أقدر أحفظهااا
:(


عشان تحفظيها سجليها عندك وحطي كل كلمه بجمل واشكال مختلفه
مثلاً Tough (بمعنى قاسي, صعب, صلب, قوي)
the cookies were very tough and dry
you need to toughen up a bit
The test was tougher than I thought
Firefighters have one of the toughest jobs in the world
كذا راح تعلق في البال ويسهل حفظها
بالتوفيق

[غيداآء]

انا اشوف ان الماده سهله ومبسطه عاد الله يستر من الاختبار بس ان شاء الله نجتازها ، عندك في الاستغرام افكار 4 انجلش ابحثي عنهم صراحه شروحاتهم سهله وبتفيدك ان شاء الله ولا تنسين تستسهلين الصعب لانك لو استصعبتيه ماراح تجتازيه
واخيرا اسال الله لي ولكم التوفيق


تستسهلين الصعب صححح عليك :(204):

[عهود الغامدي']

هدى العنزي { يعطيك العافيه على المرور ,
رح ابحث عنهاا إن شاء الله .

*Meem* { فكرهَ حلوه , جزاك الله خير
بأسويهاا إن شاء الله .

غيداآء { يعطيك العافيه على المرور ,
الله يسر ما كان عسر .


و ب التوفيق للجميع :rose:

[taj_roos]

فعلا الإنجليزي يجمع بين الفهم والحفظ
والأهم التطبيق والممارسة
لما تفهمين قاعدة أو تحفظين كلمة على طول طبقيها وتدربي عليها
جربي تتفلسفين على صديقاتك في الواتس وغيره ههه

وأهم شي مستواك في المواد الأخرى لا يتأثر
إذا حسيت إنها صعبة عليك هالترم .. إحذفيها وخذيها ترم تكونين منتي مزحومة فيه

وربي يوفقك

[المنصور]

هذا رابط ملخص ممتاز جداً
اذا كانت المادة الغة الانجليزية العامــة انصح به فهو مفيد
https://dl.dropboxusercontent.com/u/36889822/EnglishFacitilate4KFUStudent.pdf

[عهود الغامدي']

taj_roos / الله يعين ,
وين اتفلسف على صديقاتي وهم كلهم داخلين تخصص انقليش
عموماً يعطيك العافيه ع المرور


المنصور / جزاك الله خير ,
و الله يعطيك العافيه على المرور

[tahani.m.t]

والله انا الي حالتي صعبه صعبه توني مستوى اول وماده الانقلش احس فيه صعوبه مو عارفه كيف اذاكرها وادرسها واحفظها لي وقت وانا اقلب الماده وحتى اني جبت لي مدرسه تشرح لي بس ماش المخ مقفل وبعد من زود الشطاره داخله تخصص انقلش الا غصب ابي اتعلم هذه الغه امنيتي اتعلمها يارب سهل علي وعلى كل مسلم

[tahani.m.t]

والله انا الي حالتي صعبه صعبه توني مستوى اول وماده الانقلش احس فيه صعوبه مو عارفه كيف اذاكرها وادرسها واحفظها لي وقت وانا اقلب الماده وحتى اني جبت لي مدرسه تشرح لي بس ماش المخ مقفل وبعد من زود الشطاره داخله تخصص انقلش الا غصب ابي اتعلم هذه الغه امنيتي اتعلمها يارب سهل علي وعلى كل مسلم

[الحلم1]

نفس مشكلتي المخ مقفل