تحديد التخصصات لكلية العلوم تم فتح الرابط

[أم العنود]

حرصاً من كلية العلوم على تسهيل إجراءات عملية تحديد التخصصات، فقد تم وضع صفحة على موقع الجامعة تنظم هذه العملية، ذلك بأن يقوم الطالب/الطالبة بالخطوات التالية:
1) ادخال اسم المستخدم وكلمة المرور (الخاص بنظام البانر).
2) اختيار التخصص في الحقول حسب ترتيب الرغبات.
3 الضغط على "تنفيذ" لإتمام عملية تحديد التخصص.
فترة تحديد التخصصات متاحة ابتداء من يوم الأحد 7/1/1435هـ إلى 20/1/1435هـ.

اضغط هنا للذهاب لصفحة تحديد التخصص. (http://apps.kfu.edu.sa/STDWishes/)
http://apps.kfu.edu.sa/STDWishes/


ملاحظات هااامه://
الرابط يمكن مايفتح معكم تمام بانترنت اكسبلور
افتحوة من شورما او اوبرا او فيفوكس او اي مرحك اخر وبإذن الله بيضبط معكم
راح يفتح لك وبياناتك بتجيك كاملة نسبتك الموزونه والقدرات والتحصيلي واسمك ورقمك الاكاديمي و... و... كلها بتلاقونها متواجده فقط عليكم اختيار الرغبات الاربع بالترتيب
انتبهوا بنات رتبوا رغباتكم بالترتيب من الاعلى للاقل ..,,

بعدها اضغطوا موافق بعدها بتجيكم صفحة الرغبات
ولابد تسوين تسجيل خرج
بتلاقون فوق علامة ايقاف ع اليمين هذي هي تسجيل الخروج
اي استفسار انا متواجده

طريقة الدخول هنا
http://im39.gulfup.com/ZBYjo.png


http://im31.gulfup.com/Dh6Gl.png
http://im39.gulfup.com/5x4Oi.png

[اكوس شي]

ام العنود اسجل بياناتي يقول غلط الباسورد صح والاي دي صصح
بس مو راضي يفتح

[أم العنود]

غيروا المتصفح انترنت اكسبلور ماراح ينفع

[خواطر انسآن]

يعطيك ربي الف عافيه
ماقصرتي

[أم العنود]

الله يعافيك خواطر
بشروا اخبار الامور معكم؟

[اكوس شي]

مااضبط معي جربت بقوقل شرم وموزريلا مااضبط وش السواه؟

[دمعة الخاطر]

السلام عليكم انا جربت ادخل من الفير فوكس ولا ضبط معي شنو اسوي
مع العلم انا من دفعة 2013

[خواطر انسآن]

السلام عليكم انا جربت ادخل من الفير فوكس ولا ضبط معي شنو اسوي
مع العلم انا من دفعة 2013

كيف من دفعة 2013 ولا تخصصتي ؟؟؟

[خواطر انسآن]

مااضبط معي جربت بقوقل شرم وموزريلا مااضبط وش السواه؟

اول شي تآكد من الباسور والرقم الاكاديمي انه يفتحون معك بالبنر
اذا كل شي اوك جرب جهاز ثآني

[اكوس شي]

انا نفس الاخت دمعه 2013 لاني العام تحضيرية والسنه هذي حولت وجيت علوم والسنه هذي انا مع المستجدين بكليه العلوم
نظاام البنر يفتح معي كل شي اوك جربت من الجوال نفس الممششكله مايفتح

[joolya2009]

يعطيك العافيه غلاتي ما قصرتي

[أم العنود]

اها الرابط فقط لدفعة 2014 راجعوا الجامعه

[أم العنود]

يعافيك ربي جوليا ربي يوفقكم

[اكوس شي]

الف ششكر اختي ام العنود تعبناش معنا ع القوه ان شاءالله
اانا اتصلت ع المسجل مايرد مافي الا بكره الصصباح اروح له
بس حركتهم ملا امها داعي لانه في طلاب واجد من دفعه 2013 المفروض مع الككل

[أم العنود]

الله يعينكم وييسر اموركم يارب

[صديق العالم]

دخلت في البداية وحطيت التخصصات وطلعت وبعدين دخلت من جديد (لقافة) شفت نسبتي الموزونة نزلت :/

اراجعهم ولا مايحتاج

[أم العنود]

كيف نسبتك الموزونه نزلت ؟! عادي تقدرون تعدلون تخصصاتكم وتسون موافق

[أم العنود]

فهمت قصدك احتلت نسبة القدرات مكان الموزونه والقدرات صارت نسبة الثانوية..,,
الكل اذا سوا تعديل بيلاحظ كذا ان النسبة الموزونه مكتوب بالاساس نسبة القدرات
وبتلاقي القدرات مكتوبة نسبة الثانوية

[N.F.1414]

تظهر لي رسالة "اسم المستخدم أو كلمة المرور غير صحيحة". علماً بأني من دفعة 2013 (محولة), ما هو الحل؟, و شكراً.

[N.F.1414]

تظهر لي رسالة "اسم المستخدم أو كلمة المرور غير صحيحة". علماً بأني من دفعة 2013 (محولة), ما هو الحل؟, و شكراً.

[мя_šααđ]

الاخ / الاخت : N.f.1414

الرابط فقط للمستجدين هالسنة لان النسب الموزونة ومعلومات الطالب المستجد محفوظة عنده بالنظام ولان الموقع جديد وتو يطبق هالسنة

يعني نسبككم اللي دخلتوا بها السنة اللي راحت ولا اللي قبلها موجودة عند ادارة القبول والكلية وماتوقع حطوها مع النظام الجديد لكي يتعرف على نسبكم فقط المستجدين مثل ماقلت فوق ..

هذا والله اعلم .. بس لازم تراجعون وتتأكدون //